Деяния 20
20
Павел Македониямунлъю, Грециямунлъю Пилӷӣ
1Та̄на сыӷлылӣлъыҳлъяк алъпагьян Павелым ақфастыкӣ ухпықат. Кайымлюки аӷуляқыхкақ Македониямун. 2Ынка̄м Македониякун иглыӷуткылъюку ля̄лиҳқўа̄ӷвикыхкӣ ухпықат, кайымумӣта пикӣ. Та̄хкын нагнықақ Грециямун, 3тама̄нтыкақ пиңают танқит. Ята̄ҳқақуқлъю аңьяҳпахкун Сириянъалюни, лӣгикыхкӣ Иудеянңуқ ята̄ҳқақыфтут туқунъалюку. Тама̄кын апалъюқлъюку утыҳсюкақ Македониякун Иерусалимымун. 4Малихтыстыкыфтӣ Сосипатр, иӷныӷа Пиррым, Верияӷмӣ, Аристархылъю, Секундылъю Фессалоникаӷмӣк, Гаий Дервияӷмӣ, Тихикылъю, Трофимылъю Асияӷмӣк, Тимофейлъю. 5Та̄кут аӷуляқыкыстаӷлютың Троадамун, тама̄ни утақӣгут хўаңкунъың. 6Киңуңаның Нықынӷаҳқылъҳан Закваскалӣмаңилңӯм Нықыкшаңлъям, Филиппымың аңьяҳпахкун аӷуляқукут. Талъимат аӷныӷыт атуӷлюки ка̄тапут иляпут Троадами. Тама̄нтукут ма̄ӷраӷвинлык аӷнық.
Павелым Киңулиқ Ля̄лиҳтылъҳа Троадамун
7Сивулиӷми аӷныӷани неделям Троадаӷмӣт ухпықӣтлъю, хўаңкуталъю қырңуӷутукут ныӷналюта Атанӷым Нықынӷаҳқылъҳаның. Сивуклъюни Павел уңипақикақ унугым қука̄нун кынляңа, қаюҳлъяк уна̄ми аӷуляқсюгулӷӣ. 8Қымтамылңӯкут кынылӷутаҳтуқами. 9Нукалъпигақ Евтих, ақумлюни қыргысым ысныңакун нагаткақ. Павел уңипақималюку қынўат Евтих қаваӷникақ. Қынўатлъю умуқилъюни қаваӷьялӷӣми ыслъятмун ифкақақ памакын пиңая̄ның қымтам. А̄нлютың тугуяқмыхтыху туқулюни. 10Иўырңа Павелым укирахкӣӷлюни сыгысқуҳфиклъюку қытка̄. Пикӣ: «Алиңыхпынаси, хўа̄ уңува̄ма̄қ!» 11Та̄хкын маюҳтӯлъютың Павелым нықыкшаңлъяқ а̄вгуӷлюку ныӷыхкат. Алыҳқӯткат унулъқусиқ кынляңа аҳтылъыӷмун, та̄хкын Павел аӷуляқыхкақ. 12Ухпықат нукалъпигақ агля̄тка̄т ныңанун илютулъыңыҳлъяглютың уңувалъҳа апалъюқлълъюку.
Павел Троадамың Милитылъҳа̄
13Аңьяҳпахкун аӷуляқукут Ассымун сивуңани Павелым, қаюҳлъяк қӯткун Ассымун пилюни ўытку тама̄ни ӯхнақнилӷӣ аңьяҳпагмун. 14Ка̄сян Ассымун қа̄клъюку аңьяҳпагмун Митилинатукут. 15Уна̄миңани Митилинамың аӷуляқлъюта аӷулӣҳтукут Хиосым туңаңакун. Та̄хкын уна̄миңани ка̄тукут Самосымун, ынка̄м аўакаӷа̄ни ка̄тукут Милитымун. 16Павелым наӷуҳсюка̄ Ефес қаюҳлъяк Асиями кима̄ўиюнӷилңуқ. Пилъыҳқалгукуми Иерусалимымун ка̄сюпихтыңъулӷӣ аңӣнъалюни Пятидесятницамун.
