Acts 6
6
Ԓапәт ԋотәп ху пирыты вер
1Тӑм хӑтԓәтән, хун утәԓтыты хŏйат арамәс, грек йасәӈән пŏтәртты иудейәт йэврей йасәӈән пŏтәртты иудейәт пеԓа айәԓта ўшмащты питсәт, щи урәӈән, мўйа ԓыв шукаԓ имиԓаԓ кашәӈ хӑтәԓ ԓэтŏт орттыйән мŏхты хӑйԓайәт.
2Щиӈәԋща кӑтхŏщйаӈ апостол, хŏԓ утәԓтәты йох йӑха ӑкәтман, йастәсәт: «Мўӈева йӑм хун, Турәм йасәӈ хӑйман, пӑсанәт пеԓа нумәсты.
3Пӑ щӑԓта, хӑнам йох, нын кўтән эԓты ԓэрамтәм йӑм, Йэмәӈ Ԓыԓән пӑ ŏшән–щащән тэкнәм, ԓапәт хŏйат пирыйаты: ԓывиԓаԓ тӑм вер верты ԓощәԓтәԓув.
4Мўӈ пӑ ивевән пойәк вер пӑ йасәӈ туты вер хŏща уԓты питԓув».
5Пӑ тӑм йастәм щир хŏԓ ӑктәщәм мŏхета рӑхи ус; пӑ Стефан, эвәԓты щирән пӑ Йэмәӈ Ԓыԓән тэкнәм ху, пӑ Филипп, пӑ Прохор, пӑ Никанор, пӑ Тимон, пӑ Пармен, пӑ Антиохия вош эԓты уԓты Николай, прозелита#6:5 прозелит - словарьән ванты; уԓәм ху, пирысайәт;
6Ԓыв апостоләт йэщаԓт ԓощәԓтәсайәт, пӑ апостоләт пойәкщәсәт пӑ ԓыв нўмпиԓаԓа йошԓаԓ катәԓсәԓаԓ.
7Пӑ Турәм йасәӈ лакки ԓӑрпиԓәс, пӑ утәԓтәты хŏйатәт Иерусалимән йӑма арамәсәт; пӑ Турма йир верты икет эԓты ар пеләк ŏтәт эвәԓты вер пеԓа пайтәссәт.
Стефан ԋӑрэмәты вер
8Стефан пӑ, эвәԓты верән пӑ йурән тэкәнман, вŏԓаӈ вантыԓԓаӈәԓ верәт пӑ йэмәӈ посәт мир хŏща верәс.
9Тухәԓ, щиты айәԓты Либертинәт, пӑ Киринейәт, пӑ Александрийәт иудейәт пойәкщәты хот эԓты уԓты мŏхет, пӑ тухәԓ Киликия пӑ Асия эԓты уԓты мŏхет, Стефан пиԓән ўра вортты питсәт;
10туп ԓыв, Стефан Йэмәӈ Ԓыԓ йурән ŏшәӈа–щащәӈа пŏтәртәм щир йэщаԓт, нэмәԓты ԓощәԓтәты ӑт верәтсәт.
11Щиӈәԋща ԓыв тухԓәт хӑԋайән йастәты утәԓтәсԓаԓ: «Мўӈ хуԓԓысэв, хŏты ԓўв нўрмәԓтты йасӈәт Моисей эԓты пӑ Турәм эԓты йастыԓыйәс».
12Щӑԓта мир пӑ уна уԓты икет, пӑ Закона утәԓтәты икет хўщсайәт пӑ, ӑратман, ԓўвеԓ ԋӑрэмәсэԓ пӑ синедриона тусэԓ.
13Щӑԓта ԋаԓмиты хŏйатәт этәԓтәсәт, хŏйтат пŏтәртсәт: «Тӑм хŏйат нўрасты йасӈәт Турәм Хот пӑ Закон пеԓа йастәты ӑт вŏԓыйәԓ.
14Мўӈ хуԓԓысэв, хŏты ԓўв пŏтәртәс, мӑтты Назарет эԓты уԓты Иисус тӑм Турәм хот шўкатԓәԓы пӑ мўӈева Моисейән мийәм уԓәпса щирәт па щира верԓәԓы».
15Пӑ хŏԓ, синедрионән опсәм ŏтәт, ԓўв пеԓайәԓ ватман, ԓўв вешәԓ ангел веш хŏрасән ватсэԓ.
Currently Selected:
Acts 6: ХБ
Highlight
Share
Copy
Want to have your highlights saved across all your devices? Sign up or sign in
Institute for Bible Translation, Finland
