Romans 3
3
1Sangwaa aneghneghqusiigwa yuuk allgequmi Jew‑nguluni? Sangwaa aneghneghqusiigwa circumcise‑elleghmun? 2Uglaapigtut aneghneghqusit! Sivulighpigaq Kiyaghneghem neghyukutkaqii Jews‑enun Akuzitet Igaqegkat. 3Ilangi ataasiighmenneghilkata Kiyaghneghmun, Kiyaghneq ataasiighmenneghitesleqatguu? 4Yeghlegillu! Tamaghhaghmi yuuk iqlengiqestengughngaan, Kiyaghneq ipanguuq. Akuzitni Igaqegkani Kiyaghneghmeng ayuqelghii igaqngaaq whaten,
“Akuzineghpeni, tamaghhaghmi liisimakelleqaaten elqughutnganiluten.
Yuget nanqigtekangaten, ipapighqelleqaten anaggutnganiluki.”
5Anaggunnemta, anaggutellemta yuget liigikestengngwaaghaqiit Kiyaghneq elqughutnganiluku. Enkaam pilleqestaa Kiyaghneq anaggunniluku aghyuuqanginkut anaggutellemnnun? (Akuzinguunga yugestun.) 6Tawatenneghituq! Kiyaghneq elqughutnganghilkan, natenmi Kiyaghneghem nanqiglleqaki nunam yugi?
7Iwernga yuuk pinayalghii, “Iqlengiqelleghma yuget usuqistaqiit Kiyaghneghmun qayughllak iqlengiqelleghma aliightaqaa Kiyaghneghem ipangullgha. Enkaam sanganꞌngam Kiyaghneghem nanqigtanga aghyuughyaghqaalunga seghleghqestetun?” 8Yuuk pinayalghiillu, “Seghletun pilta sangwaa pinilghii apeghiighesqelluku seghletun pillemnneng.” Ilangi yuget temngimeng piiqut whangkuta apeghtughiiqniluta tawaten. Nanqigtellengyaghqaagut aghyuughyaghqaaluteng, aghyuulleghqamegestun.
Kina Alngunak Elqughutnganghituq
9Enkaam whangkuta Jews‑enii, pinighataghaghestaa Gentile‑eneng? Nakaa, yeghlegillu! Aapghwaaqaqanka Jews‑etlu, Gentile‑etlu tawateghpigaq seghleghqellghem aaghqutaqluki ayuqii. 10Akuzitni Igaqegkani igaqngaaq,
“Taawa kina alngunak elqughutnganghituq, talwa ataasighhaq.
11Kina alngunak liigikigatuq,
kitum alngunak iviigataa Kiyaghneq.
12Qamaglluni yuuk tunutkaaguq Kiyaghneghmeng;
qamaglluteng anaggutkaagut;
kina alngunak pinitun pingigatuq, talwa ataasighhaq.
13Ighsalqiit qelpalngughestun lliivghestun ayuqut;
uluteng atuqngwiit puughtimun,
qezimegteggun poison‑elguut nemeghyastun;
14qaanghit imighngaat curse‑elleghnengllu, ugumiketiqelleghmengllu.
15Yugtaghirakegtut;
16navek alngunak pineghmeggni naafqiistengwaaqut, seghleliighqistengwaaqutlu.
17Nallukaat nekeggmelluni kiyaghtelleghqaq,
18talwa alikigataat Kiyaghneq.”
19Liisimakaput Jews‑et Liilightuusalget qaatkesaghqaqiit qelghusiit. Enkaam taakut Liilightuusat nepiighqelleqiit yuget whaten pilleghqiitneng, “Nallukaput sangutangi seghleghqellghet.” Liilightuusatlu liigikesleqiit Kiyaghneghmun nanqiglleqniluki qamaglluki nunam yugi. 20Nanqigtekumiki yuget nallghusaghnaanghitii elqughutngalleghminun qaatkutellghitgun Liilightuusanun. Itupill Liilightuusat liitestii yuget seghleghqestenguniluki.
