Acts 5
5
Анания пӑ Сапфира
1И ху пӑ, нэмәԓ Анания, ԓўв Сапфира имеԓ пиԓән мўвәԓ тынымаԓ йўпийән,
2тынәԓ эԓты и шўкәԓ, ԓўв имеԓ уйәтман, хŏԓт хӑԋатсәԓы, пӑ хӑщәм шўкәԓ тусԓы пӑ апостоләт кўр шома пŏтсәԓы.
3Туп Петра йастәс: «Анания! Мўй урәӈән нӑӈ сӑмен хиԋа ўты эсәԓсэн. Мўйа нӑӈ Йэмәӈ Ԓыԓа олмащисән пӑ мўв тынэн эԓты и шупәԓ хӑԋатсэн?
4Мўй нӑӈ тӑйсән, ӑнтом мўй нӑӈен ус, пӑ тыныйәм сӑхат мŏщатәм ŏтэн ӑнта мўй нӑӈ йурэнән ус? Мўй урәӈән тӑми нӑӈ сӑмена пŏтсэн? Нӑӈ ӑнта хŏйатәт, Турәм ԓэпәԓсән».
5Щи йасӈәт хуԓмаԓ кемән, Анания щӑх рӑкнәс; пӑ щит хуԓәнтәм ŏтәт хŏԓ ун пӑԉщәмән йŏхәтсайәт.
6Щиӈәԋща, энәмты йох ԓўвеԓ лоттәты урәӈән ԓэщатсэԓ ким этәԓтәсэԓ пӑ иԓ лоттәсэԓ.
7Тӑм йўпийән хуԓәмԓэм щос хӑщәс, тыйәм вер эԓты нэмәԓты ӑт уйәтман, пӑ ԓўв имеԓ йŏхтәс.
8Петра пӑ ԓўвеԓ иԋщәссәԓы: «Мӑнэм йасты, тӑм арат сӑхат нын мўвән тынысԓән?» Ԓўв йастәс: «Па хŏты, тӑм арат сӑхат».
9Туп Петра ԓўвеԓа йастәс: «Мўйа нын Турәм Куща Ԓыԓ артаԓыты кашащсәтән? Тӑта щи, нӑӈ икен лоттыйәм йох ова ԓŏӈԓәт. Нӑӈ па ким туԓайән».
10Ищи мŏхты ԓўв Петра кўрӈән шŏма иԓ рӑкнәс пӑ ԓыԓәԓ мӑнәс. Пӑ энәмты йох, йŏхи ԓŏӈман, ԓўвеԓ пӑрәма уйәтсэԓ пӑ, ким этәԓтәмеԓ йўпийән, ԓўв икеԓ пўӈԓа лоттәсэԓ.
11Щиӈәԋща хŏԓ пойәкщәты мŏхет пӑ хŏԓ, хŏй тӑм хуԓәс, ун пӑԉщәмән йŏхәтсайәт.
Апостоләт ар хо̆йат тўмтака верты верәт
12Апостоләт йошән мир хŏща тэԓыйэ йэмәӈ посәт пӑ вантыԓԓаӈәԓ верәт тыйәԓтысайәт; пӑ хŏԓыйэ и нŏмәсән Соломон хот йӑтән уԓԓысәт.
13Пўӈәԓ хŏйатәт эԓты пӑ нэмәԓты ŏт ӑт веритәԓ ԓыв хŏщайэԓ пиԓтәщты, мир пӑ ԓывиԓаԓ ишәкәԓ.
14Турәм Кущайа эвәԓты хŏйат пӑ ара па ара йиты питәс, тэԓыйэ йох пӑ нэӈәт,
15щиты кӑшаӈ хŏйатԓаԓ вош хўлыйа ким тутԓысԓаԓ пӑ ŏԓты сŏхԓаԓа пӑ ŏԓтӑхайԓаԓа пŏныԓысԓаԓ, кўш кепа мŏхты шушты Петра исхŏрән ԓыв эԓтыԓаԓ мӑтты ŏт ат хойԓыса ԓуԓән.
16Иерусалима ищиты ванән уԓты вошәт эԓты ар хŏйат, кӑшаӈ ŏтԓаԓ пӑ кўԉ сŏх тӑйты ŏтԓаԓ тўвман, ӑктәщисәт пӑ хŏԓ щитәт тўмтака йўвәнтысәт.
Апостоләт ԋӑрэмәты щирәт
17Турма йир верты ŏх ики пӑ ԓўв пиԓәԓән хŏԓ, саддукейәт пеԓа уԓты мŏхет, ԓоԓәмты нŏмәсән тэкәтсайәт,
18щӑԓта ԓыв апостоләт ԋӑрэмәсԓаԓ, пӑ ԓывиԓаԓ вошәӈ касна хота лӑп петсәԓаԓ.
19Туп Турәм Куща ангел атәԓән касна хот овәт пелки пўшсәԓы пӑ, ԓывиԓаԓ ким тўвман, йастәс:
20«Мӑнаты пӑ, Турәм Хотән, мир пеԓа хŏԓ тӑм йӑԓәп уԓәпса йасӈәт пŏтәртаԓән».
21Ԓыв хуԓтмәсәт пӑ аԓәӈсӑхат Турәм Хота ԓŏксәт пӑ хŏйатәт утәԓтәсәт. Щи кўтән Турма йир верты ŏх ики пӑ ԓўв пиԓәԓән уԓәм ŏтәт йŏхәтмеԓән, синедрион пӑ Израиль пŏхәт эԓты уԓты ун икет хŏԓ вохсәԓаԓ пӑ касна хота апостоләт туты хŏйат китсәт.
22Туп китыԓыйәм ŏтәт, йŏхәтмеԓән, ԓывиԓаԓ касна хотән ӑт уйәтсәԓәԓ пӑ, йŏхԓы йŏхәтмеԓән, йастәсәт,
23пŏтәртман: «Касна хот мўӈ лӑп такан тухәрман уйәтсэв пӑ ов йэԓпийән ԓойты касна хот шавиты йохԓаԓ пиԓән; туп, пел пўшмевән, ԓыпийән нэмәԓты хŏйат ӑт уйәтсув».
24Хун тӑм йасӈәт хуԓсәт Турма йир верты ŏх ики, Турәм Хот шавиты йох куща пӑ па Турма йир верты ŏх икет, ӑԓ щи нумәссәт: «А мўй тӑм».
25А хŏй йŏхтәс пӑ ԓывиԓаԓа йастәс: «Щита щи, нын касна хота тухрыԓыйәм йохԓән, Турәм Хотән уԓԓәт пӑ мир утәԓтәԓәт».
26Щиӈәԋща Турәм Хот шавиты йох куща ԓӑӈкәр йохԓаԓ пиԓән ԓынан ӑнта йур-вевән тусэԓ, мир эԓты пӑԓсәт, кевән ӑт ат сэксайәт, щишән.
27Ԓывиԓаԓ тўвмеԓ йўпийән, синедрион хŏща ԓощәԓтәсԓаԓ; пӑ Турма йир верты ŏх ики ԓывиԓаԓ иԋщәссәԓы, пŏтәртман:
28«Нынан мўӈ такан тӑм нэм эԓты утәԓтәты ӑт ат эсԓыԓысԓув? Тӑта щи, нын Иерусалим нын утәԓтәты щирԓәнән лӑп тэкәптәман пӑ Щи Хŏйат кӑԓы мўӈева нўра пŏнты ԓӑӈхаԓты».
29Петра пӑ па апостоләт йŏхԓы йастәсәт: «Хŏйатәта пŏнман, мўӈев Турма аршәк хуԓәтты мосәԓ.
30Мўӈ ащиԓув Турәм Иисус нŏх ԓыԓӈатәс, Хŏй нын, акԓа нŏх сэкман, пӑратсәԓән.
31Ԓўвеԓ Турәм Ԓўв йошәԓән Кущайа пӑ Нŏх пайәтты Ŏта пŏтсәԓы Израильа кӑрэк эԓты шӑнша керԓәты щир пӑ кӑрэк йŏрэмәты щир мӑты урәӈән.
32Ԓўв хŏщайәԓ иса тӑм вантәм ŏтәт мўӈ пӑ Йэмәӈ Ԓыԓ, Хŏйтаԓ Турәм щитәта мӑс, хŏй Ԓўвеԓа хуԓәтәԓ».
33Тӑм хуԓман, ԓыв ԉик эԓты пелки тохты уратԓәт пӑ ԓывиԓаԓ пӑратты нумисысәт.
34Мӑтты Гамалиил нэмпи фарисей, Закона утәԓтәты ху, мирән хŏԓ сӑмәӈа тӑйԓа, синедрионән нŏх ԓойман, апостоләт сора кеша ким тутԓыты партсәԓы,
35ԓывиԓаԓа пӑ йастәс: «Израиль йох! Нын щирәнән тӑм хŏйатәт эԓты нумәсаты, мўй нынан ԓыв пиԓԓаԓән верты.
36Тӑм йэԓпийәншәк Февда, ԓўвеԓ ԓўв а хŏй ԓӑтәӈ хŏйата, айәԓтман, ус, пӑ ԓўв хŏщайәԓ ԋӑԓсот кем хŏйат пиԓтәщәс; туп ԓўв пӑратса, пӑ хŏԓ, хŏй ԓўвеԓ хуԓәнтәс, лакки мӑтсәт пӑ сэм ўш эԓты петсәт.
37Ԓўв йўпеԓән хŏйат ԓат щирән хӑншәм пŏрайән Галилея эԓты уԓты Иуда этәс пӑ йӑм арат мир ԓўв йўпеԓа хўщәс; туп ԓўв пӑрәс, пӑ хŏԓ, хŏй ԓўвеԓ хуԓәнтәс, лакки питсәт.
38Ин па, нынана пŏтәртԓәм, пўӈԓа мӑнаты тӑм хŏйатәт эԓты пӑ ԓывиԓаԓ хӑйаԓән; тӑм вер – хŏйатәт эԓты ки, ԓўв лакки шўкаԓәԓ,
39Турәм эԓты ки, нын ԓўвеԓ шўкатты ӑт верәтԓәԓән; шаващаты, нын Турәм йэщаԓт уԓты аԓт питԓәты».
40Ԓыв ԓўвеԓа хуԓмәсәт; пӑ, апостоләт йŏхԓы вохмеԓ йўпийән, ԓывиԓаԓ сэкты партсәԓаԓ пӑ, Иисус нэм эԓты пŏтәртты ӑт эсәԓмеԓ йўпийән, ԓывиԓаԓ эсәԓсәԓаԓ.
41Ԓыв пӑ синедрион эԓты мӑтсәт, амәтман, Турәм Куща Иисус нэм урәӈән нўр туты ўша питсәт.
42Щӑԓта кашәӈ хӑтәԓ Турәм Хотән пӑ хотәтән Иисус Христос эԓты утәԓтәты пӑ Йӑм Айкеԓ туты ӑт вŏԓыԓысәт.
Currently Selected:
Acts 5: ХБ
Highlight
Share
Copy
Want to have your highlights saved across all your devices? Sign up or sign in
Institute for Bible Translation, Finland
Acts 5
5
Анания пӑ Сапфира
1И ху пӑ, нэмәԓ Анания, ԓўв Сапфира имеԓ пиԓән мўвәԓ тынымаԓ йўпийән,
2тынәԓ эԓты и шўкәԓ, ԓўв имеԓ уйәтман, хŏԓт хӑԋатсәԓы, пӑ хӑщәм шўкәԓ тусԓы пӑ апостоләт кўр шома пŏтсәԓы.
3Туп Петра йастәс: «Анания! Мўй урәӈән нӑӈ сӑмен хиԋа ўты эсәԓсэн. Мўйа нӑӈ Йэмәӈ Ԓыԓа олмащисән пӑ мўв тынэн эԓты и шупәԓ хӑԋатсэн?
4Мўй нӑӈ тӑйсән, ӑнтом мўй нӑӈен ус, пӑ тыныйәм сӑхат мŏщатәм ŏтэн ӑнта мўй нӑӈ йурэнән ус? Мўй урәӈән тӑми нӑӈ сӑмена пŏтсэн? Нӑӈ ӑнта хŏйатәт, Турәм ԓэпәԓсән».
5Щи йасӈәт хуԓмаԓ кемән, Анания щӑх рӑкнәс; пӑ щит хуԓәнтәм ŏтәт хŏԓ ун пӑԉщәмән йŏхәтсайәт.
6Щиӈәԋща, энәмты йох ԓўвеԓ лоттәты урәӈән ԓэщатсэԓ ким этәԓтәсэԓ пӑ иԓ лоттәсэԓ.
7Тӑм йўпийән хуԓәмԓэм щос хӑщәс, тыйәм вер эԓты нэмәԓты ӑт уйәтман, пӑ ԓўв имеԓ йŏхтәс.
8Петра пӑ ԓўвеԓ иԋщәссәԓы: «Мӑнэм йасты, тӑм арат сӑхат нын мўвән тынысԓән?» Ԓўв йастәс: «Па хŏты, тӑм арат сӑхат».
9Туп Петра ԓўвеԓа йастәс: «Мўйа нын Турәм Куща Ԓыԓ артаԓыты кашащсәтән? Тӑта щи, нӑӈ икен лоттыйәм йох ова ԓŏӈԓәт. Нӑӈ па ким туԓайән».
10Ищи мŏхты ԓўв Петра кўрӈән шŏма иԓ рӑкнәс пӑ ԓыԓәԓ мӑнәс. Пӑ энәмты йох, йŏхи ԓŏӈман, ԓўвеԓ пӑрәма уйәтсэԓ пӑ, ким этәԓтәмеԓ йўпийән, ԓўв икеԓ пўӈԓа лоттәсэԓ.
11Щиӈәԋща хŏԓ пойәкщәты мŏхет пӑ хŏԓ, хŏй тӑм хуԓәс, ун пӑԉщәмән йŏхәтсайәт.
Апостоләт ар хо̆йат тўмтака верты верәт
12Апостоләт йошән мир хŏща тэԓыйэ йэмәӈ посәт пӑ вантыԓԓаӈәԓ верәт тыйәԓтысайәт; пӑ хŏԓыйэ и нŏмәсән Соломон хот йӑтән уԓԓысәт.
13Пўӈәԓ хŏйатәт эԓты пӑ нэмәԓты ŏт ӑт веритәԓ ԓыв хŏщайэԓ пиԓтәщты, мир пӑ ԓывиԓаԓ ишәкәԓ.
14Турәм Кущайа эвәԓты хŏйат пӑ ара па ара йиты питәс, тэԓыйэ йох пӑ нэӈәт,
15щиты кӑшаӈ хŏйатԓаԓ вош хўлыйа ким тутԓысԓаԓ пӑ ŏԓты сŏхԓаԓа пӑ ŏԓтӑхайԓаԓа пŏныԓысԓаԓ, кўш кепа мŏхты шушты Петра исхŏрән ԓыв эԓтыԓаԓ мӑтты ŏт ат хойԓыса ԓуԓән.
16Иерусалима ищиты ванән уԓты вошәт эԓты ар хŏйат, кӑшаӈ ŏтԓаԓ пӑ кўԉ сŏх тӑйты ŏтԓаԓ тўвман, ӑктәщисәт пӑ хŏԓ щитәт тўмтака йўвәнтысәт.
Апостоләт ԋӑрэмәты щирәт
17Турма йир верты ŏх ики пӑ ԓўв пиԓәԓән хŏԓ, саддукейәт пеԓа уԓты мŏхет, ԓоԓәмты нŏмәсән тэкәтсайәт,
18щӑԓта ԓыв апостоләт ԋӑрэмәсԓаԓ, пӑ ԓывиԓаԓ вошәӈ касна хота лӑп петсәԓаԓ.
19Туп Турәм Куща ангел атәԓән касна хот овәт пелки пўшсәԓы пӑ, ԓывиԓаԓ ким тўвман, йастәс:
20«Мӑнаты пӑ, Турәм Хотән, мир пеԓа хŏԓ тӑм йӑԓәп уԓәпса йасӈәт пŏтәртаԓән».
21Ԓыв хуԓтмәсәт пӑ аԓәӈсӑхат Турәм Хота ԓŏксәт пӑ хŏйатәт утәԓтәсәт. Щи кўтән Турма йир верты ŏх ики пӑ ԓўв пиԓәԓән уԓәм ŏтәт йŏхәтмеԓән, синедрион пӑ Израиль пŏхәт эԓты уԓты ун икет хŏԓ вохсәԓаԓ пӑ касна хота апостоләт туты хŏйат китсәт.
22Туп китыԓыйәм ŏтәт, йŏхәтмеԓән, ԓывиԓаԓ касна хотән ӑт уйәтсәԓәԓ пӑ, йŏхԓы йŏхәтмеԓән, йастәсәт,
23пŏтәртман: «Касна хот мўӈ лӑп такан тухәрман уйәтсэв пӑ ов йэԓпийән ԓойты касна хот шавиты йохԓаԓ пиԓән; туп, пел пўшмевән, ԓыпийән нэмәԓты хŏйат ӑт уйәтсув».
24Хун тӑм йасӈәт хуԓсәт Турма йир верты ŏх ики, Турәм Хот шавиты йох куща пӑ па Турма йир верты ŏх икет, ӑԓ щи нумәссәт: «А мўй тӑм».
25А хŏй йŏхтәс пӑ ԓывиԓаԓа йастәс: «Щита щи, нын касна хота тухрыԓыйәм йохԓән, Турәм Хотән уԓԓәт пӑ мир утәԓтәԓәт».
26Щиӈәԋща Турәм Хот шавиты йох куща ԓӑӈкәр йохԓаԓ пиԓән ԓынан ӑнта йур-вевән тусэԓ, мир эԓты пӑԓсәт, кевән ӑт ат сэксайәт, щишән.
27Ԓывиԓаԓ тўвмеԓ йўпийән, синедрион хŏща ԓощәԓтәсԓаԓ; пӑ Турма йир верты ŏх ики ԓывиԓаԓ иԋщәссәԓы, пŏтәртман:
28«Нынан мўӈ такан тӑм нэм эԓты утәԓтәты ӑт ат эсԓыԓысԓув? Тӑта щи, нын Иерусалим нын утәԓтәты щирԓәнән лӑп тэкәптәман пӑ Щи Хŏйат кӑԓы мўӈева нўра пŏнты ԓӑӈхаԓты».
29Петра пӑ па апостоләт йŏхԓы йастәсәт: «Хŏйатәта пŏнман, мўӈев Турма аршәк хуԓәтты мосәԓ.
30Мўӈ ащиԓув Турәм Иисус нŏх ԓыԓӈатәс, Хŏй нын, акԓа нŏх сэкман, пӑратсәԓән.
31Ԓўвеԓ Турәм Ԓўв йошәԓән Кущайа пӑ Нŏх пайәтты Ŏта пŏтсәԓы Израильа кӑрэк эԓты шӑнша керԓәты щир пӑ кӑрэк йŏрэмәты щир мӑты урәӈән.
32Ԓўв хŏщайәԓ иса тӑм вантәм ŏтәт мўӈ пӑ Йэмәӈ Ԓыԓ, Хŏйтаԓ Турәм щитәта мӑс, хŏй Ԓўвеԓа хуԓәтәԓ».
33Тӑм хуԓман, ԓыв ԉик эԓты пелки тохты уратԓәт пӑ ԓывиԓаԓ пӑратты нумисысәт.
34Мӑтты Гамалиил нэмпи фарисей, Закона утәԓтәты ху, мирән хŏԓ сӑмәӈа тӑйԓа, синедрионән нŏх ԓойман, апостоләт сора кеша ким тутԓыты партсәԓы,
35ԓывиԓаԓа пӑ йастәс: «Израиль йох! Нын щирәнән тӑм хŏйатәт эԓты нумәсаты, мўй нынан ԓыв пиԓԓаԓән верты.
36Тӑм йэԓпийәншәк Февда, ԓўвеԓ ԓўв а хŏй ԓӑтәӈ хŏйата, айәԓтман, ус, пӑ ԓўв хŏщайәԓ ԋӑԓсот кем хŏйат пиԓтәщәс; туп ԓўв пӑратса, пӑ хŏԓ, хŏй ԓўвеԓ хуԓәнтәс, лакки мӑтсәт пӑ сэм ўш эԓты петсәт.
37Ԓўв йўпеԓән хŏйат ԓат щирән хӑншәм пŏрайән Галилея эԓты уԓты Иуда этәс пӑ йӑм арат мир ԓўв йўпеԓа хўщәс; туп ԓўв пӑрәс, пӑ хŏԓ, хŏй ԓўвеԓ хуԓәнтәс, лакки питсәт.
38Ин па, нынана пŏтәртԓәм, пўӈԓа мӑнаты тӑм хŏйатәт эԓты пӑ ԓывиԓаԓ хӑйаԓән; тӑм вер – хŏйатәт эԓты ки, ԓўв лакки шўкаԓәԓ,
39Турәм эԓты ки, нын ԓўвеԓ шўкатты ӑт верәтԓәԓән; шаващаты, нын Турәм йэщаԓт уԓты аԓт питԓәты».
40Ԓыв ԓўвеԓа хуԓмәсәт; пӑ, апостоләт йŏхԓы вохмеԓ йўпийән, ԓывиԓаԓ сэкты партсәԓаԓ пӑ, Иисус нэм эԓты пŏтәртты ӑт эсәԓмеԓ йўпийән, ԓывиԓаԓ эсәԓсәԓаԓ.
41Ԓыв пӑ синедрион эԓты мӑтсәт, амәтман, Турәм Куща Иисус нэм урәӈән нўр туты ўша питсәт.
42Щӑԓта кашәӈ хӑтәԓ Турәм Хотән пӑ хотәтән Иисус Христос эԓты утәԓтәты пӑ Йӑм Айкеԓ туты ӑт вŏԓыԓысәт.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Institute for Bible Translation, Finland