2е Коринфянам 2
2
1Та̄ўа умьюгахка ата̄сӣҳсима̄хка алъя лъпысинун пикума қуянӷитысяҳқа̄фқа̄фси пиналюси. 2Қаюҳлъяк қуянӷитыстыкумси китумңам хўаңа қақаюхтыслъықаңа? Алъя китум пина̄нӷитаңа иўырңақун лъпыси қуянӷитыстыкама. 3Тама̄кын апалъюқлъюку письмокақамси қаюҳлъяк лъпысинун пиюнӷилңӯңа қуянӷитыснаюкафсиңа, лъпыси қуянӷитыснаюкафсиңа, лъпыси қуястистымни. Ипапиҳқуткыңъўа̄қа уна, хўаңа қуяңанымни та̄ўа лъпысилъю қамахлъюси қуяңа̄қуси. 4Письмока̄гуңа лъпысинун ынңа̄талъ а̄ңлюку қивӷулъылиӷлюңа қамагун илюмкун, қиямаӷма алъя қуянӷитыстыфқа̄фси пиналюси та̄ўаңинақ лӣгикысқылъюку пиниқылъыҳлъяка лъпысинун.
5Та̄на ю̄к сыӷлыҳқылӷӣ таўани, сыӷлыҳқынӷитуқ хўаңамнун. Йыӷлыги лъпысинун сыӷлыҳқыңъӯқ иўырңа нака̄н тамаҳаҳпысинун. Унӣӷмиҳсюнӷитақа сямың пилъымкун. 6Таўатыңинақ аӷью̄ӷилъыҳси итагнаҳтуқ. 7Ма̄тын сыӷывулъюкуңʼңам кайымитыху ўата ӣлъқынъаюкан рыпалъ ӣлъқаюхлъягнаюкан. 8Манигӯтутақа лъпысинун лӣгикыстысқылъюку ипапыста̄қ пиниқнилюку лъпысинун. 9Та̄на апалъюқлъюку письмокақамси: лӣсимакналюку қа̄ткутңўа̄ӷыстык сямун тамаҳа̄нун. 10Кина сыӷывунъыҳписигу сямың лъпысинун пилъҳаның хўаңалъю сыӷывутақақа. Сяңўа̄ алңунак сыӷывусяҳқақ сыӷывусюгақақа лъпыси апалъюглюси Христос таўантыпихлъыҳӣстун, 11Туӷныӷа̄м а̄ҳқутақнаюкаңилъю қаюҳлъяк лӣсимакыхкыфут сяңутаңа ята̄ҳқыхка̄.
Павелым Нулъқавӣҳтылъҳа Троадами
12Ка̄сялӷӣңа Троадамун уңипақналюку Пинилӷӣ Уңипа̄ Христосым, Атанӷым пилъыҳқаңыстыңъўа̄ӷумакаңаңа. 13Иўырңа пыңыхлъяка̄гуңа қаюҳлъяк ухпықа̄лгутка Тит авӣлңуқ тама̄ни. Ынка̄м унилъюки аӷуляқуңа Македониямун.
Кая̄лъқӣлъық Христосыкун
14Иўырңа игамсиқанаҳалык Кияӷнық! Ӣўлың иглыӷутңўӣлъю каялъқӣңалъыҳқун Христосыкун. Кияӷныӷым хўаңкутхун миңитыстыңъўа̄ лӣсималъыни нани алңунак катам нықнилӷӣм тыпыңлъя̄сим тыпаңан миңитылъҳатун. 15Қаюҳлъяк хўаңкута тыпкыхтастун нықниҳся̄систун аюқукут Христосым аҳқуткыхка̄тун Кияӷныӷмун. Тыпывут миңитңӯқ югуликанунлъю, ифлъяканунлъю. 16Тама̄кунун ифлъяканун тыпкӣлъю туқулъҳым туқутикаюгым; иўырңа югуликанун тыпка̄ уңувалъыңыстикаюгым. Кинаңам қыпҳаӷьяҳқа̄ўа таўатылңуӷмың қыпҳақамың? 17Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.
