Деяния 9
9
Савля Ухпылӷӣ
1-2Савля Иерусалимымылъюни та̄ўа паниның алиңсиқукӣ туқуқуӷнақнилюки малихся̄ҳтыңи Атанӷым. Қынўат Дамаскысюкақ, лю̄рақ Иисусым малихся̄ҳтыңи югытлъю аӷнатлъю тама̄нъаюката. Ысҳақумики тагинъалюки Иерусалимымун анусимиңлъӣсқылъюки. Ынка̄м первосвященнигмун пилюни письмоңлъя̄тысқыхкақ пилъыҳқалитысқылъюни иглыӷутистыңитнун синагогат Дамаскымылңуӷнун, таўатын пиналюни.
3Ынка̄м Савля аӷуляқыхкақ Дамаскымун. Ӣўынлъю ка̄сяҳтуӷақуқ, қилягмың ниӷухлъягым кукыхтыка̄. 4Ӯлъҳаҳлъюни нагақуқа̄ ма хўатын пилӷӣ: «Савля, Савля, сяңама амью̄ткумаңинаҳсиңа?»
5Савлам а̄птыка̄: «Кинаңузин Атанық?» Мым кӣмсиқа̄: «Иисусыңӯңа амью̄ткыхкан. 6Макылъютын агля̄ Дамаскымун, таўани китум уңипа̄лъықа̄тын натын пилъыҳқаҳпының».
7Югыт иглыӷалгутаңи аӷулӣқат таўани, акузипагниңунатың нагатка̄т ма, нақам кина алңунак ысҳа̄маңилъкаңат. 8Савля макысялӷӣми ысҳа̄нъыӷитуқ қаюҳлъяк ая̄малӷӣ. Ынка̄м таслъюқлъюку агля̄тка̄т Дамаскымун. 9Пиңают аӷныӷыт ая̄ңакақ, талўа ныӷумаңилңуқлъю, мыӷумаңилңуқлъю.
10Та̄ўаңуқ Дамаскыми, ю̄к ухпықиңалӷӣ Иисусымың, а̄тҳа Анания. Ысҳа̄ӷўа̄лъыҳқун Атанӷым туқлъюқа̄: «Анания». Кӣмсиқа̄: «Ай, Атанық?»
11Атанӷым пика̄: «Тумынун агля̄ а̄тқылӷӣнун: “Таклъяӷрукыхтақ”. Та̄хкын Иуданкунун а̄псяҳтуҳу ю̄к, Савлыңӯқ, Тарсымың пиңӯқ, юӷаӷақуқ. 12Ысҳаӷўа̄ҳқун ысҳама̄ ю̄к итылӷӣ, а̄тҳа Анания, ся̄фсяқминигу ысҳаӷьягунъықихтуқ».
13Иўырңа Ананиям пика̄: «Атанық, нагақуӷақақа та̄на ю̄к угляпихлъыҳӣның, апыӷнақыпихтақа̄т сыӷлытун пилъыҳлъяга юхпынун Иерусалимыми. 14Пилъыҳқаңыхка̄гуқ первосвященнигының тагилюни Дамаскымун тугуляӷналюки қамахлъюки юӷақаюгыт атыҳпыгун».
15Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю. 16Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».
17Ынка̄м Ананиям такука̄ Савля. Итыӷлюни ся̄фсима̄н пика̄: «Аңлыгутымни Савля, Атанӷым Иисусым ысҳақаҳпык тумыни тагиңулютын, каяхта̄ңа лъпынун. Каягута̄тын ся̄фтысқылъютын ысҳа̄сягунъықихтысқылъютын, имӣсқылъютынлъю Аглыӷналӷӣгның Таӷныӷагның». 18Таўаниңинақ иқалъюгым қалътысюгниңи ийыхкының ифкақӯткат, ынка̄м ысҳасягуткақ. Та̄хкын макылъюни крестиӷыкақ. 19Та̄м киңуңаның ныӷьялӷӣми икнақсю̄хтыкақ.
