မၢတ်ႈထႄႇ 27
27
ဢဝ်ၸဝ်ႈယေႇသူႉဢၢပ်ႈတီႈၶုၼ်ပွၼ်ႇတီႉပီႉလတ်ႉ
(တူၺ်း၊ မႃႇ 15:1။ လူႉ 23:1-2။ ယူဝ်း 18:28-32)
1မိူဝ်ႈဢၼ်ႁွတ်ႈထိုင်ၶိင်ႇၵၢင်ၼႂ်ၸိုင်၊ ယိတ်ႈပရေႃးႁဵၵ်ႈလူင် ဢိၵ်ႇတင်း ၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်းၵူၼ်းတင်းလၢႆတင်းသဵင်ႈတင်းလူင်ၼၼ်ႉ တိူင်ႇပၢင်ႇၵၼ်ႁႂ်ႈလႆႈဢဝ်ယေႇသူႉတၢႆလႄႈ- 2မတ်ႉၽုၵ်ႇမၼ်းၸဝ်ႈယဝ်ႉၸင်ႇ၊ ဢဝ်ၵႂႃႇဢၢပ်ႈပၼ်တီႈ ၶုၼ်ပွၼ်ႇတီႉပီႉလတ်ႉဢေႃႈ။
တၢင်းတၢႆယူႉတႃႉဢီႉသၵႃႇရေႇဢုတ်ႈ
(တူၺ်း၊ တ 1:18-19)
3မိူဝ်ႈၼၼ်ႉ ယူႉတႃႉဢီႉသၵႃႇရေႇဢုတ်ႈ ဢၼ်ဢဝ်မၼ်းၸဝ်ႈဢၢပ်ႈၼၼ်ႉ ႁူႉႁၼ်လွင်ႈဢၼ်ၶဝ်ၸီႇယၢင်ႇႁႂ်ႈမၼ်းၸဝ်ႈတၢႆၼၼ်ႉသေယဝ်ႉ၊ ၶုၵ်းၸႂ်လႆႈမႆႈၸႂ်လႄႈ ဢဝ်ငိုၼ်းသၢမ်သိပ်းၵျၢပ်ႈၼၼ်ႉၶိုၼ်းပၼ်တီႈ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၸိူဝ်းၼၼ်ႉသေလႄႈ လၢတ်ႈလႄႈဝႃႈ၊- 4ၵဝ်ၶႃႈၽိတ်းပိူင်ႈၶႃႈယဝ်ႉ။ ၵဝ်ၶႃႈလႆႈဢဝ်လိူတ်ႈၵေႃႉဢၼ်ဢမ်ႇမီးဢပႅတ်ႈၼၼ်ႉ ဢၢပ်ႈမႅၼ်ႈၶႃႈယဝ်ႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉၵေႃႈလၢတ်ႈလႄႈဝႃႈ၊ ၸၢပ်ႈသႅင်ႇၵၼ်တင်းႁဝ်းၸိူဝ်ႉၼင်ႇႁိုဝ်။ မႂ်းတူၺ်းလွင်ႈဢၼ်မႂ်းႁဵတ်းၼၼ်ႉတႃႉ၊ မိူဝ်ႈဢၼ်ဝႃႈၼင်ႇၼႆၸိုင်၊- 5မၼ်းၵေႃႈ ဢဝ်ငိုၼ်းထိမ်ႈၶျႃးတူၵ်းပႅတ်ႈဝႆႉၵႃႈၼႂ်းႁိူၼ်းပိၵ်ႈမၢၼ်ႇၸဝ်ႈသေလႄႈ ၵႂႃႇတၢင်ႇတီႈတၢင်ႇလႅၼ်သေယဝ်ႉ ၵႅၼ်ၶေႃးမၼ်းတၢႆသေဢေႃႈ။- 6ယိတ်ႈပရေႃးႁဵၵ်ႈလူင်ၸိူဝ်းၼၼ်ႉဢဝ်ငိုၼ်းၼၼ်ႉသေလႄႈလၢတ်ႈဝႃႈ၊ ပိူဝ်ႈဢၼ်ပဵၼ်ၵႃႈလိူတ်ႈလႄႈ ဢမ်ႇလီဢဝ်သႂ်ႇၼႂ်းတိူၵ်ႈၽၼ်ႇတႃႇၸူဝ်း၊ ဝႃႈၼင်ႇၼႆယဝ်ႉၸင်ႇ၊- 7တိူင်ႇပၢင်ႇၵၼ်လႄႈ ဢဝ်ငိုၼ်းၼၼ်ႉသိုဝ်ႉဢဝ်ၵႂၢၵ်ႈလိၼ်ၸၢင်ႈမေႃႈ ပုၼ်ႈဢၼ်တၵ်းႁႂ်ႈပဵၼ်ပႃႇႁဵဝ်ႈသၢင်းၶႅင်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။- 8ပိူဝ်ႈၼႆၸင်ႇ၊ ၵႂၢၵ်ႈလိၼ်ၼၼ်ႉ၊ လႆႈႁွင်ႉႁဵၵ်ႈၵႂၢၵ်ႈလိၼ်လိူတ်ႈ တေႃႇထိုင်ႁွတ်ႈမိူဝ်ႈလဵဝ်ၼႆႉဢေႃႈ။- 9ၵႂၢမ်းဢၼ်ပရေႃးၽႅတ်ႈ ယေႇရမီႉႁေႃးလၢတ်ႈဝႆႉလႄႈဝႃႈၸမ်ႉ၊ ၶဝ်ဢဝ်ငိုၼ်းသၢမ်သိပ်းၵျၢပ်ႈဢၼ်ပဵၼ်ၵႃႈတူဝ်ၶၼ်တူဝ်ၵေႃႉဢၼ် လႆႈၶၢမ်ႇတၢင်းဢၼ်ပျၢတ်ႈၵႃႈပျၢတ်ႈၶၼ် ဢၼ်ၵူၼ်းဢီႉသရေႇလႃႉတင်းလၢႆ ပျၢတ်ႈၵႃႈပျၢတ်ႈၶၼ်မၼ်းဝႆႉၼၼ်ႉ၊- 10သိုဝ်ႉဢဝ်ၵႂၢၵ်ႈလိၼ်ၸၢင်ႈမေႃႈ ၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈၵဝ်ၼႆႉၼၼ်ႉဢေႃႈ၊ ဝႃႈၼင်ႇၼႆၼၼ်ႉ ပျေႉၸုမ်ႇဝႆႉယဝ်ႉ မိူဝ်ႈၼၼ်ႉဢေႃႈ။
ၶုၼ်ပွၼ်ႇတီႉပီႉလတ်ႉၸႅတ်ႈထၢမ်ၸဝ်ႈယေႇသူႉ
(တူၺ်း၊ မႃႇ 15:2-5။ လူႉ 23:3-5။ ယူဝ်း 18:33-38)
11 ယေႇသူႉၸုၵ်းယူႇၵႃႈတီႈၽၢႆႇၼႃႈၶုၼ်ၼၼ်ႉလႄႈ ၶုၼ်ၼၼ်ႉၵေႃႈထၢမ်လႄႈဝႃႈ၊ မႂ်းၸႂ်ႈၶုၼ်ႁေႃၶမ်းယူႉတႃႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ယေႇသူႉၵေႃႈလၢတ်ႈလႄႈဝႃႈ၊ မႅၼ်ႈၵႃႈၼင်ႇဢၼ်ၸဝ်ႈဝႃႈၼႆႉယဝ်ႉ၊ ဝႃႈၼင်ႇၼႆဢေႃႈ။- 12မိူဝ်ႈဢၼ်ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၸိူဝ်းၼၼ်ႉ တၢင်ႇဢပႅတ်ႈယူႇၼၼ်ႉၸိုင်၊ မၼ်းၸဝ်ႈဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း။- 13ၶုၼ်ပီႉလတ်ႉၵေႃႈထၢမ်လႄႈဝႃႈ၊ မႂ်းဢမ်ႇငိၼ်းၶဝ်ယူႇၽၢႆႇၼိုင်ႈတင်းမႂ်းသေလႄႈၶၢမ်ႇသၢၵ်ႈသေႇ ဢမ်ႇႁူႉၼမ်လႂ်ၼၼ်ႉႁိုဝ်။- 14ပိၵ်ႉသမ်ႉဝႃႈၼင်ႇၼႆသေၵေႃႈ မၼ်းၸဝ်ႈဢမ်ႇၶိုၼ်းလၢတ်ႈၵႂၢမ်း သေၶေႃႈသေၵမ်း တေႃႇထိုင်ႁွတ်ႈထၼ်ႈပေႃး ၶုၼ်ပီႉလတ်ႉဢၢမ်းၼႃႇလူင်လၢင်ဢေႃႈ။
ၸီႇယၢင်ႇဢဝ်ၸဝ်ႈယေႇသူႉတၢႆ
(တူၺ်း၊ မႃႇ 15:6-15။ လူႉ 23:13-25။ ယူဝ်း 18:39-19:16)
15ၼႂ်းပွႆးၼၼ်ႉ ၶုၼ်မီးထုင်းၸၢမ်ႇဢၼ်ပွႆႇလွတ်ႈၵူၼ်းဢၼ်တူၵ်းၵိၼ်းၵေႃႉၼိုင်ႈ ပၼ်တီႈၵူၼ်းတင်းလၢႆ ၸွမ်းၼင်ႇဢၼ်ၶဝ်ၶႂ်ႈႁႂ်ႈပွႆႇၼၼ်ႉဢေႃႈ။- 16မိူဝ်ႈၼၼ်ႉ ၶဝ်မီးၵူၼ်းတူၵ်းၵိၼ်းဢၼ်လႆႈႁွင်ႉႁဵၵ်ႈၸိုဝ်ႈ ပႃႇရပ်ႉပႃႉ၊ ဢၼ်ၸိုဝ်ႈဢွၵ်ႇသဵင်ဢွၵ်ႇၼၼ်ႉ ၵေႃႉၼိုင်ႈဢေႃႈ။- 17မိူဝ်ႈဢၼ်ၶဝ်ၸူႉၵၼ်တုမ်ၵၼ်ယူႇၼၼ်ႉၸိုင်၊ ၶုၼ်ပီႉလတ်ႉထၢမ်တီႈၶဝ်လႄႈဝႃႈ၊ သူၶႂ်ႈႁႂ်ႈၵဝ်ပွႆႇလွတ်ႈၽူႈလႂ်။ ၶႂ်ႈႁႂ်ႈပွႆႇလွတ်ႈပႃႇရပ်ႉပႃႉႁိုဝ်။ ၶႂ်ႈႁႂ်ႈပွႆႇလွတ်ႈယေႇသူႉ ဢၼ်လႆႈႁွင်ႉႁဵၵ်ႈၸိုဝ်ႈၶရိၸ်ႈၼၼ်ႉႁိုဝ်။ ဝႃႈၼင်ႇၼႆဢေႃႈ။- 18ႁဵတ်းႁိုဝ်လႄႈထၢမ်ဝႃႈ ၸိူဝ်ႉၼင်ႇၼၼ်ၸမ်ႉ၊ ၶုၼ်ၼၼ်ႉ ႁူႉလွင်ႈဢၼ် ၶဝ်ဢဝ်မၼ်းၸဝ်ႈဢၢပ်ႈ ၵွပ်ႈပိူဝ်ႈဢၼ်ၸႂ်ႈဢၼ်သီႈၵေႉႁေႈတႃမၼ်းၸဝ်ႈၼၼ်ႉယူႇဢေႃႈ။
