От Иакова 2
2
Пиниқлъюки Юлгутыси
1Ухпықа̄лгутымни, ухпықиңутыхпысиның Атанымнъың Иисус Христосымың, Атанӷаның ниӷуҳқылъҳым сюмыҳтаӷа̄ткыхпынаки иляңи югым мыгнунаӷатаӷаӷнилюки илямыхның. 2Ма̄лӷук югык итыӷьяқуйык қырңуӷутфихпысинун, а̄лъҳа а̄шаӷлюни, золотамың аляңқуӷӣтиҳтуӷлюни, а̄лъҳа а̄ткалюкаҳлъюни, 3та̄на а̄шаӷңалӷӣ ю̄к пикуфсигу: «Хўагун ақуми пинилъҳакун ақумутам», нақам аклъюмалӷӣ ю̄к пикуфсигу: «Таўани ныкывӷа», налиӷмың: «Ақуми итыгама ся̄ӷўакун», 4таўатын пикуфси пакихулъықаси иляңи югыт ынка̄м сыӷлыҳқылъықуси сюмыҳтаӷаткаҳтыкилъю.
5Пиниқыхкамни ухпықа̄лгутымни, нагатаҳтыкқун. Кияӷныӷым накмикыхкақӣ аклъюма̄лӷӣт нунами хўани ухпықилъыҳтусқылъюки. Накмикыхкақӣ тугуклъиҳтыңулюки Атаныҳпагулъыӷминың, акықусяқыхкаминың югминун, пиниқиңалӷӣнун лъңаның. 6Иўырңа лъпыси аклъюма̄лӷӣт югыт укалӣстақаси. Лӣсимакаси аклъюңилңӯт пияқлъӣҳқақӣси, агля̄тақлъюси нанқихтивигмун. 7Лъңаңут сыӷлытун акузиткилӷӣт қӯлваӷңалӷӣмың а̄тҳаның Иисусым, атық тӯныхкақ лъпысинун қаюҳлъяк лъңан пикыхкаңиси.
8Кияӷныӷым Атаныҳпагулъҳан Лӣлиҳтӯся̄ уна̄ңуқ: «Пиниқлъюку юлгутын пиниқылъыҳпытун лъпынун катам». Қа̄тқыхкуфсигу та̄на Лӣлиҳтӯсяқ, та̄ўа пинитун пӣси. 9Иўырңа пакихускуфсики иляңи югыт сыӷлыҳқылъықуси, қа̄ткынъа̄нӷитаҳсилъю та̄на Лӣлиҳтӯсяқ. 10Китум қа̄ткысяӷңа̄ӷмики қамахлъюки Кияӷныӷым Лӣлиҳтӯсӣ, ата̄сиқ қа̄ткынӷилъкумигу, қамахлъюки қа̄ткыңъунӷитӣ. 11Кияӷнық пика̄гуқ: «Гылгаӷнӣҳпынаң». Хўатынлъю пика̄гуқ: «Юхтаҳпынаң». Гылгаӷнӣнӷисяӷңа̄ҳпык юхтақувык та̄ўа қа̄ткыңъунӷитатын Кияӷныӷым Лӣлиҳтӯсӣ. 12Акузилъыҳпысигун, сялъыҳпысигун пира̄мсилюси қаюҳлъяк лъпысиңӯси нанқихсяҳқат мыгнуналъыҳпигаҳқун Лӣлиҳтӯсякун. Та̄м Лӣлиҳтӯсям итымуткақӣси атуқысқылъюку Кияӷныӷым пиюкылъҳа лъпысинун. 13Кияӷныӷым нанқихтыкумиси наңлъыгьягунъа̄нӷитӣси, наңлъыгьягунъыӷилъкуфсики юлгутыси. Иўырңа наңлъыкыхкуфсики юлгутыси Кияӷныӷым наңлъыгьягулъықӣси.
Ухпықилъықлъю, Аныӷныҳқылъықлъю
14Ухпықа̄лгутымни, кина хўатын пиӷңа̄ӷми: «Ухпықилъылгӯңа», иўырңа та̄м ухпықилъҳан югулина̄нӷита̄ атуқынӷилъкумигу ухпықилъыни аныӷныҳқилъыӷмикун. Сясӣлъықаңам ухпықилъҳа аныӷныҳқилъңунани? 15Сянаяӷыстык ухпықа̄лгутыси а̄ткӣсяқанлъю, нықаңисяқанлъю? 16Тӯныхпына̄н аклъюкыхка̄ның тымңи хўатын пикуфсигу: «Кияӷныӷым қуясна̄ӷа̄тын; сюнаңуқ ныӷьяҳқаңилъю, а̄ткаңилъю мақалӷӣмың», сясӣлъықанңам акузитыси аныӷныҳқилъңунатың? 17Ухпықилъықлъю таўатытуқ, аныӷныҳқилъыҳқун атуқынӷилъкуми сясӣнӷитуқ.
18Кина пилъықуқ: «Лъпык ухпықилъылгӯтын, хўаңа аныӷныҳқылъылгӯңа». Кылгувикиңа ухпықилъыҳпының аныӷныҳқилъҳилңуӷмың, кылгувикылъықамкын ухпықилъымның аныӷныҳқилъымкун. 19Ухпықан ата̄сиҳа̄таңа Кияӷнық. Та̄на пиниҳтуқ! Туӷныӷа̄тлъю ухпықақа̄т та̄на ынка̄ңам алиңрӯӷақут, уңылыхтақут қаюҳлъяк лӣсимакыхкаңат Кияӷныӷым нанқихсяҳқақыхкаңи. 20Уюқ налъю̄қақ ю̄к, паниның лӣгикигасигӯ ухпықилъық аныӷныҳқилъңунани сясӣнӷитуляңа? 21Сяңан Кияӷныӷым тугуклъиқақагу сивуныҳпут Авраам сыӷлыҳқумаңилңуӷыстун? Тугуклъиқақа̄ Авраам қаюҳлъяк ухпықилъыни атуқыхкақа̄ аныӷныҳқылъыӷмикун аҳқуткақңамигу иӷныни Исаак аҳқыфигыгныкун. 22Лӣгиксигӯ? Ухпықилъықлъю, аныӷныҳқилъықлъю қырңа̄гмык қыпҳақаюгӯк. Тама̄кын апалъюқлъюку Авраамым ухпықилъҳа ӣӷўиҳтыкақа̄ аныӷныҳқылъыҳқун. 23Ынка̄м Акузитыт Игақыхкат хўатын пилъҳит Авраамымың апыӷӣқа̄гут: «Авраамым ухпықыхкақыхкаңа Кияӷнық. Тама̄кын апалъюқлъюку Кияӷныӷым тугуклъиқақыхкаңа Авраам сыӷлыҳқумаңилңуӷыстун». Ынка̄м Кияӷныӷым Авраам илякумта̄қнилюку пикақа̄. 24Кияӷныӷым тугуклъиӷақа̄ ю̄к аныӷныҳқилъҳакунлъю, ухпықилъҳакунлъю; тугуклъӣгата̄ ухпықилъыра̄ӷина̄кун.
25Раавылъю успута̄гуқ. Акикикаюгуялӷӣ югусиминың. Иўырңа Кияӷныӷым тугуклъиқақыхкаңа сыӷлыҳқумаңилңуӷыстун апалъюқлъюку каюсиӷилъҳа. Иисус Навинам каяхтыкақыхкык ма̄лӷук югык аксяқлъюку нунаңат ювӷӣӷысқылъюку. Югыт иваӷьяткык, Раавым алъякун тӯмкун анахтыстыкакык.
26Ынка̄ңам югусиқ таӷныӷаңунани туқуңа̄қ, ухпықилъықлъю аныӷныҳқилъңунани туқуңа̄қ.