Савля Уңипақилӷӣ Дамаскыми
Савля ухпықаниткақ Дамаскыми қафсинат аӷныӷыт. 20Мулюхпынани синагогани уңипақыхка̄ Иисус, Иӷнықнилюку Кияӷныӷмун. 21Нагатулъҳӣм сяӷӣӷаягутка̄т рыпалъ лъңитның а̄пқуӷа̄ӷуткат: «Унаңунӷита̄а ю̄к Иерусалимыми амьюқытиқыҳлъякақ юӷақаюгның Иисусым а̄тҳакун? Ма̄вык тагиңуялӷӣ таўатын пиналюни, ухпықат тугуляӷналюки, аглянъалюки первосвященнигнун».
22Савлам уңипақилъыӷмикун ўата лӣгикыстаӷақа̄ Иисус, Христосыңутаңа рыпалъ Иудеит Дамаскымылңӯт а̄ҳтӣра̄ҳпагниңитка̄т.
23Савля уңипақилъқинаӷьян таўатын қафсиныгьяхлъяк аӷнық, Иудеит ўатақа̄ӷақ угумиягутка̄т, рыпалъ қырңуӷулъютың агӷиткыхка̄т туқунъалюку. 24Ынка̄м аӷныҳтӯма̄н, унухтӯма̄н Дамаскым амихлъялӷутңани кылыңакыхка̄т туқунъалюку. Иўырңа Савлам нагақуқа̄ таўатын агӷилъҳат. 25Ынка̄м унугми ата̄сими, Савлам малихся̄ҳтыңита корзинаӷрухлъягыгныкун миңлъютмың ыслъятмун укихтыка̄т.
Савля Иерусалимылъҳӣ
26Та̄хкын Савля ка̄сями Иерусалимымун илянъақыхка̄я̄лӷӣ Иисусым малихся̄ҳтыңитнун. Та̄ўаңинақ ӣңунаҳаӷмың аликыхка̄т, қаюҳлъяк айгуӷикыхка̄т лъңалъю малихся̄ҳтыңуҳсиматаңа. 27Иўырңа Варнавам Савля агля̄лъюку апостолытун а̄пқа̄ Савламун тумыми ысҳа̄манилюку Атанық, алыҳқӯтка̄нилютыклъю. А̄пқа̄лъю Дамаскыми уңипақа̄нилюку тытухпынани А̄тҳакун Иисусым. 28-29Ынка̄м тугуклъиқа̄т. Та̄хкын кынляңа Савля ухпықаниткақ. Иглыӷуткылъюку Иерусалимыми, уңипақикақ тытухпынани а̄тҳакун Атанӷым. Иўырңа иляңита Иудеит Грегыстун акузикаюгыт а̄ҳтӣра̄қа̄н туқусюкақыхкаңат. 30Ухпықат лӣгиксямыхтыху Иудеянун туқунъақнилюку Савля, агля̄тка̄т Кесариямун, та̄хкын каяхтыка̄т Тарсымун.
31Қамахлъютың ухпықат Иудеями, Галилеями, Самариямилъю амью̄ткыстыңъунатың кияҳтыкат. Ухпылъҳит икнақуҳтыкат, алиңақылӷӣт қа̄ткунъыӷитылъыҳқамыхның Атаныӷмун, Аглыӷналӷӣмлъю Таӷныӷам каюсӣңукаңи ынка̄м ухпықат нулякат.
Петр Лиддалъҳӣлъю, Иоппиялъҳӣлъю
32Петырым иглыӷуткылъюку ля̄лиҳфикуқӣ Кияӷныӷым юги на̄нсяӷңа̄та. Ата̄сими аӷныӷми ля̄лиҳтыкақ Лиддамылңуӷнун. 33Тама̄ни ысҳақа̄ ю̄к а̄тҳа Эней, пиңаюның иңлюлык аюмиқулъық макысигалңуқ унӣӷңатмӣның. 34Петырым пика̄: «Эней, Иисус Христосым на̄лъҳута̄тын, макылъютын алъиӷан ӣмху». Таўаниңинақ Эней макыткақ. 35Угляпихлъыҳӣт Лиддаӷмӣтлъю, Сароныӷмӣтлъю ысҳаӷьямыхтыху Эней на̄лъҳулъюни, ухпыҳтӯткат Атаныҳқун.