19လိူဝ်သေၼၼ်ႉ ၼႂ်းမိူဝ်ႈဢၼ်ၶုၼ်ၼၼ်ႉ ၼင်ႈၵႃႈၼိူဝ်ပလၢင်ႇတြႃးယူႇၼၼ်ႉၸိုင်၊ မေးမၼ်းၸဝ်ႈပွႆႇၸႂ်ႉၵေႃႉၼိုင်ႈ မႃးတီႈမၼ်းၸဝ်ႈလႄႈ သင်ႇလၢတ်ႈလႄႈဝႃႈ၊ ယႃႇပေႁဵတ်းၵႃႈသင်တီႈၵေႃႉဢၼ်သိုဝ်ႈတေႃႇၼၼ်ႉသေၵမ်း။ မိူဝ်ႈၼႆႉ ၵွပ်ႈပိူဝ်ႈမၼ်းၼၼ်ႉလႄႈ၊ ၵဝ်ၶႃႈလႆႈၶၢမ်ႇၼမ်ၼႃႇလူင်လၢင် ၼႂ်းတၢင်းဢၼ်ၼွၼ်းၽၼ်ႁၼ်ၼၼ်ႉဢေႃႈ၊ ဝႃႈၼင်ႇၼႆဢေႃႈ။- 20ယိတ်ႈပရေႃးႁဵၵ်ႈလူင် ဢိၵ်ႇတင်း ၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆၼၼ်ႉ တိုၵ်းယူင်းၵူၼ်းဢၼ်ၸူႉဢၼ်တုမ် ႁႂ်ႈယွၼ်းဢဝ်ပႃႇရပ်ႉပႃႉလႄႈ ႁႂ်ႈဢဝ်ယေႇသူႉတၢႆဢေႃႈ။- 21ပိူဝ်ႈၼႆလႄႈ ၶုၼ်ၵေႃႈသမ်ႉထၢမ်တီႈၶဝ်ၼၼ်ႉလႄႈဝႃႈ၊ ၼႂ်းၵူၼ်းသွင်ၵေႃႉၼၼ်ႉ သူၶႂ်ႈႁႂ်ႈၵဝ်ပွႆႇလွတ်ႈၵေႃႉလႂ် မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၵေႃႈလဝ်ႊလၢတ်ႈလႄႈဝႃႈ၊ ၶႂ်ႈႁႂ်ႈပွႆႇလွတ်ႈပႃႇရပ်ႉပႃႉၶႃႈဢေႃႈ၊ ဝႃႈၼင်ႇၼႆဢေႃႈ။- 22ၶုၼ်ပီႉလတ်ႉၵေႃႈ သမ်ႉထၢမ်တီႈၶဝ်ထႅင်ႈလႄႈဝႃႈ၊ ပေႃးပဵၼ်ၸိူဝ်ႉၼင်ႇၼႆၸိုင်၊ ၵဝ်တၵ်းလႆႈႁဵတ်းတီႈယေႇသူႉ ဢၼ်လႆႈႁွင်ႉႁဵၵ်ႈၸိုဝ်ႈၶရိၸ်ႈၼၼ်ႉၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်တင်းသဵင်ႈတင်းလူင်ၵေႃႈ ႁွင်ႉလႄႈဝႃႈ၊ ႁႂ်ႈမၼ်းၶၢမ်ႇတၢင်းဢၼ် တွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈ သေၵမ်းၶႃႈ၊ ဝႃႈၼင်ႇၼႆဢေႃႈ။- 23ၶုၼ်ၵေႃႈထၢမ်လႄႈဝႃႈ၊ ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်။ မၼ်းႁဵတ်းဢပႅတ်ႈၵႃႈသင်ယဝ်ႉ။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉၵေႃႈ ယဵင်ႈၶႅၼ်းႁွင်ႉသႅၼ်ႇလႄႈဝႃႈ၊ ႁႂ်ႈမၼ်းၶၢမ်ႇတၢင်းဢၼ် တွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈသေၵမ်းၶႃႈ၊ ဝႃႈၼင်ႇၼႆဢေႃႈ။
24ၶုၼ်ပီႉလတ်ႉၼၼ်ႉ၊ မိူဝ်ႈဢၼ်ႁၼ်လွင်ႈဢၼ်တူဝ်ၸဝ်ႈၵဝ်ႇ ဢမ်ႇပႄႉဢမ်ႇၼႅင်ႇလႆႈလႄႈ ၸႃႉပဵၼ်တၢင်းဢၼ်တူင်ႉတိုၼ်ႇဢူၼ်ဢဵၼ်မေႃးမႄးမႃးၼၼ်ႉၸိုင်၊ ဢဝ်ၼမ်ႉသုၵ်ႈမိုဝ်းတူဝ်ၸဝ်ႈၵဝ်ႇၵႃႈတီႈၽၢႆႇၼႃႈၵူၼ်းတင်းလၢႆသေလႄႈလၢတ်ႈဝႃႈ၊ ၵဝ်ၵၢင်းလွတ်ႈတင်းလိူတ်ႈၵေႃႉဢၼ်သိုဝ်ႈတေႃႇၼႆႉယဝ်ႉဢေႃႈ။ သူတူၺ်းလွင်ႈတၢင်းၼႆႉတႃႉ၊ ဝႃႈၼင်ႇၼႆဢေႃႈ။- 25ၵူၼ်းတင်းသဵင်ႈတင်းလူင်ၵေႃႈ ၶိုၼ်းလၢတ်ႈလႄႈဝႃႈ၊ ႁႂ်ႈလိူတ်ႈမၼ်းမီးၵႃႈၼိူဝ်ႁူဝ်ႁဝ်းၶႃႈ ဢိၵ်ႇတင်းၵႃႈၼိူဝ်ႁူဝ်လုၵ်ႈလၢၼ်ႁဝ်းၶႃႈသေၵမ်းၶႃႈတႃႉ၊ ဝႃႈၼင်ႇၼႆဢေႃႈ။- 26ၶုၼ်ပီႉလတ်ႉၵေႃႈ ပွႆႇလွတ်ႈပႃႇရပ်ႉပႃႉၼၼ်ႉ ပၼ်တီႈၶဝ်ဢေႃႈ။ ယေႇသူႉၸမ်ႉ၊ ပေႃႉယႅၼ်ႉယဝ်ႉၸင်ႇ၊ ဢဝ်ဢၢပ်ႈပၼ်ၵႂႃႇႁႂ်ႈလႆႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈဢေႃႈ။
လွင်ႈႁဵတ်းပျၢၵ်ႈၶူဝ်တီႈၸဝ်ႈယေႇသူႉ
(တူၺ်း၊ မႃႇ 15:16-20။ ယူဝ်း 19:2-3)
27မိူဝ်ႈၼၼ်ႉ ၵူၼ်းသိုၵ်းၶုၼ်တင်းလၢႆ ဢဝ်ယေႇသူႉၵႂႃႇၵႃႈၼႂ်းတပ်ႉသေလႄႈ ႁႂ်ႈၵူၼ်းသိုၵ်းတင်းတပ်ႉ ၸူႉၵၼ်တုမ်ၵၼ်တီႈမၼ်းၸဝ်ႈယဝ်ႉၸင်ႇ၊- 28ထွတ်ႇၶူဝ်းၼုင်ႈမၼ်းၸဝ်ႈပႅတ်ႈလႄႈ ဢဝ်ၶူဝ်းၼုင်ႈဢၼ်လႅင်ၼုင်ႈပၼ်ဢေႃႈ။- 29ၶဝ်ဢဝ်ၼၢမ် သၢၼ်ႁဵတ်းပၢၼ်းၵုမ်းသေယဝ်ႉ၊ တၢင်ႇသႂ်ႇၵႃႈၼိူဝ်ႁူဝ်မၼ်းၸဝ်ႈဢေႃႈ။ ၶွၼ်ႉမႆႉဢေႃႈလႅမ်ႈၼိုင်ႈၵေႃႈ ၶဝ်ႁႂ်ႈမၼ်းၸဝ်ႈ ဢဝ်မိုဝ်းၶွၼ်ၶႂႃ ယိပ်းၵမ်ယဝ်ႉၸင်ႇ၊ ၶုပ်ႉၶဝ်ႇပႃႈၼႃႈမၼ်းၸဝ်ႈသေလႄႈ ႁဵတ်းပျၢၵ်ႈလႄႈဝႃႈ၊ ၶုၼ်ႁေႃၶမ်းယူႉတႃႉတီႈၶႃႈဢိူၺ်း၊ ႁႂ်ႈၸဝ်ႈႁဝ်းမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။- 30ၶဝ်ထူမ်ႇၼမ်ႉလၢႆးသႂ်ႇတီႈမၼ်းၸဝ်ႈဢေႃႈ။ ၶဝ်ဢဝ်မႆႉဢေႃႈ ပေႃႉယႅၼ်ႉႁူဝ်မၼ်းၸဝ်ႈဢေႃႈ။- 31လိုၼ်းသေ ႁဵတ်းပျၢၵ်ႈတီႈမၼ်းၸဝ်ႈယဝ်ႉၼၼ်ႉ၊ ၶဝ်ထွတ်ႇဢဝ် ၶူဝ်းၼုင်ႈၶုၼ်ၼၼ်ႉသေလႄႈ သမ်ႉၶိုၼ်းဢဝ်ၶူဝ်းၼုင်ႈမၼ်းၸဝ်ႈ ၼုင်ႈပၼ်ယဝ်ႉၸင်ႇ၊ ဢဝ်ဢွၵ်ႇၵႂႃႇ ႁႂ်ႈလႆႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈဢေႃႈ။