Павелым Алыҳқуқаңи Ефесым Пресвитерыңи
17Милитымылъюни Павелым тахсиқлъиқӣ ухпықат пресвитерыңит Ефесымылңӯт. 18Ка̄сята пикӣ: «Лӣсимакаҳси натын кияҳта̄лъқа лъпысинилъюңа Асиямун ка̄сюхўа̄лъымның има. 19Қыпҳа̄ткақақа Атанық қусывыхтыпихлъюңа, қунитӯмаӷмалъю қайўа Иудеит сыӷлылӣҳқыҳлъягңа̄тңалъю, туқунъақуткыӷңа̄тңалъю. 20Иўырңа лӣсимакаҳси нуқытусигатанка сяңўа̄т каюткаҳқаси уңипақинымни, апыҳтунымси юхтуқамилъю, ныхпысинилъю. 21Қывӯлъюки қылӷақсяӷанка Иудеитлъю, Грегытлъю авутыҳқылъюки сыӷлыҳқынъаниқата қӣвысқылъюки Кияӷныӷмун, ухпықисқылъюкилъю Атанымнъың Иисус Христосымың. 22Хўа̄ ма̄тын қа̄ткулъюңа Аглыӷналӷӣгнун Таӷныӷагнун Иерусалимынъақуңа, налъюкақа̄ сяяҳқақа̄тңа Иерусалимыӷмӣт. 23Иўырңақун тамаҳӣтни нунани такукамни Аглыӷналӷӣм Таӷныӷам уңипа̄тақа̄ңа Иерусалимыми сыӷлылӣҳлъықнилюңалъю, анусимиңлъяҳлъықнилюңалъю югнун. 24Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.
25Лӣсимакақа алъямың ысҳаӷна̄нӷитаҳпысиңа, лъпыси уңипиқуткамни Атаныҳпагулъҳаның Кияӷныӷым. 26Тама̄кын апалъюқлъюку аӷныӷми хўани уңипа̄нъақамси малӷуклъилъңуна̄н, налиҳси ифлъякан хўаңа пилъқынӷитақа, 27қаюҳлъяк нуқытусимаңитақа сяңўа̄ тамаҳа̄н Кияӷныӷым лӣтысюка̄ лъпысинун. 28Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун. 29Лӣсимакақа унискумси апыҳтуӷистысиӷўа̄ӷыт такулъықӣси. Катам таўатытут угиҳсялӷӣстун ама̄стун на̄фқӣнақылӷӣт пынъӣӷмың, на̄фқынъақуткылъықӣт ухпықат апыҳтуӷилъыӷмыхтыхун. 30Талўа иляңи ухпықа̄лгутыси иқлъыңиқсяҳқа̄гут ухпықысқылъюки апыҳтуӷилъытың, ухпыҳтықыҳтыкумыхтыки малихся̄ҳтыкналюки. 31Ынка̄м кылыңаңўа̄ӷлюси пӯҳтылъыңнаюкафси. Нықамиклъюку пиңают аюмиқулъҳыт кылыңася̄қақамси қамахлъюси тама̄кын аӷныҳтӯма̄н, унухтӯма̄н сыӷлылӣҳлъяӷңа̄ӷма, қунитӯмаӷма.
32На̄ңнӣткынъақақа, ныӷьюкутамси Кияӷныӷмун афлъыңакысқылъюси, уңипамунлъю пиниқылъҳанун қуястысқылъюси. Нагатылъыҳпысигун та̄на уңипақ ухпылъыси икнақуҳлъықутлъю, алъхыҳлъықаҳсилъю лъпыси пилӣсяҳқаҳси Кияӷныӷмың. Та̄на пилӣсяҳқақ тама̄кунун пиңӯқ а̄фтыкаминун лъңанун катам югулюки. 33Лъпысинитақңама манихпысиныңлъю, а̄ткаҳпысиныңлъю қилӣӷумаңитуңа. 34Лӣсимакаҳпысиңа сяңўа̄ аклъюкыхкақа, илямалъю хўаңамнилңӯт аклъюкыхкӣт қыпҳа̄ткаюўа̄нка алъхыҳналюки. 35Сяңўа̄ қамахлъюку пикақақа лъпысинун успута̄сқылъюку, хўаңамтун уӷлыӷӣлъыҳпысигун каюсӣтысқылъюки пипагниңилңӯт. Нықамиклъюку Атанӷым Иисусым хўатын пилъҳа: “Қуянаӷатаӷаҳтуқ тӯнӣлъық алъхыӷутылъыӷмың”».
36Павел таўатын акузиныӷмың та̄қсями, сыгысқуҳлъюни юӷалгусиқӣ. 37Қамахлъютың қиямаӷмың Павел қытақлъюку на̄ӷа̄тақа̄т. 38Қивӷукылъыҳпигақыхкаңат қаюҳлъяк пикақыхкаңи алъямыңлъю ысҳаӷна̄нӷинъилютың. Та̄хкын қаника̄т аңьяҳпагмун.