36Иоппиямиңуқ та̄ўа ухпықақ аӷнақ а̄тҳа Тавифа, (Грегыстун Серна, хўатын писиқ, қуйңиқ), қӯнпың каюсиӷимаҳлъяк, кияң тама̄кунун аклъюмалӷӣнун. 37Та̄хкын қинуюглюни туқукақ ынка̄м уӷвуҳқылъюку қымтамун маю̄тка̄т. 38Иоппияӷмӣт ухпықат нагақуқа̄т Петр Лиддамынъилюку. Лидда, Иоппиямың қантаӷаҳанлыңуқ, ынка̄м ухпықат кывгақыхкахкыт ма̄лӷук югык Петырымун тагирахкӣӷысқылъюку Иоппиямун. 39Петырым ята̄ҳқылъюни малихтыкакык. Ка̄сян қымтамун маю̄тка̄т. Лыган итыҳтуқ угиңиӷат қиямаӷмың каңлъюқаҳлъюку кылгувикыхка̄т а̄тканың Сернам улима̄ӷаның. 40Петырым а̄нысқуӷлюки сыгысқуҳлъюни юӷақақ. Та̄қлъюни юӷаныӷмың қӣвлюку югусиқ пика̄: «Тавифа, макытын». Тавифа ысҳа̄ткылъюку ысҳаӷьямигу Петр ақумыхкақ. 41Петырым ӣхакун тугулюку ныкывыстыка̄. Та̄хкын туқлъюқӣ ухпықатлъю угиңиӷақатлъю ысҳӣсқылъюку уңува̄матаңа. 42Қамахтыңъўа̄ӷлютың Иоппияӷмӣт нагақуқа̄т Тавифам уңувалъҳа ынка̄м угляпихлъыҳӣм ухпықыхка̄т Атанық. 43Петр мулюкақ Иоппиями, Симонынкуниткақ сянаҳтистыми.
Currently Selected:
Деяния 9: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Деяния 9
9
Савля Ухпылӷӣ
1-2Савля Иерусалимымылъюни та̄ўа паниның алиңсиқукӣ туқуқуӷнақнилюки малихся̄ҳтыңи Атанӷым. Қынўат Дамаскысюкақ, лю̄рақ Иисусым малихся̄ҳтыңи югытлъю аӷнатлъю тама̄нъаюката. Ысҳақумики тагинъалюки Иерусалимымун анусимиңлъӣсқылъюки. Ынка̄м первосвященнигмун пилюни письмоңлъя̄тысқыхкақ пилъыҳқалитысқылъюни иглыӷутистыңитнун синагогат Дамаскымылңуӷнун, таўатын пиналюни.
3Ынка̄м Савля аӷуляқыхкақ Дамаскымун. Ӣўынлъю ка̄сяҳтуӷақуқ, қилягмың ниӷухлъягым кукыхтыка̄. 4Ӯлъҳаҳлъюни нагақуқа̄ ма хўатын пилӷӣ: «Савля, Савля, сяңама амью̄ткумаңинаҳсиңа?»
5Савлам а̄птыка̄: «Кинаңузин Атанық?» Мым кӣмсиқа̄: «Иисусыңӯңа амью̄ткыхкан. 6Макылъютын агля̄ Дамаскымун, таўани китум уңипа̄лъықа̄тын натын пилъыҳқаҳпының».
7Югыт иглыӷалгутаңи аӷулӣқат таўани, акузипагниңунатың нагатка̄т ма, нақам кина алңунак ысҳа̄маңилъкаңат. 8Савля макысялӷӣми ысҳа̄нъыӷитуқ қаюҳлъяк ая̄малӷӣ. Ынка̄м таслъюқлъюку агля̄тка̄т Дамаскымун. 9Пиңают аӷныӷыт ая̄ңакақ, талўа ныӷумаңилңуқлъю, мыӷумаңилңуқлъю.
10Та̄ўаңуқ Дамаскыми, ю̄к ухпықиңалӷӣ Иисусымың, а̄тҳа Анания. Ысҳа̄ӷўа̄лъыҳқун Атанӷым туқлъюқа̄: «Анания». Кӣмсиқа̄: «Ай, Атанық?»