ၸဝ်ႈယေႇသူႉလႆႈၶၢမ်ႇတွၵ်ႇၸပ်းၼိူဝ်သဝ်
(တူၺ်း၊ မႃႇ 15:21-32။ လူႉ 23:26-43။ ယူဝ်း 19:17-27)
32ၼႂ်းမိူဝ်ႈဢၼ်ၶဝ်ဢွၵ်ႇၵႂႃႇယူႇၼၼ်ႉၸိုင်၊ ၶဝ်ထူပ်းႁၼ်ၵူၼ်းဢၼ်လႆႈၸိုဝ်ႈ သီႉမုၼ်ႇ၊ ၵူၼ်းမိူင်း ၵူႉရေႇၼေႇၵေႃႉၼိုင်ႈလႄႈ ႁဵတ်းပႄႉႁဵတ်းၼႅင်ႇ ႁႂ်ႈမၼ်းႁၢပ်ႇဢဝ်သဝ်လၵ်းဝႃးၵၢပ်ႈမၼ်းၸဝ်ႈၵႂႃႇဢေႃႈ။- 33မိူဝ်ႈဢၼ်ၶဝ်ႁွတ်ႈထိုင် ၵႃႈတီႈဢၼ်လႆႈႁွင်ႉႁဵၵ်ႈ ၵေႃးလႃႉၵေႃးထႃႉ ဢၼ်ၶႂ်ႈဝႃႈ တီႈၵွၵ်းႁူဝ်ၼၼ်ႉၸိုင်၊- 34ၶဝ်ဢဝ်ၼမ်ႉပုင်းယေႇ ဢၼ်လေႃးၵၼ်တင်းယႃႈၶူမ်ၼၼ်ႉ ပၼ်တီႈမၼ်းၸဝ်ႈ ႁႂ်ႈမၼ်းၸဝ်ႈၵိၼ်ဢေႃႈ။ မၼ်းၸဝ်ႈၸိမ်းတူၺ်းသေယဝ်ႉ၊ ဢမ်ႇၶႂ်ႈၵိၼ်လႄႈယူႇသေဢေႃႈ။- 35ၶဝ်ဢဝ်မၼ်းၸဝ်ႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈယဝ်ႉၸင်ႇ၊ ဢဝ်ၶူဝ်းၼုင်ႈမၼ်းၸဝ်ႈ တူၵ်းၸႃႇၵွၵ်ႈသေလႄႈ ၽႄမႅင်ႇပၼ်ၵၼ်ဢေႃႈ။- 36ၵႃႈတီႈၼၼ်ႈၵေႃႈ ၶဝ်ၼင်ႈလႄႈပႂ်ႉယူႇဢေႃႈ။- 37ၶဝ်ဢဝ်လိၵ်ႈဢၼ် ၽုၺ်ႇၼႄဢပႅတ်ႈမၼ်းၸဝ်ႈ ဢၼ်တႅမ်ႈဝႆႉလႄႈဝႃႈ၊ ၵေႃႉၼႆႉပဵၼ်ယေႇသူႉ ၶုၼ်ႁေႃၶမ်းယူႉတႃႉဢေႃႈ၊ ဝႃႈၼင်ႇၼႆၼၼ်ႉ တွၵ်ႇဝႆႉၵႃႈၼိူဝ်ႁူဝ်မၼ်းၸဝ်ႈဢေႃႈ။- 38မိူဝ်ႈၼၼ်ႉ ၶဝ်ဢဝ်ၸူၼ်သွင်ၵေႃႉ တွၵ်ႇဝႆႉၵႃႈတီႈၽၢႆႇၶႂႃၸဝ်ႈၵေႃႉၼိုင်ႈ၊ ၵႃႈတီႈၽၢႆႇသၢႆႉၸဝ်ႈၵေႃႉၼိုင်ႈ၊ ၵႃႈၼိူဝ်သဝ်လၵ်းဝႃးၵၢပ်ႈ လူၺ်ႈၵၼ်တင်းမၼ်းၸဝ်ႈဢေႃႈ။
39ၶဝ်ၸိူဝ်းဢၼ်ၵႂႃႇဢၼ်မႃး ၵႃႈတီႈႁိမ်းမၼ်းၸဝ်ႈတင်းလၢႆၵေႃႈ သႄႉသွမ်းတၢင်ႇဢပႅတ်ႈတီႈမၼ်းၸဝ်ႈလႄႈ ဝႆႁူဝ်ၶွၼ်းႁူဝ်တူဝ်ၸဝ်ႈၵဝ်ႇယူႇသေလႄႈ လၢတ်ႈလႄႈဝႃႈ၊- 40ၵေႃႉဢၼ်ယႃႉပႅတ်ႈပိၵ်ႈမၢၼ်ႇၸဝ်ႈသေလႄႈ ၼႂ်းသၢမ်ဝၼ်းၵူၺ်း တၵ်းၶိုၼ်းမႄးႁဵတ်းၼႆႉဢိူၺ်း၊ တူဝ်ၸဝ်ႈၵဝ်ႇၵႄႇၶျွတ်ႈဢဝ်တူဝ်ၸဝ်ႈၵဝ်ႇသေၵမ်းတႃႉ။ ပေႃးၸႂ်ႈလုၵ်ႈၽြႃးပဵၼ်ၸဝ်ႈၸိုင်၊ လူင်းသေၵႃႈတီႈသဝ်လၵ်းဝႃးၵၢပ်ႈသေၵမ်းတႃႉ၊ ဝႃႈၼင်ႇၼႆဢေႃႈ။- 41မိူၼ်ၼင်ႇၼၼ် ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆၵေႃႈ၊ ႁဵတ်းပျၢၵ်ႈၶူဝ်တီႈမၼ်းၸဝ်ႈလႄႈဝႃႈ၊- 42ၵေႃႉၼႆႉ ၸၢင်ႈၵႄႇၶျွတ်ႈဢဝ်ပိူၼ်ႈဢေႃႈ။ တူဝ်ၸဝ်ႈၵဝ်ႇ ဢမ်ႇၵႄႇၶျွတ်ႈဢဝ်တူဝ်ၸဝ်ႈၵဝ်ႇလႆႈလူင်ပႄႇ။ပေႃးၸႂ်ႈၶုၼ်ႁေႃၶမ်းဢီႉသရေႇလႃႉၸိုင်၊ တေႃႈလဵဝ်ၼႆႉ ႁႂ်ႈမၼ်းလူင်းသေၵႃႈတီႈသဝ်လၵ်းဝႃးၵၢပ်ႈၼၼ်ႉသေၵမ်းတႃႉ။ ပေႃးလူင်းၸိုင် ႁဝ်းတၵ်းယုမ်ႇမၢတ်ႈမၼ်းဢေႃႈ။- 43မၼ်းဢိင်ပိုင်ႈၽြႃးပဵၼ်ၸဝ်ႈယဝ်ႉ။ ပိူဝ်ႈဢၼ်မၼ်းဝႃႈ ၵဝ်ပဵၼ်လုၵ်ႈၽြႃးပဵၼ်ၸဝ်ႈဢေႃႈ၊ ဝႃႈၼင်ႇၼႆၼၼ်ႉလႄႈ ပေႃးၽြႃးပဵၼ်ၸဝ်ႈမီးဢလူဝ်ႇတီႈမၼ်းၸိုင်၊ တေႃႈလဵဝ်ၼႆႉ ႁႂ်ႈမၼ်းၸဝ်ႈၵႄႇၶျွတ်ႈဢဝ်မၼ်းသေၵမ်းတႃႉ၊ ဝႃႈၼင်ႇၼႆဢေႃႈ၊- 44မိူၼ်ၼင်ႇၼၼ် ၸူၼ်ဢၼ်တွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈ လူၺ်ႈၵၼ်တင်းမၼ်းၸဝ်ႈၸိူဝ်းၼၼ်ႉၵေႃႈ သႄႉသွမ်းတၢင်ႇဢပႅတ်ႈတီႈမၼ်းၸဝ်ႈဢေႃႈ။
လွင်ႈတၢင်းတၢႆၸဝ်ႈယေႇသူႉ
(တူၺ်း၊ မႃႇ 15:33-41။ လူႉ 23:44-49။ ယူဝ်း 19:28-30)
45ၸႃႉၸဵမ်ၶိင်ႇႁူၵ်းၼႃႇရီႇ တေႃႇထိုင်ႁွတ်ႈၵဝ်ႈၼႃႇရီႇလႄႈ ပဵၼ်ဢၼ်လပ်းသိင်ႇၵႂႃႇ ၽိတ်းၽိတ်းတင်းမိူင်းဢေႃႈ။- 46ၶိင်ႇၵဝ်ႈၼႃႇရီႇၸမ်ၸမ်ၼၼ်ႉ၊ ယေႇသူႉႁဵတ်းတင်းသဵင်ဢၼ်ယႂ်ႇၼႃႇ ႁွင်ႉသႅၼ်ႇလႄႈဝႃႈ၊ ဢေးလီႉ၊ ဢေးလီႉ၊ လႃႇမႃႉ၊ သႃႇပၵ်ႉသၼီႉ၊ ဝႃႈၼင်ႇၼႆဢေႃႈ။ ဢၼ်မၼ်းၸဝ်ႈဝႃႈၼၼ်ႉၸမ်ႉ၊ ၽြႃးၵဝ်ၶႃႈ၊ ၽြႃးၵဝ်ၶႃႈ၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၸုၼ်ႉပႅတ်ႈၵဝ်ၶႃႈ ၸိူဝ်ႉၼင်ႇႁိုဝ်တီႈၶႃႈ၊ ဝႃႈၼင်ႇၼႆဢေႃႈ။- 47ၵူၼ်းၵမ်ႈၽွင်ႈ ဢၼ်ၸုၵ်းယူႇၵႃႈတီႈၼၼ်ႈၸိူဝ်းၼၼ်ႉ ငိၼ်းသေယဝ်ႉ၊ လၢတ်ႈလႄႈဝႃႈ၊ မၼ်းႁွင်ႉႁႃဢေးလီႉယႃႉဢေႃႈ၊ ဝႃႈၼင်ႇၼႆဢေႃႈ။- 48ၵူၼ်းၵေႃႉၼိုင်ႈ ၶုၼ်ႇလႅၼ်ႈၵႂႃႇၵမ်းလဵဝ်လႄႈ ဢဝ်ႁိပ်ႇၼမ်ႉဢၼ်ၼိုင်ႈႁႂ်ႈတဵမ်တင်းၼမ်ႉပုင်းယေႇယဝ်ႉၸင်ႇ၊ သႂ်ႇပၢႆမႆႉဢေႃႈယဝ်ႉလႄႈ၊ ပၼ်ႁႂ်ႈမၼ်းၸဝ်ႈၵိၼ်ဢေႃႈ။- 49ၶဝ်ၸိူဝ်းဢၼ်ယင်းၵိုတ်းယူႇၼၼ်ႉၵေႃႈလၢတ်ႈလႄႈဝႃႈ၊ ယႃႇမၼ်းတႃႉ။ ဢေးလီႉယႃႉ တၵ်းမႃးပွႆႇမၼ်းလွတ်ႈႁိုဝ်။ တၵ်းဢမ်ႇမႃးႁိုဝ်။ တူၺ်းလူးၵွၼ်ႇတႃႉႁဝ်း၊ ဝႃႈၼင်ႇၼႆဢေႃႈ။- 50ယေႇသူႉသမ်ႉၶိုၼ်း ႁဵတ်းတင်းသဵင်ဢၼ်ယႂ်ႇၼႃႇႁွင်ႉသႅၼ်ႇလႄႈ တိုတ်ႉၸႂ်မၼ်းၸဝ်ႈၶၢတ်ႇသေဢေႃႈ။
51မိူဝ်ႈၼၼ်ႉ ၽႃႈၵင်ႈႁိူၼ်းပိၵ်ႈမၢၼ်ႇၸဝ်ႈ သိၵ်ႇၶၢတ်ႇၵႂႃႇၸႃႉၸဵမ် ၵႃႈၼိူဝ်တေႃႇထိုင်ႁွတ်ႈၵႃႈတႂ်ႈဢေႃႈ။ ဢိင်ႇၵေႃႈသၼ်ႇဢေႃႈ။ မၢၵ်ႇႁိၼ်တင်းလၢႆၵေႃႈတႅၵ်ႇဢေႃႈ။- 52ၶုမ်သၢင်းၶႅင်းတင်းလၢႆၵေႃႈ ၽုၺ်ႇပိုတ်ႇလႄႈ၊ တူဝ်တၢႆၵူၼ်းဢၼ်မူတ်းၸၢင်ႇ ဢၼ်ၵိင်းၼွၼ်းယူႇၼမ်ၼႃႇၼၼ်ႉ လုၵ်ႉၶိုၼ်းလႄႈ၊- 53ဝၢႆးသေမၼ်းၸဝ်ႈလုၵ်ႉၶိုၼ်းယဝ်ႉၼၼ်ႉ၊ ၶဝ်ဢွၵ်ႇသေၵႃႈၼႂ်းၶုမ်သၢင်းၶႅင်းလႄႈ ၶဝ်ႈၵႃႈၼႂ်းဝဵင်းဢၼ်မူတ်းၸၢင်ႇယဝ်ႉၸင်ႇ၊ ထၢင်ႇသႃးပေႃႇမႃးတီႈၵူၼ်းၼမ်ၼႃႇဢေႃႈ။
54ၸႃႉၸဵမ်တပ်ႉမူးလႄႈ ၶဝ်ၸိူဝ်းဢၼ်ပႂ်ႉယေႇသူႉယူႇၼၼ်ႉ ႁၼ်လွင်ႈတၢင်းဢၼ်ဢိင်ႇသၼ်ႇ ဢိၵ်ႇတင်းလွင်ႈတၢင်းဢၼ်ပဵၼ်မႃး ၵူႈၸိူဝ်ႉၵူႈပိူင်ၸိူဝ်းၼၼ်ႉသေယဝ်ႉ၊ တူၵ်းၸႂ်ၼႃႇလူင်လၢင်လႄႈဝႃႈ၊ ၸႂ်ႈတႄႉ၊ ၵေႃႉၼႆႉပဵၼ်လုၵ်ႈၽြႃးပဵၼ်ၸဝ်ႈတႄႉဢေႃႈ၊ ဝႃႈၼင်ႇၼႆဢေႃႈ။
55မႄႈယိင်းဢၼ် လုၵ်ႉသေၵႃႈတီႈမိူင်းၵႃႇလီႉလႄး ၸွမ်းပႃႈလင်ယေႇသူႉမႃးလႄႈ ႁဵတ်းလဵင်ႉႁဵတ်းလူမၼ်းၸဝ်ႈၼမ်ၼႃႇၸိူဝ်းၼၼ်ႉၵေႃႈ၊ ယူႇတီႈဢၼ်ၵႆၼႂ်းတီႈၼၼ်ႈလႄႈ လွမ်တူၺ်းယူႇဢေႃႈ။- 56ၼႂ်းၶဝ်ၸိူဝ်းၼၼ်ႉ၊ ပႃးမႃႇရီႉမႃႇၵတလႃႉ၊ မႃႇရီႉ ဢၼ်ပဵၼ်မႄႈယႃႇၵုပ်ႈတင်းယူဝ်းသေႇ၊ ဢိၵ်ႇတင်း မႄႈလုၵ်ႈၸၢႆး ၸေႇပေႇတႄးၸိူဝ်းၼၼ်ႉဢေႃႈ။
သၢင်းၵျူဝ်ႇတူဝ်တၢႆၸဝ်ႈယေႇသူႉ
(တူၺ်း၊ မႃႇ 15:42-47။ လူႉ 23:50-56။ ယူဝ်း 19:38-42)
57မိူဝ်ႈဢၼ်ႁွတ်ႈထိုင်ၶိင်ႇၵၢင်ၶမ်ႈၸိုင်၊ သထေးၵေႃႉၼိုင်ႈဢၼ်ပဵၼ်ၵူၼ်းဝဵင်း ဢရီႉမသႄး ဢၼ်လႆႈၸိုဝ်ႈ ယူဝ်းသႅပ်ႈ၊ ဢၼ်ပဵၼ်တပႄးၸဝ်ႈယေႇသူႉၼၼ်ႉ၊- 58ၶဝ်ႈၸူးတီႈၶုၼ်ပီႉလတ်ႉလႄႈ ယွၼ်းဢဝ်တူဝ်တၢႆယေႇသူႉဢေႃႈ။ မိူဝ်ႈၼၼ်ႉ ၶုၼ်ပီႉလတ်ႉမီးဢမိင်ႉ ႁႂ်ႈပၼ်တူဝ်တၢႆမၼ်းၸဝ်ႈသေယဝ်ႉ၊- 59ယူဝ်းသႅပ်ႈ ဢဝ်တူဝ်တၢႆမၼ်းၸဝ်ႈလႄႈ ဢဝ်တင်းပိၵ်ႈၶျေႃး ဢၼ်မူတ်းသႂ်ၶဵၼ်းႁေႃႇယဝ်ႉၸင်ႇ၊- 60ဢဝ်သႂၢင်းသႂ်ႇဝႆႉၵႃႈၼႂ်း ၶုမ်သၢင်းၶႅင်းမၼ်းဢၼ်မႂ်ႇ ဢၼ်မၼ်းၶုတ်းမူင်ႇဝႆႉၵႃႈၼႂ်းမၢၵ်ႇႁိၼ်ၼၼ်ႉဢေႃႈ။ မၢၵ်ႇႁိၼ်ဢၼ်ယႂ်ႇၼႃႇၵေႃႈ မၼ်းၵိင်ႈဝႆႉၵႃႈၼိူဝ်ႁူးၶုမ်သၢင်းၶႅင်းၼၼ်ႉယဝ်ႉၸင်ႇ၊ ၵႂႃႇဢေႃႈ။- 61မႃႇရီႉမႃႇၵတလႃႉတင်း မႃႇရီႉတၢင်ႇၵေႃႉ မီးယူႇၵႃႈၼၼ်ႈလႄႈ ၼင်ႈယူႇၵႃႈတီႈၽၢႆႇၼႃႈ သၢင်းၶႅင်းမၼ်းၸဝ်ႈၼၼ်ႉဢေႃႈ။
တၢင်းဢၼ်ၸႂ်ႉၵူၼ်းပႂ်ႉပႃႇႁဵဝ်ႈ
62မိူဝ်ႈဢၼ်ပူၼ်ႉဝၼ်းၽိတ်ႈလႄႈ ႁွတ်ႈထိုင်ဝၼ်းမိူဝ်ႈၽုၵ်ႈၼၼ်ႉၸိုင်၊ ယိတ်ႈပရေႃးႁဵၵ်ႈလူင် ဢိၵ်ႇတင်းၽႃႇရီႉသႄးတင်းလၢႆ ၸူႉၵၼ်တုမ်ၵၼ် တီႈၶုၼ်ပီႉလတ်ႉသေလႄႈ- 63လဝ်ႊလၢတ်ႈလႄႈဝႃႈ၊ ၸဝ်ႈႁဝ်းတီႈၶႃႈ၊ ႁဝ်းၶႃႈတွင်းဝႆႉ လွင်ႈဢၼ်ၵေႃႉဢၼ်ၸၢင်ႈပႅတ်ႉၸၢင်ႈလႅၼ်ၼၼ်ႉလၢတ်ႈ ၸူဝ်ႈဢၼ်မၼ်းဢမ်ႇပႆႇတၢႆၼၼ်ႉလႄႈဝႃႈ၊ ၵဝ်ၼႆႉ ပေႃးလႆႈသၢမ်ဝၼ်းၸိုင်၊ တၵ်းလုၵ်ႉၶိုၼ်းဢေႃႈ၊ ဝႃႈၼင်ႇၼႆၼၼ်ႉယူႇၶႃႈဢေႃႈ။- 64ၵွပ်ႈႁွႆးၼႆႉ၊ ၼင်ႇႁိုဝ်တၵ်းပႂ်ႉၶုမ်သၢင်းၶႅင်းၼၼ်ႉလီလီငၢမ်းငၢမ်း တေႃႇထိုင်ႁွတ်ႈလႆႈသၢမ်ဝၼ်းၸိုင် ၶႅၼ်းတေႃႈ ၸဝ်ႈႁဝ်းမီးဢမိင်ႉသေၵမ်းတီႈၶႃႈ၊ ႁဝ်းၶႃႈၵူဝ်တပႄးမၼ်းတင်းလၢႆ တၵ်းမႃးၶိင်ႇၵၢင်ၶိုၼ်းလႄႈ လၵ်ႉဢဝ်တူဝ်တၢႆမၼ်းယဝ်ႉၸင်ႇ၊ လၢတ်ႈတီႈၵူၼ်းတင်းသဵင်ႈတင်းလူင်လႄႈဝႃႈ၊ မၼ်းလုၵ်ႉၵႃႈတၢင်းတၢႆၶိုၼ်းလိပ်းယဝ်ႉ၊ ဝႃႈၼင်ႇၼႆၶႃႈဢေႃႈ။ ပိူဝ်ႈၼႆလႄႈ တၢင်းဢၼ်ၽိတ်းၵမ်းလိုၼ်း တၵ်းယဵင်ႈၶႅၼ်းႁၢႆႉၼႃႇသေ ဢၼ်ၽိတ်းၵမ်းဢွၼ်တၢင်းၶႃႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 65ၶုၼ်ပီႉလတ်ႉၵေႃႈလၢတ်ႈလႄႈဝႃႈ၊ ၵႃႈတီႈသူမီးၵူၼ်းပႂ်ႉၸိူဝ်းၼိုင်ႈယူႇဢေႃႈ။ ၵႂႃႇတႃႉ။ ၵႃႈၼင်ႇဢၼ် တၢတ်ႈၼိူင်ႇလႆႈၼၼ်ႉၸိုင်၊ ႁႂ်ႈပႂ်ႉလီလီငၢမ်းငၢမ်းတႃႉ၊ ဝႃႈၼင်ႇၼႆဢေႃႈ။- 66ၶဝ်ၼၼ်ႉ ဢိၵ်ႇတင်းၵူၼ်းပႂ်ႉၸိူဝ်းၼိုင်ႈ၊ ၵႂႃႇလႄႈ တွၵ်ႇတၼ်းသိၵ်ႈတီႈမၢၵ်ႇႁိၼ်ၼၼ်ႉသေယဝ်ႉ၊ ႁႂ်ႈပႂ်ႉသၢင်းၶႅင်းမၼ်းၸဝ်ႈလီလီငၢမ်းငၢမ်းဢေႃႈ။
Currently Selected:
မၢတ်ႈထႄႇ 27: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
မၢတ်ႈထႄႇ 27
27
ဢဝ်ၸဝ်ႈယေႇသူႉဢၢပ်ႈတီႈၶုၼ်ပွၼ်ႇတီႉပီႉလတ်ႉ
(တူၺ်း၊ မႃႇ 15:1။ လူႉ 23:1-2။ ယူဝ်း 18:28-32)
1မိူဝ်ႈဢၼ်ႁွတ်ႈထိုင်ၶိင်ႇၵၢင်ၼႂ်ၸိုင်၊ ယိတ်ႈပရေႃးႁဵၵ်ႈလူင် ဢိၵ်ႇတင်း ၵူၼ်းဢၼ်ပဵၼ်ၵႄႇပဵၼ်ႁူဝ်ၼႂ်းၵူၼ်းတင်းလၢႆတင်းသဵင်ႈတင်းလူင်ၼၼ်ႉ တိူင်ႇပၢင်ႇၵၼ်ႁႂ်ႈလႆႈဢဝ်ယေႇသူႉတၢႆလႄႈ- 2မတ်ႉၽုၵ်ႇမၼ်းၸဝ်ႈယဝ်ႉၸင်ႇ၊ ဢဝ်ၵႂႃႇဢၢပ်ႈပၼ်တီႈ ၶုၼ်ပွၼ်ႇတီႉပီႉလတ်ႉဢေႃႈ။
တၢင်းတၢႆယူႉတႃႉဢီႉသၵႃႇရေႇဢုတ်ႈ
(တူၺ်း၊ တ 1:18-19)
3မိူဝ်ႈၼၼ်ႉ ယူႉတႃႉဢီႉသၵႃႇရေႇဢုတ်ႈ ဢၼ်ဢဝ်မၼ်းၸဝ်ႈဢၢပ်ႈၼၼ်ႉ ႁူႉႁၼ်လွင်ႈဢၼ်ၶဝ်ၸီႇယၢင်ႇႁႂ်ႈမၼ်းၸဝ်ႈတၢႆၼၼ်ႉသေယဝ်ႉ၊ ၶုၵ်းၸႂ်လႆႈမႆႈၸႂ်လႄႈ ဢဝ်ငိုၼ်းသၢမ်သိပ်းၵျၢပ်ႈၼၼ်ႉၶိုၼ်းပၼ်တီႈ ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၸိူဝ်းၼၼ်ႉသေလႄႈ လၢတ်ႈလႄႈဝႃႈ၊- 4ၵဝ်ၶႃႈၽိတ်းပိူင်ႈၶႃႈယဝ်ႉ။ ၵဝ်ၶႃႈလႆႈဢဝ်လိူတ်ႈၵေႃႉဢၼ်ဢမ်ႇမီးဢပႅတ်ႈၼၼ်ႉ ဢၢပ်ႈမႅၼ်ႈၶႃႈယဝ်ႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉၵေႃႈလၢတ်ႈလႄႈဝႃႈ၊ ၸၢပ်ႈသႅင်ႇၵၼ်တင်းႁဝ်းၸိူဝ်ႉၼင်ႇႁိုဝ်။ မႂ်းတူၺ်းလွင်ႈဢၼ်မႂ်းႁဵတ်းၼၼ်ႉတႃႉ၊ မိူဝ်ႈဢၼ်ဝႃႈၼင်ႇၼႆၸိုင်၊- 5မၼ်းၵေႃႈ ဢဝ်ငိုၼ်းထိမ်ႈၶျႃးတူၵ်းပႅတ်ႈဝႆႉၵႃႈၼႂ်းႁိူၼ်းပိၵ်ႈမၢၼ်ႇၸဝ်ႈသေလႄႈ ၵႂႃႇတၢင်ႇတီႈတၢင်ႇလႅၼ်သေယဝ်ႉ ၵႅၼ်ၶေႃးမၼ်းတၢႆသေဢေႃႈ။- 6ယိတ်ႈပရေႃးႁဵၵ်ႈလူင်ၸိူဝ်းၼၼ်ႉဢဝ်ငိုၼ်းၼၼ်ႉသေလႄႈလၢတ်ႈဝႃႈ၊ ပိူဝ်ႈဢၼ်ပဵၼ်ၵႃႈလိူတ်ႈလႄႈ ဢမ်ႇလီဢဝ်သႂ်ႇၼႂ်းတိူၵ်ႈၽၼ်ႇတႃႇၸူဝ်း၊ ဝႃႈၼင်ႇၼႆယဝ်ႉၸင်ႇ၊- 7တိူင်ႇပၢင်ႇၵၼ်လႄႈ ဢဝ်ငိုၼ်းၼၼ်ႉသိုဝ်ႉဢဝ်ၵႂၢၵ်ႈလိၼ်ၸၢင်ႈမေႃႈ ပုၼ်ႈဢၼ်တၵ်းႁႂ်ႈပဵၼ်ပႃႇႁဵဝ်ႈသၢင်းၶႅင်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။- 8ပိူဝ်ႈၼႆၸင်ႇ၊ ၵႂၢၵ်ႈလိၼ်ၼၼ်ႉ၊ လႆႈႁွင်ႉႁဵၵ်ႈၵႂၢၵ်ႈလိၼ်လိူတ်ႈ တေႃႇထိုင်ႁွတ်ႈမိူဝ်ႈလဵဝ်ၼႆႉဢေႃႈ။- 9ၵႂၢမ်းဢၼ်ပရေႃးၽႅတ်ႈ ယေႇရမီႉႁေႃးလၢတ်ႈဝႆႉလႄႈဝႃႈၸမ်ႉ၊ ၶဝ်ဢဝ်ငိုၼ်းသၢမ်သိပ်းၵျၢပ်ႈဢၼ်ပဵၼ်ၵႃႈတူဝ်ၶၼ်တူဝ်ၵေႃႉဢၼ် လႆႈၶၢမ်ႇတၢင်းဢၼ်ပျၢတ်ႈၵႃႈပျၢတ်ႈၶၼ် ဢၼ်ၵူၼ်းဢီႉသရေႇလႃႉတင်းလၢႆ ပျၢတ်ႈၵႃႈပျၢတ်ႈၶၼ်မၼ်းဝႆႉၼၼ်ႉ၊- 10သိုဝ်ႉဢဝ်ၵႂၢၵ်ႈလိၼ်ၸၢင်ႈမေႃႈ ၵႃႈၼင်ႇဢၼ်ထႃႇဝရႃႉၽြႃးသင်ႇလၢတ်ႈဝႆႉတီႈၵဝ်ၼႆႉၼၼ်ႉဢေႃႈ၊ ဝႃႈၼင်ႇၼႆၼၼ်ႉ ပျေႉၸုမ်ႇဝႆႉယဝ်ႉ မိူဝ်ႈၼၼ်ႉဢေႃႈ။
ၶုၼ်ပွၼ်ႇတီႉပီႉလတ်ႉၸႅတ်ႈထၢမ်ၸဝ်ႈယေႇသူႉ
(တူၺ်း၊ မႃႇ 15:2-5။ လူႉ 23:3-5။ ယူဝ်း 18:33-38)
11 ယေႇသူႉၸုၵ်းယူႇၵႃႈတီႈၽၢႆႇၼႃႈၶုၼ်ၼၼ်ႉလႄႈ ၶုၼ်ၼၼ်ႉၵေႃႈထၢမ်လႄႈဝႃႈ၊ မႂ်းၸႂ်ႈၶုၼ်ႁေႃၶမ်းယူႉတႃႉႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ယေႇသူႉၵေႃႈလၢတ်ႈလႄႈဝႃႈ၊ မႅၼ်ႈၵႃႈၼင်ႇဢၼ်ၸဝ်ႈဝႃႈၼႆႉယဝ်ႉ၊ ဝႃႈၼင်ႇၼႆဢေႃႈ။- 12မိူဝ်ႈဢၼ်ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းဢၼ်ပဵၼ်ၵႄႇပဵၼ်ႁူဝ်ၸိူဝ်းၼၼ်ႉ တၢင်ႇဢပႅတ်ႈယူႇၼၼ်ႉၸိုင်၊ မၼ်းၸဝ်ႈဢမ်ႇၶိုၼ်းလၢတ်ႈၵႂၢမ်းသေၶေႃႈသေၵမ်း။- 13ၶုၼ်ပီႉလတ်ႉၵေႃႈထၢမ်လႄႈဝႃႈ၊ မႂ်းဢမ်ႇငိၼ်းၶဝ်ယူႇၽၢႆႇၼိုင်ႈတင်းမႂ်းသေလႄႈၶၢမ်ႇသၢၵ်ႈသေႇ ဢမ်ႇႁူႉၼမ်လႂ်ၼၼ်ႉႁိုဝ်။- 14ပိၵ်ႉသမ်ႉဝႃႈၼင်ႇၼႆသေၵေႃႈ မၼ်းၸဝ်ႈဢမ်ႇၶိုၼ်းလၢတ်ႈၵႂၢမ်း သေၶေႃႈသေၵမ်း တေႃႇထိုင်ႁွတ်ႈထၼ်ႈပေႃး ၶုၼ်ပီႉလတ်ႉဢၢမ်းၼႃႇလူင်လၢင်ဢေႃႈ။
ၸီႇယၢင်ႇဢဝ်ၸဝ်ႈယေႇသူႉတၢႆ
(တူၺ်း၊ မႃႇ 15:6-15။ လူႉ 23:13-25။ ယူဝ်း 18:39-19:16)
15ၼႂ်းပွႆးၼၼ်ႉ ၶုၼ်မီးထုင်းၸၢမ်ႇဢၼ်ပွႆႇလွတ်ႈၵူၼ်းဢၼ်တူၵ်းၵိၼ်းၵေႃႉၼိုင်ႈ ပၼ်တီႈၵူၼ်းတင်းလၢႆ ၸွမ်းၼင်ႇဢၼ်ၶဝ်ၶႂ်ႈႁႂ်ႈပွႆႇၼၼ်ႉဢေႃႈ။- 16မိူဝ်ႈၼၼ်ႉ ၶဝ်မီးၵူၼ်းတူၵ်းၵိၼ်းဢၼ်လႆႈႁွင်ႉႁဵၵ်ႈၸိုဝ်ႈ ပႃႇရပ်ႉပႃႉ၊ ဢၼ်ၸိုဝ်ႈဢွၵ်ႇသဵင်ဢွၵ်ႇၼၼ်ႉ ၵေႃႉၼိုင်ႈဢေႃႈ။- 17မိူဝ်ႈဢၼ်ၶဝ်ၸူႉၵၼ်တုမ်ၵၼ်ယူႇၼၼ်ႉၸိုင်၊ ၶုၼ်ပီႉလတ်ႉထၢမ်တီႈၶဝ်လႄႈဝႃႈ၊ သူၶႂ်ႈႁႂ်ႈၵဝ်ပွႆႇလွတ်ႈၽူႈလႂ်။ ၶႂ်ႈႁႂ်ႈပွႆႇလွတ်ႈပႃႇရပ်ႉပႃႉႁိုဝ်။ ၶႂ်ႈႁႂ်ႈပွႆႇလွတ်ႈယေႇသူႉ ဢၼ်လႆႈႁွင်ႉႁဵၵ်ႈၸိုဝ်ႈၶရိၸ်ႈၼၼ်ႉႁိုဝ်။ ဝႃႈၼင်ႇၼႆဢေႃႈ။- 18ႁဵတ်းႁိုဝ်လႄႈထၢမ်ဝႃႈ ၸိူဝ်ႉၼင်ႇၼၼ်ၸမ်ႉ၊ ၶုၼ်ၼၼ်ႉ ႁူႉလွင်ႈဢၼ် ၶဝ်ဢဝ်မၼ်းၸဝ်ႈဢၢပ်ႈ ၵွပ်ႈပိူဝ်ႈဢၼ်ၸႂ်ႈဢၼ်သီႈၵေႉႁေႈတႃမၼ်းၸဝ်ႈၼၼ်ႉယူႇဢေႃႈ။
19လိူဝ်သေၼၼ်ႉ ၼႂ်းမိူဝ်ႈဢၼ်ၶုၼ်ၼၼ်ႉ ၼင်ႈၵႃႈၼိူဝ်ပလၢင်ႇတြႃးယူႇၼၼ်ႉၸိုင်၊ မေးမၼ်းၸဝ်ႈပွႆႇၸႂ်ႉၵေႃႉၼိုင်ႈ မႃးတီႈမၼ်းၸဝ်ႈလႄႈ သင်ႇလၢတ်ႈလႄႈဝႃႈ၊ ယႃႇပေႁဵတ်းၵႃႈသင်တီႈၵေႃႉဢၼ်သိုဝ်ႈတေႃႇၼၼ်ႉသေၵမ်း။ မိူဝ်ႈၼႆႉ ၵွပ်ႈပိူဝ်ႈမၼ်းၼၼ်ႉလႄႈ၊ ၵဝ်ၶႃႈလႆႈၶၢမ်ႇၼမ်ၼႃႇလူင်လၢင် ၼႂ်းတၢင်းဢၼ်ၼွၼ်းၽၼ်ႁၼ်ၼၼ်ႉဢေႃႈ၊ ဝႃႈၼင်ႇၼႆဢေႃႈ။- 20ယိတ်ႈပရေႃးႁဵၵ်ႈလူင် ဢိၵ်ႇတင်း ၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆၼၼ်ႉ တိုၵ်းယူင်းၵူၼ်းဢၼ်ၸူႉဢၼ်တုမ် ႁႂ်ႈယွၼ်းဢဝ်ပႃႇရပ်ႉပႃႉလႄႈ ႁႂ်ႈဢဝ်ယေႇသူႉတၢႆဢေႃႈ။- 21ပိူဝ်ႈၼႆလႄႈ ၶုၼ်ၵေႃႈသမ်ႉထၢမ်တီႈၶဝ်ၼၼ်ႉလႄႈဝႃႈ၊ ၼႂ်းၵူၼ်းသွင်ၵေႃႉၼၼ်ႉ သူၶႂ်ႈႁႂ်ႈၵဝ်ပွႆႇလွတ်ႈၵေႃႉလႂ် မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၵေႃႈလဝ်ႊလၢတ်ႈလႄႈဝႃႈ၊ ၶႂ်ႈႁႂ်ႈပွႆႇလွတ်ႈပႃႇရပ်ႉပႃႉၶႃႈဢေႃႈ၊ ဝႃႈၼင်ႇၼႆဢေႃႈ။- 22ၶုၼ်ပီႉလတ်ႉၵေႃႈ သမ်ႉထၢမ်တီႈၶဝ်ထႅင်ႈလႄႈဝႃႈ၊ ပေႃးပဵၼ်ၸိူဝ်ႉၼင်ႇၼႆၸိုင်၊ ၵဝ်တၵ်းလႆႈႁဵတ်းတီႈယေႇသူႉ ဢၼ်လႆႈႁွင်ႉႁဵၵ်ႈၸိုဝ်ႈၶရိၸ်ႈၼၼ်ႉၸိူဝ်ႉၼင်ႇႁိုဝ်။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်တင်းသဵင်ႈတင်းလူင်ၵေႃႈ ႁွင်ႉလႄႈဝႃႈ၊ ႁႂ်ႈမၼ်းၶၢမ်ႇတၢင်းဢၼ် တွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈ သေၵမ်းၶႃႈ၊ ဝႃႈၼင်ႇၼႆဢေႃႈ။- 23ၶုၼ်ၵေႃႈထၢမ်လႄႈဝႃႈ၊ ၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်။ မၼ်းႁဵတ်းဢပႅတ်ႈၵႃႈသင်ယဝ်ႉ။ မိူဝ်ႈဢၼ်ဝႃႈၼင်ႇၼႆၸိုင်၊ ၶဝ်ၼၼ်ႉၵေႃႈ ယဵင်ႈၶႅၼ်းႁွင်ႉသႅၼ်ႇလႄႈဝႃႈ၊ ႁႂ်ႈမၼ်းၶၢမ်ႇတၢင်းဢၼ် တွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈသေၵမ်းၶႃႈ၊ ဝႃႈၼင်ႇၼႆဢေႃႈ။
24ၶုၼ်ပီႉလတ်ႉၼၼ်ႉ၊ မိူဝ်ႈဢၼ်ႁၼ်လွင်ႈဢၼ်တူဝ်ၸဝ်ႈၵဝ်ႇ ဢမ်ႇပႄႉဢမ်ႇၼႅင်ႇလႆႈလႄႈ ၸႃႉပဵၼ်တၢင်းဢၼ်တူင်ႉတိုၼ်ႇဢူၼ်ဢဵၼ်မေႃးမႄးမႃးၼၼ်ႉၸိုင်၊ ဢဝ်ၼမ်ႉသုၵ်ႈမိုဝ်းတူဝ်ၸဝ်ႈၵဝ်ႇၵႃႈတီႈၽၢႆႇၼႃႈၵူၼ်းတင်းလၢႆသေလႄႈလၢတ်ႈဝႃႈ၊ ၵဝ်ၵၢင်းလွတ်ႈတင်းလိူတ်ႈၵေႃႉဢၼ်သိုဝ်ႈတေႃႇၼႆႉယဝ်ႉဢေႃႈ။ သူတူၺ်းလွင်ႈတၢင်းၼႆႉတႃႉ၊ ဝႃႈၼင်ႇၼႆဢေႃႈ။- 25ၵူၼ်းတင်းသဵင်ႈတင်းလူင်ၵေႃႈ ၶိုၼ်းလၢတ်ႈလႄႈဝႃႈ၊ ႁႂ်ႈလိူတ်ႈမၼ်းမီးၵႃႈၼိူဝ်ႁူဝ်ႁဝ်းၶႃႈ ဢိၵ်ႇတင်းၵႃႈၼိူဝ်ႁူဝ်လုၵ်ႈလၢၼ်ႁဝ်းၶႃႈသေၵမ်းၶႃႈတႃႉ၊ ဝႃႈၼင်ႇၼႆဢေႃႈ။- 26ၶုၼ်ပီႉလတ်ႉၵေႃႈ ပွႆႇလွတ်ႈပႃႇရပ်ႉပႃႉၼၼ်ႉ ပၼ်တီႈၶဝ်ဢေႃႈ။ ယေႇသူႉၸမ်ႉ၊ ပေႃႉယႅၼ်ႉယဝ်ႉၸင်ႇ၊ ဢဝ်ဢၢပ်ႈပၼ်ၵႂႃႇႁႂ်ႈလႆႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈဢေႃႈ။
လွင်ႈႁဵတ်းပျၢၵ်ႈၶူဝ်တီႈၸဝ်ႈယေႇသူႉ
(တူၺ်း၊ မႃႇ 15:16-20။ ယူဝ်း 19:2-3)
27မိူဝ်ႈၼၼ်ႉ ၵူၼ်းသိုၵ်းၶုၼ်တင်းလၢႆ ဢဝ်ယေႇသူႉၵႂႃႇၵႃႈၼႂ်းတပ်ႉသေလႄႈ ႁႂ်ႈၵူၼ်းသိုၵ်းတင်းတပ်ႉ ၸူႉၵၼ်တုမ်ၵၼ်တီႈမၼ်းၸဝ်ႈယဝ်ႉၸင်ႇ၊- 28ထွတ်ႇၶူဝ်းၼုင်ႈမၼ်းၸဝ်ႈပႅတ်ႈလႄႈ ဢဝ်ၶူဝ်းၼုင်ႈဢၼ်လႅင်ၼုင်ႈပၼ်ဢေႃႈ။- 29ၶဝ်ဢဝ်ၼၢမ် သၢၼ်ႁဵတ်းပၢၼ်းၵုမ်းသေယဝ်ႉ၊ တၢင်ႇသႂ်ႇၵႃႈၼိူဝ်ႁူဝ်မၼ်းၸဝ်ႈဢေႃႈ။ ၶွၼ်ႉမႆႉဢေႃႈလႅမ်ႈၼိုင်ႈၵေႃႈ ၶဝ်ႁႂ်ႈမၼ်းၸဝ်ႈ ဢဝ်မိုဝ်းၶွၼ်ၶႂႃ ယိပ်းၵမ်ယဝ်ႉၸင်ႇ၊ ၶုပ်ႉၶဝ်ႇပႃႈၼႃႈမၼ်းၸဝ်ႈသေလႄႈ ႁဵတ်းပျၢၵ်ႈလႄႈဝႃႈ၊ ၶုၼ်ႁေႃၶမ်းယူႉတႃႉတီႈၶႃႈဢိူၺ်း၊ ႁႂ်ႈၸဝ်ႈႁဝ်းမီးမင်ႇၵလႃႇသေၵမ်းလူၺ်ႈ၊ ဝႃႈၼင်ႇၼႆဢေႃႈ။- 30ၶဝ်ထူမ်ႇၼမ်ႉလၢႆးသႂ်ႇတီႈမၼ်းၸဝ်ႈဢေႃႈ။ ၶဝ်ဢဝ်မႆႉဢေႃႈ ပေႃႉယႅၼ်ႉႁူဝ်မၼ်းၸဝ်ႈဢေႃႈ။- 31လိုၼ်းသေ ႁဵတ်းပျၢၵ်ႈတီႈမၼ်းၸဝ်ႈယဝ်ႉၼၼ်ႉ၊ ၶဝ်ထွတ်ႇဢဝ် ၶူဝ်းၼုင်ႈၶုၼ်ၼၼ်ႉသေလႄႈ သမ်ႉၶိုၼ်းဢဝ်ၶူဝ်းၼုင်ႈမၼ်းၸဝ်ႈ ၼုင်ႈပၼ်ယဝ်ႉၸင်ႇ၊ ဢဝ်ဢွၵ်ႇၵႂႃႇ ႁႂ်ႈလႆႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈဢေႃႈ။
ၸဝ်ႈယေႇသူႉလႆႈၶၢမ်ႇတွၵ်ႇၸပ်းၼိူဝ်သဝ်
(တူၺ်း၊ မႃႇ 15:21-32။ လူႉ 23:26-43။ ယူဝ်း 19:17-27)
32ၼႂ်းမိူဝ်ႈဢၼ်ၶဝ်ဢွၵ်ႇၵႂႃႇယူႇၼၼ်ႉၸိုင်၊ ၶဝ်ထူပ်းႁၼ်ၵူၼ်းဢၼ်လႆႈၸိုဝ်ႈ သီႉမုၼ်ႇ၊ ၵူၼ်းမိူင်း ၵူႉရေႇၼေႇၵေႃႉၼိုင်ႈလႄႈ ႁဵတ်းပႄႉႁဵတ်းၼႅင်ႇ ႁႂ်ႈမၼ်းႁၢပ်ႇဢဝ်သဝ်လၵ်းဝႃးၵၢပ်ႈမၼ်းၸဝ်ႈၵႂႃႇဢေႃႈ။- 33မိူဝ်ႈဢၼ်ၶဝ်ႁွတ်ႈထိုင် ၵႃႈတီႈဢၼ်လႆႈႁွင်ႉႁဵၵ်ႈ ၵေႃးလႃႉၵေႃးထႃႉ ဢၼ်ၶႂ်ႈဝႃႈ တီႈၵွၵ်းႁူဝ်ၼၼ်ႉၸိုင်၊- 34ၶဝ်ဢဝ်ၼမ်ႉပုင်းယေႇ ဢၼ်လေႃးၵၼ်တင်းယႃႈၶူမ်ၼၼ်ႉ ပၼ်တီႈမၼ်းၸဝ်ႈ ႁႂ်ႈမၼ်းၸဝ်ႈၵိၼ်ဢေႃႈ။ မၼ်းၸဝ်ႈၸိမ်းတူၺ်းသေယဝ်ႉ၊ ဢမ်ႇၶႂ်ႈၵိၼ်လႄႈယူႇသေဢေႃႈ။- 35ၶဝ်ဢဝ်မၼ်းၸဝ်ႈတွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈယဝ်ႉၸင်ႇ၊ ဢဝ်ၶူဝ်းၼုင်ႈမၼ်းၸဝ်ႈ တူၵ်းၸႃႇၵွၵ်ႈသေလႄႈ ၽႄမႅင်ႇပၼ်ၵၼ်ဢေႃႈ။- 36ၵႃႈတီႈၼၼ်ႈၵေႃႈ ၶဝ်ၼင်ႈလႄႈပႂ်ႉယူႇဢေႃႈ။- 37ၶဝ်ဢဝ်လိၵ်ႈဢၼ် ၽုၺ်ႇၼႄဢပႅတ်ႈမၼ်းၸဝ်ႈ ဢၼ်တႅမ်ႈဝႆႉလႄႈဝႃႈ၊ ၵေႃႉၼႆႉပဵၼ်ယေႇသူႉ ၶုၼ်ႁေႃၶမ်းယူႉတႃႉဢေႃႈ၊ ဝႃႈၼင်ႇၼႆၼၼ်ႉ တွၵ်ႇဝႆႉၵႃႈၼိူဝ်ႁူဝ်မၼ်းၸဝ်ႈဢေႃႈ။- 38မိူဝ်ႈၼၼ်ႉ ၶဝ်ဢဝ်ၸူၼ်သွင်ၵေႃႉ တွၵ်ႇဝႆႉၵႃႈတီႈၽၢႆႇၶႂႃၸဝ်ႈၵေႃႉၼိုင်ႈ၊ ၵႃႈတီႈၽၢႆႇသၢႆႉၸဝ်ႈၵေႃႉၼိုင်ႈ၊ ၵႃႈၼိူဝ်သဝ်လၵ်းဝႃးၵၢပ်ႈ လူၺ်ႈၵၼ်တင်းမၼ်းၸဝ်ႈဢေႃႈ။
39ၶဝ်ၸိူဝ်းဢၼ်ၵႂႃႇဢၼ်မႃး ၵႃႈတီႈႁိမ်းမၼ်းၸဝ်ႈတင်းလၢႆၵေႃႈ သႄႉသွမ်းတၢင်ႇဢပႅတ်ႈတီႈမၼ်းၸဝ်ႈလႄႈ ဝႆႁူဝ်ၶွၼ်းႁူဝ်တူဝ်ၸဝ်ႈၵဝ်ႇယူႇသေလႄႈ လၢတ်ႈလႄႈဝႃႈ၊- 40ၵေႃႉဢၼ်ယႃႉပႅတ်ႈပိၵ်ႈမၢၼ်ႇၸဝ်ႈသေလႄႈ ၼႂ်းသၢမ်ဝၼ်းၵူၺ်း တၵ်းၶိုၼ်းမႄးႁဵတ်းၼႆႉဢိူၺ်း၊ တူဝ်ၸဝ်ႈၵဝ်ႇၵႄႇၶျွတ်ႈဢဝ်တူဝ်ၸဝ်ႈၵဝ်ႇသေၵမ်းတႃႉ။ ပေႃးၸႂ်ႈလုၵ်ႈၽြႃးပဵၼ်ၸဝ်ႈၸိုင်၊ လူင်းသေၵႃႈတီႈသဝ်လၵ်းဝႃးၵၢပ်ႈသေၵမ်းတႃႉ၊ ဝႃႈၼင်ႇၼႆဢေႃႈ။- 41မိူၼ်ၼင်ႇၼၼ် ယိတ်ႈပရေႃးႁဵၵ်ႈလူင် ဢိၵ်ႇတင်းၵူၼ်းထုတ်ႇၵျၢမ်းတင်းၵူၼ်းဢၼ်ပဵၼ်ၵႄႇပဵၼ်ႁူဝ်တင်းလၢႆၵေႃႈ၊ ႁဵတ်းပျၢၵ်ႈၶူဝ်တီႈမၼ်းၸဝ်ႈလႄႈဝႃႈ၊- 42ၵေႃႉၼႆႉ ၸၢင်ႈၵႄႇၶျွတ်ႈဢဝ်ပိူၼ်ႈဢေႃႈ။ တူဝ်ၸဝ်ႈၵဝ်ႇ ဢမ်ႇၵႄႇၶျွတ်ႈဢဝ်တူဝ်ၸဝ်ႈၵဝ်ႇလႆႈလူင်ပႄႇ။ပေႃးၸႂ်ႈၶုၼ်ႁေႃၶမ်းဢီႉသရေႇလႃႉၸိုင်၊ တေႃႈလဵဝ်ၼႆႉ ႁႂ်ႈမၼ်းလူင်းသေၵႃႈတီႈသဝ်လၵ်းဝႃးၵၢပ်ႈၼၼ်ႉသေၵမ်းတႃႉ။ ပေႃးလူင်းၸိုင် ႁဝ်းတၵ်းယုမ်ႇမၢတ်ႈမၼ်းဢေႃႈ။- 43မၼ်းဢိင်ပိုင်ႈၽြႃးပဵၼ်ၸဝ်ႈယဝ်ႉ။ ပိူဝ်ႈဢၼ်မၼ်းဝႃႈ ၵဝ်ပဵၼ်လုၵ်ႈၽြႃးပဵၼ်ၸဝ်ႈဢေႃႈ၊ ဝႃႈၼင်ႇၼႆၼၼ်ႉလႄႈ ပေႃးၽြႃးပဵၼ်ၸဝ်ႈမီးဢလူဝ်ႇတီႈမၼ်းၸိုင်၊ တေႃႈလဵဝ်ၼႆႉ ႁႂ်ႈမၼ်းၸဝ်ႈၵႄႇၶျွတ်ႈဢဝ်မၼ်းသေၵမ်းတႃႉ၊ ဝႃႈၼင်ႇၼႆဢေႃႈ၊- 44မိူၼ်ၼင်ႇၼၼ် ၸူၼ်ဢၼ်တွၵ်ႇဝႆႉၵႃႈၼိူဝ်သဝ်လၵ်းဝႃးၵၢပ်ႈ လူၺ်ႈၵၼ်တင်းမၼ်းၸဝ်ႈၸိူဝ်းၼၼ်ႉၵေႃႈ သႄႉသွမ်းတၢင်ႇဢပႅတ်ႈတီႈမၼ်းၸဝ်ႈဢေႃႈ။
လွင်ႈတၢင်းတၢႆၸဝ်ႈယေႇသူႉ
(တူၺ်း၊ မႃႇ 15:33-41။ လူႉ 23:44-49။ ယူဝ်း 19:28-30)
45ၸႃႉၸဵမ်ၶိင်ႇႁူၵ်းၼႃႇရီႇ တေႃႇထိုင်ႁွတ်ႈၵဝ်ႈၼႃႇရီႇလႄႈ ပဵၼ်ဢၼ်လပ်းသိင်ႇၵႂႃႇ ၽိတ်းၽိတ်းတင်းမိူင်းဢေႃႈ။- 46ၶိင်ႇၵဝ်ႈၼႃႇရီႇၸမ်ၸမ်ၼၼ်ႉ၊ ယေႇသူႉႁဵတ်းတင်းသဵင်ဢၼ်ယႂ်ႇၼႃႇ ႁွင်ႉသႅၼ်ႇလႄႈဝႃႈ၊ ဢေးလီႉ၊ ဢေးလီႉ၊ လႃႇမႃႉ၊ သႃႇပၵ်ႉသၼီႉ၊ ဝႃႈၼင်ႇၼႆဢေႃႈ။ ဢၼ်မၼ်းၸဝ်ႈဝႃႈၼၼ်ႉၸမ်ႉ၊ ၽြႃးၵဝ်ၶႃႈ၊ ၽြႃးၵဝ်ၶႃႈ၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ ၸုၼ်ႉပႅတ်ႈၵဝ်ၶႃႈ ၸိူဝ်ႉၼင်ႇႁိုဝ်တီႈၶႃႈ၊ ဝႃႈၼင်ႇၼႆဢေႃႈ။- 47ၵူၼ်းၵမ်ႈၽွင်ႈ ဢၼ်ၸုၵ်းယူႇၵႃႈတီႈၼၼ်ႈၸိူဝ်းၼၼ်ႉ ငိၼ်းသေယဝ်ႉ၊ လၢတ်ႈလႄႈဝႃႈ၊ မၼ်းႁွင်ႉႁႃဢေးလီႉယႃႉဢေႃႈ၊ ဝႃႈၼင်ႇၼႆဢေႃႈ။- 48ၵူၼ်းၵေႃႉၼိုင်ႈ ၶုၼ်ႇလႅၼ်ႈၵႂႃႇၵမ်းလဵဝ်လႄႈ ဢဝ်ႁိပ်ႇၼမ်ႉဢၼ်ၼိုင်ႈႁႂ်ႈတဵမ်တင်းၼမ်ႉပုင်းယေႇယဝ်ႉၸင်ႇ၊ သႂ်ႇပၢႆမႆႉဢေႃႈယဝ်ႉလႄႈ၊ ပၼ်ႁႂ်ႈမၼ်းၸဝ်ႈၵိၼ်ဢေႃႈ။- 49ၶဝ်ၸိူဝ်းဢၼ်ယင်းၵိုတ်းယူႇၼၼ်ႉၵေႃႈလၢတ်ႈလႄႈဝႃႈ၊ ယႃႇမၼ်းတႃႉ။ ဢေးလီႉယႃႉ တၵ်းမႃးပွႆႇမၼ်းလွတ်ႈႁိုဝ်။ တၵ်းဢမ်ႇမႃးႁိုဝ်။ တူၺ်းလူးၵွၼ်ႇတႃႉႁဝ်း၊ ဝႃႈၼင်ႇၼႆဢေႃႈ။- 50ယေႇသူႉသမ်ႉၶိုၼ်း ႁဵတ်းတင်းသဵင်ဢၼ်ယႂ်ႇၼႃႇႁွင်ႉသႅၼ်ႇလႄႈ တိုတ်ႉၸႂ်မၼ်းၸဝ်ႈၶၢတ်ႇသေဢေႃႈ။
51မိူဝ်ႈၼၼ်ႉ ၽႃႈၵင်ႈႁိူၼ်းပိၵ်ႈမၢၼ်ႇၸဝ်ႈ သိၵ်ႇၶၢတ်ႇၵႂႃႇၸႃႉၸဵမ် ၵႃႈၼိူဝ်တေႃႇထိုင်ႁွတ်ႈၵႃႈတႂ်ႈဢေႃႈ။ ဢိင်ႇၵေႃႈသၼ်ႇဢေႃႈ။ မၢၵ်ႇႁိၼ်တင်းလၢႆၵေႃႈတႅၵ်ႇဢေႃႈ။- 52ၶုမ်သၢင်းၶႅင်းတင်းလၢႆၵေႃႈ ၽုၺ်ႇပိုတ်ႇလႄႈ၊ တူဝ်တၢႆၵူၼ်းဢၼ်မူတ်းၸၢင်ႇ ဢၼ်ၵိင်းၼွၼ်းယူႇၼမ်ၼႃႇၼၼ်ႉ လုၵ်ႉၶိုၼ်းလႄႈ၊- 53ဝၢႆးသေမၼ်းၸဝ်ႈလုၵ်ႉၶိုၼ်းယဝ်ႉၼၼ်ႉ၊ ၶဝ်ဢွၵ်ႇသေၵႃႈၼႂ်းၶုမ်သၢင်းၶႅင်းလႄႈ ၶဝ်ႈၵႃႈၼႂ်းဝဵင်းဢၼ်မူတ်းၸၢင်ႇယဝ်ႉၸင်ႇ၊ ထၢင်ႇသႃးပေႃႇမႃးတီႈၵူၼ်းၼမ်ၼႃႇဢေႃႈ။
54ၸႃႉၸဵမ်တပ်ႉမူးလႄႈ ၶဝ်ၸိူဝ်းဢၼ်ပႂ်ႉယေႇသူႉယူႇၼၼ်ႉ ႁၼ်လွင်ႈတၢင်းဢၼ်ဢိင်ႇသၼ်ႇ ဢိၵ်ႇတင်းလွင်ႈတၢင်းဢၼ်ပဵၼ်မႃး ၵူႈၸိူဝ်ႉၵူႈပိူင်ၸိူဝ်းၼၼ်ႉသေယဝ်ႉ၊ တူၵ်းၸႂ်ၼႃႇလူင်လၢင်လႄႈဝႃႈ၊ ၸႂ်ႈတႄႉ၊ ၵေႃႉၼႆႉပဵၼ်လုၵ်ႈၽြႃးပဵၼ်ၸဝ်ႈတႄႉဢေႃႈ၊ ဝႃႈၼင်ႇၼႆဢေႃႈ။
55မႄႈယိင်းဢၼ် လုၵ်ႉသေၵႃႈတီႈမိူင်းၵႃႇလီႉလႄး ၸွမ်းပႃႈလင်ယေႇသူႉမႃးလႄႈ ႁဵတ်းလဵင်ႉႁဵတ်းလူမၼ်းၸဝ်ႈၼမ်ၼႃႇၸိူဝ်းၼၼ်ႉၵေႃႈ၊ ယူႇတီႈဢၼ်ၵႆၼႂ်းတီႈၼၼ်ႈလႄႈ လွမ်တူၺ်းယူႇဢေႃႈ။- 56ၼႂ်းၶဝ်ၸိူဝ်းၼၼ်ႉ၊ ပႃးမႃႇရီႉမႃႇၵတလႃႉ၊ မႃႇရီႉ ဢၼ်ပဵၼ်မႄႈယႃႇၵုပ်ႈတင်းယူဝ်းသေႇ၊ ဢိၵ်ႇတင်း မႄႈလုၵ်ႈၸၢႆး ၸေႇပေႇတႄးၸိူဝ်းၼၼ်ႉဢေႃႈ။
သၢင်းၵျူဝ်ႇတူဝ်တၢႆၸဝ်ႈယေႇသူႉ
(တူၺ်း၊ မႃႇ 15:42-47။ လူႉ 23:50-56။ ယူဝ်း 19:38-42)
57မိူဝ်ႈဢၼ်ႁွတ်ႈထိုင်ၶိင်ႇၵၢင်ၶမ်ႈၸိုင်၊ သထေးၵေႃႉၼိုင်ႈဢၼ်ပဵၼ်ၵူၼ်းဝဵင်း ဢရီႉမသႄး ဢၼ်လႆႈၸိုဝ်ႈ ယူဝ်းသႅပ်ႈ၊ ဢၼ်ပဵၼ်တပႄးၸဝ်ႈယေႇသူႉၼၼ်ႉ၊- 58ၶဝ်ႈၸူးတီႈၶုၼ်ပီႉလတ်ႉလႄႈ ယွၼ်းဢဝ်တူဝ်တၢႆယေႇသူႉဢေႃႈ။ မိူဝ်ႈၼၼ်ႉ ၶုၼ်ပီႉလတ်ႉမီးဢမိင်ႉ ႁႂ်ႈပၼ်တူဝ်တၢႆမၼ်းၸဝ်ႈသေယဝ်ႉ၊- 59ယူဝ်းသႅပ်ႈ ဢဝ်တူဝ်တၢႆမၼ်းၸဝ်ႈလႄႈ ဢဝ်တင်းပိၵ်ႈၶျေႃး ဢၼ်မူတ်းသႂ်ၶဵၼ်းႁေႃႇယဝ်ႉၸင်ႇ၊- 60ဢဝ်သႂၢင်းသႂ်ႇဝႆႉၵႃႈၼႂ်း ၶုမ်သၢင်းၶႅင်းမၼ်းဢၼ်မႂ်ႇ ဢၼ်မၼ်းၶုတ်းမူင်ႇဝႆႉၵႃႈၼႂ်းမၢၵ်ႇႁိၼ်ၼၼ်ႉဢေႃႈ။ မၢၵ်ႇႁိၼ်ဢၼ်ယႂ်ႇၼႃႇၵေႃႈ မၼ်းၵိင်ႈဝႆႉၵႃႈၼိူဝ်ႁူးၶုမ်သၢင်းၶႅင်းၼၼ်ႉယဝ်ႉၸင်ႇ၊ ၵႂႃႇဢေႃႈ။- 61မႃႇရီႉမႃႇၵတလႃႉတင်း မႃႇရီႉတၢင်ႇၵေႃႉ မီးယူႇၵႃႈၼၼ်ႈလႄႈ ၼင်ႈယူႇၵႃႈတီႈၽၢႆႇၼႃႈ သၢင်းၶႅင်းမၼ်းၸဝ်ႈၼၼ်ႉဢေႃႈ။
တၢင်းဢၼ်ၸႂ်ႉၵူၼ်းပႂ်ႉပႃႇႁဵဝ်ႈ
62မိူဝ်ႈဢၼ်ပူၼ်ႉဝၼ်းၽိတ်ႈလႄႈ ႁွတ်ႈထိုင်ဝၼ်းမိူဝ်ႈၽုၵ်ႈၼၼ်ႉၸိုင်၊ ယိတ်ႈပရေႃးႁဵၵ်ႈလူင် ဢိၵ်ႇတင်းၽႃႇရီႉသႄးတင်းလၢႆ ၸူႉၵၼ်တုမ်ၵၼ် တီႈၶုၼ်ပီႉလတ်ႉသေလႄႈ- 63လဝ်ႊလၢတ်ႈလႄႈဝႃႈ၊ ၸဝ်ႈႁဝ်းတီႈၶႃႈ၊ ႁဝ်းၶႃႈတွင်းဝႆႉ လွင်ႈဢၼ်ၵေႃႉဢၼ်ၸၢင်ႈပႅတ်ႉၸၢင်ႈလႅၼ်ၼၼ်ႉလၢတ်ႈ ၸူဝ်ႈဢၼ်မၼ်းဢမ်ႇပႆႇတၢႆၼၼ်ႉလႄႈဝႃႈ၊ ၵဝ်ၼႆႉ ပေႃးလႆႈသၢမ်ဝၼ်းၸိုင်၊ တၵ်းလုၵ်ႉၶိုၼ်းဢေႃႈ၊ ဝႃႈၼင်ႇၼႆၼၼ်ႉယူႇၶႃႈဢေႃႈ။- 64ၵွပ်ႈႁွႆးၼႆႉ၊ ၼင်ႇႁိုဝ်တၵ်းပႂ်ႉၶုမ်သၢင်းၶႅင်းၼၼ်ႉလီလီငၢမ်းငၢမ်း တေႃႇထိုင်ႁွတ်ႈလႆႈသၢမ်ဝၼ်းၸိုင် ၶႅၼ်းတေႃႈ ၸဝ်ႈႁဝ်းမီးဢမိင်ႉသေၵမ်းတီႈၶႃႈ၊ ႁဝ်းၶႃႈၵူဝ်တပႄးမၼ်းတင်းလၢႆ တၵ်းမႃးၶိင်ႇၵၢင်ၶိုၼ်းလႄႈ လၵ်ႉဢဝ်တူဝ်တၢႆမၼ်းယဝ်ႉၸင်ႇ၊ လၢတ်ႈတီႈၵူၼ်းတင်းသဵင်ႈတင်းလူင်လႄႈဝႃႈ၊ မၼ်းလုၵ်ႉၵႃႈတၢင်းတၢႆၶိုၼ်းလိပ်းယဝ်ႉ၊ ဝႃႈၼင်ႇၼႆၶႃႈဢေႃႈ။ ပိူဝ်ႈၼႆလႄႈ တၢင်းဢၼ်ၽိတ်းၵမ်းလိုၼ်း တၵ်းယဵင်ႈၶႅၼ်းႁၢႆႉၼႃႇသေ ဢၼ်ၽိတ်းၵမ်းဢွၼ်တၢင်းၶႃႈဢေႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 65ၶုၼ်ပီႉလတ်ႉၵေႃႈလၢတ်ႈလႄႈဝႃႈ၊ ၵႃႈတီႈသူမီးၵူၼ်းပႂ်ႉၸိူဝ်းၼိုင်ႈယူႇဢေႃႈ။ ၵႂႃႇတႃႉ။ ၵႃႈၼင်ႇဢၼ် တၢတ်ႈၼိူင်ႇလႆႈၼၼ်ႉၸိုင်၊ ႁႂ်ႈပႂ်ႉလီလီငၢမ်းငၢမ်းတႃႉ၊ ဝႃႈၼင်ႇၼႆဢေႃႈ။- 66ၶဝ်ၼၼ်ႉ ဢိၵ်ႇတင်းၵူၼ်းပႂ်ႉၸိူဝ်းၼိုင်ႈ၊ ၵႂႃႇလႄႈ တွၵ်ႇတၼ်းသိၵ်ႈတီႈမၢၵ်ႇႁိၼ်ၼၼ်ႉသေယဝ်ႉ၊ ႁႂ်ႈပႂ်ႉသၢင်းၶႅင်းမၼ်းၸဝ်ႈလီလီငၢမ်းငၢမ်းဢေႃႈ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship