ႁူဝ်းသေႇ 2
2
1သမ်ႉၶိုၼ်းလၢတ်ႈ တီႈပီႈၸၢႆးၼွင်ႉၸၢႆးသူ ၸိူဝ်းၼၼ်ႉလႄႈဝႃႈ၊ လုၵ်ႈယိင်းဢၼ် လီဢဵတ်းလူႁၵ်ႉပႅင်း၊ ဝႃႈၼင်ႇၼႆတႃႉ။
ၵေႃးမႃႇဢိၵ်ႇတင်းၵူၼ်းမဵဝ်းဢီႉသရေႇလႃႉဢမ်ႇမီးသဵတ်ႈၸႃႇ
2တိူင်ႇပၢင်ႇတွင်ႈထၢမ် လူၺ်ႈၵၼ်တင်းမႄႈသူတႃႉ။ တိူင်ႇပၢင်ႇတွင်ႈထၢမ်တႃႉ။ မၼ်းၼၼ်ႉဢမ်ႇပဵၼ် ၵူၼ်းယိင်းၵဝ်ယဝ်ႉ။ ၵဝ်ၵေႃႈဢမ်ႇပဵၼ်ၽူဝ်မၼ်းယဝ်ႉ။ ႁႂ်ႈမၼ်းပႄႇပႅတ်ႈ မေႇထုင်ႇဢၼ်ဢမ်ႇတြႃးမၼ်း ၸိူဝ်းၼၼ်ႉသေၵႃႈတီႈၼႃႈမၼ်း ဢိၵ်ႇတင်း တၢင်းဢၼ် ၽိတ်းပိူင်ႈမၼ်းၸိူဝ်းၼၼ်ႉသေၵႃႈတီႈ ၵႄႈဝူင်ႈၵၢင် တဝ်ႈၼူမ်းမၼ်းသေတႃႉ။- 3ပေႃးဢမ်ႇၼၼ် ၵဝ်တၵ်းထွတ်ႇၶူဝ်းၼုင်ႈမၼ်းပႅတ်ႈ ႁႂ်ႈမၼ်းပဵၼ်တူဝ်ပူၺ်လႄႈ ဢဝ်မၼ်းဢွၵ်ႇဝႆႉ မိူၼ်ၸိူဝ်ႉၼင်ႇ ဢၼ်မၼ်းပဵၼ်ၼႂ်းမိုဝ်ႉဝၼ်း ဢၼ်မၼ်းလႆႈၶၢမ်ႇတၢင်းဢၼ် ၵိူတ်ႇလဵင်ႉမႃးၼၼ်ႉဢေႃႈ။ တၵ်းႁႂ်ႈမၼ်းပဵၼ် မိူၼ်ၸိူဝ်ႉၼင်ႇထိူၼ်ႇၼင်ႇၶိူဝ်းၼၼ်ႉ မႃးလႄႈ ႁႂ်ႈမၼ်းပဵၼ်ၸိူဝ်ႉၼင်ႇလိၼ် ဢၼ်ႁႅင်ႈဢၼ်ႁွင်ၼၼ်ႉယူႇသေလႄႈ ႁႂ်ႈမၼ်းတၢႆ လူၺ်ႈတၢင်းဢၼ်ယၢၵ်ႇၼမ်ႉ ယၢၵ်ႇၼၢႆးဢေႃႈ။- 4လုၵ်ႈလၢင်းမၼ်း ၸိူဝ်းၼၼ်ႉၵေႃႈ ၵဝ်ယင်းဢမ်ႇဢဵတ်းလူလႄႈ တၵ်းယူႇ ၵွပ်ႈပိူဝ်ႈဢၼ်ၶဝ်ပဵၼ် လုၵ်ႈလၢင်း မေႇထုင်ႇဢၼ်ဢမ်ႇတြႃးၼၼ်ႉဢေႃႈ။- 5မႄႈၶဝ်ၼၼ်ႉ ပဵၼ်မႄႈမွၵ်ႇယႃႈလႄႈ ၵေႃႉဢၼ်ပႃးပတိၵ်ႉသၼ်ႇထေႇ ၶဝ်ၼၼ်ႉ ႁဵတ်းဢမူႉ ဢၼ်လီဢူၵ်းလီဢၢႆယဝ်ႉ။ မၼ်းၵေႃႈလၢတ်ႈလႄႈဝႃႈ၊ ၵဝ်တၵ်းၸွမ်းလင်ၸူႉၵဝ်တင်းလၢႆ ဢၼ်ၸၢင်ႈပၼ်ၶဝ်ႈမုၼ်းၵဝ်၊ ၼမ်ႉၵဝ်၊ ၶူၼ်သူဝ်းၵဝ်၊ မႆပၢၼ်ႇၵဝ်၊ ၼမ်ႉမၼ်းၵဝ်၊ ၼမ်ႉဢၼ်ၵဝ် ဢိုၵ်ႉၵိၼ်ၼၼ်ႉတီႈၵဝ်ဢေႃႈ၊ ဝႃႈၼင်ႇၼႆယဝ်ႉ။- 6ပိူဝ်ႈၼႆလႄႈတူၺ်းလူး။ ၵဝ်တၵ်းဢဝ်တူၼ်ႈၼၢမ် ႁႄႉၵင်ႈသဵၼ်ႈတၢင်းမၼ်းဝႆႉလႄႈ တႄႇႁဵတ်းတႅၼ်ႈ မၢၵ်ႇႁိၼ်ဝႆႉ ၵႃႈတီႈလဵပ်ႈႁွပ်ႈမၼ်း ႁႂ်ႈမၼ်းဢမ်ႇထူပ်း သဵၼ်ႈတၢင်းမၼ်းဢေႃႈ။- 7မၼ်းတၵ်းၸွမ်းလင်ၸူႉမၼ်း တင်းလၢႆ လႄႈဢမ်ႇၶိုတ်း။ တၵ်းႁႃၶဝ်လႄႈ ဢမ်ႇထူပ်းဢမ်ႇႁၼ်။ မိူဝ်ႈၼၼ်ႉ မၼ်းတၵ်းလၢတ်ႈလႄႈဝႃႈ၊ ၵဝ်တၵ်းၶိုၼ်းမိူဝ်းလႄႈ ၵႂႃႇၸူးၵႃႈတီႈၽူဝ်ၵဝ်ႇၵဝ် ၼၼ်ႉဢေႃႈ။ တီႈယူႇဢၼ်ဢွၼ်တၢင်းၼၼ်ႉ ယဵင်ႈၶႅၼ်းလီၼႃႇသေ တီႈယူႇဢၼ်မိူဝ်ႈလဵဝ်ၼႆႉဢေႃႈ၊ ဝႃႈၼင်ႇၼႆဢေႃႈ။- 8မၼ်းယင်းဢမ်ႇၶုၵ်းၸႂ်လႆႈ ၶႆႈၸႂ်ထူပ်း လွင်ႈဢၼ်ၵဝ် ဢဵတ်းလူပၼ်ၶဝ်ႈပိူၵ်ႇၶဝ်ႈသၢၼ်၊ ၼမ်ႉၸပိတ်ႈ၊ ၼမ်ႉမၼ်း တီႈမၼ်းလႄႈ ႁႂ်ႈငိုၼ်းၶမ်း ဢၼ်ၶဝ်ဢဝ်ႁဵတ်းရုၵ်ႈထူႉၽြႃးပႃႇလႃႉၼၼ်ႉ ယႂ်ႇၽႄႈၼမ်ၵိုၼ်းမႃးတီႈမၼ်းၼၼ်ႉလႄႈ ယူႇလူင်ပႄႇ။- 9ပိူဝ်ႈဢၼ်ပဵၼ်ၼင်ႇၼႆလႄႈ ၵဝ်တၵ်းၶိုၼ်းသိမ်းဢဝ် ၶဝ်ႈပိူၵ်ႇၵဝ် ၼႂ်းၶိင်ႇမိူဝ်ႈဢၼ် ပၢတ်ႇၶဝ်ႈၼၼ်ႉ ဢိၵ်ႇတင်းၼမ်ႉၸပိတ်ႈၵဝ် ၼႂ်းၶိင်ႇမိူဝ်ႈဢၼ် ႁဵတ်းၼမ်ႉၸပိတ်ႈၼၼ်ႉလႄႈ ၼုၵ်ႈထွၼ်ဢဝ် ၶူၼ်သူဝ်းၵဝ် ဢိၵ်ႇတင်း မႆပၢၼ်ႇၵဝ် ဢၼ်ပဵၼ်ပုၼ်ႈ ဢၼ်တၵ်းႁူမ်ႇတူဝ်မၼ်းၼၼ်ႉဢေႃႈ။- 10တေႃႈလဵဝ်ၼႆႉၵေႃႈ၊ ၵဝ်တၵ်းၽုၺ်ႇပိုတ်ႇ တီႈဢၼ် လီဢူၵ်းလီဢၢႆမၼ်း သိုဝ်ႈၼႃႈ တႂ်ႈတႃၸူႉမၼ်း တင်းလၢႆ လႄႈ ၽူႈလႂ်ဢမ်ႇလႆႈၼုၵ်ႈဢဝ်မၼ်း ဢွၵ်ႇသေၵႃႈၼႂ်းမိုဝ်းၵဝ်။- 11ၵဝ်တၵ်းႁႂ်ႈ တၢင်းဢၼ်လီသႂၢင်ႇလီသိူဝ်းမၼ်း ၵႃႈမီး တၢင်းဢၼ်ၶၢမ်ႇပွႆးမၼ်း၊ တၢင်းဢၼ်ပႂ်ႉဝၼ်းလိူၼ်မႂ်ႇ ဢိၵ်ႇတင်း ဝၼ်းၵမ်သိၼ်မၼ်း တၢင်းဢၼ်ပရဵၵ်ႈသၢတ်ႈ ၸူႉၵၼ်တုမ်ၵၼ်မၼ်းၵႃႈမီးၼၼ်ႉ ထၢတ်ႇၵႂႃႇဢေႃႈ။- 12ၵဝ်တၵ်းယႃႉၽဵဝ်ႈသူၼ်ဢူးယဵၼ်ႇ မၢၵ်ႇၸပိတ်ႈမၼ်း ဢိၵ်ႇတင်း သူၼ်ဢူးယဵၼ်ႇ တူၼ်ႈမၢၵ်ႇလိူဝ်ႇသၢင်းၽေႃးမၼ်း