11Атанӷым пика̄: «Тумынун агля̄ а̄тқылӷӣнун: “Таклъяӷрукыхтақ”. Та̄хкын Иуданкунун а̄псяҳтуҳу ю̄к, Савлыңӯқ, Тарсымың пиңӯқ, юӷаӷақуқ. 12Ысҳаӷўа̄ҳқун ысҳама̄ ю̄к итылӷӣ, а̄тҳа Анания, ся̄фсяқминигу ысҳаӷьягунъықихтуқ».
13Иўырңа Ананиям пика̄: «Атанық, нагақуӷақақа та̄на ю̄к угляпихлъыҳӣның, апыӷнақыпихтақа̄т сыӷлытун пилъыҳлъяга юхпынун Иерусалимыми. 14Пилъыҳқаңыхка̄гуқ первосвященнигының тагилюни Дамаскымун тугуляӷналюки қамахлъюки юӷақаюгыт атыҳпыгун».
15Иўырңа Атанӷым пика̄: «Агля̄, такугу қаюҳлъяк накмикума̄қа уңипақысқылъюңа язычнигнун, умӣлыгнун, Израилыӷмӣнунлъю. 16Лӣгикыснақңўа̄қа а̄ңлюку икфиқылъыӷмың хўаңа апалъюқлъюңа».
17Ынка̄м Ананиям такука̄ Савля. Итыӷлюни ся̄фсима̄н пика̄: «Аңлыгутымни Савля, Атанӷым Иисусым ысҳақаҳпык тумыни тагиңулютын, каяхта̄ңа лъпынун. Каягута̄тын ся̄фтысқылъютын ысҳа̄сягунъықихтысқылъютын, имӣсқылъютынлъю Аглыӷналӷӣгның Таӷныӷагның». 18Таўаниңинақ иқалъюгым қалътысюгниңи ийыхкының ифкақӯткат, ынка̄м ысҳасягуткақ. Та̄хкын макылъюни крестиӷыкақ. 19Та̄м киңуңаның ныӷьялӷӣми икнақсю̄хтыкақ.
Савля Уңипақилӷӣ Дамаскыми
Савля ухпықаниткақ Дамаскыми қафсинат аӷныӷыт. 20Мулюхпынани синагогани уңипақыхка̄ Иисус, Иӷнықнилюку Кияӷныӷмун. 21Нагатулъҳӣм сяӷӣӷаягутка̄т рыпалъ лъңитның а̄пқуӷа̄ӷуткат: «Унаңунӷита̄а ю̄к Иерусалимыми амьюқытиқыҳлъякақ юӷақаюгның Иисусым а̄тҳакун? Ма̄вык тагиңуялӷӣ таўатын пиналюни, ухпықат тугуляӷналюки, аглянъалюки первосвященнигнун».
22Савлам уңипақилъыӷмикун ўата лӣгикыстаӷақа̄ Иисус, Христосыңутаңа рыпалъ Иудеит Дамаскымылңӯт а̄ҳтӣра̄ҳпагниңитка̄т.
23Савля уңипақилъқинаӷьян таўатын қафсиныгьяхлъяк аӷнық, Иудеит ўатақа̄ӷақ угумиягутка̄т, рыпалъ қырңуӷулъютың агӷиткыхка̄т туқунъалюку. 24Ынка̄м аӷныҳтӯма̄н, унухтӯма̄н Дамаскым амихлъялӷутңани кылыңакыхка̄т туқунъалюку. Иўырңа Савлам нагақуқа̄ таўатын агӷилъҳат. 25Ынка̄м унугми ата̄сими, Савлам малихся̄ҳтыңита корзинаӷрухлъягыгныкун миңлъютмың ыслъятмун укихтыка̄т.
