James 3
3
Ulu
1Ugpeqaalgutemni, allullusi apeghtughistengughtefqaafsi Kiyaghneghem Akuzitanganeng, qayughllak liisimakaghsi whangkuta apeghtughisteni nanqigtengngwaaghataghaghyaghqaagukut. 2Qamaglluta anaggutaghaneghtughllagtukut. Kina alngunak yuuk akuzilleghmikun anaggusigalnguq elqughutngapestaaghuuq. Yugem elqughutngalghiim talwa yugusinillu agghitkelluku ayuqsaghqaqa. 3Savikenghaaghhaat sanitmun ayuqluki kuunit qaanghitnun kanaghtaqaput qaatkesqelluta enkaam whangkuta igleghutaqaput. 4Sumeghtaghaatkaghtekiqunllu angyaghpagllaget; aquutasquvegaghhaam qiiftaqii angyalgem piyukellghanun talwa anuqateghllagyaghngaan. 5Ulullu mekestaaghhaaguq iwernga aangaayugneghllaguuq.
Kenghhaam uqfilghuteghllaget kumaghsaghqaqii! 6Ulullu kenghestun ayuquq. Esleqngaaq seghleghqelleghmeng enkaam seghleghqumallgha mingitkayuguuq yugusimun. Enkaam naafqiikayuguuq kiyaghtaallemnneng qayughllak hell‑em kenghan kumaghtaqaa.
7Allaaghhiinaat teghikusat, qawaaget, nemeghyat, meghem teghikusii qimugtekayuguut, aaqun yugem qimugtaqii 8iwernga kitum alngunak qimuggnaanghitaa ulu. Neklegigalnguuguq, seghleghuuq, esleqngaaq tuqunalghiimeng poison‑meng. 9Ulu usuqusiqaqaghput Atanemnnun Atamun. Naqam seghleghmeng neghyugtaghaasiqaqaghput yulgutemnnun, Kiyaghneghem ulimaaghitnun ellmisugnilluki. 10Usuqilleqlu, seghleghmengllu neghyugtaghalleq aanegkayuguuk ataasimeng qaneghmeng. Ugpeqaalgutemni, tawatesaghqaanghisaghtuq. 11Pinilghiillu seghleqlu meq maaqegkayuwaak ataasimeng sengngumeng? 12Ugpeqaalgutemni, figs‑em uqfiga piitestinaanghituq olives‑meng. Tawateghpigaq grapes‑em vine‑nga piitestinaanghituq figs‑meng. Talwa meghtaghvik taghyughnilngughmeng meqelghii pinilghiimeng meghituq.
Peghqinelleq
13Kina akulegpesinita peghqinelghii, liigikimalghiillu? Tawatetelleni kelgulligu pinitun kiyaghtaalleghmikun, aneghneghqilleghmikunllu qusevegngaghmi. 14Iwernga ilugpesigun aqinangakufsillu, ellngiinaayugneghukufsillu iqlengiqutkegpenaan ipapighqelleq, qaghyalleghpesigun liisimanilusi. 15Tawatelnguq peghqinelleq qilagtaanghituq, nunameng pinguuq. Kiyaghneghem Taghneghagkeneng pingunghituq, tughneghaghmeng pinguuq. 16Nani alngunak aqinallelgunghanillu, ellnginaayugllelgunghanillu taawa kipullginaallelwaaquq, sangwaatlu allaaghhiinaat seghleghet tawantaqut. 17Iwernga peghqinelleq qilagtaq kiyang pelungituq. Amalleqa nekeggmetuq, kavyugituq, malighqutaqingaaq, nangllegtaghtuq, pinistaghhiinatun pikayuguuq, taniillghituq, yupiinghuuq. 18Nekeggmelleq piitutestun ayuquq. Tamaakut nekeggmelleghmun qepghaqayuget piitesighaghaqiit, enkaam saghnaaqut elqughngalghiimengllu pinilghiimengllu kiyaghtaalleghmeggni.
Currently Selected:
James 3: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
James 3
3
Ulu
1Ugpeqaalgutemni, allullusi apeghtughistengughtefqaafsi Kiyaghneghem Akuzitanganeng, qayughllak liisimakaghsi whangkuta apeghtughisteni nanqigtengngwaaghataghaghyaghqaagukut. 2Qamaglluta anaggutaghaneghtughllagtukut. Kina alngunak yuuk akuzilleghmikun anaggusigalnguq elqughutngapestaaghuuq. Yugem elqughutngalghiim talwa yugusinillu agghitkelluku ayuqsaghqaqa. 3Savikenghaaghhaat sanitmun ayuqluki kuunit qaanghitnun kanaghtaqaput qaatkesqelluta enkaam whangkuta igleghutaqaput. 4Sumeghtaghaatkaghtekiqunllu angyaghpagllaget; aquutasquvegaghhaam qiiftaqii angyalgem piyukellghanun talwa anuqateghllagyaghngaan. 5Ulullu mekestaaghhaaguq iwernga aangaayugneghllaguuq.
Kenghhaam uqfilghuteghllaget kumaghsaghqaqii! 6Ulullu kenghestun ayuquq. Esleqngaaq seghleghqelleghmeng enkaam seghleghqumallgha mingitkayuguuq yugusimun. Enkaam naafqiikayuguuq kiyaghtaallemnneng qayughllak hell‑em kenghan kumaghtaqaa.
7Allaaghhiinaat teghikusat, qawaaget, nemeghyat, meghem teghikusii qimugtekayuguut, aaqun yugem qimugtaqii 8iwernga kitum alngunak qimuggnaanghitaa ulu. Neklegigalnguuguq, seghleghuuq, esleqngaaq tuqunalghiimeng poison‑meng. 9Ulu usuqusiqaqaghput Atanemnnun Atamun. Naqam seghleghmeng neghyugtaghaasiqaqaghput yulgutemnnun, Kiyaghneghem ulimaaghitnun ellmisugnilluki. 10Usuqilleqlu, seghleghmengllu neghyugtaghalleq aanegkayuguuk ataasimeng qaneghmeng. Ugpeqaalgutemni, tawatesaghqaanghisaghtuq. 11Pinilghiillu seghleqlu meq maaqegkayuwaak ataasimeng sengngumeng? 12Ugpeqaalgutemni, figs‑em uqfiga piitestinaanghituq olives‑meng. Tawateghpigaq grapes‑em vine‑nga piitestinaanghituq figs‑meng. Talwa meghtaghvik taghyughnilngughmeng meqelghii pinilghiimeng meghituq.
Peghqinelleq
13Kina akulegpesinita peghqinelghii, liigikimalghiillu? Tawatetelleni kelgulligu pinitun kiyaghtaalleghmikun, aneghneghqilleghmikunllu qusevegngaghmi. 14Iwernga ilugpesigun aqinangakufsillu, ellngiinaayugneghukufsillu iqlengiqutkegpenaan ipapighqelleq, qaghyalleghpesigun liisimanilusi. 15Tawatelnguq peghqinelleq qilagtaanghituq, nunameng pinguuq. Kiyaghneghem Taghneghagkeneng pingunghituq, tughneghaghmeng pinguuq. 16Nani alngunak aqinallelgunghanillu, ellnginaayugllelgunghanillu taawa kipullginaallelwaaquq, sangwaatlu allaaghhiinaat seghleghet tawantaqut. 17Iwernga peghqinelleq qilagtaq kiyang pelungituq. Amalleqa nekeggmetuq, kavyugituq, malighqutaqingaaq, nangllegtaghtuq, pinistaghhiinatun pikayuguuq, taniillghituq, yupiinghuuq. 18Nekeggmelleq piitutestun ayuquq. Tamaakut nekeggmelleghmun qepghaqayuget piitesighaghaqiit, enkaam saghnaaqut elqughngalghiimengllu pinilghiimengllu kiyaghtaalleghmeggni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.