ZAKKAARIYAASI 8
8
YERUSAALAME ALBI GEDEETA IKKITANNO GEDE KAALIIQI UYINO HEXXO
1Olantote Mootichi Kaaliiqi Zakkaariyaasira, 2«Mannisera nooe baxilli daafira, Yerusaalame kaa'lammora hasi'reemmo; diinnasera hanqeemmo gede assinoehuno isera nooe baxilleeti. Ani Olantote Mootichi Kaaliiqaati. 3Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.
4Olantote Mootichi Kaaliiqi lede, «Bordunni ha'ranno geerri galagale katamu gudumaalira yaaddo nookkiha songanno. 5Qoleno, oosonna seennu doogga baalate wo'mite godo'litanno» yaanno.
6Olantote Mootichi Kaaliiqi, «Kuni, qafadotenni gate higara noo mannira dandaamannokkiha lawansara dandaanno; anera kayinni dandaamannokkiha di"ikkino. 7Ani manna'ya qafadame hee'ranno gobbanni soojjaatinninna galchiminni qole abbeemmo. 8Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.
9Olantote Mootichi Kaaliiqi, «Qullaawu Maganu Mine layinkimeeshsho minate sanfanni yannara, himanaano coyidhinore macciishshitiniri baalunku jawaatte! Waajjitinoonte! 10Hatte yannara albaanni, mannu mereero gibbonna yekkeerama batidhanno gede assoommohura, diinu waajjishiishshinni kainohunni ayino keere hee'rara didandiino; woxu hoonginni kainohunnino, manna kirunni loosiisi'ranna saadano kiraho aa didandiinoonni. 11Xa kayinni, qafadotenni gatte higgannorira alba assummo gede diasseemmo. 12Gidensa keerunni wixidhanno; woyinensano lowo laalo amaddanno; lowo xeeni hee'ranno daafira, baatto lowo gide uyitanno; gatino manni'yara konne baala atoote eemmonsa. 13Ki'ne Yihudunna Israeelete manna, kunni albaanni wole daga mimmitonsa, ‹Yihudunna Israeelete iillitino rumo amaddo'ne› yitanni runtanno. Xa kayinni ani gatiseemmo'ne daafira, galagalte mimmitonsa, ‹Yihudahonna Israeelete iillitino maasso iillito'ne› yitanni maassidhanno. Kunnira, jawaatte! Waajjitinoonte» yaanno.
14Olantote Mootichi Kaaliiqi, «Akaakka'ne hanqissue yannara, insara hedoommo bao abboommo ikkinnina, murte'ya diaguroommo. 15Xa kayinni, Yerusaalametenna Yihudu manna maassi'rammora murci'roommo; kunnira, waajjitinoonte! 16Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe. 17Mimmiti'nera busha heddinoonte; kaphunni xaartine naqqassinoonte; ani kapho, halaale dawisanna beebba giweemmo» yaanno.
18Olantote Mootichi Kaaliiqi ane Zakkaariyaasira lede, 19«Ki'ne Yihudu manni, shoolkiha ontikkiha, lamalkihanna tonnikki agana agartine qatuntine huuccidhinanni barri, jilunnihanna hagiirrunniha ikkanno'ne; ki'nella kayinni halaalenna keeraanchimma baxxe» yiie.
20Olantote Mootichi Kaaliiqi, «Wole gosaranna addi addi katammara hee'ranno manni Yerusaalame higanno yanna dagganno. 21Mittu kataminni dagginori wolu kataminni dagginore, ‹Olantote Mootichi Kaaliiqira kumbuulatenna atoote aannonke gede iso huucci'rate amme hakkiichira ha'nona› yitanno. 22Kunni garinni Olantote Mootichira Kaaliiqira kumbuultaranna isi atoote adhate huuccidhara lowo manninna wolqaataame gosa Yerusaalame dagganno. 23Hakka waro, tonnu wole gobba manni mittu Yihudichiwa mare, uddanosi handaara amade, ‹Maganu ki'ne ledo noota macciishshinoommona, ninkeno ledo'ne ha'noni?› yite xa'midhanno» yii.
Currently Selected:
ZAKKAARIYAASI 8: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
ZAKKAARIYAASI 8
8
YERUSAALAME ALBI GEDEETA IKKITANNO GEDE KAALIIQI UYINO HEXXO
1Olantote Mootichi Kaaliiqi Zakkaariyaasira, 2«Mannisera nooe baxilli daafira, Yerusaalame kaa'lammora hasi'reemmo; diinnasera hanqeemmo gede assinoehuno isera nooe baxilleeti. Ani Olantote Mootichi Kaaliiqaati. 3Ani qullaawa katama'ya Yerusaalame galagale hige hakko hee'reemmo; ammanamino manni hee'ranno katamaati yineenna egenname hee'ranno; Mini'ya noowi Tsiyooni Ilaali, qullaawa ilaalaati yineenna egenname hee'ranno» yii.
4Olantote Mootichi Kaaliiqi lede, «Bordunni ha'ranno geerri galagale katamu gudumaalira yaaddo nookkiha songanno. 5Qoleno, oosonna seennu doogga baalate wo'mite godo'litanno» yaanno.
6Olantote Mootichi Kaaliiqi, «Kuni, qafadotenni gate higara noo mannira dandaamannokkiha lawansara dandaanno; anera kayinni dandaamannokkiha di"ikkino. 7Ani manna'ya qafadame hee'ranno gobbanni soojjaatinninna galchiminni qole abbeemmo. 8Abbe Yerusaalamete heedhanno gede asseemmonsa; insa manna'ya ikkitanno; anino Maganonsa ikkeemmo; taalotenninna halaalunni Maganonsa ikkeemmo» yaanno.
9Olantote Mootichi Kaaliiqi, «Qullaawu Maganu Mine layinkimeeshsho minate sanfanni yannara, himanaano coyidhinore macciishshitiniri baalunku jawaatte! Waajjitinoonte! 10Hatte yannara albaanni, mannu mereero gibbonna yekkeerama batidhanno gede assoommohura, diinu waajjishiishshinni kainohunni ayino keere hee'rara didandiino; woxu hoonginni kainohunnino, manna kirunni loosiisi'ranna saadano kiraho aa didandiinoonni. 11Xa kayinni, qafadotenni gatte higgannorira alba assummo gede diasseemmo. 12Gidensa keerunni wixidhanno; woyinensano lowo laalo amaddanno; lowo xeeni hee'ranno daafira, baatto lowo gide uyitanno; gatino manni'yara konne baala atoote eemmonsa. 13Ki'ne Yihudunna Israeelete manna, kunni albaanni wole daga mimmitonsa, ‹Yihudunna Israeelete iillitino rumo amaddo'ne› yitanni runtanno. Xa kayinni ani gatiseemmo'ne daafira, galagalte mimmitonsa, ‹Yihudahonna Israeelete iillitino maasso iillito'ne› yitanni maassidhanno. Kunnira, jawaatte! Waajjitinoonte» yaanno.
14Olantote Mootichi Kaaliiqi, «Akaakka'ne hanqissue yannara, insara hedoommo bao abboommo ikkinnina, murte'ya diaguroommo. 15Xa kayinni, Yerusaalametenna Yihudu manna maassi'rammora murci'roommo; kunnira, waajjitinoonte! 16Ki'ne assa hasiisanno'ne coyi, mimmiti'nera halaale coyidhe; yoote songowa keere abbate taalo coyidhe. 17Mimmiti'nera busha heddinoonte; kaphunni xaartine naqqassinoonte; ani kapho, halaale dawisanna beebba giweemmo» yaanno.
18Olantote Mootichi Kaaliiqi ane Zakkaariyaasira lede, 19«Ki'ne Yihudu manni, shoolkiha ontikkiha, lamalkihanna tonnikki agana agartine qatuntine huuccidhinanni barri, jilunnihanna hagiirrunniha ikkanno'ne; ki'nella kayinni halaalenna keeraanchimma baxxe» yiie.
20Olantote Mootichi Kaaliiqi, «Wole gosaranna addi addi katammara hee'ranno manni Yerusaalame higanno yanna dagganno. 21Mittu kataminni dagginori wolu kataminni dagginore, ‹Olantote Mootichi Kaaliiqira kumbuulatenna atoote aannonke gede iso huucci'rate amme hakkiichira ha'nona› yitanno. 22Kunni garinni Olantote Mootichira Kaaliiqira kumbuultaranna isi atoote adhate huuccidhara lowo manninna wolqaataame gosa Yerusaalame dagganno. 23Hakka waro, tonnu wole gobba manni mittu Yihudichiwa mare, uddanosi handaara amade, ‹Maganu ki'ne ledo noota macciishshinoommona, ninkeno ledo'ne ha'noni?› yite xa'midhanno» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014