Савля Иерусалимылъҳӣ
26Та̄хкын Савля ка̄сями Иерусалимымун илянъақыхка̄я̄лӷӣ Иисусым малихся̄ҳтыңитнун. Та̄ўаңинақ ӣңунаҳаӷмың аликыхка̄т, қаюҳлъяк айгуӷикыхка̄т лъңалъю малихся̄ҳтыңуҳсиматаңа. 27Иўырңа Варнавам Савля агля̄лъюку апостолытун а̄пқа̄ Савламун тумыми ысҳа̄манилюку Атанық, алыҳқӯтка̄нилютыклъю. А̄пқа̄лъю Дамаскыми уңипақа̄нилюку тытухпынани А̄тҳакун Иисусым. 28-29Ынка̄м тугуклъиқа̄т. Та̄хкын кынляңа Савля ухпықаниткақ. Иглыӷуткылъюку Иерусалимыми, уңипақикақ тытухпынани а̄тҳакун Атанӷым. Иўырңа иляңита Иудеит Грегыстун акузикаюгыт а̄ҳтӣра̄қа̄н туқусюкақыхкаңат. 30Ухпықат лӣгиксямыхтыху Иудеянун туқунъақнилюку Савля, агля̄тка̄т Кесариямун, та̄хкын каяхтыка̄т Тарсымун.
31Қамахлъютың ухпықат Иудеями, Галилеями, Самариямилъю амью̄ткыстыңъунатың кияҳтыкат. Ухпылъҳит икнақуҳтыкат, алиңақылӷӣт қа̄ткунъыӷитылъыҳқамыхның Атаныӷмун, Аглыӷналӷӣмлъю Таӷныӷам каюсӣңукаңи ынка̄м ухпықат нулякат.
Петр Лиддалъҳӣлъю, Иоппиялъҳӣлъю
32Петырым иглыӷуткылъюку ля̄лиҳфикуқӣ Кияӷныӷым юги на̄нсяӷңа̄та. Ата̄сими аӷныӷми ля̄лиҳтыкақ Лиддамылңуӷнун. 33Тама̄ни ысҳақа̄ ю̄к а̄тҳа Эней, пиңаюның иңлюлык аюмиқулъық макысигалңуқ унӣӷңатмӣның. 34Петырым пика̄: «Эней, Иисус Христосым на̄лъҳута̄тын, макылъютын алъиӷан ӣмху». Таўаниңинақ Эней макыткақ. 35Угляпихлъыҳӣт Лиддаӷмӣтлъю, Сароныӷмӣтлъю ысҳаӷьямыхтыху Эней на̄лъҳулъюни, ухпыҳтӯткат Атаныҳқун.
36Иоппиямиңуқ та̄ўа ухпықақ аӷнақ а̄тҳа Тавифа, (Грегыстун Серна, хўатын писиқ, қуйңиқ), қӯнпың каюсиӷимаҳлъяк, кияң тама̄кунун аклъюмалӷӣнун. 37Та̄хкын қинуюглюни туқукақ ынка̄м уӷвуҳқылъюку қымтамун маю̄тка̄т. 38Иоппияӷмӣт ухпықат нагақуқа̄т Петр Лиддамынъилюку. Лидда, Иоппиямың қантаӷаҳанлыңуқ, ынка̄м ухпықат кывгақыхкахкыт ма̄лӷук югык Петырымун тагирахкӣӷысқылъюку Иоппиямун. 39Петырым ята̄ҳқылъюни малихтыкакык. Ка̄сян қымтамун маю̄тка̄т. Лыган итыҳтуқ угиңиӷат қиямаӷмың каңлъюқаҳлъюку кылгувикыхка̄т а̄тканың Сернам улима̄ӷаның. 40Петырым а̄нысқуӷлюки сыгысқуҳлъюни юӷақақ. Та̄қлъюни юӷаныӷмың қӣвлюку югусиқ пика̄: «Тавифа, макытын». Тавифа ысҳа̄ткылъюку ысҳаӷьямигу Петр ақумыхкақ. 41Петырым ӣхакун тугулюку ныкывыстыка̄. Та̄хкын туқлъюқӣ ухпықатлъю угиңиӷақатлъю ысҳӣсқылъюку уңува̄матаңа. 42Қамахтыңъўа̄ӷлютың Иоппияӷмӣт нагақуқа̄т Тавифам уңувалъҳа ынка̄м угляпихлъыҳӣм ухпықыхка̄т Атанық. 43Петр мулюкақ Иоппиями, Симонынкуниткақ сянаҳтистыми.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.