James 1
1
1Ukut latat James‑meng pinguut qepghaghtenganeng Kiyaghneghemllu Atanghemllu Jesus Christ‑am. Lataaqunga Jews‑et ugpeqiitnun mingitngalghiinun tamangani. Quyakamsi.
Ugpelleqlu Nuqenneghtulleqlu
2Ugpeqaalgutemni, quyaaqitek allaaghhiinaghmeng seghleliineghpesini, 3qayughllak liisimakasi seghleliilleghpesi nanghiiqungwaat ugpeqilleghsi, nuqenneghtughsaghnalusi. 4Taagken nuqenneghtulleghsi nagneghngasteggu. Enkaam tawaten pikufsi angtaniillequsi, iighwighllequsi nuughyaghqaagpenasi.
5Nalighsi peghqinellengyukumi tungsighli Kiyaghneghmeng. Kiyaghneq ighlegiteghllagtuq, quyakusiqinaghluku tuunegkayuwaa qamaglluku yuuk aapleghhii. Kiyaghneghem tuunelleqiisi tungsiqufsi. 6Enkaam aaptek ugpeqillelighluku malghuklillngunaan. Malghuklingalghii imaghllugestun ayuquq, anuqem tengqaataqegkanga. 7-8Malghuklingalghii ataasiighsigatuq salleghmikun tamaghhaan. Tawatelnguq yuuk talwa sumeghtaghaghyaghqaanghituq sameng alngunak allgeghulleqniluni Ataneghmeng.
Aklumalghiillu Aklungilnguqlu
9Yeqay aklumalghii ugpeqaalgun quyali quulvaghtestengngalleghmineng. 10Yeqay aklungilnguq ugpeqaalgun quyali qusevegtestengngalleghmineng, qayughllak aviighusaghqaaguq piitesighaghestun. 11Siqineq piinneghmini maatneghqwaaghllagaqelghii, piitesighaat palightesluki. Taagken piitesighaat ifkaquutaqut, pinighniighutaqii. Tawateghpigaq aklungilnguq yuuk sakestaghngaaghmi aviighullequq.
Nanghiiqulleq Kiyaghneghmeng Pingunghituq
12Quyanaghhalek yugem nanghiiqulleni nuqetutkayugi. Suflughtekumiki allgeghsaghqaqaa akileghtuusani kenlengilnguq unguvalleq, Kiyaghneghem akequsaqegkaa tuunelleqniluku piniqisteminun. 13Kina alngunak nanghiiqullengegkumi whaten pifqaami, “Kiyaghneghem seghleghqesnaqutkaanga.” Kiyaghneq nanghiiqullengyaghqaghhaanghituq seghleghmeng; tamaaken apalluqluku kina alngunak seghleghqesnaqutkesaghqaqenghitaa. 14Iwernga yuuk piyukellelugan nanghiiqullengestaqaa seghleghqelleghmun. Sivukluku piyukellelugan sayugaqaa seghleghqelleghmun, taagken seghleghqellghem naaptaqaa. 15Piyukellelugem allgeghtestaqaa seghleghqelleq. Taagken seghleghqelleq anglineghmini tuqullghughtaquq.
16Piniqegkamni ugpeqaalgutemni, puughtesighpenasi. 17Qamaglluteng pinilghiitlu, sallghwaaghhiilnguutlu tunusat qilagmeng pinguut. Tamaakut Atameng pinguut ulimaghistenganeng qamaglluni nighugem; allangughsigatuqlu, mamlegtestingigatuqlu. 18Kiyaghneghem ellngan katam piyukelqaa, tuunaluta nutaghameng unguvalleghmeng ungipaakun ipapighqellghem. Tawaten pikaaguq, whangkuta megnunalleghpigaasqelluta ulimaaghyaggaghmineng.
Nagatelleqlu Qaatkutelleqlu
19Piniqegkamni ugpeqaalgutemni, neqamikluku una: tamaghhaghmi nagasukestaghluni piyaghqaaguq, akuziighaghtafqaamillu sakraagaghaghtafqaamillu, 20qayughllak sakraam kayusiisigatiisi pinitun kiyaghtaalleghmun Kiyaghneghem piyukegkaanun. 21Tamaaken apalluqluku pegteggu qamagtengngwaaghluku allaaghhiinaq seghleq atuqaqegkesi. Qusevegngaghpesi tuguklighteki Kiyaghneghem akuzitangi, piitesighaqii ilugpesigun, qayughllak yuguliyaghqaqiisi unguvasighpesineng.
22Nagataghesnaghpenaki Kiyaghneghem akuzitangi itupill atuqiteki. Puughtaqusi elpesineng katam nagataghesnaneghpesiki atuqegpenaki. 23Yuuk nagataghesnaqumi Kiyaghneghem akuzitanganeng atuqegpenaki, taghneghaghqulghiistun ayuquq 24tunuskumi tawaninginaq puygulleqaa natetuleni. 25Kiyaghneghem elqughutngalghiit Liilightuusii itemutestiiqut yugneng. Yugem liinnaqumanginaqumiki taakut Liilightuusat, puygugpenaki atuqegkumiki Kiyaghneghem quyasaghqaqaa sallghakun tamaghhaan.
Maniguutepilleq Kiyaghneghmun
26Yuuk sumeghtaghaqayuk ugpeqaghllaguniluni, naqam akuzitkesaghqaqenghilkemmineng akuzikayuk temngi puughtengnguuq ellmineng katam. Ugpellgha satngunghituq. 27Kiyaghneghem Atamta pillghani yuuk ugpellepiilgukumi, kayusighyaghqaqii yaywaalitlu ugingighatlu seghleliinghata, nuqesaghqaaguqlu seghleghaneng nunam.
Currently Selected:
James 1: ess
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
James 1
1
1Ukut latat James‑meng pinguut qepghaghtenganeng Kiyaghneghemllu Atanghemllu Jesus Christ‑am. Lataaqunga Jews‑et ugpeqiitnun mingitngalghiinun tamangani. Quyakamsi.
Ugpelleqlu Nuqenneghtulleqlu
2Ugpeqaalgutemni, quyaaqitek allaaghhiinaghmeng seghleliineghpesini, 3qayughllak liisimakasi seghleliilleghpesi nanghiiqungwaat ugpeqilleghsi, nuqenneghtughsaghnalusi. 4Taagken nuqenneghtulleghsi nagneghngasteggu. Enkaam tawaten pikufsi angtaniillequsi, iighwighllequsi nuughyaghqaagpenasi.
5Nalighsi peghqinellengyukumi tungsighli Kiyaghneghmeng. Kiyaghneq ighlegiteghllagtuq, quyakusiqinaghluku tuunegkayuwaa qamaglluku yuuk aapleghhii. Kiyaghneghem tuunelleqiisi tungsiqufsi. 6Enkaam aaptek ugpeqillelighluku malghuklillngunaan. Malghuklingalghii imaghllugestun ayuquq, anuqem tengqaataqegkanga. 7-8Malghuklingalghii ataasiighsigatuq salleghmikun tamaghhaan. Tawatelnguq yuuk talwa sumeghtaghaghyaghqaanghituq sameng alngunak allgeghulleqniluni Ataneghmeng.
Aklumalghiillu Aklungilnguqlu
9Yeqay aklumalghii ugpeqaalgun quyali quulvaghtestengngalleghmineng. 10Yeqay aklungilnguq ugpeqaalgun quyali qusevegtestengngalleghmineng, qayughllak aviighusaghqaaguq piitesighaghestun. 11Siqineq piinneghmini maatneghqwaaghllagaqelghii, piitesighaat palightesluki. Taagken piitesighaat ifkaquutaqut, pinighniighutaqii. Tawateghpigaq aklungilnguq yuuk sakestaghngaaghmi aviighullequq.
Nanghiiqulleq Kiyaghneghmeng Pingunghituq
12Quyanaghhalek yugem nanghiiqulleni nuqetutkayugi. Suflughtekumiki allgeghsaghqaqaa akileghtuusani kenlengilnguq unguvalleq, Kiyaghneghem akequsaqegkaa tuunelleqniluku piniqisteminun. 13Kina alngunak nanghiiqullengegkumi whaten pifqaami, “Kiyaghneghem seghleghqesnaqutkaanga.” Kiyaghneq nanghiiqullengyaghqaghhaanghituq seghleghmeng; tamaaken apalluqluku kina alngunak seghleghqesnaqutkesaghqaqenghitaa. 14Iwernga yuuk piyukellelugan nanghiiqullengestaqaa seghleghqelleghmun. Sivukluku piyukellelugan sayugaqaa seghleghqelleghmun, taagken seghleghqellghem naaptaqaa. 15Piyukellelugem allgeghtestaqaa seghleghqelleq. Taagken seghleghqelleq anglineghmini tuqullghughtaquq.
16Piniqegkamni ugpeqaalgutemni, puughtesighpenasi. 17Qamaglluteng pinilghiitlu, sallghwaaghhiilnguutlu tunusat qilagmeng pinguut. Tamaakut Atameng pinguut ulimaghistenganeng qamaglluni nighugem; allangughsigatuqlu, mamlegtestingigatuqlu. 18Kiyaghneghem ellngan katam piyukelqaa, tuunaluta nutaghameng unguvalleghmeng ungipaakun ipapighqellghem. Tawaten pikaaguq, whangkuta megnunalleghpigaasqelluta ulimaaghyaggaghmineng.
Nagatelleqlu Qaatkutelleqlu
19Piniqegkamni ugpeqaalgutemni, neqamikluku una: tamaghhaghmi nagasukestaghluni piyaghqaaguq, akuziighaghtafqaamillu sakraagaghaghtafqaamillu, 20qayughllak sakraam kayusiisigatiisi pinitun kiyaghtaalleghmun Kiyaghneghem piyukegkaanun. 21Tamaaken apalluqluku pegteggu qamagtengngwaaghluku allaaghhiinaq seghleq atuqaqegkesi. Qusevegngaghpesi tuguklighteki Kiyaghneghem akuzitangi, piitesighaqii ilugpesigun, qayughllak yuguliyaghqaqiisi unguvasighpesineng.
22Nagataghesnaghpenaki Kiyaghneghem akuzitangi itupill atuqiteki. Puughtaqusi elpesineng katam nagataghesnaneghpesiki atuqegpenaki. 23Yuuk nagataghesnaqumi Kiyaghneghem akuzitanganeng atuqegpenaki, taghneghaghqulghiistun ayuquq 24tunuskumi tawaninginaq puygulleqaa natetuleni. 25Kiyaghneghem elqughutngalghiit Liilightuusii itemutestiiqut yugneng. Yugem liinnaqumanginaqumiki taakut Liilightuusat, puygugpenaki atuqegkumiki Kiyaghneghem quyasaghqaqaa sallghakun tamaghhaan.
Maniguutepilleq Kiyaghneghmun
26Yuuk sumeghtaghaqayuk ugpeqaghllaguniluni, naqam akuzitkesaghqaqenghilkemmineng akuzikayuk temngi puughtengnguuq ellmineng katam. Ugpellgha satngunghituq. 27Kiyaghneghem Atamta pillghani yuuk ugpellepiilgukumi, kayusighyaghqaqii yaywaalitlu ugingighatlu seghleliinghata, nuqesaghqaaguqlu seghleghaneng nunam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.