Romano 16
16
Pablopa nãɨ k'art'ade k'aadea bɨda
1Mɨa mãrá tachi ũpẽawẽra P'ebe apataɨ k'orea pia jararuma. Ichi Cencrea p'uurude ũpẽarã k'aripaparipɨ.#16:1 Ũpẽarã k'aripaparipɨ. Griego pedeade nãɨya bɨ bɨma: diácono. P'ebe wẽra pasima. Mãɨ k'orea k'ãp'ũra pedeade «diaconisa» a jarapatama. 2Tachi Chipari t'ɨ̃nepa pia pedeat'ɨ Tachi Ak'õre ẽpẽrarãpa oodai p'anɨ jĩra. Ichia ẽpẽrarã chok'ará k'aripasima. Mɨ sida minachia k'aripasima. Mãɨpuru ne ãareaɨnepa ichi k'aripat'ɨ.
3Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma. 4Perá piusidama mɨ k'aripadai k'orea. Mɨa mãɨnepa jõma ũpẽarã judiorãwẽ pida ãchiá sõpia p'anapade apatama. 5Mãɨnepa ũpẽarã ãchi tede chi ará nɨbapataɨrã́ pia p'anapadade a jara peet'ɨ. Mɨ ũpẽa minachia k'ɨ̃ria bɨ Ep'enetoa ara mãɨ jĩra jarat'ɨ. Acaya tuade ichia naa Jesucristode ĩjãasima. 6Ũpẽawẽra Mariá pia bapade a jara peet'ɨ. Ichia mãra minachia k'aripa bɨma. 7Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.
8Mɨ ũpẽa Ampliasá pia bapade a jara peet'ɨ. Tachi Chipari Jesucristodepa, ichi minachia k'ɨ̃ria bɨma. 9Ũpẽa Urbanoa pia bapade a jara peet'ɨ. Ichia tai ome ará Jesucristo k'orea jaratea bɨma. Ũpẽa Estaquia pida abarik'a jarat'ɨ. Ichi sida mɨa k'ɨ̃ria bɨma. 10Ũpẽa Apelea pia bapade a jara peet'ɨ. Ichia unupisima Cristo piarã ĩjãa bɨt'a. Jõma Aristóbulo ẽpẽrarã́ pida abarik'a jĩra jarat'ɨ. 11Mɨ ũpẽa judio Herodioná pia bapade a jara peet'ɨ. Narciso ẽpẽrarã Tachi Chipari ĩjãa berã́ pia p'anapadade a jara peet'ɨ. 12Ũpẽawẽra Trip'enoa mãɨnepa Trip'osoa pia p'anapade a jara peet'ɨ. Ãchia Tachi Chipari pae pia oo p'anɨma. Mãɨnepa ũpẽawẽra Persidoa abarik'a jarat'ɨ. Ichia pida Tachi Chipari pae pia oo bɨma. 13Ũpẽa Rup'o Tachi Chiparipa jɨrɨ atadá mãɨnepa ichi naea pia p'anapade a jara peet'ɨ. Ichi nae mɨ nae jira bɨma. 14Ũpẽa Asincritoa, P'legontea, Hermesá, Patrobá, Hermasá mãɨnepa ũpẽarã ãchi ome p'anaparirã́ pida pia p'anapadade a jara peet'ɨ. 15Mãɨnepa ũpẽa P'ilologoa, Juliá, Olimpá, Nereoa, ichi ũpẽawẽrá mãɨnepa jõma ẽpẽrarã Tachi Ak'õrenepemarã ãchi ome p'anaparirã́ pia p'anapadade a jara peet'ɨ. 16Piarã k'ɨ̃rianepa chi pia p'anapadade a jara peet'ɨ.#16:16 Piarã k'ɨ̃rianepa chi pia p'anapadade a jara peet'ɨ. Griego pedeade nãɨya bɨ bɨma: uitarra sõpia bɨdepa chi pia pedeat'ɨ. Jõma Cristo ẽpẽrarãpa mãra pia p'anapadade a jara peemaa p'anɨma.
17Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ. 18Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.
19Jõmãɨrãpa k'awa p'anɨma mãrapa Tachi Ak'õre pedea piarã oo p'anɨt'a. Mãɨ k'orea mɨ arapá bɨma. Piarã mɨa k'ɨ̃ria bɨma mãrapa pia oo k'awadait'a mãɨnepa nemietá oodaiwẽt'a. 20Chi ne k'ɨ̃risiawẽa bapiparí Tachi Ak'õrepa tãaraawẽa bɨde tiore p'uek'ari mãra juade bɨipɨ.#16:20 Tiore p'uek'ari mãra juade bɨipɨ. Griego pedeade nãɨya bɨ bɨma: tiore mãra jĩru ek'ari perp'et'aipɨ. Mɨa k'ɨ̃ria bɨma Tachi Chipari Jesupa ichi sõpiadepa mãra k'aripa bait'a.
21Ũpẽa Timoteo mɨ ome ará jaratea bɨpa k'ɨ̃ria bɨma mãra pia tuananait'a. Mãɨnepa mɨ ũpẽarã judiorã Luciopa, Jasonpa mãɨnepa Sosipateropa k'ɨ̃ria p'anɨma mãra pia tuananait'a.
22Mɨ Terciopɨ. Pablopa mɨá nãɨ k'art'a bɨpi bɨma.#16:22 Pablopa mɨá nãɨ k'art'a bɨpi bɨma. Mãɨ ewaride Pablopa ichiapuru ichi k'art'a bɨk'a pasima, maawẽapuru ẽpẽra ichi pae k'art'a bɨpiparia mãɨa jarak'ari, bɨpipachima. Nãɨ k'art'ade mãɨ ẽpẽra «Tercioade» a jarasima, mãɨnepa waapẽarã ũpẽarã́ pia p'anapadade a jara peesima. Tachi Chipari Jesucristodepa mɨa k'ɨ̃ria bɨma mãra pia tuananait'a.
23Ũpẽa Gayo pida k'ɨ̃ria bɨma mãra pia tuananait'a. Mɨ ichi tiida bɨma. Ũpẽarã jõmãɨrã ichi tiida ará nɨp'anaparima. Nãɨ p'uurudepema erreara ak'ɨparí Erastopa mãɨnepa ũpẽa Cuartopa k'ɨ̃ria p'anɨma mãra pia tuananait'a.
24Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a.
Pablopa Tachi Ak'õrea pia pedeada
25-26Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma. 27Ichi abapuru bɨma. Nejõma k'awa bɨma. Jesucristodepa tachia ewaricha ichiá pia pedeadai p'anɨma. Mãɨya beese.
Currently Selected:
Romano 16: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Romano 16
16
Pablopa nãɨ k'art'ade k'aadea bɨda
1Mɨa mãrá tachi ũpẽawẽra P'ebe apataɨ k'orea pia jararuma. Ichi Cencrea p'uurude ũpẽarã k'aripaparipɨ.#16:1 Ũpẽarã k'aripaparipɨ. Griego pedeade nãɨya bɨ bɨma: diácono. P'ebe wẽra pasima. Mãɨ k'orea k'ãp'ũra pedeade «diaconisa» a jarapatama. 2Tachi Chipari t'ɨ̃nepa pia pedeat'ɨ Tachi Ak'õre ẽpẽrarãpa oodai p'anɨ jĩra. Ichia ẽpẽrarã chok'ará k'aripasima. Mɨ sida minachia k'aripasima. Mãɨpuru ne ãareaɨnepa ichi k'aripat'ɨ.
3Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma. 4Perá piusidama mɨ k'aripadai k'orea. Mɨa mãɨnepa jõma ũpẽarã judiorãwẽ pida ãchiá sõpia p'anapade apatama. 5Mãɨnepa ũpẽarã ãchi tede chi ará nɨbapataɨrã́ pia p'anapadade a jara peet'ɨ. Mɨ ũpẽa minachia k'ɨ̃ria bɨ Ep'enetoa ara mãɨ jĩra jarat'ɨ. Acaya tuade ichia naa Jesucristode ĩjãasima. 6Ũpẽawẽra Mariá pia bapade a jara peet'ɨ. Ichia mãra minachia k'aripa bɨma. 7Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.
8Mɨ ũpẽa Ampliasá pia bapade a jara peet'ɨ. Tachi Chipari Jesucristodepa, ichi minachia k'ɨ̃ria bɨma. 9Ũpẽa Urbanoa pia bapade a jara peet'ɨ. Ichia tai ome ará Jesucristo k'orea jaratea bɨma. Ũpẽa Estaquia pida abarik'a jarat'ɨ. Ichi sida mɨa k'ɨ̃ria bɨma. 10Ũpẽa Apelea pia bapade a jara peet'ɨ. Ichia unupisima Cristo piarã ĩjãa bɨt'a. Jõma Aristóbulo ẽpẽrarã́ pida abarik'a jĩra jarat'ɨ. 11Mɨ ũpẽa judio Herodioná pia bapade a jara peet'ɨ. Narciso ẽpẽrarã Tachi Chipari ĩjãa berã́ pia p'anapadade a jara peet'ɨ. 12Ũpẽawẽra Trip'enoa mãɨnepa Trip'osoa pia p'anapade a jara peet'ɨ. Ãchia Tachi Chipari pae pia oo p'anɨma. Mãɨnepa ũpẽawẽra Persidoa abarik'a jarat'ɨ. Ichia pida Tachi Chipari pae pia oo bɨma. 13Ũpẽa Rup'o Tachi Chiparipa jɨrɨ atadá mãɨnepa ichi naea pia p'anapade a jara peet'ɨ. Ichi nae mɨ nae jira bɨma. 14Ũpẽa Asincritoa, P'legontea, Hermesá, Patrobá, Hermasá mãɨnepa ũpẽarã ãchi ome p'anaparirã́ pida pia p'anapadade a jara peet'ɨ. 15Mãɨnepa ũpẽa P'ilologoa, Juliá, Olimpá, Nereoa, ichi ũpẽawẽrá mãɨnepa jõma ẽpẽrarã Tachi Ak'õrenepemarã ãchi ome p'anaparirã́ pia p'anapadade a jara peet'ɨ. 16Piarã k'ɨ̃rianepa chi pia p'anapadade a jara peet'ɨ.#16:16 Piarã k'ɨ̃rianepa chi pia p'anapadade a jara peet'ɨ. Griego pedeade nãɨya bɨ bɨma: uitarra sõpia bɨdepa chi pia pedeat'ɨ. Jõma Cristo ẽpẽrarãpa mãra pia p'anapadade a jara peemaa p'anɨma.
17Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ. 18Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.
19Jõmãɨrãpa k'awa p'anɨma mãrapa Tachi Ak'õre pedea piarã oo p'anɨt'a. Mãɨ k'orea mɨ arapá bɨma. Piarã mɨa k'ɨ̃ria bɨma mãrapa pia oo k'awadait'a mãɨnepa nemietá oodaiwẽt'a. 20Chi ne k'ɨ̃risiawẽa bapiparí Tachi Ak'õrepa tãaraawẽa bɨde tiore p'uek'ari mãra juade bɨipɨ.#16:20 Tiore p'uek'ari mãra juade bɨipɨ. Griego pedeade nãɨya bɨ bɨma: tiore mãra jĩru ek'ari perp'et'aipɨ. Mɨa k'ɨ̃ria bɨma Tachi Chipari Jesupa ichi sõpiadepa mãra k'aripa bait'a.
21Ũpẽa Timoteo mɨ ome ará jaratea bɨpa k'ɨ̃ria bɨma mãra pia tuananait'a. Mãɨnepa mɨ ũpẽarã judiorã Luciopa, Jasonpa mãɨnepa Sosipateropa k'ɨ̃ria p'anɨma mãra pia tuananait'a.
22Mɨ Terciopɨ. Pablopa mɨá nãɨ k'art'a bɨpi bɨma.#16:22 Pablopa mɨá nãɨ k'art'a bɨpi bɨma. Mãɨ ewaride Pablopa ichiapuru ichi k'art'a bɨk'a pasima, maawẽapuru ẽpẽra ichi pae k'art'a bɨpiparia mãɨa jarak'ari, bɨpipachima. Nãɨ k'art'ade mãɨ ẽpẽra «Tercioade» a jarasima, mãɨnepa waapẽarã ũpẽarã́ pia p'anapadade a jara peesima. Tachi Chipari Jesucristodepa mɨa k'ɨ̃ria bɨma mãra pia tuananait'a.
23Ũpẽa Gayo pida k'ɨ̃ria bɨma mãra pia tuananait'a. Mɨ ichi tiida bɨma. Ũpẽarã jõmãɨrã ichi tiida ará nɨp'anaparima. Nãɨ p'uurudepema erreara ak'ɨparí Erastopa mãɨnepa ũpẽa Cuartopa k'ɨ̃ria p'anɨma mãra pia tuananait'a.
24Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a.
Pablopa Tachi Ak'õrea pia pedeada
25-26Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma. 27Ichi abapuru bɨma. Nejõma k'awa bɨma. Jesucristodepa tachia ewaricha ichiá pia pedeadai p'anɨma. Mãɨya beese.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.