Ep'esio 6
6
Warrarã ak'õrerã ome sãmaasã́ p'ananai p'anɨ
1Warrarã, mãra ak'õrerã pedea ĩjãat'ɨ Tachi Chiparipa k'ɨ̃ria bɨ jĩra, mãɨya jĩp'a bɨ pẽra. 2Moisepa bɨdade nãɨya jara bɨma: «Mãra ak'õre mãɨnepa mãra nae wap'ea p'anat'ɨ».#Éxodo 20:12. Naena Tachi Ak'õrepa nãɨya k'aripayade a basima: 3Mãɨya oosidara, «Mãra nãɨ ĩjũane tãaraa pia tuananaipɨ».#Deuteronomio 5:16.
4Ak'õrerã, mãra warrarã taup'ãeutade k'ĩruupirãt'ɨ. Maawẽapuru taujĩra jaratea p'anat'ɨ jĩp'a oodamẽrá, Tachi Chiparipa k'ɨ̃ria bɨ jĩra.
Chi chipari pae pari mimiapataɨrã ãchi chipari ome sãmaasã́ p'ananai p'anɨ
5Chi chipari pae pari mimiapataɨrã, mãra chi nãɨ ĩjũanepema chipari wap'ea p'anɨnepa, ichia jararu sõnepa jõma oot'ɨ, Cristo pedea oo p'anɨ jĩra. 6Abapuru ichia ak'ɨ bɨde mãɨya oorãt'ɨ, ichi ome pia p'ananai k'orea. Mãɨpari sõnepa oot'ɨ mãra Cristo pae pari mimiapataɨrã pẽra. Tachi Ak'õrepa mãɨya k'ɨ̃ria bɨma. 7Mãra chiparipa jara bɨ oo p'anɨne, k'ɨ̃risia piadepa oot'ɨ Tachi Chipari pae oo p'anɨ jĩra. K'ɨ̃risiarãt'ɨ abapuru nãɨ ĩjũanepema chipari pae mãɨya oo p'anɨt'a. 8Mãrapa k'awa p'anɨma chi chipari pae pari mimiaparipɨra wa chipari pae pari mimiapariwẽpɨra, Tachi Chiparipa tachicha teaipɨ tachia oodada jĩra.
9Ara mãɨya mãra chi chiparirã pida, chi mãra pae pari mimiapataɨrã pia oot'ɨ. Ãchi ɨtɨadayade arãt'ɨ. K'ɨ̃risiat'ɨ chi ãchi pajãnepema Chiparit'a ichiaba ara mãra Chiparipɨ. Ichia jõmãɨrã abarik'a ak'ɨparima.
Papaká bɨpa ne jɨ̃parí chaarea bɨ k'orea bɨda
10Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ. 11Chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ, mãra chaarea p'ananai k'orea, tiorea seapiemaapa. 12Tachi ẽpẽrarã paara chõo p'anɨwẽma.#6:12 Ẽpẽrarã paara chõo p'anɨwẽma. Griego pedeade nãɨya bɨ bɨma: k'iuru pará be ome mãɨnepa oa pará be ome chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ. 13Mãɨ k'orea chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ. Mãɨya tiorepa mĩesa oopiyá bɨde mãrapa p'ue choadaipɨ. P'uedak'ari chaarea p'ananaipɨ.
14Mãɨpuru piarã pedea ĩjãa p'anɨnepa chaarea p'anat'ɨ, papaká bɨpa ichi k'ɨrrɨde ne p'ará jɨ̃ bɨ jĩra. Jĩp'a nipat'ɨ nemietá oopidaemaapa, papaká bɨpa ichi k'ak'uade ne chaarea bɨ jɨ̃pari jĩra. 15Chi pedea pia Tachi Ak'õre ome pia baidepema jarade wãnai k'orea p'anat'ɨ, papaká bɨpa chõone wãi k'orea ichi jĩrune ne jɨ̃pari jĩra.#6:15 Mãɨ versículo ichiaba nãɨya bɨ bɨma: Pedea pia Tachi Ak'õre ome pia baidepema minachia ĩjãa p'anat'ɨ chaarea p'ananai k'orea, papaká bɨ siratɨapiemaapa ichi jĩrune ne jɨ̃ bɨdepa. Isaía 52:7. 16Mãɨ awara ne ãareaɨne Cristode ĩjãa p'anat'ɨ, papaká bɨpa ne ichi k'ak'ua k'aripaparí ichi juade uru bɨ jĩra. Tiorepa mĩesa oopiyá bɨde, chi ichia sia urua bɨpa t'ĩuparí jĩra bɨma. Maamina mãrapa Cristode ĩjãa p'ananaipɨra, choadaipɨ chi k'ak'ua k'aripaparipa sia urua bɨt'a k'iipipari jĩra bɨma. 17Mãɨnepa sõnepa minachia k'awat'ɨ Tachi Ak'õrepa mãra piarã k'aripasit'a, papaká bɨpa ichi poro ɨ̃rɨ ne chaarea jɨ̃pari jĩra. Mãɨ awara Tachi Ak'õre pedea ichi Jaoredepa minachia k'awat'ɨ. Tachi Ak'õre pedea k'ĩruuparí nek'o jĩra bɨma, nemietá p'uepari pẽra.
18Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ. 19Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a. 20Cristopa mɨ peesima mãɨ pedea jarateamẽrá. Mãɨ jaratea bɨ k'orea mɨ mãɨya eda serra uru p'anɨma. Tachi Ak'õrea ɨt'aa chiidit'ɨ mɨa mãɨ pedea pia ne wap'eawẽa pedeai k'orea, mɨa mãɨya ooi bɨ jĩra.
Nãɨ k'art'ade Pablopa k'aadea bɨda
21Tachia k'ɨ̃ria p'anɨ ũpẽa Tik'ik'opa mɨ k'orea mãrá ãarea nepɨrɨipɨ k'awadamẽrá mɨ sãmaasã́ bɨt'a mãɨnepa k'ãre oo bɨt'a. Ichi Tachi Chipari pae pari pia mimiapari pẽra, ne ãareaɨne pia ooparima. 22Mɨa ichi mãramá peeruma k'awadamẽrá tai sãmaasã́ p'anɨt'a. Ichia mãra sõpiapiipɨ.
23Ũpẽarã, mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida mãra k'aripadait'a, chi k'ɨ̃ria p'ananamẽrá mãɨnepa pia ĩjãa p'ananamẽrá. Mãɨnepa k'ɨ̃ria bɨma ãchia mãra ne k'ɨ̃risiawẽa p'anapidamẽrá. 24Mɨa k'ɨ̃ria bɨma Tachi Ak'õrepa ichi sõpiadepa jõma Tachi Chipari Jesucristo piarã minachia k'ɨ̃ria berã k'aripa bait'a. Mãɨya beese.
Currently Selected:
Ep'esio 6: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Ep'esio 6
6
Warrarã ak'õrerã ome sãmaasã́ p'ananai p'anɨ
1Warrarã, mãra ak'õrerã pedea ĩjãat'ɨ Tachi Chiparipa k'ɨ̃ria bɨ jĩra, mãɨya jĩp'a bɨ pẽra. 2Moisepa bɨdade nãɨya jara bɨma: «Mãra ak'õre mãɨnepa mãra nae wap'ea p'anat'ɨ».#Éxodo 20:12. Naena Tachi Ak'õrepa nãɨya k'aripayade a basima: 3Mãɨya oosidara, «Mãra nãɨ ĩjũane tãaraa pia tuananaipɨ».#Deuteronomio 5:16.
4Ak'õrerã, mãra warrarã taup'ãeutade k'ĩruupirãt'ɨ. Maawẽapuru taujĩra jaratea p'anat'ɨ jĩp'a oodamẽrá, Tachi Chiparipa k'ɨ̃ria bɨ jĩra.
Chi chipari pae pari mimiapataɨrã ãchi chipari ome sãmaasã́ p'ananai p'anɨ
5Chi chipari pae pari mimiapataɨrã, mãra chi nãɨ ĩjũanepema chipari wap'ea p'anɨnepa, ichia jararu sõnepa jõma oot'ɨ, Cristo pedea oo p'anɨ jĩra. 6Abapuru ichia ak'ɨ bɨde mãɨya oorãt'ɨ, ichi ome pia p'ananai k'orea. Mãɨpari sõnepa oot'ɨ mãra Cristo pae pari mimiapataɨrã pẽra. Tachi Ak'õrepa mãɨya k'ɨ̃ria bɨma. 7Mãra chiparipa jara bɨ oo p'anɨne, k'ɨ̃risia piadepa oot'ɨ Tachi Chipari pae oo p'anɨ jĩra. K'ɨ̃risiarãt'ɨ abapuru nãɨ ĩjũanepema chipari pae mãɨya oo p'anɨt'a. 8Mãrapa k'awa p'anɨma chi chipari pae pari mimiaparipɨra wa chipari pae pari mimiapariwẽpɨra, Tachi Chiparipa tachicha teaipɨ tachia oodada jĩra.
