ယေႇၸၵျေႇလႃႉ 47
47
ၼမ်ႉႁွင်ႈဢၼ်လႆဢွၵ်ႇၵျွင်းပိၵ်ႈမၢၼ်ႇၸဝ်ႈ
1လိုၼ်းၼၼ်ႉ ၵေႃႉၼၼ်ႉသမ်ႉဢဝ်ၵဝ် ၶိုၼ်းမႃးၵႃႈတီႈၽၵ်းတူ ႁိူၼ်းၸဝ်ႈလႄႈ ၵဝ်ႁၼ်ၼမ်ႉဢွၵ်ႇသေၵႃႈတႂ်ႈၶူင်ႇ ၽၵ်းတူႁိူၼ်းၸဝ်ႈ လႆၵႂႃႇၽၢႆႇဝၼ်းဢွၵ်ႇဢေႃႈ။ ၼႃႈႁိူၼ်းၸဝ်ႈၼၼ်ႉ ဝၢႆႇၼႃႈၵႂႃႇၽၢႆႇဝၼ်းဢွၵ်ႇလႄႈ ၼမ်ႉၼၼ်ႉ လုၵ်ႉသေၵႃႈတီႈတႂ်ႈ ၼႃႈၽၢႆႇၶႂႃႁိူၼ်းၸဝ်ႈၽၢႆႇတၢင်းၸၢၼ်း ယိတ်ႈပလၢင်ႇၼၼ်ႉ လႆၵႂႃႇဢေႃႈ။- 2လႆႈသမ်ႉ ၵေႃႉၼၼ်ႉ ဢဝ်ၵဝ်ဢွၵ်ႇၸွမ်းသဵၼ်ႈတၢင်းၽၵ်းတူ ၼႃႈတၢင်းႁွင်ႇလႄႈ ဢွၼ်ၵဝ်လဵပ်ႈၵႂႃႇ ၽၢႆႇတၢင်းၼွၵ်ႈၸူးၵႃႈတီႈ ၽၵ်းတူဢၼ်ၵႃႈၼွၵ်ႈ ဢၼ်ဝႃႈသဵၼ်ႈတၢင်းၽၵ်းတူ ဢၼ်ဝၢႆႇၼႃႈၵႂႃႇ ၽၢႆႇဝၼ်းဢွၵ်ႇၼၼ်ႉလႄႈ ၵဝ်ႁၼ်ၼမ်ႉဢၼ်လႆၵႂႃႇတီႈၽၢႆႇတၢင်းၶႂႃဢေႃႈ။- 3ၵေႃႉဢၼ် ယိပ်းၸိူၵ်ႈၼၼ်ႉ ဢွၵ်ႇၵႂႃႇၽၢႆႇတၢင်းဝၼ်းဢွၵ်ႇသေလႄႈ တႅၵ်ႈႁႂ်ႈတဵမ်ႁဵင်သွၵ်ႇလႄႈ ႁႂ်ႈၵဝ်ၶၢမ်ႈၼမ်ႉၼၼ်ႉဢေႃႈ။ ၼမ်ႉၼၼ်ႉၶိုတ်းထိုင်တႃတိၼ်ၵူၺ်းဢေႃႈ။- 4လႆႈသမ်ႉ မၼ်းတႅၵ်ႈႁႂ်ႈတဵမ်ႁဵင်သွၵ်ႇလႄႈ ႁႂ်ႈၵဝ်သမ်ႉၶိုၼ်းၶၢမ်ႈၼမ်ႉၼၼ်ႉဢေႃႈ။ ၼမ်ႉၼၼ်ႉၶိုတ်းထိုင်ႁူဝ်ၶဝ်ႇဢေႃႈ။ လႆႈသမ်ႉမၼ်း တႅၵ်ႈႁႂ်ႈတဵမ်ႁဵင်သွၵ်ႇလႄႈ ႁႂ်ႈၵဝ်သမ်ႉၶိုၼ်းၶၢမ်ႈၼမ်ႉၼၼ်ႉဢေႃႈ။ ၼမ်ႉၼၼ်ႉၶိုတ်းထိုင်ဢႅဝ်ဢေႃႈ။- 5လႆႈသမ်ႉ မၼ်းတႅၵ်ႈႁႂ်ႈတဵမ်ႁဵင်သွၵ်ႇလႄႈ ပဵၼ်ၼမ်ႉႁွင်ႈ ဢၼ်ၵဝ်ဢမ်ႇၶၢမ်ႈလႆႈဢေႃႈ။ လွင်ႈမၼ်းၸမ်ႉ ၼမ်ႉၼွင်းၶိုၼ်ႈလႄႈ ပဵၼ်ၼမ်ႉ ဢၼ်တၵ်းလႆလုၺ်းၼမ်ႉႁွင်ႈ ဢၼ်ဢမ်ႇယၢင်ႈလႄႈၶၢမ်ႈလႆႈၼၼ်ႉဢေႃႈ။- 6ၵေႃႉၼၼ်ႉထၢမ်တီႈၵဝ်လႄႈဝႃႈ၊ လုၵ်ႈၵူၼ်းဢိူၺ်း၊ မႂ်းႁၼ်လွင်ႈတၢင်းၼႆႉယဝ်ႉဢမ်ႇၸႂ်ႈႁိုဝ်။ ဝႃႈၼင်ႇၼႆသေယဝ်ႉ၊ ႁွင်ႉဢဝ်ၵဝ်ၵႂႃႇ လႄႈ ႁႂ်ႈၶိုၼ်းမႃးၵႃႈတီႈၽင်ႇၼမ်ႉႁွင်ႈဢေႃႈ။- 7မိူဝ်ႈဢၼ်ၵဝ်ၶိုၼ်းမႃးၼၼ်ႉ ၵဝ်ႁၼ်တူၼ်ႈမႆႉၼမ်ၼႃႇ ၵႃႈတီႈႁိမ်းၽင်ႇၼမ်ႉႁွင်ႈသွင်ၽၢႆႇ ၼၼ်ႉဢေႃႈ။- 8ၵေႃႉၼၼ်ႉၵေႃႈလၢတ်ႈတီႈၵဝ်လႄႈဝႃႈ၊ ၼမ်ႉၼႆႉလႆၵႂႃႇၸူးထိူၼ်ႇၽၢႆႇဝၼ်းဢွၵ်ႇလႄႈ လူင်းၸူးၵႃႈၼႂ်းပၢင်ႇပဵင်း ဢႃႇရၽႃႉသေလႄႈ လႆၵႂႃႇၸူးၵႃႈတီႈပၢင်ႇလၢႆႇဢေႃႈ။ သုတ်းတိူၵ်ႉၵႃႈၼႂ်းပၢင်ႇလၢႆႇလႄႈ ႁႂ်ႈၼမ်ႉပဵၼ်ဢၼ်ဝၢၼ်မႃးဢေႃႈ။- 9သတ်ႉတဝႃႇ ၵူႈၸိူဝ်ႉၵူႈမဵဝ်းဢၼ်ဢသၢၵ်ႈလိပ်းလႄႈ ၸၢင်ႈတူင်ႉၸၢင်ႈၼိုင်ၼၼ်ႉ ဢသၢၵ်ႈတၵ်းလိပ်း ၵႃႈၼႂ်းတီႈၵႃႈဢၼ် ၼမ်ႉႁွင်ႈၼၼ်ႉႁွတ်ႈထိုင်ၼၼ်ႉလႄႈ ပႃတၵ်းမီးၼမ်ၼႃႇလူင်လၢင်ဢေႃႈ။ လွင်ႈမၼ်းၸမ်ႉ ၼမ်ႉၼၼ်ႉႁွတ်ႈထိုင်ၵႃႈတီႈၼၼ်ႈလႄႈ ပဵၼ်ဢၼ်ဝၢၼ်မႃးလႄႈ သတ်ႉတဝႃႇၵူႈၸိူဝ်ႉၵူႈမဵဝ်း တၵ်းလႆႈဢသၢၵ်ႈလိပ်းယူႇၼႂ်း တီႈၵႃႈဢၼ်ၼမ်ႉႁွင်ႈႁွတ်ႈထိုင်ၼၼ်ႉဢေႃႈ။- 10တမ်ႇငႃႈတင်းလၢႆ တၵ်းဢွၼ်ၵၼ်ၸုၵ်းယူႇ ၵႃႈတီႈႁိမ်းၽင်ႇမၼ်း ဢဝ်ၵႃႈတီႈၸႃႉၸဵမ်ဝၢၼ်ႈဢႅၼ်ႇၵေးတီႉ တေႃႇထိုင်ႁွတ်ႈ ဝၢၼ်ႈ ဢေႇၼေႃႉၵလိမ်းၼၼ်ႉလႄႈ ပိုတ်ႇၵီႈၼႅင်ႈၶဝ်ၶႄၶဝ်တူၵ်းယူႇဢေႃႈ။ ပႃၶဝ်တၵ်းမီးၵူႈၸိူဝ်ႉၵူႈမဵဝ်းလႄႈ ၼမ်ၼႃႇမိူၼ်ၸိူဝ်ႉၼင်ႇပႃၼႂ်းမႁႃႇပၢင်ႇလၢႆႇဢေႃႈ။- 11ၼမ်ႉၶုၼ်ႇၼမ်ႉဢူၼ်တင်းလၢႆ ဢိၵ်ႇတင်းၼမ်ႉၵူမ်ႇၼမ်ႉဢုင်တင်းလၢႆၸမ်ႉ၊ ဢမ်ႇလႆႈပဵၼ်ဢၼ်ဝၢၼ်။ တၵ်းလႆႈပဵၼ်ဢၼ်ၸဵမ်းယူႇသေႇသေႇဢေႃႈ။- 12ၵႃႈတီႈသွင်ၽၢႆႇ ၽင်ႇၼမ်ႉႁွင်ႈၼၼ်ႉ၊ တူၼ်ႈဢၼ်လီၵိၼ် ၵူႈၸိူဝ်ႉၵူႈမဵဝ်း ဢၼ်မႂ်မၼ်းဢမ်ႇလႆႈႁဵဝ်ႇလႆႈၸွပ်ႈ၊ မၢၵ်ႇမၼ်းၵေႃႈ ဢမ်ႇလႆႈထၢတ်ႇလႆႈဝၢႆးၼၼ်ႉ တၵ်းဢွၼ်ၵၼ်ဢွၵ်ႇမႃးလႄႈ မၢၵ်ႇမၢၵ်ႇဢၼ်ၼုမ်ႇ ၵူႈလိူၼ်သေႇသေႇ ၵွပ်ႈပိူဝ်ႈဢၼ်ၼမ်ႉၼၼ်ႉ ဢွၵ်ႇသေ ၵႃႈၼႂ်းထႃႇၼႃႉတီႈမူတ်းၸၢင်ႇမႃးၼၼ်ႉဢေႃႈ။ မၢၵ်ႇမၼ်းၸမ်ႉ၊ တၵ်းပဵၼ်ပုၼ်ႈဢၼ်လီၵိၼ်လီၶူပ်းလႄႈ မႂ်မၼ်းၵေႃႈ တၵ်းပဵၼ်ပုၼ်ႈဢၼ် တၵ်းႁႂ်ႈတၢင်းၶႆႈတၢင်းပဵၼ်ထၢတ်ႇယဵၼ်ဢေႃႈ၊ ဝႃႈၼင်ႇၼႆဢေႃႈ။
ၶွပ်ႇၼမ်ႉလႅၼ်လိၼ်မိူင်းၸဝ်ႈ
13ၸဝ်ႈထႃႇဝရႃႉၽြႃး မီးဢမိင်ႉၸမ်ႉ၊ တၢင်းဢၼ်ၶၼ်ႈဢၼ်ၶႅၼ်ႈလိၼ်ဢၼ်ၽႄလိၼ်ဝႆႉ ႁႂ်ႈပဵၼ်ဢမူၺ်ႇၸွမ်းလူၺ်ႈ မဵဝ်းဢီႉသရေႇလႃႉ သိပ်းသွင်မဵဝ်းၼၼ်ႉၸမ်ႉ၊ ယူဝ်းသႅပ်ႈၼၼ်ႉ တၵ်းလႆႈဢဝ်လိၼ်သွင်ပုၼ်ႈဢေႃႈ။- 14သူတၵ်းလႆႈၶၢမ်ႇဢဝ်ဢမူၺ်ႇလိၼ် ဢၼ်ၵဝ်ယုၵ်ႉမိုဝ်းၵဝ်တိူင်ႇဝႃႈၵိၼ်ႇဝႃႈလႄႈ ပၼ်တီႈပူႇသူမွၼ်ႇသူၼၼ်ႉ ႁင်းၽႂ် ႁင်းမၼ်း မိူၼ်မိူၼ်ၵၼ်ဢေႃႈ။ လိၼ်ၼၼ်ႉတၵ်းတူၵ်းတီႈသူပုၼ်ႈဢၼ်တၵ်းၶၢမ်ႇဢမူၺ်ႇဢေႃႈ။- 15တၢင်းဢၼ်ၶၼ်ႈဢၼ်ၶႅၼ်ႈလိၼ်ၸမ်ႉ၊ ၵႃႈတီႈၽၢႆႇတၢင်းႁွင်ႇၼၼ်ႉ၊ လုၵ်ႉသေၵႃႈတီႈမႁႃႇပၢင်ႇလၢႆႇ ၸွမ်းသဵၼ်ႈတၢင်းႁေႇသလုၼ်ႇ ၸူးတီႈဢၼ် ၶဝ်ႈၵႃႈၼႂ်းၸေႇတတ်ႉသေလႄႈ၊- 16လဵပ်ႈၵႂႃႇဝဵင်းႁႃႇမတ်ႉ၊ ဝဵင်းပေႇရေႃးသႃႇ၊ ဝဵင်းသီႉပရိမ်း ဢၼ်မီးၵႄႈဝူင်ႈၵၢင်လိၼ်ထမ်ႇမသႅတ်ႉ တင်းလိၼ်ႁႃႇမတ်ႉၼၼ်ႉ၊ ဝဵင်းႁႃႇၸႃႇႁတ်ႉတီႉၵုၼ်ႇဢၼ်မီးၵႃႈႁိမ်းလိၼ် ဝဵင်းႁေႃႇရၼ်ႇလႄႈ၊- 17လႆႈသမ်ႉ တၢင်းဢၼ်ၶၼ်ႈဢၼ်ၶႅၼ်ႈၼၼ်ႉ ၽၢတ်ႇယၢၼ်ပၢင်ႇလၢႆႇသေလႄႈ တၵ်းလႆႈပႃးဝဵင်းႁႃႇၸႃႇရေးၼၼ်ႇ ၵႃႈႁိမ်းလႅၼ်လိၼ် ထမ်ႇမသႅတ်ႉလႄႈ ၵႂႃႇၽၢႆႇတၢင်းႁွင်ႇသိုဝ်ႈၼႃႈတၢင်းႁွင်ႇလႄႈ ပႃးလႅၼ်လိၼ် ဝဵင်းႁႃႇမတ်ႉဢေႃႈ။ ဢၼ်ၼႆႉၸမ်ႉ၊ ပဵၼ်ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းႁွင်ႇဢေႃႈ။- 18ဢၼ်ၶၼ်ႈဢၼ်ၶႅၼ်ႈၽၢႆႇတၢင်းဢွၵ်ႇၼၼ်ႉ တၵ်းလႆႈတႆႇၸွမ်းၵႄႈဝူင်ႈၵၢင်ဝဵင်းႁေႃႇရၼ်ႇတင်းဝဵင်းထမ်ႇမသႅတ်ႉ၊ မိူင်းၵီႉလတ်ႉ တင်းလိၼ်မိူင်းဢီႉသရေႇလႃႉ ၵႃႈႁိမ်းၼမ်ႉႁွင်ႈယေႃးတၢၼ်ႇ ဢၼ်ဝႃႈ ဢဝ်ၵႃႈတီႈဢၼ်ၶၼ်ႈဢၼ်ၶႅၼ်ႈၽၢႆႇတၢင်းႁွင်ႇၼၼ်ႉ တေႃႇထိုင်ႁွတ်ႈပၢင်ႇလၢႆႇ ၽၢႆႇဝၼ်းဢွၵ်ႇဢေႃႈ။ ဢၼ်ၼႆႉၸမ်ႉ၊ ပဵၼ်ဢၼ်ၶၼ်ႈဢၼ်ၶႅၼ်ႈ ၽၢႆႇဝၼ်းဢွၵ်ႇဢေႃႈ။- 19ဢၼ်ၶၼ်ႈဢၼ်ၶႅၼ်ႈၽၢႆႇတၢင်းၸၢၼ်းၼၼ်ႉ တၵ်းလႆႈတႆႇၸွမ်း ဢဝ်ၵႃႈတီႈၸႃႉၸဵမ်ဝဵင်းတႃႇမႃႇ တေႃႇထိုင်ႁွတ်ႈၼမ်ႉမေႇရီႇၽႃႉ ၵႃႈတီႈဝဵင်းၵႃႇတေႇသႃႉ ဢိၵ်ႇတင်းၼမ်ႉႁွင်ႈဢၼ်ၶဝ်ႈၵႃႈၼႂ်း မႁႃႇပၢင်ႇလၢႆႇၼၼ်ႉ ၵႂႃႇဢေႃႈ။ ဢၼ်ၼႆႉၸမ်ႉ၊ ပဵၼ်ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းၸၢၼ်းဢေႃႈ။- 20ၵႃႈတီႈ ၽၢႆႇဝၼ်းတူၵ်းၸမ်ႉ၊ ဢၼ်ၶၼ်ႈဢၼ်ၶႅၼ်ႈတၵ်းလႆႈပဵၼ် မႁႃႇပၢင်ႇလၢႆႇၼၼ်ႉ ဢဝ်ၵႃႈတီႈၸႃႉၸဵမ်ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းၸၢၼ်း တေႃႇထိုင်ႁွတ်ႈၵႃႈတီႈဢၼ် သိုဝ်ႈၵၼ်တင်းတီႈဢၼ်ၶဝ်ႈၸူးဝဵင်းႁႃႇမတ်ႉၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ် ဢၼ်ၶၼ်ႈဢၼ်ၶႅၼ်ႈ ၽၢႆႇဝၼ်းတူၵ်းဢေႃႈ။
21ၼင်ႇၼၼ်လႄႈ သူတၵ်းလႆႈၽႄလိၼ်ၼၼ်ႉ မႅင်ႇပၼ် ၸွမ်းလူၺ်ႈမဵဝ်းဢီႉသရေႇလႃႉ ႁင်းၽႂ်ႁင်းမၼ်းဢေႃႈ။- 22သူတၵ်းလႆႈတူၵ်းၸႃႇၵွၵ်ႈသေလႄႈ ၽႄလိၼ်ၼၼ်ႉမႅင်ႇပၼ် ပုၼ်ႈဢၼ်မဵဝ်းလဵဝ်ၵၼ်တင်းသူ တၵ်းၶၢမ်ႇဢဝ်ဢမူၺ်ႇ ဢိၵ်ႇတင်း ပုၼ်ႈဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်ယူႇၵႃႈၼႂ်းသူလႄႈ ၵိူတ်ႇလဵင်ႉလုၵ်ႈလဵင်ႉလၢင်း ၵႃႈၼႂ်းသူၸိူဝ်းၼၼ်ႉ တၵ်းၶၢမ်ႇဢဝ်ဢမူၺ်ႇဢေႃႈ။ ၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉ တၵ်းလႆႈပဵၼ်မိူၼ်ၸိူဝ်ႉၼင်ႇ ၵူၼ်းမဵဝ်းဢီႉသရေႇလႃႉ ဢၼ် ၵိူတ်ႇလဵင်ႉမႃး ၵႃႈတီႈမိူင်းၸဝ်ႈၼၼ်ႉတီႈသူလႄႈ ၶဝ်ၼၼ်ႉတၵ်းလႆႈၶၢမ်ႇဢဝ်ဢမူၺ်ႇလိၼ် ၵႃႈၼႂ်းမဵဝ်းဢီႉသရေႇလႃႉတင်းလၢႆ ဢေႃႈ။- 23ၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉ ယူႇၵႃႈၼႂ်းမဵဝ်းလႂ်သေဢမ်ႇဝႃႈ၊ သူတၵ်းလႆႈပၼ်လိၼ် ဢၼ်မၼ်းတၵ်းၶၢမ်ႇဢမူၺ်ႇၵႃႈၼႂ်း တီႈၼၼ်ႈဢေႃႈ၊ ဝႃႈၼင်ႇၼႆလႄႈ ၸဝ်ႈထႃႇဝရႃႉၽြႃး မီးဢမိင်ႉဢေႃႈ။
Currently Selected:
ယေႇၸၵျေႇလႃႉ 47: CBMS
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship
ယေႇၸၵျေႇလႃႉ 47
47
ၼမ်ႉႁွင်ႈဢၼ်လႆဢွၵ်ႇၵျွင်းပိၵ်ႈမၢၼ်ႇၸဝ်ႈ
1လိုၼ်းၼၼ်ႉ ၵေႃႉၼၼ်ႉသမ်ႉဢဝ်ၵဝ် ၶိုၼ်းမႃးၵႃႈတီႈၽၵ်းတူ ႁိူၼ်းၸဝ်ႈလႄႈ ၵဝ်ႁၼ်ၼမ်ႉဢွၵ်ႇသေၵႃႈတႂ်ႈၶူင်ႇ ၽၵ်းတူႁိူၼ်းၸဝ်ႈ လႆၵႂႃႇၽၢႆႇဝၼ်းဢွၵ်ႇဢေႃႈ။ ၼႃႈႁိူၼ်းၸဝ်ႈၼၼ်ႉ ဝၢႆႇၼႃႈၵႂႃႇၽၢႆႇဝၼ်းဢွၵ်ႇလႄႈ ၼမ်ႉၼၼ်ႉ လုၵ်ႉသေၵႃႈတီႈတႂ်ႈ ၼႃႈၽၢႆႇၶႂႃႁိူၼ်းၸဝ်ႈၽၢႆႇတၢင်းၸၢၼ်း ယိတ်ႈပလၢင်ႇၼၼ်ႉ လႆၵႂႃႇဢေႃႈ။- 2လႆႈသမ်ႉ ၵေႃႉၼၼ်ႉ ဢဝ်ၵဝ်ဢွၵ်ႇၸွမ်းသဵၼ်ႈတၢင်းၽၵ်းတူ ၼႃႈတၢင်းႁွင်ႇလႄႈ ဢွၼ်ၵဝ်လဵပ်ႈၵႂႃႇ ၽၢႆႇတၢင်းၼွၵ်ႈၸူးၵႃႈတီႈ ၽၵ်းတူဢၼ်ၵႃႈၼွၵ်ႈ ဢၼ်ဝႃႈသဵၼ်ႈတၢင်းၽၵ်းတူ ဢၼ်ဝၢႆႇၼႃႈၵႂႃႇ ၽၢႆႇဝၼ်းဢွၵ်ႇၼၼ်ႉလႄႈ ၵဝ်ႁၼ်ၼမ်ႉဢၼ်လႆၵႂႃႇတီႈၽၢႆႇတၢင်းၶႂႃဢေႃႈ။- 3ၵေႃႉဢၼ် ယိပ်းၸိူၵ်ႈၼၼ်ႉ ဢွၵ်ႇၵႂႃႇၽၢႆႇတၢင်းဝၼ်းဢွၵ်ႇသေလႄႈ တႅၵ်ႈႁႂ်ႈတဵမ်ႁဵင်သွၵ်ႇလႄႈ ႁႂ်ႈၵဝ်ၶၢမ်ႈၼမ်ႉၼၼ်ႉဢေႃႈ။ ၼမ်ႉၼၼ်ႉၶိုတ်းထိုင်တႃတိၼ်ၵူၺ်းဢေႃႈ။- 4လႆႈသမ်ႉ မၼ်းတႅၵ်ႈႁႂ်ႈတဵမ်ႁဵင်သွၵ်ႇလႄႈ ႁႂ်ႈၵဝ်သမ်ႉၶိုၼ်းၶၢမ်ႈၼမ်ႉၼၼ်ႉဢေႃႈ။ ၼမ်ႉၼၼ်ႉၶိုတ်းထိုင်ႁူဝ်ၶဝ်ႇဢေႃႈ။ လႆႈသမ်ႉမၼ်း တႅၵ်ႈႁႂ်ႈတဵမ်ႁဵင်သွၵ်ႇလႄႈ ႁႂ်ႈၵဝ်သမ်ႉၶိုၼ်းၶၢမ်ႈၼမ်ႉၼၼ်ႉဢေႃႈ။ ၼမ်ႉၼၼ်ႉၶိုတ်းထိုင်ဢႅဝ်ဢေႃႈ။- 5လႆႈသမ်ႉ မၼ်းတႅၵ်ႈႁႂ်ႈတဵမ်ႁဵင်သွၵ်ႇလႄႈ ပဵၼ်ၼမ်ႉႁွင်ႈ ဢၼ်ၵဝ်ဢမ်ႇၶၢမ်ႈလႆႈဢေႃႈ။ လွင်ႈမၼ်းၸမ်ႉ ၼမ်ႉၼွင်းၶိုၼ်ႈလႄႈ ပဵၼ်ၼမ်ႉ ဢၼ်တၵ်းလႆလုၺ်းၼမ်ႉႁွင်ႈ ဢၼ်ဢမ်ႇယၢင်ႈလႄႈၶၢမ်ႈလႆႈၼၼ်ႉဢေႃႈ။- 6ၵေႃႉၼၼ်ႉထၢမ်တီႈၵဝ်လႄႈဝႃႈ၊ လုၵ်ႈၵူၼ်းဢိူၺ်း၊ မႂ်းႁၼ်လွင်ႈတၢင်းၼႆႉယဝ်ႉဢမ်ႇၸႂ်ႈႁိုဝ်။ ဝႃႈၼင်ႇၼႆသေယဝ်ႉ၊ ႁွင်ႉဢဝ်ၵဝ်ၵႂႃႇ လႄႈ ႁႂ်ႈၶိုၼ်းမႃးၵႃႈတီႈၽင်ႇၼမ်ႉႁွင်ႈဢေႃႈ။- 7မိူဝ်ႈဢၼ်ၵဝ်ၶိုၼ်းမႃးၼၼ်ႉ ၵဝ်ႁၼ်တူၼ်ႈမႆႉၼမ်ၼႃႇ ၵႃႈတီႈႁိမ်းၽင်ႇၼမ်ႉႁွင်ႈသွင်ၽၢႆႇ ၼၼ်ႉဢေႃႈ။- 8ၵေႃႉၼၼ်ႉၵေႃႈလၢတ်ႈတီႈၵဝ်လႄႈဝႃႈ၊ ၼမ်ႉၼႆႉလႆၵႂႃႇၸူးထိူၼ်ႇၽၢႆႇဝၼ်းဢွၵ်ႇလႄႈ လူင်းၸူးၵႃႈၼႂ်းပၢင်ႇပဵင်း ဢႃႇရၽႃႉသေလႄႈ လႆၵႂႃႇၸူးၵႃႈတီႈပၢင်ႇလၢႆႇဢေႃႈ။ သုတ်းတိူၵ်ႉၵႃႈၼႂ်းပၢင်ႇလၢႆႇလႄႈ ႁႂ်ႈၼမ်ႉပဵၼ်ဢၼ်ဝၢၼ်မႃးဢေႃႈ။- 9သတ်ႉတဝႃႇ ၵူႈၸိူဝ်ႉၵူႈမဵဝ်းဢၼ်ဢသၢၵ်ႈလိပ်းလႄႈ ၸၢင်ႈတူင်ႉၸၢင်ႈၼိုင်ၼၼ်ႉ ဢသၢၵ်ႈတၵ်းလိပ်း ၵႃႈၼႂ်းတီႈၵႃႈဢၼ် ၼမ်ႉႁွင်ႈၼၼ်ႉႁွတ်ႈထိုင်ၼၼ်ႉလႄႈ ပႃတၵ်းမီးၼမ်ၼႃႇလူင်လၢင်ဢေႃႈ။ လွင်ႈမၼ်းၸမ်ႉ ၼမ်ႉၼၼ်ႉႁွတ်ႈထိုင်ၵႃႈတီႈၼၼ်ႈလႄႈ ပဵၼ်ဢၼ်ဝၢၼ်မႃးလႄႈ သတ်ႉတဝႃႇၵူႈၸိူဝ်ႉၵူႈမဵဝ်း တၵ်းလႆႈဢသၢၵ်ႈလိပ်းယူႇၼႂ်း တီႈၵႃႈဢၼ်ၼမ်ႉႁွင်ႈႁွတ်ႈထိုင်ၼၼ်ႉဢေႃႈ။- 10တမ်ႇငႃႈတင်းလၢႆ တၵ်းဢွၼ်ၵၼ်ၸုၵ်းယူႇ ၵႃႈတီႈႁိမ်းၽင်ႇမၼ်း ဢဝ်ၵႃႈတီႈၸႃႉၸဵမ်ဝၢၼ်ႈဢႅၼ်ႇၵေးတီႉ တေႃႇထိုင်ႁွတ်ႈ ဝၢၼ်ႈ ဢေႇၼေႃႉၵလိမ်းၼၼ်ႉလႄႈ ပိုတ်ႇၵီႈၼႅင်ႈၶဝ်ၶႄၶဝ်တူၵ်းယူႇဢေႃႈ။ ပႃၶဝ်တၵ်းမီးၵူႈၸိူဝ်ႉၵူႈမဵဝ်းလႄႈ ၼမ်ၼႃႇမိူၼ်ၸိူဝ်ႉၼင်ႇပႃၼႂ်းမႁႃႇပၢင်ႇလၢႆႇဢေႃႈ။- 11ၼမ်ႉၶုၼ်ႇၼမ်ႉဢူၼ်တင်းလၢႆ ဢိၵ်ႇတင်းၼမ်ႉၵူမ်ႇၼမ်ႉဢုင်တင်းလၢႆၸမ်ႉ၊ ဢမ်ႇလႆႈပဵၼ်ဢၼ်ဝၢၼ်။ တၵ်းလႆႈပဵၼ်ဢၼ်ၸဵမ်းယူႇသေႇသေႇဢေႃႈ။- 12ၵႃႈတီႈသွင်ၽၢႆႇ ၽင်ႇၼမ်ႉႁွင်ႈၼၼ်ႉ၊ တူၼ်ႈဢၼ်လီၵိၼ် ၵူႈၸိူဝ်ႉၵူႈမဵဝ်း ဢၼ်မႂ်မၼ်းဢမ်ႇလႆႈႁဵဝ်ႇလႆႈၸွပ်ႈ၊ မၢၵ်ႇမၼ်းၵေႃႈ ဢမ်ႇလႆႈထၢတ်ႇလႆႈဝၢႆးၼၼ်ႉ တၵ်းဢွၼ်ၵၼ်ဢွၵ်ႇမႃးလႄႈ မၢၵ်ႇမၢၵ်ႇဢၼ်ၼုမ်ႇ ၵူႈလိူၼ်သေႇသေႇ ၵွပ်ႈပိူဝ်ႈဢၼ်ၼမ်ႉၼၼ်ႉ ဢွၵ်ႇသေ ၵႃႈၼႂ်းထႃႇၼႃႉတီႈမူတ်းၸၢင်ႇမႃးၼၼ်ႉဢေႃႈ။ မၢၵ်ႇမၼ်းၸမ်ႉ၊ တၵ်းပဵၼ်ပုၼ်ႈဢၼ်လီၵိၼ်လီၶူပ်းလႄႈ မႂ်မၼ်းၵေႃႈ တၵ်းပဵၼ်ပုၼ်ႈဢၼ် တၵ်းႁႂ်ႈတၢင်းၶႆႈတၢင်းပဵၼ်ထၢတ်ႇယဵၼ်ဢေႃႈ၊ ဝႃႈၼင်ႇၼႆဢေႃႈ။
ၶွပ်ႇၼမ်ႉလႅၼ်လိၼ်မိူင်းၸဝ်ႈ
13ၸဝ်ႈထႃႇဝရႃႉၽြႃး မီးဢမိင်ႉၸမ်ႉ၊ တၢင်းဢၼ်ၶၼ်ႈဢၼ်ၶႅၼ်ႈလိၼ်ဢၼ်ၽႄလိၼ်ဝႆႉ ႁႂ်ႈပဵၼ်ဢမူၺ်ႇၸွမ်းလူၺ်ႈ မဵဝ်းဢီႉသရေႇလႃႉ သိပ်းသွင်မဵဝ်းၼၼ်ႉၸမ်ႉ၊ ယူဝ်းသႅပ်ႈၼၼ်ႉ တၵ်းလႆႈဢဝ်လိၼ်သွင်ပုၼ်ႈဢေႃႈ။- 14သူတၵ်းလႆႈၶၢမ်ႇဢဝ်ဢမူၺ်ႇလိၼ် ဢၼ်ၵဝ်ယုၵ်ႉမိုဝ်းၵဝ်တိူင်ႇဝႃႈၵိၼ်ႇဝႃႈလႄႈ ပၼ်တီႈပူႇသူမွၼ်ႇသူၼၼ်ႉ ႁင်းၽႂ် ႁင်းမၼ်း မိူၼ်မိူၼ်ၵၼ်ဢေႃႈ။ လိၼ်ၼၼ်ႉတၵ်းတူၵ်းတီႈသူပုၼ်ႈဢၼ်တၵ်းၶၢမ်ႇဢမူၺ်ႇဢေႃႈ။- 15တၢင်းဢၼ်ၶၼ်ႈဢၼ်ၶႅၼ်ႈလိၼ်ၸမ်ႉ၊ ၵႃႈတီႈၽၢႆႇတၢင်းႁွင်ႇၼၼ်ႉ၊ လုၵ်ႉသေၵႃႈတီႈမႁႃႇပၢင်ႇလၢႆႇ ၸွမ်းသဵၼ်ႈတၢင်းႁေႇသလုၼ်ႇ ၸူးတီႈဢၼ် ၶဝ်ႈၵႃႈၼႂ်းၸေႇတတ်ႉသေလႄႈ၊- 16လဵပ်ႈၵႂႃႇဝဵင်းႁႃႇမတ်ႉ၊ ဝဵင်းပေႇရေႃးသႃႇ၊ ဝဵင်းသီႉပရိမ်း ဢၼ်မီးၵႄႈဝူင်ႈၵၢင်လိၼ်ထမ်ႇမသႅတ်ႉ တင်းလိၼ်ႁႃႇမတ်ႉၼၼ်ႉ၊ ဝဵင်းႁႃႇၸႃႇႁတ်ႉတီႉၵုၼ်ႇဢၼ်မီးၵႃႈႁိမ်းလိၼ် ဝဵင်းႁေႃႇရၼ်ႇလႄႈ၊- 17လႆႈသမ်ႉ တၢင်းဢၼ်ၶၼ်ႈဢၼ်ၶႅၼ်ႈၼၼ်ႉ ၽၢတ်ႇယၢၼ်ပၢင်ႇလၢႆႇသေလႄႈ တၵ်းလႆႈပႃးဝဵင်းႁႃႇၸႃႇရေးၼၼ်ႇ ၵႃႈႁိမ်းလႅၼ်လိၼ် ထမ်ႇမသႅတ်ႉလႄႈ ၵႂႃႇၽၢႆႇတၢင်းႁွင်ႇသိုဝ်ႈၼႃႈတၢင်းႁွင်ႇလႄႈ ပႃးလႅၼ်လိၼ် ဝဵင်းႁႃႇမတ်ႉဢေႃႈ။ ဢၼ်ၼႆႉၸမ်ႉ၊ ပဵၼ်ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းႁွင်ႇဢေႃႈ။- 18ဢၼ်ၶၼ်ႈဢၼ်ၶႅၼ်ႈၽၢႆႇတၢင်းဢွၵ်ႇၼၼ်ႉ တၵ်းလႆႈတႆႇၸွမ်းၵႄႈဝူင်ႈၵၢင်ဝဵင်းႁေႃႇရၼ်ႇတင်းဝဵင်းထမ်ႇမသႅတ်ႉ၊ မိူင်းၵီႉလတ်ႉ တင်းလိၼ်မိူင်းဢီႉသရေႇလႃႉ ၵႃႈႁိမ်းၼမ်ႉႁွင်ႈယေႃးတၢၼ်ႇ ဢၼ်ဝႃႈ ဢဝ်ၵႃႈတီႈဢၼ်ၶၼ်ႈဢၼ်ၶႅၼ်ႈၽၢႆႇတၢင်းႁွင်ႇၼၼ်ႉ တေႃႇထိုင်ႁွတ်ႈပၢင်ႇလၢႆႇ ၽၢႆႇဝၼ်းဢွၵ်ႇဢေႃႈ။ ဢၼ်ၼႆႉၸမ်ႉ၊ ပဵၼ်ဢၼ်ၶၼ်ႈဢၼ်ၶႅၼ်ႈ ၽၢႆႇဝၼ်းဢွၵ်ႇဢေႃႈ။- 19ဢၼ်ၶၼ်ႈဢၼ်ၶႅၼ်ႈၽၢႆႇတၢင်းၸၢၼ်းၼၼ်ႉ တၵ်းလႆႈတႆႇၸွမ်း ဢဝ်ၵႃႈတီႈၸႃႉၸဵမ်ဝဵင်းတႃႇမႃႇ တေႃႇထိုင်ႁွတ်ႈၼမ်ႉမေႇရီႇၽႃႉ ၵႃႈတီႈဝဵင်းၵႃႇတေႇသႃႉ ဢိၵ်ႇတင်းၼမ်ႉႁွင်ႈဢၼ်ၶဝ်ႈၵႃႈၼႂ်း မႁႃႇပၢင်ႇလၢႆႇၼၼ်ႉ ၵႂႃႇဢေႃႈ။ ဢၼ်ၼႆႉၸမ်ႉ၊ ပဵၼ်ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းၸၢၼ်းဢေႃႈ။- 20ၵႃႈတီႈ ၽၢႆႇဝၼ်းတူၵ်းၸမ်ႉ၊ ဢၼ်ၶၼ်ႈဢၼ်ၶႅၼ်ႈတၵ်းလႆႈပဵၼ် မႁႃႇပၢင်ႇလၢႆႇၼၼ်ႉ ဢဝ်ၵႃႈတီႈၸႃႉၸဵမ်ဢၼ်ၶၼ်ႈဢၼ်ၶႅၼ်ႈ ၽၢႆႇတၢင်းၸၢၼ်း တေႃႇထိုင်ႁွတ်ႈၵႃႈတီႈဢၼ် သိုဝ်ႈၵၼ်တင်းတီႈဢၼ်ၶဝ်ႈၸူးဝဵင်းႁႃႇမတ်ႉၼၼ်ႉဢေႃႈ။ ဢၼ်ၼႆႉၸမ်ႉ၊ ပဵၼ် ဢၼ်ၶၼ်ႈဢၼ်ၶႅၼ်ႈ ၽၢႆႇဝၼ်းတူၵ်းဢေႃႈ။
21ၼင်ႇၼၼ်လႄႈ သူတၵ်းလႆႈၽႄလိၼ်ၼၼ်ႉ မႅင်ႇပၼ် ၸွမ်းလူၺ်ႈမဵဝ်းဢီႉသရေႇလႃႉ ႁင်းၽႂ်ႁင်းမၼ်းဢေႃႈ။- 22သူတၵ်းလႆႈတူၵ်းၸႃႇၵွၵ်ႈသေလႄႈ ၽႄလိၼ်ၼၼ်ႉမႅင်ႇပၼ် ပုၼ်ႈဢၼ်မဵဝ်းလဵဝ်ၵၼ်တင်းသူ တၵ်းၶၢမ်ႇဢဝ်ဢမူၺ်ႇ ဢိၵ်ႇတင်း ပုၼ်ႈဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်း ဢၼ်ယူႇၵႃႈၼႂ်းသူလႄႈ ၵိူတ်ႇလဵင်ႉလုၵ်ႈလဵင်ႉလၢင်း ၵႃႈၼႂ်းသူၸိူဝ်းၼၼ်ႉ တၵ်းၶၢမ်ႇဢဝ်ဢမူၺ်ႇဢေႃႈ။ ၵူၼ်းတၢင်ႇၸိူဝ်ႉတၢင်ႇၶိူဝ်းၸိူဝ်းၼၼ်ႉ တၵ်းလႆႈပဵၼ်မိူၼ်ၸိူဝ်ႉၼင်ႇ ၵူၼ်းမဵဝ်းဢီႉသရေႇလႃႉ ဢၼ် ၵိူတ်ႇလဵင်ႉမႃး ၵႃႈတီႈမိူင်းၸဝ်ႈၼၼ်ႉတီႈသူလႄႈ ၶဝ်ၼၼ်ႉတၵ်းလႆႈၶၢမ်ႇဢဝ်ဢမူၺ်ႇလိၼ် ၵႃႈၼႂ်းမဵဝ်းဢီႉသရေႇလႃႉတင်းလၢႆ ဢေႃႈ။- 23ၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉ ယူႇၵႃႈၼႂ်းမဵဝ်းလႂ်သေဢမ်ႇဝႃႈ၊ သူတၵ်းလႆႈပၼ်လိၼ် ဢၼ်မၼ်းတၵ်းၶၢမ်ႇဢမူၺ်ႇၵႃႈၼႂ်း တီႈၼၼ်ႈဢေႃႈ၊ ဝႃႈၼင်ႇၼႆလႄႈ ၸဝ်ႈထႃႇဝရႃႉၽြႃး မီးဢမိင်ႉဢေႃႈ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Shan Baptist Churches Fellowship