ဢၼ်မၼ်းလၢတ်ႈလႄႈဝႃႈ၊ ဢၼ်ၼႆႉၸမ်ႉ၊ ပဵၼ်သူးလၢၵ်ႈသွင်ႇ ဢၼ်ၸူႉၵဝ်တင်းလၢႆ ပၼ်ၼၼ်ႉယဝ်ႉ၊ ဝႃႈၼင်ႇၼႆၼၼ်ႉပႅတ်ႈလႄႈ ႁႂ်ႈပဵၼ်ထိူၼ်ႇႁူၵ်ႉထိူၼ်ႇႁၢမ်းသေလႄႈ တူဝ်ထိူၼ်ႇႁၢႆႉတင်းလၢႆ တၵ်းဢွၼ်ၵၼ်ၶူပ်းၵိၼ်ဢေႃႈ။- 13ၵဝ်တၵ်းၸီႇယၢင်ႇၸွမ်းၼင်ႇ ဢပႅတ်ႈၶိင်ႇမိုဝ်ႉဝၼ်းၽြႃးပႃႇလႃႉတင်းလၢႆ ဢၼ်မၼ်းဢဝ် ၼၢမ်ႇသႃႇတုတ်ႇၽႆးလႄႈ ဢဝ်ၶိူင်ႈဢၼ်ႁွႆႈၶူႈလင် ဢိၵ်ႇတင်း ၶိူင်ႈဢၼ်ႁွႆႈၶေႃး တိုဝ်းႁၢင်ႈၶိူင်ႈသေလႄႈ ၸွမ်းလင်ၸူႉမၼ်းတင်းလၢႆ ၵႂႃႇလႄႈ လူင်လိုမ်းပႅတ်ႈၵဝ် ၼၼ်ႉဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃး မီးဢမိင်ႉဢေႃႈ။
ထႃႇဝရႃႉၽြႃးႁၵ်ႉၵူၼ်းမၼ်းၸဝ်ႈ
14ၼႂ်းဝႃႈၼၼ်သေၵေႃႈ။ တူၺ်းလူး။ ၵဝ်တၵ်းၸူဝ်းဢဝ်မၼ်းသေလႄႈ ဢဝ်မၼ်းၵႂႃႇ ၵႃႈၼႂ်းထိူၼ်ႇၼႂ်းၶိူဝ်းလႄႈ လၢတ်ႈၵႂၢမ်းဢၼ်ထုၵ်ႇၸႂ်ၵျိူၵ်ႈၸႂ်တီႈမၼ်းဢေႃႈ။- 15ၵဝ်တၵ်းဢဝ် သူၼ်ဢူးယဵၼ်ႇမၼ်းတင်းလၢႆ ပၼ်မၼ်းၵႃႈၼႂ်းထိူၼ်ႇၼၼ်ႉ ဢိၵ်ႇတင်း ၶူင်ႇႁူၺ်ႈဢႃႇၶေႃႇ ပၼ်ပုၼ်ႈၽၵ်းတူ ဢၼ်မုင်ႈထႃႈမွင်းထႃႈ တီႈမၼ်းလႄႈ လႆႈႁဵတ်းၵႂၢမ်း ၵႃႈတီႈၼၼ်ႈ မိူၼ်ၸိူဝ်ႉၼင်ႇ ၼႂ်းမိူဝ်ႈဢၼ် ဢသၢၵ်ႈမၼ်း ယင်းလဵၵ်ႉယင်းၼုမ်ႇ ဢၼ်ဝႃႈၼႂ်းမိုဝ်ႉဝၼ်းဢၼ် မၼ်းဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃးၼၼ်ႉဢေႃႈ။- 16ထႃႇဝရႃႉၽြႃး မီးဢမိင်ႉၸမ်ႉ၊ ၼႂ်းမိုဝ်ႉဝၼ်းၼၼ်ႉ မႂ်းတၵ်းလႆႈႁွင်ႉၵဝ်ဝႃႈ ၽူဝ်လႄႈ ဢမ်ႇလႆႈႁွင်ႉၵဝ်ဝႃႈၸဝ်ႈ။- 17ၵဝ်တၵ်းပႄႇ ၼႃႇမႃႉၸိုဝ်ႈသဵင် ၵေႃႉဢၼ်ပဵၼ်ၸဝ်ႈ တၢင်ႇၵေႃႉတၢင်ႇၵူၼ်း ၸိူဝ်းၼၼ်ႉၼၼ်ႉ ပႅတ်ႈသေ ၵႃႈၼႂ်းသူပ်းမၼ်းလႄႈ ၵမ်းလိုၼ်း ဢမ်ႇလႆႈဢဝ်ၼႃႇမႃႉ ၸိုဝ်ႈသဵင်ၶဝ်ၼၼ်ႉ ဝႃႈဢွၵ်ႇသူပ်းမၼ်းလႃးလႃး။- 18ၼႂ်းမိုဝ်ႉဝၼ်းၼၼ်ႉ ၵဝ်တၵ်းႁဵတ်းပတီႉၺိၺ်ႇ လူၺ်ႈၵၼ်တင်း တူဝ်ထိူၼ်ႇႁၢႆႉလႂ်၊ ၼူၵ်ႉၼိူဝ်ၽႃႉၵၢင်ႁၢဝ်လႂ်၊ တရိၵ်ႈသၢၼ်ႇ ဢၼ်ၸၢင်ႈၵၢၼ်းၵႃႈၼိူဝ်လိၼ်လႂ် ပုၼ်ႈၶဝ်ၼၼ်ႉလႄႈ ႁၵ်းႁဵၵ်းၵၢင်ႇ၊ လၢပ်ႇ၊ လၢၵ်ႈၼၢၵ်ႈ တိုၵ်းသိုၵ်းပႅတ်ႈသေ ၵႃႈၼိူဝ်ၼႃႈလိၼ်မိူင်းသေလႄႈ ႁႂ်ႈၶဝ်လႆႈၼွၼ်း လူင်ႉလီလွတ်ႈလီဢေႃႈ။- 19ၵဝ်တၵ်းသိမ်းဢဝ်မႂ်းဝႆႉ ပုၼ်ႈၵဝ်သေႇသေႇလႄႈ မႅၼ်ႈၸွမ်းၵႃႈၼင်ႇ တၢင်းဢၼ်သိုဝ်ႈတေႃႇ၊ တၢင်းဢၼ်ၸီႇယၢင်ႇ ၸွမ်းၼင်ႇတြႃး၊ တၢင်းဢၼ် ႁဵတ်းၵျေးၸူး၊ တၢင်းဢၼ်ဢဵတ်းလူ ႁၵ်ႉပႅင်းၼၼ်ႉသေလႄႈ ၵဝ်တၵ်းသိမ်းဢဝ်မႂ်းဝႆႉ ပုၼ်ႈၵဝ်ဢေႃႈ။- 20မႅၼ်ႈၸွမ်းၵႃႈၼင်ႇ တၢင်းဢၼ်ပႂ်ႉသဵတ်ႈၸႃႇၼၼ်ႉ သေလႄႈ ၵဝ်တၵ်းသိမ်းဢဝ်မႂ်းဝႆႉ ပုၼ်ႈၵဝ်လႄႈ မႂ်းတၵ်းလႆႈႁူႉၸၵ်း ထႃႇဝရႃႉၽြႃးဢေႃႈ။- 21ထႃႇဝရႃႉၽြႃး မီးဢမိင်ႉၸမ်ႉ၊ ၼႂ်းမိုဝ်ႉဝၼ်းၼၼ်ႉ ၵဝ်တၵ်းထွမ်ႇဢေႃႈ။ ၵဝ်တၵ်းထွမ်ႇဢဝ် ၵႂၢမ်းၽႃႉၵၢင်ႁၢဝ်လႄႈ မၼ်းၵေႃႈတၵ်းထွမ်ႇဢဝ်ၵႂၢမ်း လိၼ်မိူင်းဢေႃႈ။- 22လိၼ်မိူင်းၵေႃႈ တၵ်းထွမ်ႇဢဝ်ၵႂၢမ်း ၶဝ်ႈပိူၵ်ႇၶဝ်ႈသၢၼ်၊ ၼမ်ႉၸပိတ်ႈ၊ ၼမ်ႉမၼ်းလႄႈ ၶဝ်ၼၼ်ႉၵေႃႈ တၵ်းထွမ်ႇဢဝ်ၵႂၢမ်းယေႇၸရေႇလႃႉဢေႃႈ။- 23ၵဝ်တၵ်းဢဝ် မႄႈယိင်းၼၼ်ႉ ဝၢၼ်ႇပိုၼ်ၵႃႈတီႈၼိူဝ် ၼႃႈလိၼ်ပုၼ်ႈၵဝ်လႄႈ ဢဵတ်းလူႁၵ်ႉပႅင်းမၼ်း ဢၼ်ဢမ်ႇလီဢဵတ်းလူ ႁၵ်ႉပႅင်းၼၼ်ႉဢေႃႈ။ ၵဝ်တၵ်းလၢတ်ႈ တီႈၶဝ်ၸိူဝ်းဢၼ်ဢမ်ႇပဵၼ်ၵူၼ်းၵဝ်ၼၼ်ႉ လႄႈဝႃႈ၊ မႂ်းပဵၼ်ၵူၼ်းၵဝ်ယဝ်ႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉၵေႃႈ တၵ်းဢွၼ်ၵၼ် လဝ်ႊလၢတ်ႈလႄႈဝႃႈ၊ ၸဝ်ႈႁဝ်းပဵၼ်ၽြႃးပဵၼ်ၸဝ်ႈၵဝ်ၶႃႈ တီႈၶႃႈဢေႃႈ၊ ဝႃႈၼင်ႇၼႆဢေႃႈ။
Currently Selected:
ႁူဝ်းသေႇ 2: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ႁူဝ်းသေႇ 2
2
1သမ်ႉၶိုၼ်းလၢတ်ႈ တီႈပီႈၸၢႆးၼွင်ႉၸၢႆးသူ ၸိူဝ်းၼၼ်ႉလႄႈဝႃႈ၊ လုၵ်ႈယိင်းဢၼ် လီဢဵတ်းလူႁၵ်ႉပႅင်း၊ ဝႃႈၼင်ႇၼႆတႃႉ။
ၵေႃးမႃႇဢိၵ်ႇတင်းၵူၼ်းမဵဝ်းဢီႉသရေႇလႃႉဢမ်ႇမီးသဵတ်ႈၸႃႇ
2တိူင်ႇပၢင်ႇတွင်ႈထၢမ် လူၺ်ႈၵၼ်တင်းမႄႈသူတႃႉ။ တိူင်ႇပၢင်ႇတွင်ႈထၢမ်တႃႉ။ မၼ်းၼၼ်ႉဢမ်ႇပဵၼ် ၵူၼ်းယိင်းၵဝ်ယဝ်ႉ။ ၵဝ်ၵေႃႈဢမ်ႇပဵၼ်ၽူဝ်မၼ်းယဝ်ႉ။ ႁႂ်ႈမၼ်းပႄႇပႅတ်ႈ မေႇထုင်ႇဢၼ်ဢမ်ႇတြႃးမၼ်း ၸိူဝ်းၼၼ်ႉသေၵႃႈတီႈၼႃႈမၼ်း ဢိၵ်ႇတင်း တၢင်းဢၼ် ၽိတ်းပိူင်ႈမၼ်းၸိူဝ်းၼၼ်ႉသေၵႃႈတီႈ ၵႄႈဝူင်ႈၵၢင် တဝ်ႈၼူမ်းမၼ်းသေတႃႉ။- 3ပေႃးဢမ်ႇၼၼ် ၵဝ်တၵ်းထွတ်ႇၶူဝ်းၼုင်ႈမၼ်းပႅတ်ႈ ႁႂ်ႈမၼ်းပဵၼ်တူဝ်ပူၺ်လႄႈ ဢဝ်မၼ်းဢွၵ်ႇဝႆႉ မိူၼ်ၸိူဝ်ႉၼင်ႇ ဢၼ်မၼ်းပဵၼ်ၼႂ်းမိုဝ်ႉဝၼ်း ဢၼ်မၼ်းလႆႈၶၢမ်ႇတၢင်းဢၼ် ၵိူတ်ႇလဵင်ႉမႃးၼၼ်ႉဢေႃႈ။ တၵ်းႁႂ်ႈမၼ်းပဵၼ် မိူၼ်ၸိူဝ်ႉၼင်ႇထိူၼ်ႇၼင်ႇၶိူဝ်းၼၼ်ႉ မႃးလႄႈ ႁႂ်ႈမၼ်းပဵၼ်ၸိူဝ်ႉၼင်ႇလိၼ် ဢၼ်ႁႅင်ႈဢၼ်ႁွင်ၼၼ်ႉယူႇသေလႄႈ ႁႂ်ႈမၼ်းတၢႆ လူၺ်ႈတၢင်းဢၼ်ယၢၵ်ႇၼမ်ႉ ယၢၵ်ႇၼၢႆးဢေႃႈ။- 4လုၵ်ႈလၢင်းမၼ်း ၸိူဝ်းၼၼ်ႉၵေႃႈ ၵဝ်ယင်းဢမ်ႇဢဵတ်းလူလႄႈ တၵ်းယူႇ ၵွပ်ႈပိူဝ်ႈဢၼ်ၶဝ်ပဵၼ် လုၵ်ႈလၢင်း မေႇထုင်ႇဢၼ်ဢမ်ႇတြႃးၼၼ်ႉဢေႃႈ။- 5မႄႈၶဝ်ၼၼ်ႉ ပဵၼ်မႄႈမွၵ်ႇယႃႈလႄႈ ၵေႃႉဢၼ်ပႃးပတိၵ်ႉသၼ်ႇထေႇ ၶဝ်ၼၼ်ႉ ႁဵတ်းဢမူႉ ဢၼ်လီဢူၵ်းလီဢၢႆယဝ်ႉ။ မၼ်းၵေႃႈလၢတ်ႈလႄႈဝႃႈ၊ ၵဝ်တၵ်းၸွမ်းလင်ၸူႉၵဝ်တင်းလၢႆ ဢၼ်ၸၢင်ႈပၼ်ၶဝ်ႈမုၼ်းၵဝ်၊ ၼမ်ႉၵဝ်၊ ၶူၼ်သူဝ်းၵဝ်၊ မႆပၢၼ်ႇၵဝ်၊ ၼမ်ႉမၼ်းၵဝ်၊ ၼမ်ႉဢၼ်ၵဝ် ဢိုၵ်ႉၵိၼ်ၼၼ်ႉတီႈၵဝ်ဢေႃႈ၊ ဝႃႈၼင်ႇၼႆယဝ်ႉ။- 6ပိူဝ်ႈၼႆလႄႈတူၺ်းလူး။ ၵဝ်တၵ်းဢဝ်တူၼ်ႈၼၢမ် ႁႄႉၵင်ႈသဵၼ်ႈတၢင်းမၼ်းဝႆႉလႄႈ တႄႇႁဵတ်းတႅၼ်ႈ မၢၵ်ႇႁိၼ်ဝႆႉ ၵႃႈတီႈလဵပ်ႈႁွပ်ႈမၼ်း ႁႂ်ႈမၼ်းဢမ်ႇထူပ်း သဵၼ်ႈတၢင်းမၼ်းဢေႃႈ။- 7မၼ်းတၵ်းၸွမ်းလင်ၸူႉမၼ်း တင်းလၢႆ လႄႈဢမ်ႇၶိုတ်း။ တၵ်းႁႃၶဝ်လႄႈ ဢမ်ႇထူပ်းဢမ်ႇႁၼ်။ မိူဝ်ႈၼၼ်ႉ မၼ်းတၵ်းလၢတ်ႈလႄႈဝႃႈ၊ ၵဝ်တၵ်းၶိုၼ်းမိူဝ်းလႄႈ ၵႂႃႇၸူးၵႃႈတီႈၽူဝ်ၵဝ်ႇၵဝ် ၼၼ်ႉဢေႃႈ။ တီႈယူႇဢၼ်ဢွၼ်တၢင်းၼၼ်ႉ ယဵင်ႈၶႅၼ်းလီၼႃႇသေ တီႈယူႇဢၼ်မိူဝ်ႈလဵဝ်ၼႆႉဢေႃႈ၊ ဝႃႈၼင်ႇၼႆဢေႃႈ။- 8မၼ်းယင်းဢမ်ႇၶုၵ်းၸႂ်လႆႈ ၶႆႈၸႂ်ထူပ်း လွင်ႈဢၼ်ၵဝ် ဢဵတ်းလူပၼ်ၶဝ်ႈပိူၵ်ႇၶဝ်ႈသၢၼ်၊ ၼမ်ႉၸပိတ်ႈ၊ ၼမ်ႉမၼ်း တီႈမၼ်းလႄႈ ႁႂ်ႈငိုၼ်းၶမ်း ဢၼ်ၶဝ်ဢဝ်ႁဵတ်းရုၵ်ႈထူႉၽြႃးပႃႇလႃႉၼၼ်ႉ ယႂ်ႇၽႄႈၼမ်ၵိုၼ်းမႃးတီႈမၼ်းၼၼ်ႉလႄႈ ယူႇလူင်ပႄႇ။- 9ပိူဝ်ႈဢၼ်ပဵၼ်ၼင်ႇၼႆလႄႈ ၵဝ်တၵ်းၶိုၼ်းသိမ်းဢဝ် ၶဝ်ႈပိူၵ်ႇၵဝ် ၼႂ်းၶိင်ႇမိူဝ်ႈဢၼ် ပၢတ်ႇၶဝ်ႈၼၼ်ႉ ဢိၵ်ႇတင်းၼမ်ႉၸပိတ်ႈၵဝ် ၼႂ်းၶိင်ႇမိူဝ်ႈဢၼ် ႁဵတ်းၼမ်ႉၸပိတ်ႈၼၼ်ႉလႄႈ ၼုၵ်ႈထွၼ်ဢဝ် ၶူၼ်သူဝ်းၵဝ် ဢိၵ်ႇတင်း မႆပၢၼ်ႇၵဝ် ဢၼ်ပဵၼ်ပုၼ်ႈ ဢၼ်တၵ်းႁူမ်ႇတူဝ်မၼ်းၼၼ်ႉဢေႃႈ။- 10တေႃႈလဵဝ်ၼႆႉၵေႃႈ၊ ၵဝ်တၵ်းၽုၺ်ႇပိုတ်ႇ တီႈဢၼ် လီဢူၵ်းလီဢၢႆမၼ်း သိုဝ်ႈၼႃႈ တႂ်ႈတႃၸူႉမၼ်း တင်းလၢႆ လႄႈ ၽူႈလႂ်ဢမ်ႇလႆႈၼုၵ်ႈဢဝ်မၼ်း ဢွၵ်ႇသေၵႃႈၼႂ်းမိုဝ်းၵဝ်။- 11ၵဝ်တၵ်းႁႂ်ႈ တၢင်းဢၼ်လီသႂၢင်ႇလီသိူဝ်းမၼ်း ၵႃႈမီး တၢင်းဢၼ်ၶၢမ်ႇပွႆးမၼ်း၊ တၢင်းဢၼ်ပႂ်ႉဝၼ်းလိူၼ်မႂ်ႇ ဢိၵ်ႇတင်း ဝၼ်းၵမ်သိၼ်မၼ်း တၢင်းဢၼ်ပရဵၵ်ႈသၢတ်ႈ ၸူႉၵၼ်တုမ်ၵၼ်မၼ်းၵႃႈမီးၼၼ်ႉ ထၢတ်ႇၵႂႃႇဢေႃႈ။- 12ၵဝ်တၵ်းယႃႉၽဵဝ်ႈသူၼ်ဢူးယဵၼ်ႇ မၢၵ်ႇၸပိတ်ႈမၼ်း ဢိၵ်ႇတင်း သူၼ်ဢူးယဵၼ်ႇ တူၼ်ႈမၢၵ်ႇလိူဝ်ႇသၢင်းၽေႃးမၼ်း ဢၼ်မၼ်းလၢတ်ႈလႄႈဝႃႈ၊ ဢၼ်ၼႆႉၸမ်ႉ၊ ပဵၼ်သူးလၢၵ်ႈသွင်ႇ ဢၼ်ၸူႉၵဝ်တင်းလၢႆ ပၼ်ၼၼ်ႉယဝ်ႉ၊ ဝႃႈၼင်ႇၼႆၼၼ်ႉပႅတ်ႈလႄႈ ႁႂ်ႈပဵၼ်ထိူၼ်ႇႁူၵ်ႉထိူၼ်ႇႁၢမ်းသေလႄႈ တူဝ်ထိူၼ်ႇႁၢႆႉတင်းလၢႆ တၵ်းဢွၼ်ၵၼ်ၶူပ်းၵိၼ်ဢေႃႈ။- 13ၵဝ်တၵ်းၸီႇယၢင်ႇၸွမ်းၼင်ႇ ဢပႅတ်ႈၶိင်ႇမိုဝ်ႉဝၼ်းၽြႃးပႃႇလႃႉတင်းလၢႆ ဢၼ်မၼ်းဢဝ် ၼၢမ်ႇသႃႇတုတ်ႇၽႆးလႄႈ ဢဝ်ၶိူင်ႈဢၼ်ႁွႆႈၶူႈလင် ဢိၵ်ႇတင်း ၶိူင်ႈဢၼ်ႁွႆႈၶေႃး တိုဝ်းႁၢင်ႈၶိူင်ႈသေလႄႈ ၸွမ်းလင်ၸူႉမၼ်းတင်းလၢႆ ၵႂႃႇလႄႈ လူင်လိုမ်းပႅတ်ႈၵဝ် ၼၼ်ႉဢေႃႈ၊ ဝႃႈၼင်ႇၼႆလႄႈ ထႃႇဝရႃႉၽြႃး မီးဢမိင်ႉဢေႃႈ။
ထႃႇဝရႃႉၽြႃးႁၵ်ႉၵူၼ်းမၼ်းၸဝ်ႈ
14ၼႂ်းဝႃႈၼၼ်သေၵေႃႈ။ တူၺ်းလူး။ ၵဝ်တၵ်းၸူဝ်းဢဝ်မၼ်းသေလႄႈ ဢဝ်မၼ်းၵႂႃႇ ၵႃႈၼႂ်းထိူၼ်ႇၼႂ်းၶိူဝ်းလႄႈ လၢတ်ႈၵႂၢမ်းဢၼ်ထုၵ်ႇၸႂ်ၵျိူၵ်ႈၸႂ်တီႈမၼ်းဢေႃႈ။- 15ၵဝ်တၵ်းဢဝ် သူၼ်ဢူးယဵၼ်ႇမၼ်းတင်းလၢႆ ပၼ်မၼ်းၵႃႈၼႂ်းထိူၼ်ႇၼၼ်ႉ ဢိၵ်ႇတင်း ၶူင်ႇႁူၺ်ႈဢႃႇၶေႃႇ ပၼ်ပုၼ်ႈၽၵ်းတူ ဢၼ်မုင်ႈထႃႈမွင်းထႃႈ တီႈမၼ်းလႄႈ လႆႈႁဵတ်းၵႂၢမ်း ၵႃႈတီႈၼၼ်ႈ မိူၼ်ၸိူဝ်ႉၼင်ႇ ၼႂ်းမိူဝ်ႈဢၼ် ဢသၢၵ်ႈမၼ်း ယင်းလဵၵ်ႉယင်းၼုမ်ႇ ဢၼ်ဝႃႈၼႂ်းမိုဝ်ႉဝၼ်းဢၼ် မၼ်းဢွၵ်ႇသေၵႃႈၼႂ်းမိူင်းဢေႇၵိပ်ႉတူႉမႃးၼၼ်ႉဢေႃႈ။- 16ထႃႇဝရႃႉၽြႃး မီးဢမိင်ႉၸမ်ႉ၊ ၼႂ်းမိုဝ်ႉဝၼ်းၼၼ်ႉ မႂ်းတၵ်းလႆႈႁွင်ႉၵဝ်ဝႃႈ ၽူဝ်လႄႈ ဢမ်ႇလႆႈႁွင်ႉၵဝ်ဝႃႈၸဝ်ႈ။- 17ၵဝ်တၵ်းပႄႇ ၼႃႇမႃႉၸိုဝ်ႈသဵင် ၵေႃႉဢၼ်ပဵၼ်ၸဝ်ႈ တၢင်ႇၵေႃႉတၢင်ႇၵူၼ်း ၸိူဝ်းၼၼ်ႉၼၼ်ႉ ပႅတ်ႈသေ ၵႃႈၼႂ်းသူပ်းမၼ်းလႄႈ ၵမ်းလိုၼ်း ဢမ်ႇလႆႈဢဝ်ၼႃႇမႃႉ ၸိုဝ်ႈသဵင်ၶဝ်ၼၼ်ႉ ဝႃႈဢွၵ်ႇသူပ်းမၼ်းလႃးလႃး။- 18ၼႂ်းမိုဝ်ႉဝၼ်းၼၼ်ႉ ၵဝ်တၵ်းႁဵတ်းပတီႉၺိၺ်ႇ လူၺ်ႈၵၼ်တင်း တူဝ်ထိူၼ်ႇႁၢႆႉလႂ်၊ ၼူၵ်ႉၼိူဝ်ၽႃႉၵၢင်ႁၢဝ်လႂ်၊ တရိၵ်ႈသၢၼ်ႇ ဢၼ်ၸၢင်ႈၵၢၼ်းၵႃႈၼိူဝ်လိၼ်လႂ် ပုၼ်ႈၶဝ်ၼၼ်ႉလႄႈ ႁၵ်းႁဵၵ်းၵၢင်ႇ၊ လၢပ်ႇ၊ လၢၵ်ႈၼၢၵ်ႈ တိုၵ်းသိုၵ်းပႅတ်ႈသေ ၵႃႈၼိူဝ်ၼႃႈလိၼ်မိူင်းသေလႄႈ ႁႂ်ႈၶဝ်လႆႈၼွၼ်း လူင်ႉလီလွတ်ႈလီဢေႃႈ။- 19ၵဝ်တၵ်းသိမ်းဢဝ်မႂ်းဝႆႉ ပုၼ်ႈၵဝ်သေႇသေႇလႄႈ မႅၼ်ႈၸွမ်းၵႃႈၼင်ႇ တၢင်းဢၼ်သိုဝ်ႈတေႃႇ၊ တၢင်းဢၼ်ၸီႇယၢင်ႇ ၸွမ်းၼင်ႇတြႃး၊ တၢင်းဢၼ် ႁဵတ်းၵျေးၸူး၊ တၢင်းဢၼ်ဢဵတ်းလူ ႁၵ်ႉပႅင်းၼၼ်ႉသေလႄႈ ၵဝ်တၵ်းသိမ်းဢဝ်မႂ်းဝႆႉ ပုၼ်ႈၵဝ်ဢေႃႈ။- 20မႅၼ်ႈၸွမ်းၵႃႈၼင်ႇ တၢင်းဢၼ်ပႂ်ႉသဵတ်ႈၸႃႇၼၼ်ႉ သေလႄႈ ၵဝ်တၵ်းသိမ်းဢဝ်မႂ်းဝႆႉ ပုၼ်ႈၵဝ်လႄႈ မႂ်းတၵ်းလႆႈႁူႉၸၵ်း ထႃႇဝရႃႉၽြႃးဢေႃႈ။- 21ထႃႇဝရႃႉၽြႃး မီးဢမိင်ႉၸမ်ႉ၊ ၼႂ်းမိုဝ်ႉဝၼ်းၼၼ်ႉ ၵဝ်တၵ်းထွမ်ႇဢေႃႈ။ ၵဝ်တၵ်းထွမ်ႇဢဝ် ၵႂၢမ်းၽႃႉၵၢင်ႁၢဝ်လႄႈ မၼ်းၵေႃႈတၵ်းထွမ်ႇဢဝ်ၵႂၢမ်း လိၼ်မိူင်းဢေႃႈ။- 22လိၼ်မိူင်းၵေႃႈ တၵ်းထွမ်ႇဢဝ်ၵႂၢမ်း ၶဝ်ႈပိူၵ်ႇၶဝ်ႈသၢၼ်၊ ၼမ်ႉၸပိတ်ႈ၊ ၼမ်ႉမၼ်းလႄႈ ၶဝ်ၼၼ်ႉၵေႃႈ တၵ်းထွမ်ႇဢဝ်ၵႂၢမ်းယေႇၸရေႇလႃႉဢေႃႈ။- 23ၵဝ်တၵ်းဢဝ် မႄႈယိင်းၼၼ်ႉ ဝၢၼ်ႇပိုၼ်ၵႃႈတီႈၼိူဝ် ၼႃႈလိၼ်ပုၼ်ႈၵဝ်လႄႈ ဢဵတ်းလူႁၵ်ႉပႅင်းမၼ်း ဢၼ်ဢမ်ႇလီဢဵတ်းလူ ႁၵ်ႉပႅင်းၼၼ်ႉဢေႃႈ။ ၵဝ်တၵ်းလၢတ်ႈ တီႈၶဝ်ၸိူဝ်းဢၼ်ဢမ်ႇပဵၼ်ၵူၼ်းၵဝ်ၼၼ်ႉ လႄႈဝႃႈ၊ မႂ်းပဵၼ်ၵူၼ်းၵဝ်ယဝ်ႉ၊ ဝႃႈၼင်ႇၼႆဢေႃႈ။ ၶဝ်ၼၼ်ႉၵေႃႈ တၵ်းဢွၼ်ၵၼ် လဝ်ႊလၢတ်ႈလႄႈဝႃႈ၊ ၸဝ်ႈႁဝ်းပဵၼ်ၽြႃးပဵၼ်ၸဝ်ႈၵဝ်ၶႃႈ တီႈၶႃႈဢေႃႈ၊ ဝႃႈၼင်ႇၼႆဢေႃႈ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship