Hecho 21
21
Jerusalenea wãnana
1Mãɨ ũpẽarã ameenak'ari tai p'ãp'orrode Cos ĩjũa p'ɨrra bɨdea jĩp'a wãsidama. Norema Roda ĩjũa p'ɨrra bɨdea wãnak'ari Patará p'uurude pade wãsidama. 2Mãɨ Patarade p'ãp'orro P'enicia tuadea wãyá ũu bɨt'a unusidaɨde mãɨne batoodak'ari wãsidama. 3Wãutade Chipre ĩjũa p'ɨrra bɨ juawieri unusidama maamina Siria tuadea jĩp'a p'asa wãsidama. Mãma Tiro p'uurude edá batoosidama, chi p'ãp'orrodepemarãpa neet'á edá ameenai k'orea.
4Mãma taipa chi Jesude ĩjãapataɨrã ununana pẽra ãchi ome ewari k'ak'o siete p'aneesidama. Mãɨne ãchia Tachi Ak'õre Jaoredepa Pabloa jarasidama Jerusalenea wãpiemaapa. 5Maamina ewari k'ak'o siete padak'ari tai wãsidama. Ãarea ũpẽarã, ãchi mãɨnepa ãchi warrarã tai ome p'uuru tajatá wãsidama. Mãma p'usa ipu ik'idá sĩraporode k'op'aneenak'ari Tachi Ak'õrea ɨt'aa chiidisidama. 6Maapae wãnayane adak'ari p'ãp'orrode batoosidama. Ãchi tedea wãsidama.
7Maapae Tirodepa p'ãp'orrode wãnak'ari Tolemaida p'uurude chesidama. Mãma ũpẽarã ak'ɨde wãnak'ari ãchi ome ewari aba p'aneesidama. 8Norema wãnak'ari Cesarea p'uurude chesidama. Mãma P'elipe tede p'aneesidama. Mãɨ P'elipe chi pedea pia Jesú k'orea jaraparí pasima. Ũpẽarã k'aripapataɨrã siete jɨrɨ atadaadadepema pasima.#Hecho 6:1-6; 8:1-13; 8:26-40. 9Ichia k'aurã tuu p'anɨrã k'ĩmari uru basima. Mãɨ wẽrarã Tachi Ak'õre pari pedeapataɨrã pasima.
10Mãma tãaraa p'anɨne Tachi Ak'õre pari pedeaparí Agabo Judea tuadepa chesima. 11Tai ak'ɨde cheside chi Pablo k'ɨrrɨde jɨ̃parí ẽrak'ari ara ichi jĩru mãɨnepa jua jɨ̃k'ari nãɨya jarasima:
—Tachi Ak'õre Jaorepa nãɨya jara bɨma: Jerusalenepema judiorãpa nãɨ k'ɨrrɨde jɨ̃parí chipari nãɨya jɨ̃naipɨ. Maapae judiorãwẽa ichi teadaipɨ.
12Mãɨ ũrisidaɨde taipa mãɨnepa ũpẽarã Cesarea p'uurudepemarãpa Pabloa chichupuria idisidama Jerusalenea wãpiemaapa. 13Maamina Pablopa jarasima:
—¿K'ãre k'orea jẽa p'anɨma? ¿K'ãarea jãɨya mɨ sõp'uapi p'anɨma? Mɨ ara jua jɨ̃nai k'orea bɨma mãɨnepa Mɨ Chipari Jesú t'ɨ̃ k'orea Jerusalene piui k'orea bɨma.
14Mãɨne taipa ichiá jara p'aneesidama wãpiemaapa maamina ichia k'ɨ̃risia bɨt'a p'uedaé pasima. Mãɨpuru waa mãɨ k'orea pedeadaé pasima. Mãɨpari jarasidama:
—Mãɨya beese, Tachi Chiparipa k'ɨ̃ria bɨ jĩra.
15Maapae wãnai k'orea ãarea oodak'ari Jerusalenea wãsidama. 16Chi eda waapẽarã Jesude ĩjãapataɨrã Cesarea p'uurudepemarã tai ome wãsidama. Ãchia ẽpẽra Nasón#21:16 Nasón. Griego pedea bɨ bɨma: Mnasón. apataɨmá ateewãnak'ari tai ichi tede p'aneesidama. Ichi Chipredepema pasima. Jesude ĩjãana tãaraa pa basima.
Pablo Jerusalene Santiago ome pedeada
17Jerusalene chesidaɨde ũpẽarãpa taiyá minachia arapá pia pedeasidama. 18Norema Pablo tai ome Santiago ak'ɨde wãsidama.#21:18 Mãɨ Santiago Jesú ũpẽapɨ. Santiago ichiaba «Jacobo» apatama. Chi k'art'a Santiago apataɨ mãɨ Santiagopa bɨsima. Ũpẽarã ak'ɨpataɨrã sida ãarea mãma tuanasidama. 19Maapae Pablopa ãchiá «pia p'anɨk'ãra» ak'ari chi Tachi Ak'õrepa ichidepa judiorãwẽmá ooda ãarea nepɨrɨsima. 20Mãɨ ũrisidaɨde ũpẽarãpa Tachi Ak'õrea pia pedeasidama. Maapae Pabloa jarasidama:
—Ũpẽa, pɨa k'awa bɨma judiorã minachia p'anɨrãpa Jesude ĩjãa p'anɨt'a mãɨnepa Moisepa bɨda minachia ĩjãa p'anɨt'a. 21Maamina pɨ k'orea sea ũrisidama. Waapẽarãpa ãchiá jarasidama pɨa ãarea judiorã griego t'ãena berã́ Moisé itu bɨpi bɨt'a, ãchi warrarã k'ak'ua tauchaapik'at'a mãɨnepa awara tachi judiorãpa oopataɨ oopik'at'a. 22¿Sãmaasã́ oodaima mãɨ seat'a k'awadamẽrá? Pɨ cheda tãaraawẽane k'awadaipɨ. Maapae piarã pɨ mĩapidai k'orea minachia chedaipɨ.#21:22 Maapae piarã pɨ mĩapidai k'orea minachia chedaipɨ. Griego pedeade chi eda waapẽarã k'art'ade mãɨ newẽma.
23Mãɨpuru taimá pɨa nãɨya ooi bɨma: tai t'ãena ũpẽarã k'ĩmari p'anɨma. Ãchia Tachi Ak'õre k'ĩrari ne oodai jaradada ãarea ooutama. 24Mãɨ ũpẽarã Tachi Ak'õre te minachia bɨdea ateewãse. Mãma chi Tachi Ak'õre k'ĩrari pia p'ananai k'orea oot'ɨ. Ãchia Tachi Ak'õrea teadai p'anɨt'a mãɨ pɨapuru tease. Mãɨyara ãchi p'ue poro u'urua wẽpidaipɨ k'awapidai k'orea ãchia ne ooi jaradaadat'a jõma oosidama.#Número 6:13-20. Mãɨpa ãareaɨrãpa k'awadaipɨ chi pɨ k'orea jara p'anɨt'a mãɨ seat'a, mãɨnepa k'awadaipɨ pɨ piarã jĩp'a baparit'a Moisepa bɨdade jara bɨ jĩra. 25Maamina judiorãwẽ Jesude ĩjãapataɨrãpa oodai p'anɨt'a taipa k'awa jaradak'ari k'art'ade bɨsidama: ãchia juapa oodada sãdoa teadada k'odaiwẽa p'anɨma, oa k'odaiwẽa p'anɨma, ãnimara ojɨ̃ peadada k'odaiwẽa p'anɨma mãɨnepa awaraɨ ome nemietá oodaiwẽa p'anɨma.#Hecho 15:28-29.
26Norema Pablopa mãɨ ẽpẽerã ichi ome ateewãnak'ari, ne oosidama Tachi Ak'õre k'ĩrari pia p'ananai k'orea. Mãɨne Tachi Ak'õre te minachia bɨdea wãnak'ari jarasidama sãɨ ewaride Tachi Ak'õre k'ĩrari pia p'ananait'a. Mãɨ ewaride ãchicha Tachi Ak'õrea ãnimara paateadai p'anasidama.
Judiorãpa Pablo jitadada
27Maamina siete ewari pamaa bɨde chi eda waapẽarã judiorã Asia tuadepema Tachi Ak'õre te eda p'anasidama. Mãɨ judiorãpa Pablo unusidaɨde ẽpẽerã ãarea arí p'anɨ k'ĩruupik'adak'ari Pablo jitasidama. 28Mãɨne jĩk'ua jara p'anasidama: «¡Israel ĩjũanepemarã, tai k'aripat'ɨ! Nãɨ ẽpẽrapa tuacha jaratea bɨma tachi israel ĩjũanepemarã, Moisepa bɨda mãɨnepa Tachi Ak'õre te minachia bɨ piawẽa bet'a. ¡Mãɨ awara griegorã Tachi Ak'õre te minachia bɨ edaria ateewãsima!#21:28 Judiorã Tachi Ak'õre te minachia bɨ k'ait'a wãnai p'anasidama maamina griegorã awara p'aneenai p'anasidama. ¡Nãɨ te abapuru Tachi Ak'õre pae bɨt'a mietá bɨsima!»
29Mãɨya jarasidama chi Ep'esodepema Tróp'imo, Pablo ome p'uurude nipadada ununana pẽra. Ãchia k'ɨ̃risiasidama Pablopa Tróp'imo Tachi Ak'õre te minachia bɨ edaria ateewã basit'a.
30Mãɨne jõma Jerusalenepemarã k'ĩruupik'adak'ari p'ira errosidama. Pablo jitadak'ari Tachi Ak'õre te eda jidibari ateewãsidama. Maapae chi eda wãpataɨ ãarea jɨ̃ak'oasidama. 31Pablo pea k'ɨ̃ria p'anɨmisa abaɨpa romanepema papaká berã chi atepe poro chaarea bɨa jarade wãsima ãarea Jerusalene p'anɨrã k'ĩruupik'asidat'a. 32Ara mãɨne ichi mãɨnepa ichi papaká berã chi mãɨrã chaarearã t'ɨ̃k'ari ẽpẽerã k'ĩruupik'a p'anɨmá p'ira wãsidama. Judiorãpa ãchi cheuta unusidaɨde Pablo sĩ p'anana itu bɨsidama. 33Chi papaká berã chi atepe poro chaarea bɨ ará cheside Pablo jitak'ari k'ãnena umeepa jɨ̃pisima. Maapae ẽpẽerã minachia cheepɨradadá idisima Pablo k'ait'a, mãɨnepa k'ãre oosit'a k'awai k'orea. 34Mãɨne ãareaɨrã ãchi k'ĩra awara awará bia tuaneesidama. Maamina chi papaká berã poro chaarea atepe bɨpa k'awa ũrik'a pasima ẽpẽerã minachia k'ĩruupik'a p'anɨ pẽra. Mãɨpuru Pablo chi papaká berã tuanapataɨmá ateewãpisima. 35Chi tumane pasidaɨde mãmãɨpa chi papaká berãpa Pablo jira ateewãsidama, judiorã minachia k'ĩruupik'a p'anɨ pẽra. 36Ãchi papaká berã k'aade wãsidaɨde, jĩk'ua jarapachidama: «¡Ichi peat'ɨ!»
Pablopa judiorã minachia cheepɨradadá jarada
37Papaká berãpa Pablo ãchi tuanapataɨ tede eda ateewãutade Pablopa chi poro chaarea bɨa griego pedeade nãɨya idisima:
—¿Pia bɨk'ãra mɨ pɨ ome ne pedeait'a?
Chi poro chaarea bɨpa p'anoosima:
—¿Pɨa griego pedea k'awa bɨk'ãra? 38¿Pɨwẽk'ãra chi Egitodepema, ẽpẽerã naena k'ĩruupik'ari, mẽaɨrã k'ak'o cuatro mil ĩjũa pania newẽa bɨdea ateewãnat'a?
39Mãɨne Pablopa jarasima:
—Mãɨyawẽma, mɨ judiopɨ. Cilicia tuadepemapɨ. Tarso p'uuru atepe bɨde t'õsima. Mɨ chichupuria p'uuru k'ĩrari itu pedeapise.
40Chi poro chaarea bɨpa itu pedeapisima. Maapae Pablo tumene bai nɨbɨpa ichi juapa ẽpẽerã k'ĩup'eapisima. K'ĩup'easidaɨde hebreo pedeade pedeasima.
Currently Selected:
Hecho 21: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Hecho 21
21
Jerusalenea wãnana
1Mãɨ ũpẽarã ameenak'ari tai p'ãp'orrode Cos ĩjũa p'ɨrra bɨdea jĩp'a wãsidama. Norema Roda ĩjũa p'ɨrra bɨdea wãnak'ari Patará p'uurude pade wãsidama. 2Mãɨ Patarade p'ãp'orro P'enicia tuadea wãyá ũu bɨt'a unusidaɨde mãɨne batoodak'ari wãsidama. 3Wãutade Chipre ĩjũa p'ɨrra bɨ juawieri unusidama maamina Siria tuadea jĩp'a p'asa wãsidama. Mãma Tiro p'uurude edá batoosidama, chi p'ãp'orrodepemarãpa neet'á edá ameenai k'orea.
4Mãma taipa chi Jesude ĩjãapataɨrã ununana pẽra ãchi ome ewari k'ak'o siete p'aneesidama. Mãɨne ãchia Tachi Ak'õre Jaoredepa Pabloa jarasidama Jerusalenea wãpiemaapa. 5Maamina ewari k'ak'o siete padak'ari tai wãsidama. Ãarea ũpẽarã, ãchi mãɨnepa ãchi warrarã tai ome p'uuru tajatá wãsidama. Mãma p'usa ipu ik'idá sĩraporode k'op'aneenak'ari Tachi Ak'õrea ɨt'aa chiidisidama. 6Maapae wãnayane adak'ari p'ãp'orrode batoosidama. Ãchi tedea wãsidama.
7Maapae Tirodepa p'ãp'orrode wãnak'ari Tolemaida p'uurude chesidama. Mãma ũpẽarã ak'ɨde wãnak'ari ãchi ome ewari aba p'aneesidama. 8Norema wãnak'ari Cesarea p'uurude chesidama. Mãma P'elipe tede p'aneesidama. Mãɨ P'elipe chi pedea pia Jesú k'orea jaraparí pasima. Ũpẽarã k'aripapataɨrã siete jɨrɨ atadaadadepema pasima.#Hecho 6:1-6; 8:1-13; 8:26-40. 9Ichia k'aurã tuu p'anɨrã k'ĩmari uru basima. Mãɨ wẽrarã Tachi Ak'õre pari pedeapataɨrã pasima.
10Mãma tãaraa p'anɨne Tachi Ak'õre pari pedeaparí Agabo Judea tuadepa chesima. 11Tai ak'ɨde cheside chi Pablo k'ɨrrɨde jɨ̃parí ẽrak'ari ara ichi jĩru mãɨnepa jua jɨ̃k'ari nãɨya jarasima:
—Tachi Ak'õre Jaorepa nãɨya jara bɨma: Jerusalenepema judiorãpa nãɨ k'ɨrrɨde jɨ̃parí chipari nãɨya jɨ̃naipɨ. Maapae judiorãwẽa ichi teadaipɨ.
12Mãɨ ũrisidaɨde taipa mãɨnepa ũpẽarã Cesarea p'uurudepemarãpa Pabloa chichupuria idisidama Jerusalenea wãpiemaapa. 13Maamina Pablopa jarasima:
—¿K'ãre k'orea jẽa p'anɨma? ¿K'ãarea jãɨya mɨ sõp'uapi p'anɨma? Mɨ ara jua jɨ̃nai k'orea bɨma mãɨnepa Mɨ Chipari Jesú t'ɨ̃ k'orea Jerusalene piui k'orea bɨma.
14Mãɨne taipa ichiá jara p'aneesidama wãpiemaapa maamina ichia k'ɨ̃risia bɨt'a p'uedaé pasima. Mãɨpuru waa mãɨ k'orea pedeadaé pasima. Mãɨpari jarasidama:
—Mãɨya beese, Tachi Chiparipa k'ɨ̃ria bɨ jĩra.
15Maapae wãnai k'orea ãarea oodak'ari Jerusalenea wãsidama. 16Chi eda waapẽarã Jesude ĩjãapataɨrã Cesarea p'uurudepemarã tai ome wãsidama. Ãchia ẽpẽra Nasón#21:16 Nasón. Griego pedea bɨ bɨma: Mnasón. apataɨmá ateewãnak'ari tai ichi tede p'aneesidama. Ichi Chipredepema pasima. Jesude ĩjãana tãaraa pa basima.
Pablo Jerusalene Santiago ome pedeada
17Jerusalene chesidaɨde ũpẽarãpa taiyá minachia arapá pia pedeasidama. 18Norema Pablo tai ome Santiago ak'ɨde wãsidama.#21:18 Mãɨ Santiago Jesú ũpẽapɨ. Santiago ichiaba «Jacobo» apatama. Chi k'art'a Santiago apataɨ mãɨ Santiagopa bɨsima. Ũpẽarã ak'ɨpataɨrã sida ãarea mãma tuanasidama. 19Maapae Pablopa ãchiá «pia p'anɨk'ãra» ak'ari chi Tachi Ak'õrepa ichidepa judiorãwẽmá ooda ãarea nepɨrɨsima. 20Mãɨ ũrisidaɨde ũpẽarãpa Tachi Ak'õrea pia pedeasidama. Maapae Pabloa jarasidama:
—Ũpẽa, pɨa k'awa bɨma judiorã minachia p'anɨrãpa Jesude ĩjãa p'anɨt'a mãɨnepa Moisepa bɨda minachia ĩjãa p'anɨt'a. 21Maamina pɨ k'orea sea ũrisidama. Waapẽarãpa ãchiá jarasidama pɨa ãarea judiorã griego t'ãena berã́ Moisé itu bɨpi bɨt'a, ãchi warrarã k'ak'ua tauchaapik'at'a mãɨnepa awara tachi judiorãpa oopataɨ oopik'at'a. 22¿Sãmaasã́ oodaima mãɨ seat'a k'awadamẽrá? Pɨ cheda tãaraawẽane k'awadaipɨ. Maapae piarã pɨ mĩapidai k'orea minachia chedaipɨ.#21:22 Maapae piarã pɨ mĩapidai k'orea minachia chedaipɨ. Griego pedeade chi eda waapẽarã k'art'ade mãɨ newẽma.
23Mãɨpuru taimá pɨa nãɨya ooi bɨma: tai t'ãena ũpẽarã k'ĩmari p'anɨma. Ãchia Tachi Ak'õre k'ĩrari ne oodai jaradada ãarea ooutama. 24Mãɨ ũpẽarã Tachi Ak'õre te minachia bɨdea ateewãse. Mãma chi Tachi Ak'õre k'ĩrari pia p'ananai k'orea oot'ɨ. Ãchia Tachi Ak'õrea teadai p'anɨt'a mãɨ pɨapuru tease. Mãɨyara ãchi p'ue poro u'urua wẽpidaipɨ k'awapidai k'orea ãchia ne ooi jaradaadat'a jõma oosidama.#Número 6:13-20. Mãɨpa ãareaɨrãpa k'awadaipɨ chi pɨ k'orea jara p'anɨt'a mãɨ seat'a, mãɨnepa k'awadaipɨ pɨ piarã jĩp'a baparit'a Moisepa bɨdade jara bɨ jĩra. 25Maamina judiorãwẽ Jesude ĩjãapataɨrãpa oodai p'anɨt'a taipa k'awa jaradak'ari k'art'ade bɨsidama: ãchia juapa oodada sãdoa teadada k'odaiwẽa p'anɨma, oa k'odaiwẽa p'anɨma, ãnimara ojɨ̃ peadada k'odaiwẽa p'anɨma mãɨnepa awaraɨ ome nemietá oodaiwẽa p'anɨma.#Hecho 15:28-29.
26Norema Pablopa mãɨ ẽpẽerã ichi ome ateewãnak'ari, ne oosidama Tachi Ak'õre k'ĩrari pia p'ananai k'orea. Mãɨne Tachi Ak'õre te minachia bɨdea wãnak'ari jarasidama sãɨ ewaride Tachi Ak'õre k'ĩrari pia p'ananait'a. Mãɨ ewaride ãchicha Tachi Ak'õrea ãnimara paateadai p'anasidama.
Judiorãpa Pablo jitadada
27Maamina siete ewari pamaa bɨde chi eda waapẽarã judiorã Asia tuadepema Tachi Ak'õre te eda p'anasidama. Mãɨ judiorãpa Pablo unusidaɨde ẽpẽerã ãarea arí p'anɨ k'ĩruupik'adak'ari Pablo jitasidama. 28Mãɨne jĩk'ua jara p'anasidama: «¡Israel ĩjũanepemarã, tai k'aripat'ɨ! Nãɨ ẽpẽrapa tuacha jaratea bɨma tachi israel ĩjũanepemarã, Moisepa bɨda mãɨnepa Tachi Ak'õre te minachia bɨ piawẽa bet'a. ¡Mãɨ awara griegorã Tachi Ak'õre te minachia bɨ edaria ateewãsima!#21:28 Judiorã Tachi Ak'õre te minachia bɨ k'ait'a wãnai p'anasidama maamina griegorã awara p'aneenai p'anasidama. ¡Nãɨ te abapuru Tachi Ak'õre pae bɨt'a mietá bɨsima!»
29Mãɨya jarasidama chi Ep'esodepema Tróp'imo, Pablo ome p'uurude nipadada ununana pẽra. Ãchia k'ɨ̃risiasidama Pablopa Tróp'imo Tachi Ak'õre te minachia bɨ edaria ateewã basit'a.
30Mãɨne jõma Jerusalenepemarã k'ĩruupik'adak'ari p'ira errosidama. Pablo jitadak'ari Tachi Ak'õre te eda jidibari ateewãsidama. Maapae chi eda wãpataɨ ãarea jɨ̃ak'oasidama. 31Pablo pea k'ɨ̃ria p'anɨmisa abaɨpa romanepema papaká berã chi atepe poro chaarea bɨa jarade wãsima ãarea Jerusalene p'anɨrã k'ĩruupik'asidat'a. 32Ara mãɨne ichi mãɨnepa ichi papaká berã chi mãɨrã chaarearã t'ɨ̃k'ari ẽpẽerã k'ĩruupik'a p'anɨmá p'ira wãsidama. Judiorãpa ãchi cheuta unusidaɨde Pablo sĩ p'anana itu bɨsidama. 33Chi papaká berã chi atepe poro chaarea bɨ ará cheside Pablo jitak'ari k'ãnena umeepa jɨ̃pisima. Maapae ẽpẽerã minachia cheepɨradadá idisima Pablo k'ait'a, mãɨnepa k'ãre oosit'a k'awai k'orea. 34Mãɨne ãareaɨrã ãchi k'ĩra awara awará bia tuaneesidama. Maamina chi papaká berã poro chaarea atepe bɨpa k'awa ũrik'a pasima ẽpẽerã minachia k'ĩruupik'a p'anɨ pẽra. Mãɨpuru Pablo chi papaká berã tuanapataɨmá ateewãpisima. 35Chi tumane pasidaɨde mãmãɨpa chi papaká berãpa Pablo jira ateewãsidama, judiorã minachia k'ĩruupik'a p'anɨ pẽra. 36Ãchi papaká berã k'aade wãsidaɨde, jĩk'ua jarapachidama: «¡Ichi peat'ɨ!»
Pablopa judiorã minachia cheepɨradadá jarada
37Papaká berãpa Pablo ãchi tuanapataɨ tede eda ateewãutade Pablopa chi poro chaarea bɨa griego pedeade nãɨya idisima:
—¿Pia bɨk'ãra mɨ pɨ ome ne pedeait'a?
Chi poro chaarea bɨpa p'anoosima:
—¿Pɨa griego pedea k'awa bɨk'ãra? 38¿Pɨwẽk'ãra chi Egitodepema, ẽpẽerã naena k'ĩruupik'ari, mẽaɨrã k'ak'o cuatro mil ĩjũa pania newẽa bɨdea ateewãnat'a?
39Mãɨne Pablopa jarasima:
—Mãɨyawẽma, mɨ judiopɨ. Cilicia tuadepemapɨ. Tarso p'uuru atepe bɨde t'õsima. Mɨ chichupuria p'uuru k'ĩrari itu pedeapise.
40Chi poro chaarea bɨpa itu pedeapisima. Maapae Pablo tumene bai nɨbɨpa ichi juapa ẽpẽerã k'ĩup'eapisima. K'ĩup'easidaɨde hebreo pedeade pedeasima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.