မၢတ်ႈထႄႇ 25
25
ၵႂၢမ်းဢူႉပမႃႇလုၵ်ႈယိင်းသၢဝ်သိပ်းၵေႃႉ
1မိူဝ်ႈၼၼ်ႉ မိူင်းၵၢင်ႁၢဝ်ၸဝ်ႈၸမ်ႉ၊ မိူၼ်ၸိူဝ်ႉၼင်ႇလုၵ်ႈယိင်းသၢဝ်သိပ်းၼိုင်ႈ၊ ဢၼ်ယိပ်းၵမ်ဢဝ်ဝၢၼ်ႇၽႆးတဵၼ်းသေလႄႈ ဢွၵ်ႇၵႂႃႇႁႂ်ႈလႆႈႁပ်ႉႁူဝ်တၢင်း ၵူၼ်းသွင်ႇမင်ႇၵလႃႇၼၼ်ႉဢေႃႈ။- 2ၼႂ်းလုၵ်ႈယိင်းသၢဝ်ၸိူဝ်းၼၼ်ႉ၊ ႁႃႈၵေႃႉပဵၼ်ဢၼ်မိူၵ်ႈဢေႃႈ။ ႁႃႈၵေႃႉၸမ်ႉ၊ မီးပိင်ႇၺႃႇသတီႉဢေႃႈ။- 3ၶဝ်ၸိူဝ်းဢၼ်မိူၵ်ႈၼၼ်ႉ၊ ဢဝ်ဝၢၼ်ႇၽႆးတဵၼ်းၵူၺ်းလႄႈ ဢမ်ႇပႃးၼမ်ႉမၼ်း။- 4ၶဝ်ၸိူဝ်းဢၼ်မီးပိင်ႇၺႃႇသတီႉၼၼ်ႉၸမ်ႉ၊ ဢဝ်ဝၢၼ်ႇၽႆးတဵၼ်းဢိၵ်ႇတင်းၼမ်ႉမၼ်းၵႃႈတီႈၼႂ်းမူၵ်ႇဢေႃႈ။- 5ၼႂ်းမိူဝ်ႈဢၼ်ၵူၼ်းသွင်ႇမင်ႇၵလႃႇၼၼ်ႉ ၼၢၼ်းမႃးလႄႈယူႇၼၼ်ႉၸိုင်၊ ၶဝ်တင်းသဵင်ႈတင်းလူင်ၸိူဝ်းၼၼ်ႉ ငဝ်ၼွၼ်းလႄႈလပ်းၵႂႃႇဢေႃႈ။
6ၼႂ်းၶိင်ႇတဵင်ႈၶိုၼ်း မီးသဵင်ဢၼ်ႁွင်ႉသႅၼ်ႇလႄႈဝႃႈ၊ တူၺ်းလူး၊ ၵူၼ်းသွင်ႇမင်ႇၵလႃႇမႃးယဝ်ႉ။ ဢွၵ်ႇၵႂႃႇႁႂ်ႈလႆႈႁပ်ႉႁူဝ်တၢင်းမၼ်းတႃႉ၊ ဝႃႈၼင်ႇၼႆယဝ်ႉၸင်ႇ၊- 7လုၵ်ႈယိင်းသၢဝ်တင်းသဵင်ႈတင်းလူင်ၸိူဝ်းၼၼ်ႉ လုၵ်ႉလႄႈ မႄးႁႅၼ်းဝၢၼ်ႇၽႆးတဵၼ်းၶဝ်ဢေႃႈ။- 8ၶဝ်ၸိူဝ်းဢၼ်မိူၵ်ႈၼၼ်ႉ ယွၼ်းတီႈၶဝ်ၸိူဝ်းဢၼ်မီးပိင်ႇၺႃႇသတီႉၼၼ်ႉလႄႈဝႃႈ၊ ၽႆးတဵၼ်းႁဝ်းမွတ်ႇၵႂႃႇယဝ်ႉ။ ပၼ်ၼမ်ႉမၼ်းသူသေဢိတ်း၊ ဝႃႈၼင်ႇၼႆဢေႃႈ။- 9ၶဝ်ၸိူဝ်းဢၼ်မီးပိင်ႇၺႃႇသတီႉၼၼ်ႉၵေႃႈၶိုၼ်းလၢတ်ႈလႄႈဝႃႈ၊ ဢမ်ႇၸႂ်ႈၵူၺ်ႉ၊ ၼမ်ႉမၼ်းဢမ်ႇပေႃးဢမ်ႇၵုမ်ႇပုၼ်ႈသူ ဢိၵ်ႇတင်းပုၼ်ႈႁဝ်း။ ပိူဝ်ႈၼႆလႄႈ ပေႃးသူၵႂႃႇၵႃႈတီႈၶဝ်ၸိူဝ်းဢၼ်ၶၢႆၼမ်ႉမၼ်းၼၼ်ႉလႄႈ သိုဝ်ႉဢဝ်ပုၼ်ႈသူၸိုင်၊ ယဵင်ႈၶႅၼ်းတၵ်းလီဢေႃႈ၊ ဝႃႈၼင်ႇၼႆဢေႃႈ။- 10ၼႂ်းမိူဝ်ႈဢၼ်ၶဝ်ၵႂႃႇႁႂ်ႈလႆႈသိုဝ်ႉၼမ်ႉမၼ်းယူႇၼၼ်ႉၸိုင်၊ ၵူၼ်းသွင်ႇမင်ႇၵလႃႇၼၼ်ႉႁွတ်ႈမႃးလႄႈ လုၵ်ႈယိင်းသၢဝ် ဢၼ်မႄးႁႅၼ်းဝႆႉလီလီငၢမ်းငၢမ်းၸိူဝ်းၼၼ်ႉ ၶဝ်ႈပွႆးလူၺ်ႈၵၼ်တင်းမၼ်းယဝ်ႉၸင်ႇ၊ ဢိုတ်းၽၵ်းတူဝႆႉသေဢေႃႈ။- 11လိုၼ်းၼၼ်ႉလုၵ်ႈယိင်းသၢဝ် ဢၼ်ၵိုတ်းဝႆႉၸိူဝ်းၼၼ်ႉမႃးလႄႈလဝ်ႊလၢတ်ႈဝႃႈ၊ ၸဝ်ႈႁဝ်း၊ ၸဝ်ႈႁဝ်း ၽုၺ်ႇၽၵ်းတူပၼ်တီႈႁဝ်းၶႃႈသေၵမ်းၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 12မၼ်းၵေႃႈၶိုၼ်းလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵဝ်ဢမ်ႇႁူႉၸၵ်းသူ၊ ဝႃႈၼင်ႇၼႆဢေႃႈ။- 13ၵွပ်ႈႁွႆးၼႆႉ ပိူဝ်ႈဢၼ်သူဢမ်ႇႁူႉၶိင်ႇဝၼ်းၼႃႇရီႇလႄႈ ပႂ်ႉထႃႈယူႇတႃႉ။
ၵႂၢမ်းဢူႉပမႃႇၶႃႈၵူၼ်းၸႂ်ႉသၢမ်ၵေႃႉ
(တူၺ်း၊ လူႉ 19:11-27)