Currently Selected:
Деяния 20: ess2
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Деяния 20
20
Павел Македониямунлъю, Грециямунлъю Пилӷӣ
1Та̄на сыӷлылӣлъыҳлъяк алъпагьян Павелым ақфастыкӣ ухпықат. Кайымлюки аӷуляқыхкақ Македониямун. 2Ынка̄м Македониякун иглыӷуткылъюку ля̄лиҳқўа̄ӷвикыхкӣ ухпықат, кайымумӣта пикӣ. Та̄хкын нагнықақ Грециямун, 3тама̄нтыкақ пиңают танқит. Ята̄ҳқақуқлъю аңьяҳпахкун Сириянъалюни, лӣгикыхкӣ Иудеянңуқ ята̄ҳқақыфтут туқунъалюку. Тама̄кын апалъюқлъюку утыҳсюкақ Македониякун Иерусалимымун. 4Малихтыстыкыфтӣ Сосипатр, иӷныӷа Пиррым, Верияӷмӣ, Аристархылъю, Секундылъю Фессалоникаӷмӣк, Гаий Дервияӷмӣ, Тихикылъю, Трофимылъю Асияӷмӣк, Тимофейлъю. 5Та̄кут аӷуляқыкыстаӷлютың Троадамун, тама̄ни утақӣгут хўаңкунъың. 6Киңуңаның Нықынӷаҳқылъҳан Закваскалӣмаңилңӯм Нықыкшаңлъям, Филиппымың аңьяҳпахкун аӷуляқукут. Талъимат аӷныӷыт атуӷлюки ка̄тапут иляпут Троадами. Тама̄нтукут ма̄ӷраӷвинлык аӷнық.
Павелым Киңулиқ Ля̄лиҳтылъҳа Троадамун
7Сивулиӷми аӷныӷани неделям Троадаӷмӣт ухпықӣтлъю, хўаңкуталъю қырңуӷутукут ныӷналюта Атанӷым Нықынӷаҳқылъҳаның. Сивуклъюни Павел уңипақикақ унугым қука̄нун кынляңа, қаюҳлъяк уна̄ми аӷуляқсюгулӷӣ. 8Қымтамылңӯкут кынылӷутаҳтуқами. 9Нукалъпигақ Евтих, ақумлюни қыргысым ысныңакун нагаткақ. Павел уңипақималюку қынўат Евтих қаваӷникақ. Қынўатлъю умуқилъюни қаваӷьялӷӣми ыслъятмун ифкақақ памакын пиңая̄ның қымтам. А̄нлютың тугуяқмыхтыху туқулюни. 10Иўырңа Павелым укирахкӣӷлюни сыгысқуҳфиклъюку қытка̄. Пикӣ: «Алиңыхпынаси, хўа̄ уңува̄ма̄қ!» 11Та̄хкын маюҳтӯлъютың Павелым нықыкшаңлъяқ а̄вгуӷлюку ныӷыхкат. Алыҳқӯткат унулъқусиқ кынляңа аҳтылъыӷмун, та̄хкын Павел аӷуляқыхкақ. 12Ухпықат нукалъпигақ агля̄тка̄т ныңанун илютулъыңыҳлъяглютың уңувалъҳа апалъюқлълъюку.
Павел Троадамың Милитылъҳа̄
13Аңьяҳпахкун аӷуляқукут Ассымун сивуңани Павелым, қаюҳлъяк қӯткун Ассымун пилюни ўытку тама̄ни ӯхнақнилӷӣ аңьяҳпагмун. 14Ка̄сян Ассымун қа̄клъюку аңьяҳпагмун Митилинатукут. 15Уна̄миңани Митилинамың аӷуляқлъюта аӷулӣҳтукут Хиосым туңаңакун. Та̄хкын уна̄миңани ка̄тукут Самосымун, ынка̄м аўакаӷа̄ни ка̄тукут Милитымун. 16Павелым наӷуҳсюка̄ Ефес қаюҳлъяк Асиями кима̄ўиюнӷилңуқ. Пилъыҳқалгукуми Иерусалимымун ка̄сюпихтыңъулӷӣ аңӣнъалюни Пятидесятницамун.
Павелым Алыҳқуқаңи Ефесым Пресвитерыңи
17Милитымылъюни Павелым тахсиқлъиқӣ ухпықат пресвитерыңит Ефесымылңӯт. 18Ка̄сята пикӣ: «Лӣсимакаҳси натын кияҳта̄лъқа лъпысинилъюңа Асиямун ка̄сюхўа̄лъымның има. 19Қыпҳа̄ткақақа Атанық қусывыхтыпихлъюңа, қунитӯмаӷмалъю қайўа Иудеит сыӷлылӣҳқыҳлъягңа̄тңалъю, туқунъақуткыӷңа̄тңалъю. 20Иўырңа лӣсимакаҳси нуқытусигатанка сяңўа̄т каюткаҳқаси уңипақинымни, апыҳтунымси юхтуқамилъю, ныхпысинилъю. 21Қывӯлъюки қылӷақсяӷанка Иудеитлъю, Грегытлъю авутыҳқылъюки сыӷлыҳқынъаниқата қӣвысқылъюки Кияӷныӷмун, ухпықисқылъюкилъю Атанымнъың Иисус Христосымың. 22Хўа̄ ма̄тын қа̄ткулъюңа Аглыӷналӷӣгнун Таӷныӷагнун Иерусалимынъақуңа, налъюкақа̄ сяяҳқақа̄тңа Иерусалимыӷмӣт. 23Иўырңақун тамаҳӣтни нунани такукамни Аглыӷналӷӣм Таӷныӷам уңипа̄тақа̄ңа Иерусалимыми сыӷлылӣҳлъықнилюңалъю, анусимиңлъяҳлъықнилюңалъю югнун. 24Иўырңа хўаңа катам уңувалъқа ўа̄кигатақа апыӷӣқаҳналюку қыпҳақақ Атанӷым Иисусым қылӷутка̄ хўаңамнун. А̄пҳысқыхкақӣ Пинилӷӣт Уңипат Кияӷныӷым пиниқылъҳаның аюқылӷӣт.
25Лӣсимакақа алъямың ысҳаӷна̄нӷитаҳпысиңа, лъпыси уңипиқуткамни Атаныҳпагулъҳаның Кияӷныӷым. 26Тама̄кын апалъюқлъюку аӷныӷми хўани уңипа̄нъақамси малӷуклъилъңуна̄н, налиҳси ифлъякан хўаңа пилъқынӷитақа, 27қаюҳлъяк нуқытусимаңитақа сяңўа̄ тамаҳа̄н Кияӷныӷым лӣтысюка̄ лъпысинун. 28Кияӷныӷым юги пынъӣӷыстун аюқут, ынка̄м Аглыӷналӷӣм Таӷныӷам лъпысинун афлъыңакысқӣ катам таўатын пынъӣӷнӣҳтым афлъыңакылъҳатун пынъӣни. Ынка̄м кылыңаңўа̄ӷлюси, Кияӷныӷымлъю юги кылыңакңўа̄ӷлюки. Афлъыңакитыки қаюҳлъяк Кияӷныӷым тукфиқақӣ лъми катам а̄ўмикун. 29Лӣсимакақа унискумси апыҳтуӷистысиӷўа̄ӷыт такулъықӣси. Катам таўатытут угиҳсялӷӣстун ама̄стун на̄фқӣнақылӷӣт пынъӣӷмың, на̄фқынъақуткылъықӣт ухпықат апыҳтуӷилъыӷмыхтыхун. 30Талўа иляңи ухпықа̄лгутыси иқлъыңиқсяҳқа̄гут ухпықысқылъюки апыҳтуӷилъытың, ухпыҳтықыҳтыкумыхтыки малихся̄ҳтыкналюки. 31Ынка̄м кылыңаңўа̄ӷлюси пӯҳтылъыңнаюкафси. Нықамиклъюку пиңают аюмиқулъҳыт кылыңася̄қақамси қамахлъюси тама̄кын аӷныҳтӯма̄н, унухтӯма̄н сыӷлылӣҳлъяӷңа̄ӷма, қунитӯмаӷма.
32На̄ңнӣткынъақақа, ныӷьюкутамси Кияӷныӷмун афлъыңакысқылъюси, уңипамунлъю пиниқылъҳанун қуястысқылъюси. Нагатылъыҳпысигун та̄на уңипақ ухпылъыси икнақуҳлъықутлъю, алъхыҳлъықаҳсилъю лъпыси пилӣсяҳқаҳси Кияӷныӷмың. Та̄на пилӣсяҳқақ тама̄кунун пиңӯқ а̄фтыкаминун лъңанун катам югулюки. 33Лъпысинитақңама манихпысиныңлъю, а̄ткаҳпысиныңлъю қилӣӷумаңитуңа. 34Лӣсимакаҳпысиңа сяңўа̄ аклъюкыхкақа, илямалъю хўаңамнилңӯт аклъюкыхкӣт қыпҳа̄ткаюўа̄нка алъхыҳналюки. 35Сяңўа̄ қамахлъюку пикақақа лъпысинун успута̄сқылъюку, хўаңамтун уӷлыӷӣлъыҳпысигун каюсӣтысқылъюки пипагниңилңӯт. Нықамиклъюку Атанӷым Иисусым хўатын пилъҳа: “Қуянаӷатаӷаҳтуқ тӯнӣлъық алъхыӷутылъыӷмың”».
36Павел таўатын акузиныӷмың та̄қсями, сыгысқуҳлъюни юӷалгусиқӣ. 37Қамахлъютың қиямаӷмың Павел қытақлъюку на̄ӷа̄тақа̄т. 38Қивӷукылъыҳпигақыхкаңат қаюҳлъяк пикақыхкаңи алъямыңлъю ысҳаӷна̄нӷинъилютың. Та̄хкын қаника̄т аңьяҳпагмун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.