Currently Selected:
2е Коринфянам 2: ess2
Highlight
Share
Compare
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
2е Коринфянам 2
2
1Та̄ўа умьюгахка ата̄сӣҳсима̄хка алъя лъпысинун пикума қуянӷитысяҳқа̄фқа̄фси пиналюси. 2Қаюҳлъяк қуянӷитыстыкумси китумңам хўаңа қақаюхтыслъықаңа? Алъя китум пина̄нӷитаңа иўырңақун лъпыси қуянӷитыстыкама. 3Тама̄кын апалъюқлъюку письмокақамси қаюҳлъяк лъпысинун пиюнӷилңӯңа қуянӷитыснаюкафсиңа, лъпыси қуянӷитыснаюкафсиңа, лъпыси қуястистымни. Ипапиҳқуткыңъўа̄қа уна, хўаңа қуяңанымни та̄ўа лъпысилъю қамахлъюси қуяңа̄қуси. 4Письмока̄гуңа лъпысинун ынңа̄талъ а̄ңлюку қивӷулъылиӷлюңа қамагун илюмкун, қиямаӷма алъя қуянӷитыстыфқа̄фси пиналюси та̄ўаңинақ лӣгикысқылъюку пиниқылъыҳлъяка лъпысинун.
5Та̄на ю̄к сыӷлыҳқылӷӣ таўани, сыӷлыҳқынӷитуқ хўаңамнун. Йыӷлыги лъпысинун сыӷлыҳқыңъӯқ иўырңа нака̄н тамаҳаҳпысинун. Унӣӷмиҳсюнӷитақа сямың пилъымкун. 6Таўатыңинақ аӷью̄ӷилъыҳси итагнаҳтуқ. 7Ма̄тын сыӷывулъюкуңʼңам кайымитыху ўата ӣлъқынъаюкан рыпалъ ӣлъқаюхлъягнаюкан. 8Манигӯтутақа лъпысинун лӣгикыстысқылъюку ипапыста̄қ пиниқнилюку лъпысинун. 9Та̄на апалъюқлъюку письмокақамси: лӣсимакналюку қа̄ткутңўа̄ӷыстык сямун тамаҳа̄нун. 10Кина сыӷывунъыҳписигу сямың лъпысинун пилъҳаның хўаңалъю сыӷывутақақа. Сяңўа̄ алңунак сыӷывусяҳқақ сыӷывусюгақақа лъпыси апалъюглюси Христос таўантыпихлъыҳӣстун, 11Туӷныӷа̄м а̄ҳқутақнаюкаңилъю қаюҳлъяк лӣсимакыхкыфут сяңутаңа ята̄ҳқыхка̄.
Павелым Нулъқавӣҳтылъҳа Троадами
12Ка̄сялӷӣңа Троадамун уңипақналюку Пинилӷӣ Уңипа̄ Христосым, Атанӷым пилъыҳқаңыстыңъўа̄ӷумакаңаңа. 13Иўырңа пыңыхлъяка̄гуңа қаюҳлъяк ухпықа̄лгутка Тит авӣлңуқ тама̄ни. Ынка̄м унилъюки аӷуляқуңа Македониямун.
Кая̄лъқӣлъық Христосыкун
14Иўырңа игамсиқанаҳалык Кияӷнық! Ӣўлың иглыӷутңўӣлъю каялъқӣңалъыҳқун Христосыкун. Кияӷныӷым хўаңкутхун миңитыстыңъўа̄ лӣсималъыни нани алңунак катам нықнилӷӣм тыпыңлъя̄сим тыпаңан миңитылъҳатун. 15Қаюҳлъяк хўаңкута тыпкыхтастун нықниҳся̄систун аюқукут Христосым аҳқуткыхка̄тун Кияӷныӷмун. Тыпывут миңитңӯқ югуликанунлъю, ифлъяканунлъю. 16Тама̄кунун ифлъяканун тыпкӣлъю туқулъҳым туқутикаюгым; иўырңа югуликанун тыпка̄ уңувалъыңыстикаюгым. Кинаңам қыпҳаӷьяҳқа̄ўа таўатылңуӷмың қыпҳақамың? 17Угляпихлъыҳӣстун кинкустун аюқынӷитукут сялин қыпҳаӷьяҳқа̄нӷилңуӷыстун тама̄кын қыпҳақамың. Пинилӷӣт уңипат пӣқӣт иляңистун қыпҳақастун аюқнилюки алъхыӷутусиҳқат кияҳта̄ӷусиҳқамун. Иўырңа хўаңкута ата̄сӣӷмылъюта ипапиҳқылъюта қыпҳаӷақукут; а̄пҳақапут уңипат Кияӷныӷым писқылъҳатун, каяхтылъҳатун уңипаҳтыңулюталъю, қыпҳаҳтыңулюталъю Христосымун.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.