14ဢူႉပမႃႇၸမ်ႉ၊ ၵူၼ်းၵေႃႉၼိုင်ႈ တၵ်းၵႂႃႇတၢင်ႇဝၢၼ်ႈတၢင်ႇမိူင်းဝႃႈၼႆ၊ ႁွင်ႉဢဝ်ၵူၼ်းဢွၼ်ႇမၼ်းတင်းလၢႆသေလႄႈ ဢဝ်ဢုၵ်ႉၸႃႇၶူဝ်းလဵင်းမၼ်း ဢၢပ်ႈပၼ်ဝႆႉဢေႃႈ။- 15ၸွမ်းၼင်ႇဢၼ် ၶဝ်မီးၺၢၼ်ႇႁင်းၽႂ်ႁင်းမၼ်းၼၼ်ႉ မၼ်းဢၢပ်ႈပၼ်တီႈၵေႃႉၼိုင်ႈ ငိုၼ်းတလၢၼ်ႇတၢၼ်ႇႁႃႈဢၼ်၊ တီႈၵေႃႉၼိုင်ႈ တလၢၼ်ႇတၢၼ်ႇသွင်ဢၼ်၊ တီႈၵေႃႉၼိုင်ႈ တလၢၼ်ႇတၢၼ်ႇဢၼ်ၼိုင်ႈယဝ်ႉၸင်ႇ၊ ဢွၵ်ႇၵႂႃႇသေၵမ်းလဵဝ်ဢေႃႈ။- 16ၵေႃႉဢၼ် ၶၢမ်ႇဢဝ်တလၢၼ်ႇတၢၼ်ႇႁႃႈဢၼ်ၼၼ်ႉ ၵႂႃႇႁဵတ်းတၢင်းၵႃႉတၢင်းၶၢႆလႄႈ လႆႈဢမျၢတ်ႈမၼ်း တလၢၼ်ႇတၢၼ်ႇ တၢင်ႇတီႈတၢင်ႇဢၼ် ႁႃႈဢၼ်ဢေႃႈ။- 17မိူၼ်ၼင်ႇၼၼ် ၵေႃႉဢၼ် ၶၢမ်ႇဢဝ်တလၢၼ်ႇတၢၼ်ႇသွင်ဢၼ်ၼၼ်ႉၵေႃႈ၊ လႆႈဢမျၢတ်ႈမၼ်း တလၢၼ်ႇတၢၼ်ႇ တၢင်ႇတီႈတၢင်ႇဢၼ် သွင်ဢၼ်ဢေႃႈ။- 18ၵေႃႉဢၼ် ၶၢမ်ႇဢဝ်တလၢၼ်ႇတၢၼ်ႇဢၼ်ၼိုင်ႈၼၼ်ႉၸမ်ႉ၊ ၵႂႃႇလႄႈၶုတ်းၶုမ်ၼႂ်းလိၼ်ယဝ်ႉၸင်ႇ၊ ဢဝ်ငိုၼ်းၸဝ်ႈမၼ်းၼၼ်ႉ သိူင်ႇဝႆႉဢေႃႈ။
19ၶိင်ႇၵႃႇလႃႉႁိုင်ယဝ်ႉၸင်ႇ၊ ၸဝ်ႈၵူၼ်းဢွၼ်ႇတင်းလၢႆၼၼ်ႉ ႁွတ်ႈမႃးလႄႈ ဢဝ်ၸရၢင်းၶဝ်ဢေႃႈ။- 20ၵေႃႉဢၼ်ၶၢမ်ႇဢဝ်တလၢၼ်ႇတၢၼ်ႇႁႃႈဢၼ်ၼၼ်ႉ သုတ်ႉၸပ်းသုတ်ႉၸူးလႄႈ ဢဝ်တလၢၼ်ႇတၢၼ်ႇ တၢင်ႇတီႈႁႃႈဢၼ်ၼၼ်ႉ သၢၵ်ႈပၼ်သေလႄႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၸဝ်ႈႁဝ်းဢၢပ်ႈပၼ်တီႈၵဝ်ၶႃႈ တလၢၼ်ႇတၢၼ်ႇ ႁႃႈဢၼ်ၶႃႈဢေႃႈ။ တူၺ်းလူး၊ ၵဝ်ၶႃႈလႆႈဢမျၢတ်ႈမၼ်း တလၢၼ်ႇတၢၼ်ႇ တၢင်ႇတီႈတၢင်ႇဢၼ် ႁႃႈဢၼ်ၶႃႈယဝ်ႉ၊ ဝႃႈၼင်ႇၼႆဢေႃႈ။- 21ၸဝ်ႈမၼ်းၵေႃႈလၢတ်ႈလႄႈဝႃႈ၊ လီယဝ်ႉ။ ၵူၼ်းဢွၼ်ႇဢၼ်လီလႄႈမီးသဵတ်ႈၸႃႇၼႆႉဢိူၺ်း၊ မႂ်းၼႆႉ ႁဵတ်းသဵတ်ႈၸႃႇၵႃႈတီႈၶိူင်ႈပိူင်ဢၼ်လဵၵ်ႉဢၼ်ၵေႇၼႆႉယဝ်ႉ။ ၵဝ်တၵ်းၶၢၼ်းမႂ်းဝႆႉ ၵႃႈၼိူဝ်ၶိူင်ႈပိူင်ဢၼ်ၼမ်ၼႃႇဢေႃႈ။ ၶဝ်ႈလႄႈၸၢမ်ႇၸႃးတၢင်းသိူဝ်းပျေႃႇၸဝ်ႈမႂ်းတႃႉ၊ ဝႃႈၼင်ႇၼႆဢေႃႈ။- 22ၵေႃႉဢၼ်ၶၢမ်ႇဢဝ်တလၢၼ်ႇတၢၼ်ႇသွင်ဢၼ်ၼၼ်ႉၵေႃႈ၊ သုတ်ႉၸပ်းသုတ်ႉၸူးသေလႄႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၸဝ်ႈႁဝ်းဢၢပ်ႈပၼ်တီႈၵဝ်ၶႃႈ တလၢၼ်ႇတၢၼ်ႇ သွင်ဢၼ်ၶႃႈဢေႃႈ။ တူၺ်းလူး၊ ၵဝ်ၶႃႈလႆႈဢမျၢတ်ႈမၼ်း တလၢၼ်ႇတၢၼ်ႇ တၢင်ႇတီႈတၢင်ႇဢၼ် သွင်ဢၼ်ၶႃႈယဝ်ႉ၊ ဝႃႈၼင်ႇၼႆဢေႃႈ။- 23ၸဝ်ႈမၼ်းၵေႃႈလၢတ်ႈလႄႈဝႃႈ၊ လီယဝ်ႉ။ ၵူၼ်းဢွၼ်ႇဢၼ်လီလႄႈမီးသဵတ်ႈၸႃႇၼႆႉဢိူၺ်း၊ မႂ်းၼႆႉႁဵတ်းသဵတ်ႈၸႃႇ ၵႃႈတီႈၶိူင်ႈပိူင်ဢၼ်လဵၵ်ႉဢၼ်ၵေႇၼႆႉယဝ်ႉ။ ၵဝ်တၵ်းၶၢၼ်းမႂ်းဝႆႉ ၵႃႈၼိူဝ်ၶိူင်ႈပိူင်ဢၼ်ၼမ်ၼႃႇဢေႃႈ။ ၶဝ်ႈလႄႈၸၢမ်ႇၸႃးတၢင်းသိူဝ်းပျေႃႇၸဝ်ႈမႂ်းတႃႉ၊ ဝႃႈၼင်ႇၼႆဢေႃႈ။
24ၵေႃႉဢၼ်ၶၢမ်ႇဢဝ်တလၢၼ်ႇတၢၼ်ႇဢၼ်ၼိုင်ႈၼၼ်ႉၵေႃႈ၊ သုတ်ႉၸပ်းသုတ်ႉၸူးသေလႄႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၵဝ်ၶႃႈႁူႉလွင်ႈဢၼ် ၸဝ်ႈႁဝ်းပဵၼ်ၵေႃႉဢၼ် ၸၢင်ႈႁဵတ်းယၢပ်ႇႁဵတ်းယဵၼ်း၊ ၸၢင်ႈပၢတ်ႇဢဝ်ၵႃႈၼႂ်းတီႈဢၼ်တူဝ်ၸဝ်ႈၵဝ်ႇ ဢမ်ႇၽုၵ်ႇဢမ်ႇသွမ်ႈ၊ ၸၢင်ႈၸူႉၸၢင်ႈသိမ်းဢဝ် ၵႃႈၼႂ်းတီႈဢၼ်တူဝ်ၸဝ်ႈၵဝ်ႇ ဢမ်ႇဝၢၼ်ႇဢမ်ႇပိုၼ်ၼၼ်ႉယူႇၶႃႈဢေႃႈ။- 25ပိူဝ်ႈဢၼ်ၵဝ်ၶႃႈၵူဝ်လႄႈ၊ ၵဝ်ၶႃႈဢဝ် တလၢၼ်ႇတၢၼ်ႇၸဝ်ႈႁဝ်းၼၼ်ႉ ၵႂႃႇသိူင်ႇဝႆႉ ၵႃႈၼႂ်းလိၼ်ၶႃႈယဝ်ႉ။ တူၺ်းလူး၊ တေႃႈလဵဝ်ၼႆႉ ဢၼ်ၸဝ်ႈႁဝ်းပိူင်ၼၼ်ႉ မီးယူႇၶႃႈဢေႃႈ၊ ဝႃႈၼင်ႇၼႆဢေႃႈ။- 26ၸဝ်ႈမၼ်းၵေႃႈၶိုၼ်းလၢတ်ႈလႄႈဝႃႈ၊ ၵူၼ်းဢွၼ်ႇဢၼ်ၶၢၼ်ႉဢိူၼ်လႄႈ ႁၢႆႉမိူၵ်ႈၼႆႉဢိူၺ်း၊ မႂ်းႁူႉလွင်ႈဢၼ် ၵဝ်ပဵၼ်ၵေႃႉဢၼ် ၸၢင်ႈပၢတ်ႇဢဝ်ၵႃႈၼႂ်း တီႈဢၼ်ၵဝ်ဢမ်ႇၽုၵ်ႇဢမ်ႇသွမ်ႈလႄႈ ၸၢင်ႈၸူႉၸၢင်ႈသိမ်းဢဝ်ၵႃႈၼႂ်းတီႈဢၼ်ၵဝ် ဢမ်ႇဝၢၼ်ႇဢမ်ႇပိုၼ်ၼၼ်ႉယူႇဢေႃႈ။- 27ပိူဝ်ႈၼႆလႄႈ မႂ်းလီဢဝ်ငိုၼ်းၵဝ်ၼႆႉ ဢၢပ်ႈပၼ်ၵႃႈတီႈၶဝ်ၸိူဝ်းဢၼ် လႅၵ်ႈငိုၼ်းၼၼ်ႉဢေႃႈ။ ပေႃးဢၢပ်ႈပၼ်ၸိူဝ်ႉၼင်ႇၼၼ်ၸိုင်၊ မိူဝ်ႈဢၼ်ၵဝ်ၶိုၼ်းမႃးၼႆႉ တၵ်းလႆႈဢရၢင်းမၼ်းတင်းၶီႈမၼ်းဢေႃႈ။- 28ပိူဝ်ႈၼႆလႄႈ ၼုၵ်ႈဢဝ် တလၢၼ်ႇတၢၼ်ႇဢၼ်ၼိုင်ႈၼႆႉ ၵႃႈတီႈၵေႃႉၼႆႉလႄႈ ပၼ်တီႈၵေႃႉဢၼ်မီး တလၢၼ်ႇတၢၼ်ႇ သိပ်းၼိုင်ႈၼၼ်ႉထႅင်ႈတႃႉ။- 29လွင်ႈမၼ်းၸမ်ႉ ၽူႈလႂ်သေဢမ်ႇဝႃႈ၊ ၵေႃႉဢၼ်ၸၢင်ႈမီးၼၼ်ႉ တီႈၵေႃႉၼၼ်ႉတၵ်းပၼ်ထႅင်ႈလူးၵွၼ်ႇလႄႈ၊ မၼ်းတၵ်းပျေႉၸုမ်ႇလိူင်ႇၸႂ်ဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်ဢမ်ႇၸၢင်ႈမီးၼၼ်ႉ ၵႃႈတီႈၵေႃႉၼၼ်ႉ တၵ်းၼုၵ်ႈဢဝ်ၵႃႈဢၼ်မၼ်းမီးတင်းသဵင်ႈတင်းလူင်ၼၼ်ႉလူးၵွၼ်ႇဢေႃႈ။- 30ဢဝ်ၵူၼ်းဢွၼ်ႇဢၼ်ဢမ်ႇလႆႈလွင်ႈၼႆႉ ႁေႃႈဢွၵ်ႇပႅတ်ႈသေၵႃႈၼွၵ်ႈ ၵႃႈၼႂ်းလပ်းသိင်ႇပုၼ်ႉတႃႉ။ တီႈၼၼ်ႈၸမ်ႉ၊ တၵ်းလႆႈမီးတီႈဢၼ် လႆႈႁႆႈလႆႈႁွင်ႉ၊ တီႈဢၼ်လႆႈၵတ်းၶဵဝ်ႈၵတ်းၽၼ်းဢေႃႈ၊ ဝႃႈၼင်ႇၼႆဢေႃႈ။
တၢင်းဢၼ်ၸီႇယၢင်ႇတြႃး
31မိူဝ်ႈဢၼ်လုၵ်ႈၵူၼ်း ပႃးတင်းမုၼ်ၽုင်းဢႃႇၼူႉၽေႃႇ ဢိၵ်ႇတင်းတမၢၼ်ႇၵၢင်ႁၢဝ်တင်းလၢႆမႃးၼၼ်ႉၸိုင်၊ မၼ်းၸဝ်ႈတၵ်းၼင်ႈၵႃႈၼိူဝ်ပလၢင်ႇမၼ်းၸဝ်ႈဢၼ်မီးမုၼ်ၽုင်းၼၼ်ႉသေလႄႈ၊- 32ႁႂ်ႈၵူၼ်းၵူႈၸိူဝ်ႉၵူႈမဵဝ်း ၸူႉၵၼ်တုမ်ၵၼ်ၵႃႈတီႈၽၢႆႇၼႃႈမၼ်းၸဝ်ႈသေယဝ်ႉ၊ တၵ်းၽႄၶဝ်ဝႆႉ ႁင်းၽႂ်ႁင်းမၼ်း ၸိူဝ်ႉၼင်ႇဢၼ် ၵူၼ်းဢၼ်လဵင်ႉထိင်းသူဝ်းၽႄဢဝ် သူဝ်းတင်းလၢႆၽၢတ်ႇယၢၼ်ၵၼ်တင်းပႄႉတင်းလၢႆၼၼ်ႉလႄႈ၊- 33ဢဝ်သူဝ်းၸိူဝ်းၼၼ်ႉဝႆႉၵႃႈတီႈၽၢႆႇၶႂႃၸဝ်ႈ၊ ဢဝ်ပႄႉၸိူဝ်းၼၼ်ႉဝႆႉၵႃႈတီႈၽၢႆႇသၢႆႉၸဝ်ႈဢေႃႈ။
34မိူဝ်ႈၼၼ်ႉ ၶုၼ်လူင်တၵ်းလၢတ်ႈတီႈၶဝ်ဢၼ်မီးၵႃႈတီႈၽၢႆႇၶႂႃၸဝ်ႈၼၼ်ႉလႄႈဝႃႈ၊ သူၸိူဝ်းဢၼ်ၶၢမ်ႇဢဝ် တၢင်းလီမင်ႇၵလႃႇ ၵႃႈတီႈပေႃႈၵဝ်တင်းလၢႆၼႆႉဢိူၺ်း၊ မႃးလႄႈၶၢမ်ႇဢဝ်ဢမူၺ်ႇ မိူင်းၸဝ်ႈဢၼ်မႄးႁႅၼ်းဝႆႉပုၼ်ႈသူ ၸႃႉၸဵမ်မိူဝ်ႈၵမ်ႇၽႃႇၸႃႉတႄႇၼၼ်ႉတႃႉ။- 35လွင်ႈမၼ်းၸမ်ႉ မိူဝ်ႈဢၼ်ၵဝ်တွင်ႉမႆႈၼၼ်ႉၸိုင်၊ သူလဵင်ႉလူဢေႃႈ။ မိူဝ်ႈဢၼ်ၵဝ်ယၢၵ်ႇၼမ်ႉၼၼ်ႉၸိုင်၊ သူပၼ်ၵိၼ်ဢေႃႈ။ မိူဝ်ႈဢၼ်ၵဝ်ပဵၼ်ၶႅၵ်ႇၼၼ်ႉၸိုင်၊ သူႁဵတ်းဝၢတ်ႈၶႅၵ်ႇဢေႃႈ။- 36မိူဝ်ႈဢၼ်ၵဝ်ဢမ်ႇမီးၶူဝ်းၼုင်ႈၼၼ်ႉၸိုင်၊ သူပၼ်ၼုင်ႈဢေႃႈ။ မိူဝ်ႈဢၼ်ၵဝ်မီးတၢင်းၶႆႈတၢင်းပဵၼ်ၼၼ်ႉၸိုင်၊ သူလူတူၺ်းဢေႃႈ။ မိူဝ်ႈဢၼ်ၵဝ်မီးၼႂ်းထွင်ႇၼၼ်ႉၸိုင်၊ သူမႃးတီႈၵဝ်ဢေႃႈ။ မိူဝ်ႈဢၼ်မၼ်းၸဝ်ႈ၊ ဝႃႈၼင်ႇၼႆၸိုင်၊- 37ၶဝ်ၸိူဝ်းဢၼ်သိုဝ်ႈတေႃႇတင်းလၢႆၼၼ်ႉ တၵ်းၶိုၼ်းလဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းတွင်ႉမႆႈလႄႈ ႁဵတ်းလဵင်ႉႁဵတ်းလူတီႈၸဝ်ႈႁဝ်းၶႃႈ။ ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းယၢၵ်ႇၼမ်ႉလႄႈ ပၼ်ၵိၼ်တီႈၸဝ်ႈႁဝ်းၶႃႈ။- 38ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းပဵၼ်ၶႅၵ်ႇလႄႈ ႁဵတ်းဝၢတ်ႈၶႅၵ်ႇတီႈၸဝ်ႈႁဝ်းၶႃႈ။ ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းဢမ်ႇမီးၶူဝ်းၼုင်ႈလႄႈ ပၼ်ၼုင်ႈတီႈၸဝ်ႈႁဝ်းၶႃႈ။- 39ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းမီးတၢင်းၶႆႈတၢင်းပဵၼ်လႂ်၊ ၸဝ်ႈႁဝ်းမီးၼႂ်းထွင်ႇလႂ်လႄႈ မႃးတီႈၸဝ်ႈႁဝ်းၶႃႈ၊ ဝႃႈၼင်ႇၼႆယဝ်ႉၸင်ႇ၊- 40ၶုၼ်လူင်ၵေႃႈ တၵ်းၶိုၼ်းလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵႃႈဢၼ်သူႁဵတ်းတီႈသေၵေႃႉသေၵူၼ်း ဢၼ်လဵၵ်ႉသေပိူၼ်ႈၼႂ်းၼွင်ႉၵဝ်ၸိူဝ်းၼၼ်ႉၸိုင်၊ သူႁဵတ်းတီႈၵဝ်ယဝ်ႉ၊ ဝႃႈၼင်ႇၼႆဢေႃႈ။
41မိူဝ်ႈၼၼ်ႉ ၶုၼ်လူင်တၵ်းလၢတ်ႈတီႈၶဝ်ၸိူဝ်းဢၼ်မီးၵႃႈတီႈၽၢႆႇသၢႆႉမၼ်းၸဝ်ႈၼၼ်ႉလႄႈဝႃႈ၊ သူၸိူဝ်းဢၼ်လႆႈၶၢမ်ႇတၢင်းၵိၼ်ႇတၢင်းဝႃတင်းလၢႆၼႆႉဢိူၺ်း၊ ဢွၵ်ႇသေၵႃႈတီႈၵဝ်လႄႈ ၵႂႃႇၵႃႈၼႂ်းၽႆးထႃႇဝရႃႉ ဢၼ်မႄးႁႅၼ်းဝႆႉ ပုၼ်ႈမႃႇၼၢတ်ႈ ဢိၵ်ႇတင်းတမၢၼ်ႇမၼ်းတင်းလၢႆၼၼ်ႉတႃႉ။- 42လွင်ႈမၼ်းၸမ်ႉ မိူဝ်ႈဢၼ်ၵဝ်တွင်ႉမႆႈၼၼ်ႉၸိုင်၊ သူဢမ်ႇလဵင်ႉဢမ်ႇလူ။ မိူဝ်ႈဢၼ်ၵဝ်ယၢၵ်ႇၼမ်ႉၼၼ်ႉၸိုင်၊ သူဢမ်ႇပၼ်ၵိၼ်။- 43မိူဝ်ႈဢၼ်ၵဝ်ပဵၼ်ၶႅၵ်ႇၼၼ်ႉၸိုင်၊ သူဢမ်ႇႁဵတ်းဝၢတ်ႈၶႅၵ်ႇ။ မိူဝ်ႈဢၼ်ၵဝ်ဢမ်ႇမီးၶူဝ်းၼုင်ႈၼၼ်ႉၸိုင်၊ သူဢမ်ႇပၼ်ၼုင်ႈ။ မိူဝ်ႈဢၼ်ၵဝ်မီးတၢင်းၶႆႈတၢင်းပဵၼ်ၼၼ်ႉလႄႈသင်၊ မိူဝ်ႈဢၼ်ၵဝ်မီးၼႂ်းထွင်ႇၼၼ်ႉလႄႈသင် သူဢမ်ႇလူဢမ်ႇတူၺ်း။ မိူဝ်ႈဢၼ်မၼ်းၸဝ်ႈ၊ ဝႃႈၼင်ႇၼႆၸိုင်၊- 44ၶဝ်ၼၼ်ႉၵေႃႈ တၵ်းၶိုၼ်းလဝ်ႊလၢတ်ႈလႄႈဝႃႈ၊ ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ် တၢင်းဢၼ်ၸဝ်ႈႁဝ်းတွင်ႉမႆႈ၊ တၢင်းဢၼ်ၸဝ်ႈႁဝ်းယၢၵ်ႇၼမ်ႉ၊ တၢင်းဢၼ်ၸဝ်ႈႁဝ်းပဵၼ်ၶႅၵ်ႇ၊ တၢင်းဢၼ်ၸဝ်ႈႁဝ်းဢမ်ႇမီးၶူဝ်းၼုင်ႈ၊ တၢင်းဢၼ်ၸဝ်ႈႁဝ်းမီးတၢင်းၶႆႈတၢင်းပဵၼ်၊ တၢင်းဢၼ်ၸဝ်ႈႁဝ်းမီးၼႂ်းထွင်ႇၸိူဝ်းၼၼ်ႉလႄႈ ဢမ်ႇႁဵတ်းလဵင်ႉႁဵတ်းလူတီႈၸဝ်ႈႁဝ်းၶႃႈ၊ ဝႃႈၼင်ႇၼႆယဝ်ႉၸင်ႇ၊- 45မၼ်းၸဝ်ႈၵေႃႈ တၵ်းၶိုၼ်းလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵႃႈဢၼ်သူဢမ်ႇႁဵတ်းတီႈၵေႃႉဢၼ် လဵၵ်ႉသေပိူၼ်ႈၼႂ်းၶဝ်ၸိူဝ်းၼႆႉၼၼ်ႉၸိုင်၊ သူဢမ်ႇႁဵတ်းတီႈၵဝ်ယဝ်ႉ၊ ဝႃႈၼင်ႇၼႆဢေႃႈ။- 46ၶဝ်ၼၼ်ႉ တၵ်းလႆႈၵႂႃႇၵႃႈတီႈဢၼ် လႆႈၶၢမ်ႇဢပႅတ်ႈတၢမ်ႇ ထႃႇဝရႃႉပုၼ်ႉဢေႃႈ။ ၶဝ်ၸိူဝ်းဢၼ်သိုဝ်ႈတေႃႇၼၼ်ႉၸမ်ႉ၊ တၵ်းလႆႈၵႂႃႇၵႃႈတီႈဢၼ်ထႃႇဝရႃႉဢသၢၵ်ႈလိပ်းပုၼ်ႉဢေႃႈ၊ ဝႃႈၼင်ႇၼႆဢေႃႈ။
Currently Selected:
