Hecho 24
24
Pablo P'eli k'ĩrari pedeada
1Ewari k'ak'o joesoma padak'ari p'aare minachia k'awa bɨ Anania chi eda waapẽarã judiorã chõarã ome Cesarea p'uurude chesidama. Ãchia chi k'aripa pedeaparí Tértulo ateewãsidama, ichia chi Pablo nepɨra P'eli k'ĩrari jaramẽrá. 2P'elipa Pablo ateewãpiside mãɨ Tertulopa Pablo nepɨra pedea beesima. Nãɨya jarasima:
—Chi atepe bɨ P'eli, pɨ tai chi poro chaarea beeda ewaridepa nãɨ tuade tãaraa nek'ĩramariwẽa p'anɨma. Mãɨnepa pɨ k'ɨ̃risia k'awa bɨdepa ne minachia oo bɨma tai pia tuananamẽrá. 3Pɨa oo bɨ k'orea tai p'anɨcha ne ãareaɨne pia bɨade apatama. 4Maamina tãaraa waa jaraemaapa mɨa pɨá chichupuria idiruma pɨ piadepa tai pedea ũrimẽrá.
5Taipa k'awa p'anɨma nãɨ ẽpẽra nepɨra pará baparit'a. Ãarea nãɨ ĩjũane judiorã k'ĩruupik'apiparima. Ichi chi Nazaredepema chi poro chaarea bɨpɨ. 6Mãɨ awara Tachi Ak'õre te minachia bɨde chi taipa ne p'ue oodaiwẽa p'anɨt'a ichia mãɨ ooyá oosima. Mãɨpuru taipa ichi jitasidama. [Tai Moisepa bɨdadepa ichi nepɨra ak'ɨdai k'ɨ̃ria p'anasidama. 7Maamina papaká berã chi atepe bɨ Lisiapa ichi jua chaareadepa k'ĩruuk'ari, tai juadepema ẽemarisima. 8Mãɨ awara jarasima chi ichi nepɨra pará bɨade apataɨrã pɨmá chedai p'anɨt'a.]#24:6-8 Griego pedeade chi eda waapẽarã k'art'ade pedea corchetede bɨt'a newẽma. Pɨa ichiá idipɨra k'awaipɨ ãarea taipa jara p'anɨ piarãt'a.
9Chi judiorã mãma p'anɨ pida ãarea mãɨ pedea piarãane asidama.
10Maapae chi poro chaarea bɨpa Pabloa juadepa jarasima pedeamẽrá. Ara mãɨne Pablopa jarasima:
—Mɨa k'awa bɨma pɨ tãaraa bɨ chi nãɨ tuadepema nepɨra ak'ɨparit'a. Mãɨpuru mɨ ara mɨchi k'orea sõpiadepa pedeaipɨ. 11Mɨ ewari k'ak'o doce pa bɨma Jerusalenea wã basit'a, Tachi Ak'õrea pia pedeai k'orea. Pɨa mãɨ k'orea abaɨa idiipɨra k'awaipɨ mãɨ piarãt'a. 12Chi mɨ nepɨra pará bɨade a p'anɨrãpa mɨ ununaé pasima chĩara ome k'ĩruu pedea bɨt'a wa ẽpẽerã k'ĩruupik'api bɨt'a. Tachi Ak'õre te minachia bɨde, judiorã ará pedeapataɨ tede mãɨnepa mi ãpia pida p'uurude pida mɨa mãɨya oo bɨt'a ununaé pasima. 13Nãɨ ẽpẽerãpa p'ue k'awapidawẽma chi ãchia jara p'anɨ piarãt'a. 14Maamina mɨa pɨá nãɨ jararuma: mɨa tai chõarãenapemarã Tachi Ak'õrene ĩjãa bɨpɨ. Mɨ chi O Chiwidi apataɨdepemapɨ. Ãchia mãɨ O Chiwidi seade apatama#24:14 Seade apatama. K'ãp'ũra pedeade nãɨya bɨ bɨma: secta. maamina mɨa Moisepa bɨda mãɨnepa Tachi Ak'õre pari pedeapataɨrãpa bɨdada ãarea ĩjãa bɨma. 15Chi nãɨrã judiorãpa nɨ p'anɨma chi jĩp'a be mãɨnepa chi jĩp'awẽa be piudak'ari Tachi Ak'õrepa chok'ae p'irabaripiit'a. Mɨa pida mãɨ nɨ bɨma.#Daniel 12:2. 16Mãɨpuru mɨa ne ãarea ooparima Tachi Ak'õre k'ĩrari mãɨnepa ẽpẽerã k'ĩrari jĩp'a nipai k'orea.
17»Mɨ Jerusalén awara bada ãyo minachia bak'ari, maapae mãicha Jerusalenea wãsima, mɨ p'uurudepemarã nenea k'ede pae erreara teai k'orea mãɨnepa Tachi Ak'õrea ãnimara paateai k'orea. 18Mãɨya bɨde chi Tachi Ak'õre k'ĩrari pia bai k'orea mɨa jõma ooside, Tachi Ak'õre te minachia bɨde chi Asiadepema judiorãpa mɨ unusidama. Maamina ẽpẽra minachia cheepɨrɨdaé pasima mãɨnepa ẽpẽerã k'ĩruupik'adaé pasima. 19Chi mɨ ununaanapa mɨ nepɨra pará bɨade a k'ɨ̃ria p'anɨpɨra, ãchi pɨ k'ĩrari mãɨ jarade chedai p'anɨma. 20Mãɨyawẽpɨra chi nãma p'anɨpa jaradai p'anɨma k'ãre nemietá unusidat'a, chi judiorã chaarearã k'ĩrari mɨ ateewãsidaɨde. 21Abapuru p'ue jaradaipɨ mɨa nãɨya jĩk'ua jarasit'a: “Idi mãrapa mɨ nepɨra pará bɨade a p'anɨma chi piudaadarã chok'ae p'irabaridai mãɨne ĩjãa bɨ k'orea”.#Hecho 23:6.
22P'elipa chi O Chiwidi k'orea minachia k'awa bada pẽra, Pablo nepɨra ak'ɨit'a itu bɨdook'ari, nãɨya jarasima:
—Papaká berã chi atepe chaarea bɨ Lisia cherude mɨa mãra nepɨra ak'ɨipɨ.
23Maapae ichia chi papaká berã chi mãɨrã chaarea bɨa Pablo jɨ̃a nɨbɨpataɨ tede ak'ɨpisima, maamina jarasima Pablopa oo k'ɨ̃ria bɨt'a itu oopimẽrá. Mãɨnepa itu bɨsima chi Pablo ũpẽa jĩra berãpa ichi k'aripade chedamẽrá.
24Mãɨya nak'ari P'eli chi k'ima Drusila ome mãicha chesima. Mãɨ wẽra judio pasima.#24:24 Mãɨ Drusila Herode Agripa Naapema k'au pasima. Chi ũpẽa Agripa Umepema pasima. Hecho 25:13. Mãɨne P'elipa Pablo t'ɨ̃sima ichia Jesucristo ĩjãanai k'orea pedea bɨ ũrii k'orea. 25Mãɨya bɨde Pablopa chi tachi jĩp'a nipai k'orea, k'ak'ua jĩp'a uru bai k'orea mãɨnepa Tachi Ak'õrepa ɨtɨai ewari chei k'orea pedeasima. P'elipa mãɨ k'orea ũriside ne wap'eak'ari nãɨya jarasima: «Naapae wãse. Mɨ pari bɨde mãicha pɨ t'ɨ̃ipɨ».
26P'elipa k'ɨ̃risia basima Pablopa ichiá erreara teait'a ichi k'ẽet'aamẽrá. Mãɨpuru edaɨde Pablo t'ɨ̃ peepachima ichi ome pedeai k'orea. 27Ãyo ume padak'ari P'eli chi poro chaarea bada itu bɨk'ari, maapae Porcio P'esto chi poro chaarea beesima. Maamina P'eli wãside judiorã ome pia bee k'ɨ̃ria basima. Mãɨpuru Pablo eda jɨ̃a nɨbeesima.
Currently Selected:
Hecho 24: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Hecho 24
24
Pablo P'eli k'ĩrari pedeada
1Ewari k'ak'o joesoma padak'ari p'aare minachia k'awa bɨ Anania chi eda waapẽarã judiorã chõarã ome Cesarea p'uurude chesidama. Ãchia chi k'aripa pedeaparí Tértulo ateewãsidama, ichia chi Pablo nepɨra P'eli k'ĩrari jaramẽrá. 2P'elipa Pablo ateewãpiside mãɨ Tertulopa Pablo nepɨra pedea beesima. Nãɨya jarasima:
—Chi atepe bɨ P'eli, pɨ tai chi poro chaarea beeda ewaridepa nãɨ tuade tãaraa nek'ĩramariwẽa p'anɨma. Mãɨnepa pɨ k'ɨ̃risia k'awa bɨdepa ne minachia oo bɨma tai pia tuananamẽrá. 3Pɨa oo bɨ k'orea tai p'anɨcha ne ãareaɨne pia bɨade apatama. 4Maamina tãaraa waa jaraemaapa mɨa pɨá chichupuria idiruma pɨ piadepa tai pedea ũrimẽrá.
5Taipa k'awa p'anɨma nãɨ ẽpẽra nepɨra pará baparit'a. Ãarea nãɨ ĩjũane judiorã k'ĩruupik'apiparima. Ichi chi Nazaredepema chi poro chaarea bɨpɨ. 6Mãɨ awara Tachi Ak'õre te minachia bɨde chi taipa ne p'ue oodaiwẽa p'anɨt'a ichia mãɨ ooyá oosima. Mãɨpuru taipa ichi jitasidama. [Tai Moisepa bɨdadepa ichi nepɨra ak'ɨdai k'ɨ̃ria p'anasidama. 7Maamina papaká berã chi atepe bɨ Lisiapa ichi jua chaareadepa k'ĩruuk'ari, tai juadepema ẽemarisima. 8Mãɨ awara jarasima chi ichi nepɨra pará bɨade apataɨrã pɨmá chedai p'anɨt'a.]#24:6-8 Griego pedeade chi eda waapẽarã k'art'ade pedea corchetede bɨt'a newẽma. Pɨa ichiá idipɨra k'awaipɨ ãarea taipa jara p'anɨ piarãt'a.
9Chi judiorã mãma p'anɨ pida ãarea mãɨ pedea piarãane asidama.
10Maapae chi poro chaarea bɨpa Pabloa juadepa jarasima pedeamẽrá. Ara mãɨne Pablopa jarasima:
—Mɨa k'awa bɨma pɨ tãaraa bɨ chi nãɨ tuadepema nepɨra ak'ɨparit'a. Mãɨpuru mɨ ara mɨchi k'orea sõpiadepa pedeaipɨ. 11Mɨ ewari k'ak'o doce pa bɨma Jerusalenea wã basit'a, Tachi Ak'õrea pia pedeai k'orea. Pɨa mãɨ k'orea abaɨa idiipɨra k'awaipɨ mãɨ piarãt'a. 12Chi mɨ nepɨra pará bɨade a p'anɨrãpa mɨ ununaé pasima chĩara ome k'ĩruu pedea bɨt'a wa ẽpẽerã k'ĩruupik'api bɨt'a. Tachi Ak'õre te minachia bɨde, judiorã ará pedeapataɨ tede mãɨnepa mi ãpia pida p'uurude pida mɨa mãɨya oo bɨt'a ununaé pasima. 13Nãɨ ẽpẽerãpa p'ue k'awapidawẽma chi ãchia jara p'anɨ piarãt'a. 14Maamina mɨa pɨá nãɨ jararuma: mɨa tai chõarãenapemarã Tachi Ak'õrene ĩjãa bɨpɨ. Mɨ chi O Chiwidi apataɨdepemapɨ. Ãchia mãɨ O Chiwidi seade apatama#24:14 Seade apatama. K'ãp'ũra pedeade nãɨya bɨ bɨma: secta. maamina mɨa Moisepa bɨda mãɨnepa Tachi Ak'õre pari pedeapataɨrãpa bɨdada ãarea ĩjãa bɨma. 15Chi nãɨrã judiorãpa nɨ p'anɨma chi jĩp'a be mãɨnepa chi jĩp'awẽa be piudak'ari Tachi Ak'õrepa chok'ae p'irabaripiit'a. Mɨa pida mãɨ nɨ bɨma.#Daniel 12:2. 16Mãɨpuru mɨa ne ãarea ooparima Tachi Ak'õre k'ĩrari mãɨnepa ẽpẽerã k'ĩrari jĩp'a nipai k'orea.