Currently Selected:
От Иакова 2: ess2
Highlight
Share
Compare
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
От Иакова 2
2
Пиниқлъюки Юлгутыси
1Ухпықа̄лгутымни, ухпықиңутыхпысиның Атанымнъың Иисус Христосымың, Атанӷаның ниӷуҳқылъҳым сюмыҳтаӷа̄ткыхпынаки иляңи югым мыгнунаӷатаӷаӷнилюки илямыхның. 2Ма̄лӷук югык итыӷьяқуйык қырңуӷутфихпысинун, а̄лъҳа а̄шаӷлюни, золотамың аляңқуӷӣтиҳтуӷлюни, а̄лъҳа а̄ткалюкаҳлъюни, 3та̄на а̄шаӷңалӷӣ ю̄к пикуфсигу: «Хўагун ақуми пинилъҳакун ақумутам», нақам аклъюмалӷӣ ю̄к пикуфсигу: «Таўани ныкывӷа», налиӷмың: «Ақуми итыгама ся̄ӷўакун», 4таўатын пикуфси пакихулъықаси иляңи югыт ынка̄м сыӷлыҳқылъықуси сюмыҳтаӷаткаҳтыкилъю.
5Пиниқыхкамни ухпықа̄лгутымни, нагатаҳтыкқун. Кияӷныӷым накмикыхкақӣ аклъюма̄лӷӣт нунами хўани ухпықилъыҳтусқылъюки. Накмикыхкақӣ тугуклъиҳтыңулюки Атаныҳпагулъыӷминың, акықусяқыхкаминың югминун, пиниқиңалӷӣнун лъңаның. 6Иўырңа лъпыси аклъюма̄лӷӣт югыт укалӣстақаси. Лӣсимакаси аклъюңилңӯт пияқлъӣҳқақӣси, агля̄тақлъюси нанқихтивигмун. 7Лъңаңут сыӷлытун акузиткилӷӣт қӯлваӷңалӷӣмың а̄тҳаның Иисусым, атық тӯныхкақ лъпысинун қаюҳлъяк лъңан пикыхкаңиси.
8Кияӷныӷым Атаныҳпагулъҳан Лӣлиҳтӯся̄ уна̄ңуқ: «Пиниқлъюку юлгутын пиниқылъыҳпытун лъпынун катам». Қа̄тқыхкуфсигу та̄на Лӣлиҳтӯсяқ, та̄ўа пинитун пӣси. 9Иўырңа пакихускуфсики иляңи югыт сыӷлыҳқылъықуси, қа̄ткынъа̄нӷитаҳсилъю та̄на Лӣлиҳтӯсяқ. 10Китум қа̄ткысяӷңа̄ӷмики қамахлъюки Кияӷныӷым Лӣлиҳтӯсӣ, ата̄сиқ қа̄ткынӷилъкумигу, қамахлъюки қа̄ткыңъунӷитӣ. 11Кияӷнық пика̄гуқ: «Гылгаӷнӣҳпынаң». Хўатынлъю пика̄гуқ: «Юхтаҳпынаң». Гылгаӷнӣнӷисяӷңа̄ҳпык юхтақувык та̄ўа қа̄ткыңъунӷитатын Кияӷныӷым Лӣлиҳтӯсӣ. 12Акузилъыҳпысигун, сялъыҳпысигун пира̄мсилюси қаюҳлъяк лъпысиңӯси нанқихсяҳқат мыгнуналъыҳпигаҳқун Лӣлиҳтӯсякун. Та̄м Лӣлиҳтӯсям итымуткақӣси атуқысқылъюку Кияӷныӷым пиюкылъҳа лъпысинун. 13Кияӷныӷым нанқихтыкумиси наңлъыгьягунъа̄нӷитӣси, наңлъыгьягунъыӷилъкуфсики юлгутыси. Иўырңа наңлъыкыхкуфсики юлгутыси Кияӷныӷым наңлъыгьягулъықӣси.
Ухпықилъықлъю, Аныӷныҳқылъықлъю
14Ухпықа̄лгутымни, кина хўатын пиӷңа̄ӷми: «Ухпықилъылгӯңа», иўырңа та̄м ухпықилъҳан югулина̄нӷита̄ атуқынӷилъкумигу ухпықилъыни аныӷныҳқилъыӷмикун. Сясӣлъықаңам ухпықилъҳа аныӷныҳқилъңунани? 15Сянаяӷыстык ухпықа̄лгутыси а̄ткӣсяқанлъю, нықаңисяқанлъю? 16Тӯныхпына̄н аклъюкыхка̄ның тымңи хўатын пикуфсигу: «Кияӷныӷым қуясна̄ӷа̄тын; сюнаңуқ ныӷьяҳқаңилъю, а̄ткаңилъю мақалӷӣмың», сясӣлъықанңам акузитыси аныӷныҳқилъңунатың? 17Ухпықилъықлъю таўатытуқ, аныӷныҳқилъыҳқун атуқынӷилъкуми сясӣнӷитуқ.
18Кина пилъықуқ: «Лъпык ухпықилъылгӯтын, хўаңа аныӷныҳқылъылгӯңа». Кылгувикиңа ухпықилъыҳпының аныӷныҳқилъҳилңуӷмың, кылгувикылъықамкын ухпықилъымның аныӷныҳқилъымкун. 19Ухпықан ата̄сиҳа̄таңа Кияӷнық. Та̄на пиниҳтуқ! Туӷныӷа̄тлъю ухпықақа̄т та̄на ынка̄ңам алиңрӯӷақут, уңылыхтақут қаюҳлъяк лӣсимакыхкаңат Кияӷныӷым нанқихсяҳқақыхкаңи. 20Уюқ налъю̄қақ ю̄к, паниның лӣгикигасигӯ ухпықилъық аныӷныҳқилъңунани сясӣнӷитуляңа? 21Сяңан Кияӷныӷым тугуклъиқақагу сивуныҳпут Авраам сыӷлыҳқумаңилңуӷыстун? Тугуклъиқақа̄ Авраам қаюҳлъяк ухпықилъыни атуқыхкақа̄ аныӷныҳқылъыӷмикун аҳқуткақңамигу иӷныни Исаак аҳқыфигыгныкун. 22Лӣгиксигӯ? Ухпықилъықлъю, аныӷныҳқилъықлъю қырңа̄гмык қыпҳақаюгӯк. Тама̄кын апалъюқлъюку Авраамым ухпықилъҳа ӣӷўиҳтыкақа̄ аныӷныҳқылъыҳқун. 23Ынка̄м Акузитыт Игақыхкат хўатын пилъҳит Авраамымың апыӷӣқа̄гут: «Авраамым ухпықыхкақыхкаңа Кияӷнық. Тама̄кын апалъюқлъюку Кияӷныӷым тугуклъиқақыхкаңа Авраам сыӷлыҳқумаңилңуӷыстун». Ынка̄м Кияӷныӷым Авраам илякумта̄қнилюку пикақа̄. 24Кияӷныӷым тугуклъиӷақа̄ ю̄к аныӷныҳқилъҳакунлъю, ухпықилъҳакунлъю; тугуклъӣгата̄ ухпықилъыра̄ӷина̄кун.
25Раавылъю успута̄гуқ. Акикикаюгуялӷӣ югусиминың. Иўырңа Кияӷныӷым тугуклъиқақыхкаңа сыӷлыҳқумаңилңуӷыстун апалъюқлъюку каюсиӷилъҳа. Иисус Навинам каяхтыкақыхкык ма̄лӷук югык аксяқлъюку нунаңат ювӷӣӷысқылъюку. Югыт иваӷьяткык, Раавым алъякун тӯмкун анахтыстыкакык.
26Ынка̄ңам югусиқ таӷныӷаңунани туқуңа̄қ, ухпықилъықлъю аныӷныҳқилъңунани туқуңа̄қ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.