မၢတ်ႈထႄႇ 25: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
မၢတ်ႈထႄႇ 25
25
ၵႂၢမ်းဢူႉပမႃႇလုၵ်ႈယိင်းသၢဝ်သိပ်းၵေႃႉ
1မိူဝ်ႈၼၼ်ႉ မိူင်းၵၢင်ႁၢဝ်ၸဝ်ႈၸမ်ႉ၊ မိူၼ်ၸိူဝ်ႉၼင်ႇလုၵ်ႈယိင်းသၢဝ်သိပ်းၼိုင်ႈ၊ ဢၼ်ယိပ်းၵမ်ဢဝ်ဝၢၼ်ႇၽႆးတဵၼ်းသေလႄႈ ဢွၵ်ႇၵႂႃႇႁႂ်ႈလႆႈႁပ်ႉႁူဝ်တၢင်း ၵူၼ်းသွင်ႇမင်ႇၵလႃႇၼၼ်ႉဢေႃႈ။- 2ၼႂ်းလုၵ်ႈယိင်းသၢဝ်ၸိူဝ်းၼၼ်ႉ၊ ႁႃႈၵေႃႉပဵၼ်ဢၼ်မိူၵ်ႈဢေႃႈ။ ႁႃႈၵေႃႉၸမ်ႉ၊ မီးပိင်ႇၺႃႇသတီႉဢေႃႈ။- 3ၶဝ်ၸိူဝ်းဢၼ်မိူၵ်ႈၼၼ်ႉ၊ ဢဝ်ဝၢၼ်ႇၽႆးတဵၼ်းၵူၺ်းလႄႈ ဢမ်ႇပႃးၼမ်ႉမၼ်း။- 4ၶဝ်ၸိူဝ်းဢၼ်မီးပိင်ႇၺႃႇသတီႉၼၼ်ႉၸမ်ႉ၊ ဢဝ်ဝၢၼ်ႇၽႆးတဵၼ်းဢိၵ်ႇတင်းၼမ်ႉမၼ်းၵႃႈတီႈၼႂ်းမူၵ်ႇဢေႃႈ။- 5ၼႂ်းမိူဝ်ႈဢၼ်ၵူၼ်းသွင်ႇမင်ႇၵလႃႇၼၼ်ႉ ၼၢၼ်းမႃးလႄႈယူႇၼၼ်ႉၸိုင်၊ ၶဝ်တင်းသဵင်ႈတင်းလူင်ၸိူဝ်းၼၼ်ႉ ငဝ်ၼွၼ်းလႄႈလပ်းၵႂႃႇဢေႃႈ။
6ၼႂ်းၶိင်ႇတဵင်ႈၶိုၼ်း မီးသဵင်ဢၼ်ႁွင်ႉသႅၼ်ႇလႄႈဝႃႈ၊ တူၺ်းလူး၊ ၵူၼ်းသွင်ႇမင်ႇၵလႃႇမႃးယဝ်ႉ။ ဢွၵ်ႇၵႂႃႇႁႂ်ႈလႆႈႁပ်ႉႁူဝ်တၢင်းမၼ်းတႃႉ၊ ဝႃႈၼင်ႇၼႆယဝ်ႉၸင်ႇ၊- 7လုၵ်ႈယိင်းသၢဝ်တင်းသဵင်ႈတင်းလူင်ၸိူဝ်းၼၼ်ႉ လုၵ်ႉလႄႈ မႄးႁႅၼ်းဝၢၼ်ႇၽႆးတဵၼ်းၶဝ်ဢေႃႈ။- 8ၶဝ်ၸိူဝ်းဢၼ်မိူၵ်ႈၼၼ်ႉ ယွၼ်းတီႈၶဝ်ၸိူဝ်းဢၼ်မီးပိင်ႇၺႃႇသတီႉၼၼ်ႉလႄႈဝႃႈ၊ ၽႆးတဵၼ်းႁဝ်းမွတ်ႇၵႂႃႇယဝ်ႉ။ ပၼ်ၼမ်ႉမၼ်းသူသေဢိတ်း၊ ဝႃႈၼင်ႇၼႆဢေႃႈ။- 9ၶဝ်ၸိူဝ်းဢၼ်မီးပိင်ႇၺႃႇသတီႉၼၼ်ႉၵေႃႈၶိုၼ်းလၢတ်ႈလႄႈဝႃႈ၊ ဢမ်ႇၸႂ်ႈၵူၺ်ႉ၊ ၼမ်ႉမၼ်းဢမ်ႇပေႃးဢမ်ႇၵုမ်ႇပုၼ်ႈသူ ဢိၵ်ႇတင်းပုၼ်ႈႁဝ်း။ ပိူဝ်ႈၼႆလႄႈ ပေႃးသူၵႂႃႇၵႃႈတီႈၶဝ်ၸိူဝ်းဢၼ်ၶၢႆၼမ်ႉမၼ်းၼၼ်ႉလႄႈ သိုဝ်ႉဢဝ်ပုၼ်ႈသူၸိုင်၊ ယဵင်ႈၶႅၼ်းတၵ်းလီဢေႃႈ၊ ဝႃႈၼင်ႇၼႆဢေႃႈ။- 10ၼႂ်းမိူဝ်ႈဢၼ်ၶဝ်ၵႂႃႇႁႂ်ႈလႆႈသိုဝ်ႉၼမ်ႉမၼ်းယူႇၼၼ်ႉၸိုင်၊ ၵူၼ်းသွင်ႇမင်ႇၵလႃႇၼၼ်ႉႁွတ်ႈမႃးလႄႈ လုၵ်ႈယိင်းသၢဝ် ဢၼ်မႄးႁႅၼ်းဝႆႉလီလီငၢမ်းငၢမ်းၸိူဝ်းၼၼ်ႉ ၶဝ်ႈပွႆးလူၺ်ႈၵၼ်တင်းမၼ်းယဝ်ႉၸင်ႇ၊ ဢိုတ်းၽၵ်းတူဝႆႉသေဢေႃႈ။- 11လိုၼ်းၼၼ်ႉလုၵ်ႈယိင်းသၢဝ် ဢၼ်ၵိုတ်းဝႆႉၸိူဝ်းၼၼ်ႉမႃးလႄႈလဝ်ႊလၢတ်ႈဝႃႈ၊ ၸဝ်ႈႁဝ်း၊ ၸဝ်ႈႁဝ်း ၽုၺ်ႇၽၵ်းတူပၼ်တီႈႁဝ်းၶႃႈသေၵမ်းၶႃႈ၊ မိူဝ်ႈဢၼ်ဝႃႈၼင်ႇၼႆၸိုင်၊- 12မၼ်းၵေႃႈၶိုၼ်းလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵဝ်ဢမ်ႇႁူႉၸၵ်းသူ၊ ဝႃႈၼင်ႇၼႆဢေႃႈ။- 13ၵွပ်ႈႁွႆးၼႆႉ ပိူဝ်ႈဢၼ်သူဢမ်ႇႁူႉၶိင်ႇဝၼ်းၼႃႇရီႇလႄႈ ပႂ်ႉထႃႈယူႇတႃႉ။
ၵႂၢမ်းဢူႉပမႃႇၶႃႈၵူၼ်းၸႂ်ႉသၢမ်ၵေႃႉ
(တူၺ်း၊ လူႉ 19:11-27)