17»Mɨ Jerusalén awara bada ãyo minachia bak'ari, maapae mãicha Jerusalenea wãsima, mɨ p'uurudepemarã nenea k'ede pae erreara teai k'orea mãɨnepa Tachi Ak'õrea ãnimara paateai k'orea. 18Mãɨya bɨde chi Tachi Ak'õre k'ĩrari pia bai k'orea mɨa jõma ooside, Tachi Ak'õre te minachia bɨde chi Asiadepema judiorãpa mɨ unusidama. Maamina ẽpẽra minachia cheepɨrɨdaé pasima mãɨnepa ẽpẽerã k'ĩruupik'adaé pasima. 19Chi mɨ ununaanapa mɨ nepɨra pará bɨade a k'ɨ̃ria p'anɨpɨra, ãchi pɨ k'ĩrari mãɨ jarade chedai p'anɨma. 20Mãɨyawẽpɨra chi nãma p'anɨpa jaradai p'anɨma k'ãre nemietá unusidat'a, chi judiorã chaarearã k'ĩrari mɨ ateewãsidaɨde. 21Abapuru p'ue jaradaipɨ mɨa nãɨya jĩk'ua jarasit'a: “Idi mãrapa mɨ nepɨra pará bɨade a p'anɨma chi piudaadarã chok'ae p'irabaridai mãɨne ĩjãa bɨ k'orea”.#Hecho 23:6.
22P'elipa chi O Chiwidi k'orea minachia k'awa bada pẽra, Pablo nepɨra ak'ɨit'a itu bɨdook'ari, nãɨya jarasima:
—Papaká berã chi atepe chaarea bɨ Lisia cherude mɨa mãra nepɨra ak'ɨipɨ.
23Maapae ichia chi papaká berã chi mãɨrã chaarea bɨa Pablo jɨ̃a nɨbɨpataɨ tede ak'ɨpisima, maamina jarasima Pablopa oo k'ɨ̃ria bɨt'a itu oopimẽrá. Mãɨnepa itu bɨsima chi Pablo ũpẽa jĩra berãpa ichi k'aripade chedamẽrá.
24Mãɨya nak'ari P'eli chi k'ima Drusila ome mãicha chesima. Mãɨ wẽra judio pasima.#24:24 Mãɨ Drusila Herode Agripa Naapema k'au pasima. Chi ũpẽa Agripa Umepema pasima. Hecho 25:13. Mãɨne P'elipa Pablo t'ɨ̃sima ichia Jesucristo ĩjãanai k'orea pedea bɨ ũrii k'orea. 25Mãɨya bɨde Pablopa chi tachi jĩp'a nipai k'orea, k'ak'ua jĩp'a uru bai k'orea mãɨnepa Tachi Ak'õrepa ɨtɨai ewari chei k'orea pedeasima. P'elipa mãɨ k'orea ũriside ne wap'eak'ari nãɨya jarasima: «Naapae wãse. Mɨ pari bɨde mãicha pɨ t'ɨ̃ipɨ».
26P'elipa k'ɨ̃risia basima Pablopa ichiá erreara teait'a ichi k'ẽet'aamẽrá. Mãɨpuru edaɨde Pablo t'ɨ̃ peepachima ichi ome pedeai k'orea. 27Ãyo ume padak'ari P'eli chi poro chaarea bada itu bɨk'ari, maapae Porcio P'esto chi poro chaarea beesima. Maamina P'eli wãside judiorã ome pia bee k'ɨ̃ria basima. Mãɨpuru Pablo eda jɨ̃a nɨbeesima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.