1 Timoteo 2
2
Tachi Ak'õrea ɨt'aa chiididai p'anɨ k'orea
1Nãɨ pia jararuma: ẽpẽrarã ãarea k'orea tachia Tachi Ak'õrea chichupuria ididai p'anɨma, ichia k'aripamẽrá ɨt'aa chiididai p'anɨma mãɨnepa sõpia p'anɨane adai p'anɨma. 2Jõma nãɨ ĩjũanepema minachia k'awa berã k'orea mãɨnepa chi poro chaarearã be k'orea Tachi Ak'õrea ɨt'aa chiididai p'anɨma tachi ne k'ɨ̃risiadawẽa p'ananai k'orea, Tachi Ak'õre wap'ea p'ananai k'orea, mãɨnepa ne ãareaɨne jĩp'a p'ananai k'orea. 3Mãɨya ɨt'aa chiidi p'ananai pia bɨma. Tachi K'aripaparipa mãɨ pia unu bɨma. 4Ichia k'ɨ̃ria bɨma jõmãɨrãpa chi piarã pedea k'awadak'ari, k'achiadepema k'aripait'a. 5Tachi Ak'õre abapuru bɨma. Mãɨnepa chi ẽpẽrarã nepɨra k'aripaparí, Tachi Ak'õre ẽpẽrarã ome, abapuru bɨma. Mãɨ ẽpẽra Jesucristopɨ. 6Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima. 7Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma.#2:7 Mɨa piarã jara bɨma. Griego pedeade chi eda waapẽarã k'art'ade nãɨya bɨ bɨma: Mɨ chi Cristo k'orea piarã jara bɨma. Seawẽma.
8Mãɨpuru ũpẽarã ará nɨbeerude, mɨa k'ɨ̃ria bɨma techa ɨmɨk'ĩrarãpa k'ɨ̃risia piadepa ãchi jua ɨt'aa jiradak'ari, Tachi Ak'õrea ɨt'aa chiididamẽrá. Mãɨne k'ĩruu p'ananaiwẽa p'anɨma mãɨnepa awaraɨ ome k'ĩruu pedea p'ananaiwẽa p'anɨma.#2:8 Ãchi jua ɨt'aa jiradak'ari. Mãɨ ewaride ẽpẽrarãpa jua ɨt'aa jirapachidama Tachi Ak'õrea ɨt'aa chiidiutade. Mãɨpuru edaɨde Tachi Ak'õrea ɨt'aa chiididayade adai k'aepẽra jarapachidama: «Jua ɨt'aa jiradaima». 9Mɨa k'ɨ̃ria bɨma wẽerãpa p'aru ãchi ará jɨ̃namẽrá, wẽerãpa jĩp'a p'anɨrãpa ãchi ará jɨ̃pataɨ jĩra. Ãchi puda minachia pia irudaiwẽa p'anɨma.#2:9 Ãchi puda minachia pia irudaiwẽa p'anɨma. Griego pedeade nãɨya bɨ bɨma: ãchi puda k'adaiwẽa p'anɨma. Nee wa ne achiterrea be minachia jɨ̃naiwẽa p'anɨma.#2:9 Ne achiterrea be. Griego pedeade nãɨya bɨ bɨma: perla. K'ak'apia neepɨa bɨ sida jɨ̃naiwẽa p'anɨma. 10Mãɨpari Tachi Ak'õre wap'ea be pẽra, wẽerãpa pia oo p'anɨnepa minachia k'ak'apia p'anɨ jĩra p'ananai p'anɨma. 11Ũpẽarã ará jere nɨbeeutade wẽerãpa k'ĩup'ea ũrinai p'anɨma mãɨnepa chi ũpẽarã ak'ɨpataɨrã wap'ea p'ananai p'anɨma. 12Ará nɨbeeutade mɨa itu wẽrapa ɨmɨk'ĩrá jarateapik'ama wa ɨmɨk'ĩra ichi juade ua bait'a. Mãɨpari wẽrapa k'ĩup'ea ũri bai bɨma. 13Mãɨya bai pia bɨma, Tachi Ak'õrepa Adán naa ooda pẽra. Mãɨ ɨ̃ari Eva oosima. 14Mãɨ awara tiorepa Adán seaé pasima, mãɨpari wẽra seasima. Mãɨya seaside wẽrapa nemietá oosima. 15Maamina warra t'õ p'anɨnepa wẽrarã k'aripaipɨ Cristode ĩjãa p'ananaipɨra, piarã waapẽarã k'ɨ̃ria uru p'ananaipɨra mãɨnepa Tachi Ak'õre pae pia p'ananaipɨra. Jõma mãɨ jĩp'a p'ananai p'anɨma.#2:15 Mãɨ pedeade bɨda tachia pia ũrinawẽma. Tachi Ak'õre pedea minachia k'awa berãmá, Pablopa k'awapi basima wẽrapa chi ɨmɨk'ĩra ichi juade ua bɨwẽmina, mãɨya arí bɨt'a. Ichia mãɨya jarateaé pasima wẽrapa warra t'õi bɨade aé pasima, Tachi Ak'õrepa mãɨ k'aripamẽrá.
Currently Selected:
1 Timoteo 2: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
1 Timoteo 2
2
Tachi Ak'õrea ɨt'aa chiididai p'anɨ k'orea
1Nãɨ pia jararuma: ẽpẽrarã ãarea k'orea tachia Tachi Ak'õrea chichupuria ididai p'anɨma, ichia k'aripamẽrá ɨt'aa chiididai p'anɨma mãɨnepa sõpia p'anɨane adai p'anɨma. 2Jõma nãɨ ĩjũanepema minachia k'awa berã k'orea mãɨnepa chi poro chaarearã be k'orea Tachi Ak'õrea ɨt'aa chiididai p'anɨma tachi ne k'ɨ̃risiadawẽa p'ananai k'orea, Tachi Ak'õre wap'ea p'ananai k'orea, mãɨnepa ne ãareaɨne jĩp'a p'ananai k'orea. 3Mãɨya ɨt'aa chiidi p'ananai pia bɨma. Tachi K'aripaparipa mãɨ pia unu bɨma. 4Ichia k'ɨ̃ria bɨma jõmãɨrãpa chi piarã pedea k'awadak'ari, k'achiadepema k'aripait'a. 5Tachi Ak'õre abapuru bɨma. Mãɨnepa chi ẽpẽrarã nepɨra k'aripaparí, Tachi Ak'õre ẽpẽrarã ome, abapuru bɨma. Mãɨ ẽpẽra Jesucristopɨ. 6Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima. 7Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma.#2:7 Mɨa piarã jara bɨma. Griego pedeade chi eda waapẽarã k'art'ade nãɨya bɨ bɨma: Mɨ chi Cristo k'orea piarã jara bɨma. Seawẽma.
8Mãɨpuru ũpẽarã ará nɨbeerude, mɨa k'ɨ̃ria bɨma techa ɨmɨk'ĩrarãpa k'ɨ̃risia piadepa ãchi jua ɨt'aa jiradak'ari, Tachi Ak'õrea ɨt'aa chiididamẽrá. Mãɨne k'ĩruu p'ananaiwẽa p'anɨma mãɨnepa awaraɨ ome k'ĩruu pedea p'ananaiwẽa p'anɨma.#2:8 Ãchi jua ɨt'aa jiradak'ari. Mãɨ ewaride ẽpẽrarãpa jua ɨt'aa jirapachidama Tachi Ak'õrea ɨt'aa chiidiutade. Mãɨpuru edaɨde Tachi Ak'õrea ɨt'aa chiididayade adai k'aepẽra jarapachidama: «Jua ɨt'aa jiradaima». 9Mɨa k'ɨ̃ria bɨma wẽerãpa p'aru ãchi ará jɨ̃namẽrá, wẽerãpa jĩp'a p'anɨrãpa ãchi ará jɨ̃pataɨ jĩra. Ãchi puda minachia pia irudaiwẽa p'anɨma.#2:9 Ãchi puda minachia pia irudaiwẽa p'anɨma. Griego pedeade nãɨya bɨ bɨma: ãchi puda k'adaiwẽa p'anɨma. Nee wa ne achiterrea be minachia jɨ̃naiwẽa p'anɨma.#2:9 Ne achiterrea be. Griego pedeade nãɨya bɨ bɨma: perla. K'ak'apia neepɨa bɨ sida jɨ̃naiwẽa p'anɨma. 10Mãɨpari Tachi Ak'õre wap'ea be pẽra, wẽerãpa pia oo p'anɨnepa minachia k'ak'apia p'anɨ jĩra p'ananai p'anɨma. 11Ũpẽarã ará jere nɨbeeutade wẽerãpa k'ĩup'ea ũrinai p'anɨma mãɨnepa chi ũpẽarã ak'ɨpataɨrã wap'ea p'ananai p'anɨma. 12Ará nɨbeeutade mɨa itu wẽrapa ɨmɨk'ĩrá jarateapik'ama wa ɨmɨk'ĩra ichi juade ua bait'a. Mãɨpari wẽrapa k'ĩup'ea ũri bai bɨma. 13Mãɨya bai pia bɨma, Tachi Ak'õrepa Adán naa ooda pẽra. Mãɨ ɨ̃ari Eva oosima. 14Mãɨ awara tiorepa Adán seaé pasima, mãɨpari wẽra seasima. Mãɨya seaside wẽrapa nemietá oosima. 15Maamina warra t'õ p'anɨnepa wẽrarã k'aripaipɨ Cristode ĩjãa p'ananaipɨra, piarã waapẽarã k'ɨ̃ria uru p'ananaipɨra mãɨnepa Tachi Ak'õre pae pia p'ananaipɨra. Jõma mãɨ jĩp'a p'ananai p'anɨma.#2:15 Mãɨ pedeade bɨda tachia pia ũrinawẽma. Tachi Ak'õre pedea minachia k'awa berãmá, Pablopa k'awapi basima wẽrapa chi ɨmɨk'ĩra ichi juade ua bɨwẽmina, mãɨya arí bɨt'a. Ichia mãɨya jarateaé pasima wẽrapa warra t'õi bɨade aé pasima, Tachi Ak'õrepa mãɨ k'aripamẽrá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.