Acts 21
21
Иерусалима мӑнты вер
1Хун пӑ мўӈ ԓыв пиԓԓаԓән кӑтна мӑнмев йўпийән, нык хўвԓәсув, тŏрԓы Кос воша йŏхәтсув, кимет хӑтәԓ Родос пухра, щиԓта пӑ Патара воша,
2щӑԓта Финикия пеԓа мӑнты паршәӈ ун хоп уйәтмев кемән, нŏх хухсув пӑ нык хўвԓәсув.
3Мўӈ Кипр пухәр мўв ныты ўшән усув пӑ ԓўвеԓ веш пеләк сӑхат хӑйман, Сирия мўва мӑтсув пӑ Тир вош хŏща ўты катәԓсув, тӑта хоп эԓты пŏрмасәт хӑйты моссәт.
4Щӑԓта, утәԓтәты хŏйатәт мŏщатмев кемән, щита ԓапәт хӑтәԓ усув. Ԓыв, Йэмәӈ Ԓыԓән аԉман, Павел пеԓа пŏтәртԓәт, ԓўв Иерусалима ӑт ат мӑнәԓ.
5Щи хӑтԓәт хӑйман, мўӈ этсув пӑ мӑтсув, пӑ ԓыв хŏԓыйэ имиԓаԓ пӑ ԋаврэмԓаԓ пиԓән мўӈев вош кимпи унты хŏԓна тусэԓ; намән питарән па, шаш иԓ эсәԓман, пойәкщәсув.
6Пӑ, кўтԓувән пайәмуԓәм вермев йўпийән, мўӈ паршәӈ ун хопа ԓэԓсув, ԓыв пӑ йŏхи мӑтсәт.
7Мўӈ пӑ, мӑнты верев йэԓԓы тўвман, Тир эԓты Птолемаида воша йŏхәтсув, хŏта хӑнам йохԓув ўщайән версәԓув пӑ ԓыв хŏщайэԓ и хӑтәԓ усув.
8Кимет хӑтәԓ Павел пӑ мўӈ, ԓўв пиԓәԓән уԓәм ŏтәт, йэԓԓы мӑтсув пӑ Кесарияйа йŏхәтсув пӑ, Филлипп хота ԓŏӈман, ԓўв Йӑм Айкеԓ тутԓыты ху, ԓапәт ԋотәп ху#21:8 ԓапәт ԋотәп ху - щит ԓэты пасанәт ԓэщатты йох; эԓты ит, ԓўв хŏщайәԓ хӑщсув.
9Ԓўв ԋӑԓ икиԓы эви тӑйәс, Турәм айкеԓ туты нэӈәт.
10Щи кўтән хŏты мўӈ ԓыв хŏщайэԓ ар хӑтәԓ усув, Иудея эԓты Агав нэмпи Турәм айкеԓ туты ики йŏхтәс.
11Щӑԓта, мўӈ хŏщайэв ԓŏӈман, Павел ӑнтәп кеԓ ўсԓы пӑ ԓўв йошԓаԓ-курԓаԓ йӑха йӑрман, йастәс: «Щиты Йэмәӈ Ԓыԓ пŏтәртәԓ: 'Тӑм ӑнтәп кеԓәӈ ики тӑмиты Иерусалимән иудейәтән йӑрԓа пӑ па рут мир йоша мӑԓа'».
12Хун пӑ мўӈ щит хуԓтмәсув, мўӈ па, щита уԓты ŏтәт па пойкащсәт, ԓўв Иерусалима ӑт ат мӑнәс.
13Туп Павел йŏхԓы йастәс: «Мўй нын верԓәты? Мўйа хоԓԓәԓты пӑ ма сӑмем мӑшԓәԓән? Ма ӑнта туп йӑрәм ŏта уԓты ԓӑӈхаԓәм, Иерусалимән Турәм Куща Иисус нэм урәӈән пӑрты таща уԓԓәм».
14Хун пӑ мўӈ ԓўвеԓ вŏԓәтты ӑт верәтсэв, ромәпсув, йастәман: «Турәм Куща партәпса щирән ат питәԓ!»
Павел Иерусалима йŏхәтты вер
15Тӑм хӑтԓәт йўпийән, ԓэщатыман, Иерусалима мўӈ мӑтсув.
16Мўӈ пиԓэвән тухәԓ утәԓтәты йох Кесария эԓты па шушсәт. Ԓыв мўӈев Мнасон Кипр ху, хўв тэԓән утәԓтәты ху, хота тусэԓ, хŏй хŏща мўӈев ԓуԓән уԓты рӑхәс.
17Хун мўӈ Иерусалима йŏхәтсув, хӑнам йохән, амәтман, мўӈ вана ўсайув.
18Кимет хатәԓ Павел мўӈ пиԓэвән Иаков хŏща йŏхтәс; ун икет па хŏԓ йŏхәтсәт.
19Ԓывиԓаԓ ўщайән верман, Павел ԓӑтйан-карйан пŏтәртсәԓы, ԓўв верәм верԓаԓ мŏхты ӑт эвәԓты па рут мир кўтән Турәм мўй верәс.
20Ԓыв па, хуԓәтмеԓ йўпийән, Турәм ԓӑтәӈа айәԓтсэԓ пӑ ԓўвеԓа йастәсәт: «Хӑнам ху, ватԓэн мўй арат щŏрәс эвԓәм иудей йох, пӑ ԓыв хŏԓ Закон такан тӑйты ŏтәт.
21Нӑӈ эԓтэн пӑ йӑма хуԓԓысәт, мӑтты нӑӈ хŏԓ па рут мир кўтән уԓты иудейәт Моисей эԓты пўӈԓа хӑтты утәԓтәԓԓан, пŏтәртман, мӑтты ԓыв йох ԋаврэмԓаԓ хŏща эвәтты вер ӑт ат версәт пӑ ԓыв щирԓаԓ щирән ӑт ат усәт.
22Щиӈәԋща, мўй пӑ? Йӑна, мир ӑктәщәԓ; хуԓԓэԓ, нӑӈ йŏхәтсән, щишән.
23Вера са, мўй мўӈ нӑӈен йастәԓув: мўӈ ԋӑԓ хŏйат, йастантәм вер тӑйты ŏтәт, тӑйԓув.
24Ԓывиԓаԓ ўйман, ԓыв пиԓԓаԓән сыстамтыйа пӑ ԓыв йўкан йирԓаԓ тын нӑӈ сŏхәпты, ԓыв ŏхԓаԓ ԓŏртты ат верәтсәт. Пӑ хŏԓ кащаԓәԓәт, нӑӈ эԓтайэн хуԓԓыйәм пŏԓщәт ӑнтом вещкатәт, наӈ па Закон хуват уԓԓән.
25Эвԓәм па рут йоха мўӈ верәм нŏпсэв эԓты хӑшсэв: ԓыв нэмәԓты щимәщ ӑт ат версәт, туп ԓуӈха порыԓыйәм ԓэтŏт эԓты, вой ўр пӑ шакәптәм вой ԋŏхи эԓты, пӑ пакрасԓәты вер эԓты ԓывиԓаԓ ат шависԓаԓ».
26Щишән Павел, щи йох ўйман пӑ ԓыв пиԓԓаԓән сыстамтыман, йухәт хӑтәԓ Турәм Хота ԓŏӈәс пӑ сыстамтыйәм хӑтԓәт хŏԓам вер такан йастәс, хун кашәӈ ху урәӈән йир туты вер уԓ.
Павел ԋӑрэмәты вер
27Хун пӑ ԓапәт хӑтәԓ хŏԓаты ванамәс, щи пŏрайән Асия эԓты уԓты иудейәт ԓўвеԓ Турәм Хотән шийаԓәмеԓ кемән, мир хŏԓ йэшащты хўщсэԓ пӑ ԓўвеԓ катәԓсэԓ,
28ўвман: «Израиль йох, ԋотаты! Тӑм хŏйат арат тӑхайән мŏхет мирэва пӑ Закона пӑ тӑм тӑхайа ӑт рӑхты щирән утәԓтәԓ; Щи тўмпийән грекәт Турәм Хота тус пӑ тӑм йэмәӈ тӑха щопитсәԓы».
29Щи йэԓпийән вошән ԓыв Трофим, Ефес ху, ԓўв пиԓәԓән ватсәт пӑ нумәссәт, Павел ԓўвеԓ Турәм Хота ԓŏӈәԓтсәԓы.
30Вош ԓŏватәԓән нŏх ԋŏхԓәс, пӑ мир тŏхи хухәԓмәс. Павел, ԋӑрэмәм йўпийән, Турәм Хот эԓты ким хипԉәԓтса, пӑ овәт ищи кўрәмән лӑп петсайәт.
31Хун пӑ ԓыв ԓўвеԓ пӑратты ўтщисэԓ, щŏрәс ԉаԉ йох куща унты айкеԓ йŏхтәс, Иерусалим ԓоватәԓән ўшмащты питәс.
32Ԓўв ищи кўрәмән ԉаԉ йох пӑ сот ԉаԉ йох кущайәт ўйман, ԓыв хŏщайэԓ ӑратсәт. Ԓыв пӑ, щŏрәс ԉаԉ йох куща пӑ ԉаԉ йохәт кащаԓәмеԓ кемән, Павел сэкты вŏԓәтсэԓ.
33Щиӈәԋща щŏрәс ԉаԉ йох куща, вана йŏхәтмаԓ кемән, ԓўвеԓ ўсԓы пӑ кӑт карты кеԓән иԓ йӑрты партсәԓы, пӑ иԋщәсәс: «Хŏй ԓўв пӑ мўй верәс».
34Мир хŏща итәт ит ўвсәт, па ŏтәт па ŏт ўвсәт. Щишән щимәщ сый кўтән ԓўв нэмәԓты ԓэр вер ŏша пайәтты ӑт веритмаԓ урәӈән, Павел ԉаԉ йох уԓты тӑхайа туты партсәԓы.
35Хун пӑ ԓўв ов нухләт хŏща уԓмаԓән, мир похәл щиты хӑтәԓ пӑ, ԉаԉ йохәта, нŏх аԓәмман, ԓўвеԓ туты вера йис,
36мир аратәԓән ԓыв йўпеԓән шушәс пӑ ўвәс: «Ԓўвеԓа сŏрәм ат уԓ!»
Павел, ԓўвеԓ ӑратыман, мир пеԓа по̆тәртәԓ
37Ԉаԉ йŏхәт хота ԓŏӈты тӑхайән Павел щŏрәс ԉаԉ йох кущайа йастәс: «Мӑнэма наӈен мŏԓты йастәты рӑхәԓ амўй?» Щит пӑ йщмәс: «Нӑӈ грек йасәӈ уйәтԓән?
38Щишән ки, наӈ ӑнта щи Египет хŏйат, хŏй мŏԓхашәк йэшащты щир верыԓыйәс пӑ таԓ тӑхайа ԋӑԓ щŏрәс веԓтатты хŏйат тус?»
39Павел пӑ йастәс: «Ма Киликия мўвән уԓты Тарс ун вошәӈ иудей ху. Нӑӈен пойәкԓәм, мӑнэм мир пеԓа йастәты эсԓы».
40Хун пӑ щитән эсәԓса, Павел, ов нухәлән ԓойман, йошәԓән мира пос мӑс. Щӑԓта, хун шек шитама йис, еврей йасәӈән щиты пŏтәртты питәс:
Currently Selected:
Acts 21: ХБ
Highlight
Share
Copy
Want to have your highlights saved across all your devices? Sign up or sign in
Institute for Bible Translation, Finland
Acts 21
21
Иерусалима мӑнты вер
1Хун пӑ мўӈ ԓыв пиԓԓаԓән кӑтна мӑнмев йўпийән, нык хўвԓәсув, тŏрԓы Кос воша йŏхәтсув, кимет хӑтәԓ Родос пухра, щиԓта пӑ Патара воша,
2щӑԓта Финикия пеԓа мӑнты паршәӈ ун хоп уйәтмев кемән, нŏх хухсув пӑ нык хўвԓәсув.
3Мўӈ Кипр пухәр мўв ныты ўшән усув пӑ ԓўвеԓ веш пеләк сӑхат хӑйман, Сирия мўва мӑтсув пӑ Тир вош хŏща ўты катәԓсув, тӑта хоп эԓты пŏрмасәт хӑйты моссәт.
4Щӑԓта, утәԓтәты хŏйатәт мŏщатмев кемән, щита ԓапәт хӑтәԓ усув. Ԓыв, Йэмәӈ Ԓыԓән аԉман, Павел пеԓа пŏтәртԓәт, ԓўв Иерусалима ӑт ат мӑнәԓ.
5Щи хӑтԓәт хӑйман, мўӈ этсув пӑ мӑтсув, пӑ ԓыв хŏԓыйэ имиԓаԓ пӑ ԋаврэмԓаԓ пиԓән мўӈев вош кимпи унты хŏԓна тусэԓ; намән питарән па, шаш иԓ эсәԓман, пойәкщәсув.
6Пӑ, кўтԓувән пайәмуԓәм вермев йўпийән, мўӈ паршәӈ ун хопа ԓэԓсув, ԓыв пӑ йŏхи мӑтсәт.
7Мўӈ пӑ, мӑнты верев йэԓԓы тўвман, Тир эԓты Птолемаида воша йŏхәтсув, хŏта хӑнам йохԓув ўщайән версәԓув пӑ ԓыв хŏщайэԓ и хӑтәԓ усув.
8Кимет хӑтәԓ Павел пӑ мўӈ, ԓўв пиԓәԓән уԓәм ŏтәт, йэԓԓы мӑтсув пӑ Кесарияйа йŏхәтсув пӑ, Филлипп хота ԓŏӈман, ԓўв Йӑм Айкеԓ тутԓыты ху, ԓапәт ԋотәп ху#21:8 ԓапәт ԋотәп ху - щит ԓэты пасанәт ԓэщатты йох; эԓты ит, ԓўв хŏщайәԓ хӑщсув.
9Ԓўв ԋӑԓ икиԓы эви тӑйәс, Турәм айкеԓ туты нэӈәт.
10Щи кўтән хŏты мўӈ ԓыв хŏщайэԓ ар хӑтәԓ усув, Иудея эԓты Агав нэмпи Турәм айкеԓ туты ики йŏхтәс.
11Щӑԓта, мўӈ хŏщайэв ԓŏӈман, Павел ӑнтәп кеԓ ўсԓы пӑ ԓўв йошԓаԓ-курԓаԓ йӑха йӑрман, йастәс: «Щиты Йэмәӈ Ԓыԓ пŏтәртәԓ: 'Тӑм ӑнтәп кеԓәӈ ики тӑмиты Иерусалимән иудейәтән йӑрԓа пӑ па рут мир йоша мӑԓа'».
12Хун пӑ мўӈ щит хуԓтмәсув, мўӈ па, щита уԓты ŏтәт па пойкащсәт, ԓўв Иерусалима ӑт ат мӑнәс.
13Туп Павел йŏхԓы йастәс: «Мўй нын верԓәты? Мўйа хоԓԓәԓты пӑ ма сӑмем мӑшԓәԓән? Ма ӑнта туп йӑрәм ŏта уԓты ԓӑӈхаԓәм, Иерусалимән Турәм Куща Иисус нэм урәӈән пӑрты таща уԓԓәм».
14Хун пӑ мўӈ ԓўвеԓ вŏԓәтты ӑт верәтсэв, ромәпсув, йастәман: «Турәм Куща партәпса щирән ат питәԓ!»
Павел Иерусалима йŏхәтты вер
15Тӑм хӑтԓәт йўпийән, ԓэщатыман, Иерусалима мўӈ мӑтсув.
16Мўӈ пиԓэвән тухәԓ утәԓтәты йох Кесария эԓты па шушсәт. Ԓыв мўӈев Мнасон Кипр ху, хўв тэԓән утәԓтәты ху, хота тусэԓ, хŏй хŏща мўӈев ԓуԓән уԓты рӑхәс.
17Хун мўӈ Иерусалима йŏхәтсув, хӑнам йохән, амәтман, мўӈ вана ўсайув.
18Кимет хатәԓ Павел мўӈ пиԓэвән Иаков хŏща йŏхтәс; ун икет па хŏԓ йŏхәтсәт.
19Ԓывиԓаԓ ўщайән верман, Павел ԓӑтйан-карйан пŏтәртсәԓы, ԓўв верәм верԓаԓ мŏхты ӑт эвәԓты па рут мир кўтән Турәм мўй верәс.
20Ԓыв па, хуԓәтмеԓ йўпийән, Турәм ԓӑтәӈа айәԓтсэԓ пӑ ԓўвеԓа йастәсәт: «Хӑнам ху, ватԓэн мўй арат щŏрәс эвԓәм иудей йох, пӑ ԓыв хŏԓ Закон такан тӑйты ŏтәт.
21Нӑӈ эԓтэн пӑ йӑма хуԓԓысәт, мӑтты нӑӈ хŏԓ па рут мир кўтән уԓты иудейәт Моисей эԓты пўӈԓа хӑтты утәԓтәԓԓан, пŏтәртман, мӑтты ԓыв йох ԋаврэмԓаԓ хŏща эвәтты вер ӑт ат версәт пӑ ԓыв щирԓаԓ щирән ӑт ат усәт.
22Щиӈәԋща, мўй пӑ? Йӑна, мир ӑктәщәԓ; хуԓԓэԓ, нӑӈ йŏхәтсән, щишән.
23Вера са, мўй мўӈ нӑӈен йастәԓув: мўӈ ԋӑԓ хŏйат, йастантәм вер тӑйты ŏтәт, тӑйԓув.
24Ԓывиԓаԓ ўйман, ԓыв пиԓԓаԓән сыстамтыйа пӑ ԓыв йўкан йирԓаԓ тын нӑӈ сŏхәпты, ԓыв ŏхԓаԓ ԓŏртты ат верәтсәт. Пӑ хŏԓ кащаԓәԓәт, нӑӈ эԓтайэн хуԓԓыйәм пŏԓщәт ӑнтом вещкатәт, наӈ па Закон хуват уԓԓән.
25Эвԓәм па рут йоха мўӈ верәм нŏпсэв эԓты хӑшсэв: ԓыв нэмәԓты щимәщ ӑт ат версәт, туп ԓуӈха порыԓыйәм ԓэтŏт эԓты, вой ўр пӑ шакәптәм вой ԋŏхи эԓты, пӑ пакрасԓәты вер эԓты ԓывиԓаԓ ат шависԓаԓ».
26Щишән Павел, щи йох ўйман пӑ ԓыв пиԓԓаԓән сыстамтыман, йухәт хӑтәԓ Турәм Хота ԓŏӈәс пӑ сыстамтыйәм хӑтԓәт хŏԓам вер такан йастәс, хун кашәӈ ху урәӈән йир туты вер уԓ.
Павел ԋӑрэмәты вер
27Хун пӑ ԓапәт хӑтәԓ хŏԓаты ванамәс, щи пŏрайән Асия эԓты уԓты иудейәт ԓўвеԓ Турәм Хотән шийаԓәмеԓ кемән, мир хŏԓ йэшащты хўщсэԓ пӑ ԓўвеԓ катәԓсэԓ,
28ўвман: «Израиль йох, ԋотаты! Тӑм хŏйат арат тӑхайән мŏхет мирэва пӑ Закона пӑ тӑм тӑхайа ӑт рӑхты щирән утәԓтәԓ; Щи тўмпийән грекәт Турәм Хота тус пӑ тӑм йэмәӈ тӑха щопитсәԓы».
29Щи йэԓпийән вошән ԓыв Трофим, Ефес ху, ԓўв пиԓәԓән ватсәт пӑ нумәссәт, Павел ԓўвеԓ Турәм Хота ԓŏӈәԓтсәԓы.
30Вош ԓŏватәԓән нŏх ԋŏхԓәс, пӑ мир тŏхи хухәԓмәс. Павел, ԋӑрэмәм йўпийән, Турәм Хот эԓты ким хипԉәԓтса, пӑ овәт ищи кўрәмән лӑп петсайәт.
31Хун пӑ ԓыв ԓўвеԓ пӑратты ўтщисэԓ, щŏрәс ԉаԉ йох куща унты айкеԓ йŏхтәс, Иерусалим ԓоватәԓән ўшмащты питәс.
32Ԓўв ищи кўрәмән ԉаԉ йох пӑ сот ԉаԉ йох кущайәт ўйман, ԓыв хŏщайэԓ ӑратсәт. Ԓыв пӑ, щŏрәс ԉаԉ йох куща пӑ ԉаԉ йохәт кащаԓәмеԓ кемән, Павел сэкты вŏԓәтсэԓ.
33Щиӈәԋща щŏрәс ԉаԉ йох куща, вана йŏхәтмаԓ кемән, ԓўвеԓ ўсԓы пӑ кӑт карты кеԓән иԓ йӑрты партсәԓы, пӑ иԋщәсәс: «Хŏй ԓўв пӑ мўй верәс».
34Мир хŏща итәт ит ўвсәт, па ŏтәт па ŏт ўвсәт. Щишән щимәщ сый кўтән ԓўв нэмәԓты ԓэр вер ŏша пайәтты ӑт веритмаԓ урәӈән, Павел ԉаԉ йох уԓты тӑхайа туты партсәԓы.
35Хун пӑ ԓўв ов нухләт хŏща уԓмаԓән, мир похәл щиты хӑтәԓ пӑ, ԉаԉ йохәта, нŏх аԓәмман, ԓўвеԓ туты вера йис,
36мир аратәԓән ԓыв йўпеԓән шушәс пӑ ўвәс: «Ԓўвеԓа сŏрәм ат уԓ!»
Павел, ԓўвеԓ ӑратыман, мир пеԓа по̆тәртәԓ
37Ԉаԉ йŏхәт хота ԓŏӈты тӑхайән Павел щŏрәс ԉаԉ йох кущайа йастәс: «Мӑнэма наӈен мŏԓты йастәты рӑхәԓ амўй?» Щит пӑ йщмәс: «Нӑӈ грек йасәӈ уйәтԓән?
38Щишән ки, наӈ ӑнта щи Египет хŏйат, хŏй мŏԓхашәк йэшащты щир верыԓыйәс пӑ таԓ тӑхайа ԋӑԓ щŏрәс веԓтатты хŏйат тус?»
39Павел пӑ йастәс: «Ма Киликия мўвән уԓты Тарс ун вошәӈ иудей ху. Нӑӈен пойәкԓәм, мӑнэм мир пеԓа йастәты эсԓы».
40Хун пӑ щитән эсәԓса, Павел, ов нухәлән ԓойман, йошәԓән мира пос мӑс. Щӑԓта, хун шек шитама йис, еврей йасәӈән щиты пŏтәртты питәс:
Currently Selected:
:
Highlight
Share
Copy
Want to have your highlights saved across all your devices? Sign up or sign in
Institute for Bible Translation, Finland