9Ara mãɨya mãra chi chiparirã pida, chi mãra pae pari mimiapataɨrã pia oot'ɨ. Ãchi ɨtɨadayade arãt'ɨ. K'ɨ̃risiat'ɨ chi ãchi pajãnepema Chiparit'a ichiaba ara mãra Chiparipɨ. Ichia jõmãɨrã abarik'a ak'ɨparima.
Papaká bɨpa ne jɨ̃parí chaarea bɨ k'orea bɨda
10Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ. 11Chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ, mãra chaarea p'ananai k'orea, tiorea seapiemaapa. 12Tachi ẽpẽrarã paara chõo p'anɨwẽma.#6:12 Ẽpẽrarã paara chõo p'anɨwẽma. Griego pedeade nãɨya bɨ bɨma: k'iuru pará be ome mãɨnepa oa pará be ome chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ. 13Mãɨ k'orea chi papaká bɨpa ne jɨ̃parí chaarea bɨt'a, Tachi Ak'õrepa mãrá teadat'a jɨ̃t'ɨ. Mãɨya tiorepa mĩesa oopiyá bɨde mãrapa p'ue choadaipɨ. P'uedak'ari chaarea p'ananaipɨ.
14Mãɨpuru piarã pedea ĩjãa p'anɨnepa chaarea p'anat'ɨ, papaká bɨpa ichi k'ɨrrɨde ne p'ará jɨ̃ bɨ jĩra. Jĩp'a nipat'ɨ nemietá oopidaemaapa, papaká bɨpa ichi k'ak'uade ne chaarea bɨ jɨ̃pari jĩra. 15Chi pedea pia Tachi Ak'õre ome pia baidepema jarade wãnai k'orea p'anat'ɨ, papaká bɨpa chõone wãi k'orea ichi jĩrune ne jɨ̃pari jĩra.#6:15 Mãɨ versículo ichiaba nãɨya bɨ bɨma: Pedea pia Tachi Ak'õre ome pia baidepema minachia ĩjãa p'anat'ɨ chaarea p'ananai k'orea, papaká bɨ siratɨapiemaapa ichi jĩrune ne jɨ̃ bɨdepa. Isaía 52:7. 16Mãɨ awara ne ãareaɨne Cristode ĩjãa p'anat'ɨ, papaká bɨpa ne ichi k'ak'ua k'aripaparí ichi juade uru bɨ jĩra. Tiorepa mĩesa oopiyá bɨde, chi ichia sia urua bɨpa t'ĩuparí jĩra bɨma. Maamina mãrapa Cristode ĩjãa p'ananaipɨra, choadaipɨ chi k'ak'ua k'aripaparipa sia urua bɨt'a k'iipipari jĩra bɨma. 17Mãɨnepa sõnepa minachia k'awat'ɨ Tachi Ak'õrepa mãra piarã k'aripasit'a, papaká bɨpa ichi poro ɨ̃rɨ ne chaarea jɨ̃pari jĩra. Mãɨ awara Tachi Ak'õre pedea ichi Jaoredepa minachia k'awat'ɨ. Tachi Ak'õre pedea k'ĩruuparí nek'o jĩra bɨma, nemietá p'uepari pẽra.
18Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ. 19Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a. 20Cristopa mɨ peesima mãɨ pedea jarateamẽrá. Mãɨ jaratea bɨ k'orea mɨ mãɨya eda serra uru p'anɨma. Tachi Ak'õrea ɨt'aa chiidit'ɨ mɨa mãɨ pedea pia ne wap'eawẽa pedeai k'orea, mɨa mãɨya ooi bɨ jĩra.
Nãɨ k'art'ade Pablopa k'aadea bɨda
21Tachia k'ɨ̃ria p'anɨ ũpẽa Tik'ik'opa mɨ k'orea mãrá ãarea nepɨrɨipɨ k'awadamẽrá mɨ sãmaasã́ bɨt'a mãɨnepa k'ãre oo bɨt'a. Ichi Tachi Chipari pae pari pia mimiapari pẽra, ne ãareaɨne pia ooparima. 22Mɨa ichi mãramá peeruma k'awadamẽrá tai sãmaasã́ p'anɨt'a. Ichia mãra sõpiapiipɨ.
23Ũpẽarã, mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida mãra k'aripadait'a, chi k'ɨ̃ria p'ananamẽrá mãɨnepa pia ĩjãa p'ananamẽrá. Mãɨnepa k'ɨ̃ria bɨma ãchia mãra ne k'ɨ̃risiawẽa p'anapidamẽrá. 24Mɨa k'ɨ̃ria bɨma Tachi Ak'õrepa ichi sõpiadepa jõma Tachi Chipari Jesucristo piarã minachia k'ɨ̃ria berã k'aripa bait'a. Mãɨya beese.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.