Elqughutngalleq Ugpeqilleghqun
21Iwernga Kiyaghneghem yuget liigikestii nallghusaghlleqniluki elqughutngalleghminun, nakaan qaatkutellghitgun Liilightuusanun. Kiyaghneghem aapqaqaa taana Liilightuusatgunllu, uuknaliqistetgunllu. 22Kiyaghneghem yuget nallghusaqaqii elqughutngalleghminun ugpeqillghitgun Jesus Christ‑akun. Taana ipanguuq tamaghhaanun ugpelghiinun Christ‑akun qayughllak allakunneghitut 23qamaglluteng seghleghqegkaatmeggneng. Enkaam nuughhutkaagut Kiyaghneghem aangelleghllaganun. 24Iwernga Kiyaghneghem akingilngughqun tunusamikun nallghusaqaqii elqughutngalleghminun itemutistengitgun, Christ Jesus‑kun. 25Kiyaghneghem tuunegkaqaa Jesus aghqutnguluku seghleghqelleghnun. Enkaam Jesus‑em aawakun seghevutaqii yuget seghleghqellghit ugpeqingalghiit ellngakun. Tawaten liigikestekaqaa elqughutnganiluni. Sivunghani agani Kiyaghneghem nuqetutkaqii yuget enkaam nepiighutkaqii seghleghqellghit. 26Iwernga uumi pilleghmi ipapighqaa elqughutnganiluni nallghusalleghmikun alngunak yuuk elqughutngalleghminun apalluqluki ugpeqillghit Jesus‑kun.
27Enkaam sangaawa qukaayugutkesaghqaghput? Qukaayugutkaghqiitukut! Qukaayuggnaanghitestaa qayughllak qaatkennaqutkegkeput Liilightuusat? Nakaa, qayughllak Kiyaghneghem nallghusaqangi yuget elqughutngalleghminun ugpeqillghitgun Jesus‑kun, nakaan qaatkutellghitgun Liilightuusanun. 28Enkaam liigikaghput yuuk nallghusaqaaguq Kiyaghneghem elqughutngallghanun ugpeqilleghqun, nakaan qaatkutelleghqun Liilightuusanun. 29Kiyaghneq Jews‑nginaghhaat Kiyaghneqatguu? Gentile‑etlu Kiyaghneqenghitatguu? Aa‑a, Gentile‑etlu Kiyaghneqaat, 30ataasighhaatanganeng Kiyaghneq. Enkaam nallghusaghlleqii Jews‑et elqughutngalleghminun ugpeqillghitgun, Gentile‑etlu ugpeqillghitgun. 31Liilightuusaat satngunanighqestekii ugpeqillemteggun? Nakaa! Yeghlegillu! Ugpeqillemta qaatkesugtestaqii Liilightuusat qelghutkiit.
Currently Selected:
Romans 3: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Romans 3
3
1Sangwaa aneghneghqusiigwa yuuk allgequmi Jew‑nguluni? Sangwaa aneghneghqusiigwa circumcise‑elleghmun? 2Uglaapigtut aneghneghqusit! Sivulighpigaq Kiyaghneghem neghyukutkaqii Jews‑enun Akuzitet Igaqegkat. 3Ilangi ataasiighmenneghilkata Kiyaghneghmun, Kiyaghneq ataasiighmenneghitesleqatguu? 4Yeghlegillu! Tamaghhaghmi yuuk iqlengiqestengughngaan, Kiyaghneq ipanguuq. Akuzitni Igaqegkani Kiyaghneghmeng ayuqelghii igaqngaaq whaten,
“Akuzineghpeni, tamaghhaghmi liisimakelleqaaten elqughutnganiluten.
Yuget nanqigtekangaten, ipapighqelleqaten anaggutnganiluki.”
5Anaggunnemta, anaggutellemta yuget liigikestengngwaaghaqiit Kiyaghneq elqughutnganiluku. Enkaam pilleqestaa Kiyaghneq anaggunniluku aghyuuqanginkut anaggutellemnnun? (Akuzinguunga yugestun.) 6Tawatenneghituq! Kiyaghneq elqughutnganghilkan, natenmi Kiyaghneghem nanqiglleqaki nunam yugi?
7Iwernga yuuk pinayalghii, “Iqlengiqelleghma yuget usuqistaqiit Kiyaghneghmun qayughllak iqlengiqelleghma aliightaqaa Kiyaghneghem ipangullgha. Enkaam sanganꞌngam Kiyaghneghem nanqigtanga aghyuughyaghqaalunga seghleghqestetun?” 8Yuuk pinayalghiillu, “Seghletun pilta sangwaa pinilghii apeghiighesqelluku seghletun pillemnneng.” Ilangi yuget temngimeng piiqut whangkuta apeghtughiiqniluta tawaten. Nanqigtellengyaghqaagut aghyuughyaghqaaluteng, aghyuulleghqamegestun.
