1 Tesalonicense 1
1
Nãɨ k'art'ade Pablopa naa bɨda
1Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Pajãnepema Ak'õrenepɨ mãɨnepa Tachi Chipari Jesucristodepɨ.#1:1 Tachi Pajãnepema Ak'õrenepɨ. K'ãp'ũra pedeade bɨ bɨma: Dios el Padre. Ũpẽa Silvano mãɨnepa Timoteo mɨ ome p'anɨma. Taipa k'ɨ̃ria p'anɨma mãra ne k'ɨ̃risiadawẽa p'ananamẽrá mãɨnepa mãra Ak'õrepa mãɨnepa Tachi Chipari Jesucristopa ãchi sõpiadepa mãra k'aripa bait'a.
Ũpẽarãpa pia oodada
2Taipa ewaricha Tachi Ak'õrea ɨt'aa chiidiutade mãra k'orea sõpia p'anɨane apatama. 3Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.
4Ũpẽarã, Tachi Ak'õrepa mãra minachia k'ɨ̃riaparima. Taipa k'awa p'anɨma ichia mãra jɨrɨ atasima. 5Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá. 6Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.#Hecho 17:1-10. 7Mãɨya jõma Cristode ĩjãa berã Macedonia tuadepemarãpa mãɨnepa Acaya tuadepemarãpa mãra k'orea ũrisidama sãmaasã́ p'ananai p'anɨ. 8Mãɨ ãchit'ura mãranepemarãpa Tachi Chipari pedea ũrinaé pasima, mãɨpari tuacha ẽpẽrarãpa k'awasidama mãrapa Tachi Ak'õrene ĩjãa p'anɨt'a. Mãɨ k'orea ¿taipa mãra k'orea k'ãre waa jaradaima? 9Ara ãchia jara p'anɨma sãmaasã́ tai mãramá chedak'ari, mãrapa pia pedeasidaɨt'a, mãɨnepa sãdo be itu bɨsidaɨt'a Tachi Ak'õre piarã chok'ae bɨde ĩjãanai k'orea. 10Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.
Currently Selected:
1 Tesalonicense 1: tdc
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
1 Tesalonicense 1
1
Nãɨ k'art'ade Pablopa naa bɨda
1Mɨ Pablopɨ. Nãɨ k'art'a bɨruma ũpẽarã Tesalónica p'uurudepemarã pae. Mãra Tachi Pajãnepema Ak'õrenepɨ mãɨnepa Tachi Chipari Jesucristodepɨ.#1:1 Tachi Pajãnepema Ak'õrenepɨ. K'ãp'ũra pedeade bɨ bɨma: Dios el Padre. Ũpẽa Silvano mãɨnepa Timoteo mɨ ome p'anɨma. Taipa k'ɨ̃ria p'anɨma mãra ne k'ɨ̃risiadawẽa p'ananamẽrá mãɨnepa mãra Ak'õrepa mãɨnepa Tachi Chipari Jesucristopa ãchi sõpiadepa mãra k'aripa bait'a.
Ũpẽarãpa pia oodada
2Taipa ewaricha Tachi Ak'õrea ɨt'aa chiidiutade mãra k'orea sõpia p'anɨane apatama. 3Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.
4Ũpẽarã, Tachi Ak'õrepa mãra minachia k'ɨ̃riaparima. Taipa k'awa p'anɨma ichia mãra jɨrɨ atasima. 5Taipa chi pedea pia Cristo k'orea mãrá jarateasidaɨde taipa pedeadeepuru pedeadaé pasima. Mãɨpari mãɨ pedea piarã arí k'awa p'anɨ pẽra Tachi Ak'õre Jaore jua chaareadepa pedeasidama. Mãrapa k'awa p'anɨma tai sãmaasã́ mãra paara p'anapachit'a, mãra pia p'ananamẽrá. 6Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.#Hecho 17:1-10. 7Mãɨya jõma Cristode ĩjãa berã Macedonia tuadepemarãpa mãɨnepa Acaya tuadepemarãpa mãra k'orea ũrisidama sãmaasã́ p'ananai p'anɨ. 8Mãɨ ãchit'ura mãranepemarãpa Tachi Chipari pedea ũrinaé pasima, mãɨpari tuacha ẽpẽrarãpa k'awasidama mãrapa Tachi Ak'õrene ĩjãa p'anɨt'a. Mãɨ k'orea ¿taipa mãra k'orea k'ãre waa jaradaima? 9Ara ãchia jara p'anɨma sãmaasã́ tai mãramá chedak'ari, mãrapa pia pedeasidaɨt'a, mãɨnepa sãdo be itu bɨsidaɨt'a Tachi Ak'õre piarã chok'ae bɨde ĩjãanai k'orea. 10Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.