Colosense 1

Nãɨ k'art'ade Pablopa naa bɨda

1Mɨ Pablopɨ. Tachi Ak'õrepa pari k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. 2Mɨa nãɨ k'art'a bɨruma Tachi Ak'õre ẽpẽrarã, tachi ũpẽarã Jesucristo ĩjãapataɨrã Colosa p'uurudepema pae. Taipa k'ɨ̃ria p'anɨma Tachi Pajãnepema Ak'õrepa#1:2 Tachi Pajãnepema Ak'õre. K'ãp'ũra pedeade bɨ bɨma: Dios el Padre. ichi sõpiadepa mãra k'aripa bait'a mãɨnepa ne k'ɨ̃risiadawẽa bapiit'a.#1:2 Tachi Pajãnepema Ak'õre. Griego pedeade chi eda waapẽarã k'art'ade bɨ bɨma: Tachi Pajãnepema Ak'õrepa mãɨnepa Tachi Chipari Jesucristo.

Ũpẽarã k'orea Pablopa Tachi Ak'õrea ɨt'aa chiidida

3Tachi Chipari Jesucristo Ak'õre, Tachi Ak'õrea ɨt'aa chiidiutacha taipa mãra k'orea sõpia p'anɨane apatama. 4Taipa ũri p'anɨma mãrapa Jesucristode ĩjãa p'anɨt'a mãɨnepa jõma Tachi Ak'õre ẽpẽrarã minachia k'ɨ̃ria p'anɨt'a. 5Mãra mãɨya p'anɨma, k'awa p'anɨ pẽra Tachi Ak'õrepa mãra pae nepia pajãne yaa uru bɨt'a. Mãɨ mãrapa naena ũrisidama chi piarãpẽa pedea Jesucristo k'orea mãramá cheside. Mãɨ pedea pia 6ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra. 7Mãɨ pedea tachi ũpẽa Epap'rapa mãrá k'awapisima. Ichi taipa piarã k'ɨ̃ria p'anɨma. Tai ome abarik'a oo bɨma. Ichi Cristo pae pari mimiaparipɨ. Mãra k'aripai k'orea ne ãareaɨne jĩp'a ooparima.#1:7 Mãra k'aripai k'orea. Griego pedeade chi eda waapẽarã k'art'ade bɨ bɨma: tai k'aripai k'orea. 8Ichia taiyá jarasima mãra Tachi Ak'õre Jaoredepa piarã chi k'ɨ̃ria p'anɨt'a.

9Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá. 10Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ. 11Taipa Tachi Ak'õrea ɨt'aa chiidi p'anɨma ichi jua chaarea waibɨa bɨdepa mãra chaarea p'ananamẽrá. Mãɨya mãra minachia mĩa p'anɨt'a mãɨnepa mãrá mĩapii p'anɨt'a pia choadaipɨ. 12Mãɨya arapá p'anɨnepa Tachi Pajãnepema Ak'õrea sõpia p'anɨane adaipɨ. Mãra jõma ichi ẽpẽrarã ome ɨnaane pia bɨsima ichia uru bɨdepema jitadamẽrá. 13Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá. 14Ichi Warradepa Tachi Ak'õrepa tachi nemietaadepema k'aripasima.#1:14 K'aripasima. Griego pedeade chi eda waapẽarã k'art'ade bɨ bɨma: k'aripasima ichi oadepa. Tachia nemietá oodada ãarea k'ɨ̃risia atuasima.

Cristo nejõma k'aepẽra chi atepe bɨt'a

15Chi tachia ununak'aɨ Tachi Ak'õre, mãɨ Jesucristodepa unupatama. Ichit'a Tachi Ak'õre Warra ĩwini pẽra nejõma Tachi Ak'õrepa ooda Chiparipɨ.

16Ichidepa Tachi Ak'õrepa nejõma oosima. Pajãne be, nãɨ ĩjũane be, tachia unupataɨt'a mãɨnepa tachia ununak'aɨt'a ãarea oosima.

Jõma ununak'aɨ minachia berã, chi atepe k'awa p'anɨrã mãɨnepa chi jua chaarea be oosima. Tachi Ak'õrepa nejõma Cristodepa oosima mãɨnepa Cristo pae oosima.

17Nejõma ooi naena Cristo basima. Ne ãarea ichidepa bɨma.#1:17 Ne ãarea ichidepa bɨma. Jara k'ɨ̃ria bɨma pajãne nɨbeerã, ĩjũane nɨbeerã mãɨnepa tachia ẽpẽerãpa ne p'ue oodak'apɨ́ sida.

18Cristo ichi ẽpẽrarã chiparipɨ.#1:18 Ichi ẽpẽrarã chiparipɨ. K'ãp'ũra pedeade bɨ bɨma: Él es la cabeza del cuerpo, que es la iglesia. Ichidepa ãchi p'anɨma. Ichi ewaricha chok'ae bai k'orea naa chok'ae p'irabarisima. Mãɨpuru ne ãarea k'aepẽra chi atepe bɨma.

19Tachi Ak'õrepa k'ɨ̃riasima Cristo ara ichi jĩra bait'a.

20Mãɨnepa k'ɨ̃riasima Cristodepa ne ãarea pajãnepema mãɨnepa nãɨ ĩjũanepema ichi ome pia p'ananamẽrá.

Mãɨpuru Cristo k'urusude oa ãrinaneepuru ichi ome nek'ĩramariwẽa p'aneesidama.

21K'achia oo p'anɨnepa mãra naena Tachi Ak'õrenepema awara p'anasidama mãɨnepa piawẽa k'ɨ̃risia p'anɨnepa Tachi Ak'õre nek'ĩramá p'anasidama. 22Maamina Cristo piudadepa Tachi Ak'õrepa mãra ichi ome pia bɨsima ichi k'ĩrari k'achiawẽa p'ananamẽrá mãɨnepa waapẽarãpa mãra k'orea k'achia pedeadawẽa p'ananamẽrá. 23Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane#1:23 Jõma nãɨ ĩjũane. K'ãp'ũra pedea bɨ bɨma: en toda la creación que está debajo del cielo. jaratea p'anɨma. Ara mãɨ pedea mɨa pida jaratea bɨma.

Pablopa ũpẽarã k'aripai k'orea jaratea bada

24Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea. 25Tachi Ak'õrepa mɨ ichi ẽpẽrarã pae pari mimiaparí bɨsima. Mãɨpuru ichi pedea jõma arí mãrá jaratea bɨma. 26Mãɨ pedea chõarãenapema ewaride Tachi Ak'õrepa k'awapiwẽa basima, maamina idiapae mãɨ ichi ẽpẽrarã́ k'awapisima. 27Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

28Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ. 29Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

Currently Selected:

Colosense 1: tdc

Highlight

Copy

Compare