Kina Alngunak Elqughutnganghituq
9Enkaam whangkuta Jews‑enii, pinighataghaghestaa Gentile‑eneng? Nakaa, yeghlegillu! Aapghwaaqaqanka Jews‑etlu, Gentile‑etlu tawateghpigaq seghleghqellghem aaghqutaqluki ayuqii. 10Akuzitni Igaqegkani igaqngaaq,
“Taawa kina alngunak elqughutnganghituq, talwa ataasighhaq.
11Kina alngunak liigikigatuq,
kitum alngunak iviigataa Kiyaghneq.
12Qamaglluni yuuk tunutkaaguq Kiyaghneghmeng;
qamaglluteng anaggutkaagut;
kina alngunak pinitun pingigatuq, talwa ataasighhaq.
13Ighsalqiit qelpalngughestun lliivghestun ayuqut;
uluteng atuqngwiit puughtimun,
qezimegteggun poison‑elguut nemeghyastun;
14qaanghit imighngaat curse‑elleghnengllu, ugumiketiqelleghmengllu.
15Yugtaghirakegtut;
16navek alngunak pineghmeggni naafqiistengwaaqut, seghleliighqistengwaaqutlu.
17Nallukaat nekeggmelluni kiyaghtelleghqaq,
18talwa alikigataat Kiyaghneq.”
19Liisimakaput Jews‑et Liilightuusalget qaatkesaghqaqiit qelghusiit. Enkaam taakut Liilightuusat nepiighqelleqiit yuget whaten pilleghqiitneng, “Nallukaput sangutangi seghleghqellghet.” Liilightuusatlu liigikesleqiit Kiyaghneghmun nanqiglleqniluki qamaglluki nunam yugi. 20Nanqigtekumiki yuget nallghusaghnaanghitii elqughutngalleghminun qaatkutellghitgun Liilightuusanun. Itupill Liilightuusat liitestii yuget seghleghqestenguniluki.
Elqughutngalleq Ugpeqilleghqun
21Iwernga Kiyaghneghem yuget liigikestii nallghusaghlleqniluki elqughutngalleghminun, nakaan qaatkutellghitgun Liilightuusanun. Kiyaghneghem aapqaqaa taana Liilightuusatgunllu, uuknaliqistetgunllu. 22Kiyaghneghem yuget nallghusaqaqii elqughutngalleghminun ugpeqillghitgun Jesus Christ‑akun. Taana ipanguuq tamaghhaanun ugpelghiinun Christ‑akun qayughllak allakunneghitut 23qamaglluteng seghleghqegkaatmeggneng. Enkaam nuughhutkaagut Kiyaghneghem aangelleghllaganun. 24Iwernga Kiyaghneghem akingilngughqun tunusamikun nallghusaqaqii elqughutngalleghminun itemutistengitgun, Christ Jesus‑kun. 25Kiyaghneghem tuunegkaqaa Jesus aghqutnguluku seghleghqelleghnun. Enkaam Jesus‑em aawakun seghevutaqii yuget seghleghqellghit ugpeqingalghiit ellngakun. Tawaten liigikestekaqaa elqughutnganiluni. Sivunghani agani Kiyaghneghem nuqetutkaqii yuget enkaam nepiighutkaqii seghleghqellghit. 26Iwernga uumi pilleghmi ipapighqaa elqughutnganiluni nallghusalleghmikun alngunak yuuk elqughutngalleghminun apalluqluki ugpeqillghit Jesus‑kun.
27Enkaam sangaawa qukaayugutkesaghqaghput? Qukaayugutkaghqiitukut! Qukaayuggnaanghitestaa qayughllak qaatkennaqutkegkeput Liilightuusat? Nakaa, qayughllak Kiyaghneghem nallghusaqangi yuget elqughutngalleghminun ugpeqillghitgun Jesus‑kun, nakaan qaatkutellghitgun Liilightuusanun. 28Enkaam liigikaghput yuuk nallghusaqaaguq Kiyaghneghem elqughutngallghanun ugpeqilleghqun, nakaan qaatkutelleghqun Liilightuusanun. 29Kiyaghneq Jews‑nginaghhaat Kiyaghneqatguu? Gentile‑etlu Kiyaghneqenghitatguu? Aa‑a, Gentile‑etlu Kiyaghneqaat, 30ataasighhaatanganeng Kiyaghneq. Enkaam nallghusaghlleqii Jews‑et elqughutngalleghminun ugpeqillghitgun, Gentile‑etlu ugpeqillghitgun. 31Liilightuusaat satngunanighqestekii ugpeqillemteggun? Nakaa! Yeghlegillu! Ugpeqillemta qaatkesugtestaqii Liilightuusat qelghutkiit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.