FILIPHISIYUSI SOKKA 1
1
PHAAWULOOSI SOYINO KEERE
1Kiristoosi Yesuusi borojji Phaawuloosinna Ximootewoosi Filiphisiyusi Katamira heedhannorira geerrahonna daaqoonete Kiristoosa Yesuusa ammantinorira qullaawu mannira baalaho, 2Anninke Maganunnihunna Mootichinke Yesuusi Kiristoosi eltonna keeru ki'ne ledo hee'ro.
PHAAWULOOSI FILIPHISIYUSI AMMANAASINERA HUUCCINO HUUCCATTO
3Ki'ne qaageemmo yanna baalate, ki'nenni kainohunni Magano'ya galaxxeemmo. 4Ki'ne baalunku daafira Magano huucceemmo yannara, hagiidheemmo. 5Hakkuno, umi barrinni kayise techo geeshsha Dancha Duduwo kulate looso loosanna kaa'litinoonnie gara hedatenniiti. 6Konne dancha looso ki'nenni hanafino Magani, Kiristoosi Yesuusi galagale daanno Barri geeshsha wonshannota dihuluullameemmo. 7Ki'ne wodani'yanni diba'inannireeti. Hakkuno hasiisanno coyeti. Kuni ikkannohu, ki'ne baalunku Maganu uyinoe soqqanshora ane ledo kaa'lantinoonni daafiraati. Hatto assitinoonnihuno, xa ani usuru mine hee'reennanna alba Dancha Duduwo xiibbannore gargareemmo woyitenna konne halaale dhaawummo yannaraati. 8Ki'ne baalanka Kiristoosi Yesuusi baxanno'ne garinni baxeemmo'neti halaale ikkitinota Maganu egennino. 9Baxilli'ne halaalu egennonna wo'ma wodancha ledo mitteenni lede lede lophanno gede, Magano huucci'reemmo. 10Hatto asseemmohuno, Kiristoosi galagale daanno barrira qixxaabbine, fayyaaleeyyenna minshanniri nookkire ikkitine woyyanno coye baddine affinoonnire ikkitinanni gedeeti. 11Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.
PHAAWULOOSI USURAMA DANCHA DUDUWO HALA'LA DIHOOLTINO
12Ikkollana roduuwa'ya, kuni iillinoe qarri halaalenka Dancha Duduwo halashshammora kaoommohura calla ikkinota affinara hasi'reemmo. 13Kunnira usurama'ya Kiristoosi daafiraati. Kuni coyi mootete mini agaraanowanna wolu manni baalunkuwa xawe leellinoho. 14Mootichunni noori lowo roduuwino usurama'ya halaalunnita ikkitinota ammante Maganu qaale kultara waajja nookkiha albinni roore jawaattanni no. 15Mitu mitu hinaasunninna heewotenni, wolootu kayinni dancha halchonni ka'e Yesuusire kultanno. 16Kuri Danchu Duduwira irko ikkammora dooramoommota affe baxillunni Yesuusire kultanno. 17Ku'uri kayinni, Kiristoosire kultannohu, suwashsho hedonni ikkikkinni umonsa baxate hedonni usurame noommohura qarra ledate heddeeti. 18Ikki garano ikkiro, danchatennino ikko busha hedonni, Kiristoosire kullanni. Anino kunninni hagiidheemmo. Eewanni, lede hagiidheemmo. 19Anino ki'ne huuccattonninna Yesuusi Kiristoosi Ayyaani kaa'lonni gate fuleemmota afoommo daafiraati. 20Mittu coyinni nafa saaleemmokki gede, lowo halchonna hexxo nooe; ikkirono, xaante gede hedeemmorinnino ikko asseemmorinni, hee'rummorono reyummorono, Kiristoosi anenni ayirrannota afoo wonshe coyi'reemmo. 21Kunnira, ane heeshsho Kiristoosiraati; reyo'ya ane qiniiteeti. 22Ikkollana, lubbotenni hee'ra'ya guma uyitannota ikkituro, reyatenna hee'rate woyite hiittenne doodheemmoro diafoommo. 23Lamente hedonni daddawamoommo; ha're Kiristoosi ledo hee'rammora quqquxameemmo; hatti roore woyyitannoe. 24Wole widoonni kayinni, lubbotenni hee'ra ki'nera lowo geeshsha woyyitanno. 25Kunni daafira, ki'ne baalunku ledo hee'reemmota buuxi'roommo. Ki'ne baalunku ledo hee'reemmohu, amma'natenni lophonna hagiirre afidhinanni gedeeti. 26Ani galagale ki'newa dayummoro, anenni kainohunni Kiristoosa Yesuusa hexxitinanni hexxo batidhanno. 27Ikki garano ikkiro, qaru coyi, ki'ne Kiristoosihu Danchu Duduwira hasiisino garinni hee'rate. Ki'newa dayummorono woy fafe hee're mitte hedonni jawaattine uurra'nenna Danchu Duduwi amma'nara mittimmatenni sharrama'ne macciishsheemmo. 28Gibbanno'nere mittu coyira nafa waajjitinoonte! Wo'manka woyite jawaatte. Hatti insara baote, ki'nera kayinni qeellete malaateeti. Konne assannohuno Maganoho. 29Tenne kaayyo uyinoonni'nehu, Kiristoosa ammana callate ikkikkinni, isi daafira yitine qarra adhitinanni gedeeti. 30Kunnira, xa ane ledo qarra beeqqitinannire ikkitinoonni; kuni qarri kunni albaanni iillinoe gede affinoonni; xaano qarru giddo noommota macciishshitinanni.#Soq 16:19-40 lai.
Currently Selected:
FILIPHISIYUSI SOKKA 1: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
FILIPHISIYUSI SOKKA 1
1
PHAAWULOOSI SOYINO KEERE
1Kiristoosi Yesuusi borojji Phaawuloosinna Ximootewoosi Filiphisiyusi Katamira heedhannorira geerrahonna daaqoonete Kiristoosa Yesuusa ammantinorira qullaawu mannira baalaho, 2Anninke Maganunnihunna Mootichinke Yesuusi Kiristoosi eltonna keeru ki'ne ledo hee'ro.
PHAAWULOOSI FILIPHISIYUSI AMMANAASINERA HUUCCINO HUUCCATTO
3Ki'ne qaageemmo yanna baalate, ki'nenni kainohunni Magano'ya galaxxeemmo. 4Ki'ne baalunku daafira Magano huucceemmo yannara, hagiidheemmo. 5Hakkuno, umi barrinni kayise techo geeshsha Dancha Duduwo kulate looso loosanna kaa'litinoonnie gara hedatenniiti. 6Konne dancha looso ki'nenni hanafino Magani, Kiristoosi Yesuusi galagale daanno Barri geeshsha wonshannota dihuluullameemmo. 7Ki'ne wodani'yanni diba'inannireeti. Hakkuno hasiisanno coyeti. Kuni ikkannohu, ki'ne baalunku Maganu uyinoe soqqanshora ane ledo kaa'lantinoonni daafiraati. Hatto assitinoonnihuno, xa ani usuru mine hee'reennanna alba Dancha Duduwo xiibbannore gargareemmo woyitenna konne halaale dhaawummo yannaraati. 8Ki'ne baalanka Kiristoosi Yesuusi baxanno'ne garinni baxeemmo'neti halaale ikkitinota Maganu egennino. 9Baxilli'ne halaalu egennonna wo'ma wodancha ledo mitteenni lede lede lophanno gede, Magano huucci'reemmo. 10Hatto asseemmohuno, Kiristoosi galagale daanno barrira qixxaabbine, fayyaaleeyyenna minshanniri nookkire ikkitine woyyanno coye baddine affinoonnire ikkitinanni gedeeti. 11Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.
PHAAWULOOSI USURAMA DANCHA DUDUWO HALA'LA DIHOOLTINO
12Ikkollana roduuwa'ya, kuni iillinoe qarri halaalenka Dancha Duduwo halashshammora kaoommohura calla ikkinota affinara hasi'reemmo. 13Kunnira usurama'ya Kiristoosi daafiraati. Kuni coyi mootete mini agaraanowanna wolu manni baalunkuwa xawe leellinoho. 14Mootichunni noori lowo roduuwino usurama'ya halaalunnita ikkitinota ammante Maganu qaale kultara waajja nookkiha albinni roore jawaattanni no. 15Mitu mitu hinaasunninna heewotenni, wolootu kayinni dancha halchonni ka'e Yesuusire kultanno. 16Kuri Danchu Duduwira irko ikkammora dooramoommota affe baxillunni Yesuusire kultanno. 17Ku'uri kayinni, Kiristoosire kultannohu, suwashsho hedonni ikkikkinni umonsa baxate hedonni usurame noommohura qarra ledate heddeeti. 18Ikki garano ikkiro, danchatennino ikko busha hedonni, Kiristoosire kullanni. Anino kunninni hagiidheemmo. Eewanni, lede hagiidheemmo. 19Anino ki'ne huuccattonninna Yesuusi Kiristoosi Ayyaani kaa'lonni gate fuleemmota afoommo daafiraati. 20Mittu coyinni nafa saaleemmokki gede, lowo halchonna hexxo nooe; ikkirono, xaante gede hedeemmorinnino ikko asseemmorinni, hee'rummorono reyummorono, Kiristoosi anenni ayirrannota afoo wonshe coyi'reemmo. 21Kunnira, ane heeshsho Kiristoosiraati; reyo'ya ane qiniiteeti. 22Ikkollana, lubbotenni hee'ra'ya guma uyitannota ikkituro, reyatenna hee'rate woyite hiittenne doodheemmoro diafoommo. 23Lamente hedonni daddawamoommo; ha're Kiristoosi ledo hee'rammora quqquxameemmo; hatti roore woyyitannoe. 24Wole widoonni kayinni, lubbotenni hee'ra ki'nera lowo geeshsha woyyitanno. 25Kunni daafira, ki'ne baalunku ledo hee'reemmota buuxi'roommo. Ki'ne baalunku ledo hee'reemmohu, amma'natenni lophonna hagiirre afidhinanni gedeeti. 26Ani galagale ki'newa dayummoro, anenni kainohunni Kiristoosa Yesuusa hexxitinanni hexxo batidhanno. 27Ikki garano ikkiro, qaru coyi, ki'ne Kiristoosihu Danchu Duduwira hasiisino garinni hee'rate. Ki'newa dayummorono woy fafe hee're mitte hedonni jawaattine uurra'nenna Danchu Duduwi amma'nara mittimmatenni sharrama'ne macciishsheemmo. 28Gibbanno'nere mittu coyira nafa waajjitinoonte! Wo'manka woyite jawaatte. Hatti insara baote, ki'nera kayinni qeellete malaateeti. Konne assannohuno Maganoho. 29Tenne kaayyo uyinoonni'nehu, Kiristoosa ammana callate ikkikkinni, isi daafira yitine qarra adhitinanni gedeeti. 30Kunnira, xa ane ledo qarra beeqqitinannire ikkitinoonni; kuni qarri kunni albaanni iillinoe gede affinoonni; xaano qarru giddo noommota macciishshitinanni.#Soq 16:19-40 lai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014