14ဢူႉပမႃႇၸမ်ႉ၊ ၵူၼ်းၵေႃႉၼိုင်ႈ တၵ်းၵႂႃႇတၢင်ႇဝၢၼ်ႈတၢင်ႇမိူင်းဝႃႈၼႆ၊ ႁွင်ႉဢဝ်ၵူၼ်းဢွၼ်ႇမၼ်းတင်းလၢႆသေလႄႈ ဢဝ်ဢုၵ်ႉၸႃႇၶူဝ်းလဵင်းမၼ်း ဢၢပ်ႈပၼ်ဝႆႉဢေႃႈ။- 15ၸွမ်းၼင်ႇဢၼ် ၶဝ်မီးၺၢၼ်ႇႁင်းၽႂ်ႁင်းမၼ်းၼၼ်ႉ မၼ်းဢၢပ်ႈပၼ်တီႈၵေႃႉၼိုင်ႈ ငိုၼ်းတလၢၼ်ႇတၢၼ်ႇႁႃႈဢၼ်၊ တီႈၵေႃႉၼိုင်ႈ တလၢၼ်ႇတၢၼ်ႇသွင်ဢၼ်၊ တီႈၵေႃႉၼိုင်ႈ တလၢၼ်ႇတၢၼ်ႇဢၼ်ၼိုင်ႈယဝ်ႉၸင်ႇ၊ ဢွၵ်ႇၵႂႃႇသေၵမ်းလဵဝ်ဢေႃႈ။- 16ၵေႃႉဢၼ် ၶၢမ်ႇဢဝ်တလၢၼ်ႇတၢၼ်ႇႁႃႈဢၼ်ၼၼ်ႉ ၵႂႃႇႁဵတ်းတၢင်းၵႃႉတၢင်းၶၢႆလႄႈ လႆႈဢမျၢတ်ႈမၼ်း တလၢၼ်ႇတၢၼ်ႇ တၢင်ႇတီႈတၢင်ႇဢၼ် ႁႃႈဢၼ်ဢေႃႈ။- 17မိူၼ်ၼင်ႇၼၼ် ၵေႃႉဢၼ် ၶၢမ်ႇဢဝ်တလၢၼ်ႇတၢၼ်ႇသွင်ဢၼ်ၼၼ်ႉၵေႃႈ၊ လႆႈဢမျၢတ်ႈမၼ်း တလၢၼ်ႇတၢၼ်ႇ တၢင်ႇတီႈတၢင်ႇဢၼ် သွင်ဢၼ်ဢေႃႈ။- 18ၵေႃႉဢၼ် ၶၢမ်ႇဢဝ်တလၢၼ်ႇတၢၼ်ႇဢၼ်ၼိုင်ႈၼၼ်ႉၸမ်ႉ၊ ၵႂႃႇလႄႈၶုတ်းၶုမ်ၼႂ်းလိၼ်ယဝ်ႉၸင်ႇ၊ ဢဝ်ငိုၼ်းၸဝ်ႈမၼ်းၼၼ်ႉ သိူင်ႇဝႆႉဢေႃႈ။
19ၶိင်ႇၵႃႇလႃႉႁိုင်ယဝ်ႉၸင်ႇ၊ ၸဝ်ႈၵူၼ်းဢွၼ်ႇတင်းလၢႆၼၼ်ႉ ႁွတ်ႈမႃးလႄႈ ဢဝ်ၸရၢင်းၶဝ်ဢေႃႈ။- 20ၵေႃႉဢၼ်ၶၢမ်ႇဢဝ်တလၢၼ်ႇတၢၼ်ႇႁႃႈဢၼ်ၼၼ်ႉ သုတ်ႉၸပ်းသုတ်ႉၸူးလႄႈ ဢဝ်တလၢၼ်ႇတၢၼ်ႇ တၢင်ႇတီႈႁႃႈဢၼ်ၼၼ်ႉ သၢၵ်ႈပၼ်သေလႄႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၸဝ်ႈႁဝ်းဢၢပ်ႈပၼ်တီႈၵဝ်ၶႃႈ တလၢၼ်ႇတၢၼ်ႇ ႁႃႈဢၼ်ၶႃႈဢေႃႈ။ တူၺ်းလူး၊ ၵဝ်ၶႃႈလႆႈဢမျၢတ်ႈမၼ်း တလၢၼ်ႇတၢၼ်ႇ တၢင်ႇတီႈတၢင်ႇဢၼ် ႁႃႈဢၼ်ၶႃႈယဝ်ႉ၊ ဝႃႈၼင်ႇၼႆဢေႃႈ။- 21ၸဝ်ႈမၼ်းၵေႃႈလၢတ်ႈလႄႈဝႃႈ၊ လီယဝ်ႉ။ ၵူၼ်းဢွၼ်ႇဢၼ်လီလႄႈမီးသဵတ်ႈၸႃႇၼႆႉဢိူၺ်း၊ မႂ်းၼႆႉ ႁဵတ်းသဵတ်ႈၸႃႇၵႃႈတီႈၶိူင်ႈပိူင်ဢၼ်လဵၵ်ႉဢၼ်ၵေႇၼႆႉယဝ်ႉ။ ၵဝ်တၵ်းၶၢၼ်းမႂ်းဝႆႉ ၵႃႈၼိူဝ်ၶိူင်ႈပိူင်ဢၼ်ၼမ်ၼႃႇဢေႃႈ။ ၶဝ်ႈလႄႈၸၢမ်ႇၸႃးတၢင်းသိူဝ်းပျေႃႇၸဝ်ႈမႂ်းတႃႉ၊ ဝႃႈၼင်ႇၼႆဢေႃႈ။- 22ၵေႃႉဢၼ်ၶၢမ်ႇဢဝ်တလၢၼ်ႇတၢၼ်ႇသွင်ဢၼ်ၼၼ်ႉၵေႃႈ၊ သုတ်ႉၸပ်းသုတ်ႉၸူးသေလႄႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၸဝ်ႈႁဝ်းဢၢပ်ႈပၼ်တီႈၵဝ်ၶႃႈ တလၢၼ်ႇတၢၼ်ႇ သွင်ဢၼ်ၶႃႈဢေႃႈ။ တူၺ်းလူး၊ ၵဝ်ၶႃႈလႆႈဢမျၢတ်ႈမၼ်း တလၢၼ်ႇတၢၼ်ႇ တၢင်ႇတီႈတၢင်ႇဢၼ် သွင်ဢၼ်ၶႃႈယဝ်ႉ၊ ဝႃႈၼင်ႇၼႆဢေႃႈ။- 23ၸဝ်ႈမၼ်းၵေႃႈလၢတ်ႈလႄႈဝႃႈ၊ လီယဝ်ႉ။ ၵူၼ်းဢွၼ်ႇဢၼ်လီလႄႈမီးသဵတ်ႈၸႃႇၼႆႉဢိူၺ်း၊ မႂ်းၼႆႉႁဵတ်းသဵတ်ႈၸႃႇ ၵႃႈတီႈၶိူင်ႈပိူင်ဢၼ်လဵၵ်ႉဢၼ်ၵေႇၼႆႉယဝ်ႉ။ ၵဝ်တၵ်းၶၢၼ်းမႂ်းဝႆႉ ၵႃႈၼိူဝ်ၶိူင်ႈပိူင်ဢၼ်ၼမ်ၼႃႇဢေႃႈ။ ၶဝ်ႈလႄႈၸၢမ်ႇၸႃးတၢင်းသိူဝ်းပျေႃႇၸဝ်ႈမႂ်းတႃႉ၊ ဝႃႈၼင်ႇၼႆဢေႃႈ။
24ၵေႃႉဢၼ်ၶၢမ်ႇဢဝ်တလၢၼ်ႇတၢၼ်ႇဢၼ်ၼိုင်ႈၼၼ်ႉၵေႃႈ၊ သုတ်ႉၸပ်းသုတ်ႉၸူးသေလႄႈ လဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၵဝ်ၶႃႈႁူႉလွင်ႈဢၼ် ၸဝ်ႈႁဝ်းပဵၼ်ၵေႃႉဢၼ် ၸၢင်ႈႁဵတ်းယၢပ်ႇႁဵတ်းယဵၼ်း၊ ၸၢင်ႈပၢတ်ႇဢဝ်ၵႃႈၼႂ်းတီႈဢၼ်တူဝ်ၸဝ်ႈၵဝ်ႇ ဢမ်ႇၽုၵ်ႇဢမ်ႇသွမ်ႈ၊ ၸၢင်ႈၸူႉၸၢင်ႈသိမ်းဢဝ် ၵႃႈၼႂ်းတီႈဢၼ်တူဝ်ၸဝ်ႈၵဝ်ႇ ဢမ်ႇဝၢၼ်ႇဢမ်ႇပိုၼ်ၼၼ်ႉယူႇၶႃႈဢေႃႈ။- 25ပိူဝ်ႈဢၼ်ၵဝ်ၶႃႈၵူဝ်လႄႈ၊ ၵဝ်ၶႃႈဢဝ် တလၢၼ်ႇတၢၼ်ႇၸဝ်ႈႁဝ်းၼၼ်ႉ ၵႂႃႇသိူင်ႇဝႆႉ ၵႃႈၼႂ်းလိၼ်ၶႃႈယဝ်ႉ။ တူၺ်းလူး၊ တေႃႈလဵဝ်ၼႆႉ ဢၼ်ၸဝ်ႈႁဝ်းပိူင်ၼၼ်ႉ မီးယူႇၶႃႈဢေႃႈ၊ ဝႃႈၼင်ႇၼႆဢေႃႈ။- 26ၸဝ်ႈမၼ်းၵေႃႈၶိုၼ်းလၢတ်ႈလႄႈဝႃႈ၊ ၵူၼ်းဢွၼ်ႇဢၼ်ၶၢၼ်ႉဢိူၼ်လႄႈ ႁၢႆႉမိူၵ်ႈၼႆႉဢိူၺ်း၊ မႂ်းႁူႉလွင်ႈဢၼ် ၵဝ်ပဵၼ်ၵေႃႉဢၼ် ၸၢင်ႈပၢတ်ႇဢဝ်ၵႃႈၼႂ်း တီႈဢၼ်ၵဝ်ဢမ်ႇၽုၵ်ႇဢမ်ႇသွမ်ႈလႄႈ ၸၢင်ႈၸူႉၸၢင်ႈသိမ်းဢဝ်ၵႃႈၼႂ်းတီႈဢၼ်ၵဝ် ဢမ်ႇဝၢၼ်ႇဢမ်ႇပိုၼ်ၼၼ်ႉယူႇဢေႃႈ။- 27ပိူဝ်ႈၼႆလႄႈ မႂ်းလီဢဝ်ငိုၼ်းၵဝ်ၼႆႉ ဢၢပ်ႈပၼ်ၵႃႈတီႈၶဝ်ၸိူဝ်းဢၼ် လႅၵ်ႈငိုၼ်းၼၼ်ႉဢေႃႈ။ ပေႃးဢၢပ်ႈပၼ်ၸိူဝ်ႉၼင်ႇၼၼ်ၸိုင်၊ မိူဝ်ႈဢၼ်ၵဝ်ၶိုၼ်းမႃးၼႆႉ တၵ်းလႆႈဢရၢင်းမၼ်းတင်းၶီႈမၼ်းဢေႃႈ။- 28ပိူဝ်ႈၼႆလႄႈ ၼုၵ်ႈဢဝ် တလၢၼ်ႇတၢၼ်ႇဢၼ်ၼိုင်ႈၼႆႉ ၵႃႈတီႈၵေႃႉၼႆႉလႄႈ ပၼ်တီႈၵေႃႉဢၼ်မီး တလၢၼ်ႇတၢၼ်ႇ သိပ်းၼိုင်ႈၼၼ်ႉထႅင်ႈတႃႉ။- 29လွင်ႈမၼ်းၸမ်ႉ ၽူႈလႂ်သေဢမ်ႇဝႃႈ၊ ၵေႃႉဢၼ်ၸၢင်ႈမီးၼၼ်ႉ တီႈၵေႃႉၼၼ်ႉတၵ်းပၼ်ထႅင်ႈလူးၵွၼ်ႇလႄႈ၊ မၼ်းတၵ်းပျေႉၸုမ်ႇလိူင်ႇၸႂ်ဢေႃႈ။ ၽူႈလႂ်သေဢမ်ႇဝႃႈ၊ ၵေႃႉဢၼ်ဢမ်ႇၸၢင်ႈမီးၼၼ်ႉ ၵႃႈတီႈၵေႃႉၼၼ်ႉ တၵ်းၼုၵ်ႈဢဝ်ၵႃႈဢၼ်မၼ်းမီးတင်းသဵင်ႈတင်းလူင်ၼၼ်ႉလူးၵွၼ်ႇဢေႃႈ။- 30ဢဝ်ၵူၼ်းဢွၼ်ႇဢၼ်ဢမ်ႇလႆႈလွင်ႈၼႆႉ ႁေႃႈဢွၵ်ႇပႅတ်ႈသေၵႃႈၼွၵ်ႈ ၵႃႈၼႂ်းလပ်းသိင်ႇပုၼ်ႉတႃႉ။ တီႈၼၼ်ႈၸမ်ႉ၊ တၵ်းလႆႈမီးတီႈဢၼ် လႆႈႁႆႈလႆႈႁွင်ႉ၊ တီႈဢၼ်လႆႈၵတ်းၶဵဝ်ႈၵတ်းၽၼ်းဢေႃႈ၊ ဝႃႈၼင်ႇၼႆဢေႃႈ။
တၢင်းဢၼ်ၸီႇယၢင်ႇတြႃး
31မိူဝ်ႈဢၼ်လုၵ်ႈၵူၼ်း ပႃးတင်းမုၼ်ၽုင်းဢႃႇၼူႉၽေႃႇ ဢိၵ်ႇတင်းတမၢၼ်ႇၵၢင်ႁၢဝ်တင်းလၢႆမႃးၼၼ်ႉၸိုင်၊ မၼ်းၸဝ်ႈတၵ်းၼင်ႈၵႃႈၼိူဝ်ပလၢင်ႇမၼ်းၸဝ်ႈဢၼ်မီးမုၼ်ၽုင်းၼၼ်ႉသေလႄႈ၊- 32ႁႂ်ႈၵူၼ်းၵူႈၸိူဝ်ႉၵူႈမဵဝ်း ၸူႉၵၼ်တုမ်ၵၼ်ၵႃႈတီႈၽၢႆႇၼႃႈမၼ်းၸဝ်ႈသေယဝ်ႉ၊ တၵ်းၽႄၶဝ်ဝႆႉ ႁင်းၽႂ်ႁင်းမၼ်း ၸိူဝ်ႉၼင်ႇဢၼ် ၵူၼ်းဢၼ်လဵင်ႉထိင်းသူဝ်းၽႄဢဝ် သူဝ်းတင်းလၢႆၽၢတ်ႇယၢၼ်ၵၼ်တင်းပႄႉတင်းလၢႆၼၼ်ႉလႄႈ၊- 33ဢဝ်သူဝ်းၸိူဝ်းၼၼ်ႉဝႆႉၵႃႈတီႈၽၢႆႇၶႂႃၸဝ်ႈ၊ ဢဝ်ပႄႉၸိူဝ်းၼၼ်ႉဝႆႉၵႃႈတီႈၽၢႆႇသၢႆႉၸဝ်ႈဢေႃႈ။
34မိူဝ်ႈၼၼ်ႉ ၶုၼ်လူင်တၵ်းလၢတ်ႈတီႈၶဝ်ဢၼ်မီးၵႃႈတီႈၽၢႆႇၶႂႃၸဝ်ႈၼၼ်ႉလႄႈဝႃႈ၊ သူၸိူဝ်းဢၼ်ၶၢမ်ႇဢဝ် တၢင်းလီမင်ႇၵလႃႇ ၵႃႈတီႈပေႃႈၵဝ်တင်းလၢႆၼႆႉဢိူၺ်း၊ မႃးလႄႈၶၢမ်ႇဢဝ်ဢမူၺ်ႇ မိူင်းၸဝ်ႈဢၼ်မႄးႁႅၼ်းဝႆႉပုၼ်ႈသူ ၸႃႉၸဵမ်မိူဝ်ႈၵမ်ႇၽႃႇၸႃႉတႄႇၼၼ်ႉတႃႉ။- 35လွင်ႈမၼ်းၸမ်ႉ မိူဝ်ႈဢၼ်ၵဝ်တွင်ႉမႆႈၼၼ်ႉၸိုင်၊ သူလဵင်ႉလူဢေႃႈ။ မိူဝ်ႈဢၼ်ၵဝ်ယၢၵ်ႇၼမ်ႉၼၼ်ႉၸိုင်၊ သူပၼ်ၵိၼ်ဢေႃႈ။ မိူဝ်ႈဢၼ်ၵဝ်ပဵၼ်ၶႅၵ်ႇၼၼ်ႉၸိုင်၊ သူႁဵတ်းဝၢတ်ႈၶႅၵ်ႇဢေႃႈ။- 36မိူဝ်ႈဢၼ်ၵဝ်ဢမ်ႇမီးၶူဝ်းၼုင်ႈၼၼ်ႉၸိုင်၊ သူပၼ်ၼုင်ႈဢေႃႈ။ မိူဝ်ႈဢၼ်ၵဝ်မီးတၢင်းၶႆႈတၢင်းပဵၼ်ၼၼ်ႉၸိုင်၊ သူလူတူၺ်းဢေႃႈ။ မိူဝ်ႈဢၼ်ၵဝ်မီးၼႂ်းထွင်ႇၼၼ်ႉၸိုင်၊ သူမႃးတီႈၵဝ်ဢေႃႈ။ မိူဝ်ႈဢၼ်မၼ်းၸဝ်ႈ၊ ဝႃႈၼင်ႇၼႆၸိုင်၊- 37ၶဝ်ၸိူဝ်းဢၼ်သိုဝ်ႈတေႃႇတင်းလၢႆၼၼ်ႉ တၵ်းၶိုၼ်းလဝ်ႊလၢတ်ႈလႄႈဝႃႈ၊ ၸဝ်ႈႁဝ်း၊ ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းတွင်ႉမႆႈလႄႈ ႁဵတ်းလဵင်ႉႁဵတ်းလူတီႈၸဝ်ႈႁဝ်းၶႃႈ။ ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းယၢၵ်ႇၼမ်ႉလႄႈ ပၼ်ၵိၼ်တီႈၸဝ်ႈႁဝ်းၶႃႈ။- 38ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းပဵၼ်ၶႅၵ်ႇလႄႈ ႁဵတ်းဝၢတ်ႈၶႅၵ်ႇတီႈၸဝ်ႈႁဝ်းၶႃႈ။ ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းဢမ်ႇမီးၶူဝ်းၼုင်ႈလႄႈ ပၼ်ၼုင်ႈတီႈၸဝ်ႈႁဝ်းၶႃႈ။- 39ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ်ၸဝ်ႈႁဝ်းမီးတၢင်းၶႆႈတၢင်းပဵၼ်လႂ်၊ ၸဝ်ႈႁဝ်းမီးၼႂ်းထွင်ႇလႂ်လႄႈ မႃးတီႈၸဝ်ႈႁဝ်းၶႃႈ၊ ဝႃႈၼင်ႇၼႆယဝ်ႉၸင်ႇ၊- 40ၶုၼ်လူင်ၵေႃႈ တၵ်းၶိုၼ်းလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵႃႈဢၼ်သူႁဵတ်းတီႈသေၵေႃႉသေၵူၼ်း ဢၼ်လဵၵ်ႉသေပိူၼ်ႈၼႂ်းၼွင်ႉၵဝ်ၸိူဝ်းၼၼ်ႉၸိုင်၊ သူႁဵတ်းတီႈၵဝ်ယဝ်ႉ၊ ဝႃႈၼင်ႇၼႆဢေႃႈ။
41မိူဝ်ႈၼၼ်ႉ ၶုၼ်လူင်တၵ်းလၢတ်ႈတီႈၶဝ်ၸိူဝ်းဢၼ်မီးၵႃႈတီႈၽၢႆႇသၢႆႉမၼ်းၸဝ်ႈၼၼ်ႉလႄႈဝႃႈ၊ သူၸိူဝ်းဢၼ်လႆႈၶၢမ်ႇတၢင်းၵိၼ်ႇတၢင်းဝႃတင်းလၢႆၼႆႉဢိူၺ်း၊ ဢွၵ်ႇသေၵႃႈတီႈၵဝ်လႄႈ ၵႂႃႇၵႃႈၼႂ်းၽႆးထႃႇဝရႃႉ ဢၼ်မႄးႁႅၼ်းဝႆႉ ပုၼ်ႈမႃႇၼၢတ်ႈ ဢိၵ်ႇတင်းတမၢၼ်ႇမၼ်းတင်းလၢႆၼၼ်ႉတႃႉ။- 42လွင်ႈမၼ်းၸမ်ႉ မိူဝ်ႈဢၼ်ၵဝ်တွင်ႉမႆႈၼၼ်ႉၸိုင်၊ သူဢမ်ႇလဵင်ႉဢမ်ႇလူ။ မိူဝ်ႈဢၼ်ၵဝ်ယၢၵ်ႇၼမ်ႉၼၼ်ႉၸိုင်၊ သူဢမ်ႇပၼ်ၵိၼ်။- 43မိူဝ်ႈဢၼ်ၵဝ်ပဵၼ်ၶႅၵ်ႇၼၼ်ႉၸိုင်၊ သူဢမ်ႇႁဵတ်းဝၢတ်ႈၶႅၵ်ႇ။ မိူဝ်ႈဢၼ်ၵဝ်ဢမ်ႇမီးၶူဝ်းၼုင်ႈၼၼ်ႉၸိုင်၊ သူဢမ်ႇပၼ်ၼုင်ႈ။ မိူဝ်ႈဢၼ်ၵဝ်မီးတၢင်းၶႆႈတၢင်းပဵၼ်ၼၼ်ႉလႄႈသင်၊ မိူဝ်ႈဢၼ်ၵဝ်မီးၼႂ်းထွင်ႇၼၼ်ႉလႄႈသင် သူဢမ်ႇလူဢမ်ႇတူၺ်း။ မိူဝ်ႈဢၼ်မၼ်းၸဝ်ႈ၊ ဝႃႈၼင်ႇၼႆၸိုင်၊- 44ၶဝ်ၼၼ်ႉၵေႃႈ တၵ်းၶိုၼ်းလဝ်ႊလၢတ်ႈလႄႈဝႃႈ၊ ၼႂ်းၶိင်ႇမိူဝ်ႈလႂ်ၼၼ်ႉ ႁဝ်းၶႃႈႁၼ် တၢင်းဢၼ်ၸဝ်ႈႁဝ်းတွင်ႉမႆႈ၊ တၢင်းဢၼ်ၸဝ်ႈႁဝ်းယၢၵ်ႇၼမ်ႉ၊ တၢင်းဢၼ်ၸဝ်ႈႁဝ်းပဵၼ်ၶႅၵ်ႇ၊ တၢင်းဢၼ်ၸဝ်ႈႁဝ်းဢမ်ႇမီးၶူဝ်းၼုင်ႈ၊ တၢင်းဢၼ်ၸဝ်ႈႁဝ်းမီးတၢင်းၶႆႈတၢင်းပဵၼ်၊ တၢင်းဢၼ်ၸဝ်ႈႁဝ်းမီးၼႂ်းထွင်ႇၸိူဝ်းၼၼ်ႉလႄႈ ဢမ်ႇႁဵတ်းလဵင်ႉႁဵတ်းလူတီႈၸဝ်ႈႁဝ်းၶႃႈ၊ ဝႃႈၼင်ႇၼႆယဝ်ႉၸင်ႇ၊- 45မၼ်းၸဝ်ႈၵေႃႈ တၵ်းၶိုၼ်းလၢတ်ႈလႄႈဝႃႈ၊ ၵဝ်ဝႃႈတီႈၸိုဝ်ႈတီႈၸႂ်ႈၸမ်ႉ၊ ၵႃႈဢၼ်သူဢမ်ႇႁဵတ်းတီႈၵေႃႉဢၼ် လဵၵ်ႉသေပိူၼ်ႈၼႂ်းၶဝ်ၸိူဝ်းၼႆႉၼၼ်ႉၸိုင်၊ သူဢမ်ႇႁဵတ်းတီႈၵဝ်ယဝ်ႉ၊ ဝႃႈၼင်ႇၼႆဢေႃႈ။- 46ၶဝ်ၼၼ်ႉ တၵ်းလႆႈၵႂႃႇၵႃႈတီႈဢၼ် လႆႈၶၢမ်ႇဢပႅတ်ႈတၢမ်ႇ ထႃႇဝရႃႉပုၼ်ႉဢေႃႈ။ ၶဝ်ၸိူဝ်းဢၼ်သိုဝ်ႈတေႃႇၼၼ်ႉၸမ်ႉ၊ တၵ်းလႆႈၵႂႃႇၵႃႈတီႈဢၼ်ထႃႇဝရႃႉဢသၢၵ်ႈလိပ်းပုၼ်ႉဢေႃႈ၊ ဝႃႈၼင်ႇၼႆဢေႃႈ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship