MIKIYAASI 6
6
MAGANU ISRAEELETE MANNA ABBOOSHSHI'RI
1Kaaliiqi Israeelete manna abbooshshi'rino gara macciishshe.
Kaaliiqa ballo ka'e, mannikki aana noohe hanqo xawisi; ilaallanna gaarra ati yaattore macciishshito.
2Ki'ne ilaalla Kaaliiqi Maganu manna abbooshshi'rino gara macciishshe. Ki'ne kaajjaddu baattote rumuddano macciishshe. Kaaliiqi mannasi Israeele abbooshshi'rino; qoleno boroorino.
3Kaaliiqi, «Manna'ya ma"assummo'ne? Hiittono duha ikkummo'ne? Hanni kulle"e. 4Gibitsete gobbanni borojjimmate mininni wodoommo'ne; Muse, Aarooninna, Maariyaami alba'neenni hadhanni massaganno'ne gede assoommo'ne. 5Manna'ya, Moaabi moote Baalaaqi maricho hedino'neronna Bioori beetti Beleaami mayee qolinosiro wodanche. Konne duuchanka qaagge. Shixiiminni ka'ine Galgala hadhini doogora ikkinore baala qaagge. Konne duuchanka qaagginiro gatisammo'nera assoommore baala wodanchitinanni» yaanno.
KAALIIQI MANNISIWIINNI HASI'RANNORE
6Ayirradu Kaaliiqira kumbuulammora maa haa're shiqo? Isira shilqote kakkalo ikkitanno gede doorroonni siitta haa're dayoni? 7Kumunni kiirranni gocca ge'reewunnita, woy tonne kume lowiddaanna daadanno wayi geeshshita ejersu laalonni qixxeessinoonni zayite shiqishummosiro hagiidha ikka? Bayira beetto'ya kakkalummosiha ikkiro cubbo'ya agurae ikka? 8Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.
9Kaaliiqa waajja egennote. Isi katama, «Katamu giddo gamba yitine heedhinoonni manni macciishshe! 10Cubbaataammu minensa kaphunninna dogatenni afidhino jiro wonshidhino. Ani giwoommoha kaphu safaraasincho horoonsidhino. 11Hatto ikkiro dharu keenaasinchonna safaraasincho horoonsi'ranno manni sao hiitto asse agureemmo? 12Mereero'ne noore buxane gadadissino. Wo'munku kapho coyidhinannireeti. 13Kunnira, cubbi'nenni kainohunni ki'ne hunammoranna diigammora kaoommo. 14Ittinannillana, diduubbinanni; hudeno ki'newiinni diho'litanno. Lowo coye gamba assidhinanni; ikkollana kassi diyitinanni. Gamba assidhinoonni jiro heedhurono olunni huneemmo. 15Gide wixidhinannita ikkinnina, gamba diassidhinanni. Ejersu laalo huuncidhinannita ikkinnina zayitesi dihoroonsidhinanni. Woyinete laalo huuncidhinannita ikkinnina diagginanni. 16Kuni duuchunku iillanno'nehu moote Omiirihanna gashshootesi ragi'nohu beettisi Akiaabi miniha busha rosonna busha looso ha'runsitinoonnihuraati. Isi amaale adhitinoonni daafira huneemmo'ne. Mannu wo'munku albaanni oso'linannire asseemmo'ne. Manni'ya mereero mishantinoonnire ikkitinanni» yaanno.
Currently Selected:
MIKIYAASI 6: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
MIKIYAASI 6
6
MAGANU ISRAEELETE MANNA ABBOOSHSHI'RI
1Kaaliiqi Israeelete manna abbooshshi'rino gara macciishshe.
Kaaliiqa ballo ka'e, mannikki aana noohe hanqo xawisi; ilaallanna gaarra ati yaattore macciishshito.
2Ki'ne ilaalla Kaaliiqi Maganu manna abbooshshi'rino gara macciishshe. Ki'ne kaajjaddu baattote rumuddano macciishshe. Kaaliiqi mannasi Israeele abbooshshi'rino; qoleno boroorino.
3Kaaliiqi, «Manna'ya ma"assummo'ne? Hiittono duha ikkummo'ne? Hanni kulle"e. 4Gibitsete gobbanni borojjimmate mininni wodoommo'ne; Muse, Aarooninna, Maariyaami alba'neenni hadhanni massaganno'ne gede assoommo'ne. 5Manna'ya, Moaabi moote Baalaaqi maricho hedino'neronna Bioori beetti Beleaami mayee qolinosiro wodanche. Konne duuchanka qaagge. Shixiiminni ka'ine Galgala hadhini doogora ikkinore baala qaagge. Konne duuchanka qaagginiro gatisammo'nera assoommore baala wodanchitinanni» yaanno.
KAALIIQI MANNISIWIINNI HASI'RANNORE
6Ayirradu Kaaliiqira kumbuulammora maa haa're shiqo? Isira shilqote kakkalo ikkitanno gede doorroonni siitta haa're dayoni? 7Kumunni kiirranni gocca ge'reewunnita, woy tonne kume lowiddaanna daadanno wayi geeshshita ejersu laalonni qixxeessinoonni zayite shiqishummosiro hagiidha ikka? Bayira beetto'ya kakkalummosiha ikkiro cubbo'ya agurae ikka? 8Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.
9Kaaliiqa waajja egennote. Isi katama, «Katamu giddo gamba yitine heedhinoonni manni macciishshe! 10Cubbaataammu minensa kaphunninna dogatenni afidhino jiro wonshidhino. Ani giwoommoha kaphu safaraasincho horoonsidhino. 11Hatto ikkiro dharu keenaasinchonna safaraasincho horoonsi'ranno manni sao hiitto asse agureemmo? 12Mereero'ne noore buxane gadadissino. Wo'munku kapho coyidhinannireeti. 13Kunnira, cubbi'nenni kainohunni ki'ne hunammoranna diigammora kaoommo. 14Ittinannillana, diduubbinanni; hudeno ki'newiinni diho'litanno. Lowo coye gamba assidhinanni; ikkollana kassi diyitinanni. Gamba assidhinoonni jiro heedhurono olunni huneemmo. 15Gide wixidhinannita ikkinnina, gamba diassidhinanni. Ejersu laalo huuncidhinannita ikkinnina zayitesi dihoroonsidhinanni. Woyinete laalo huuncidhinannita ikkinnina diagginanni. 16Kuni duuchunku iillanno'nehu moote Omiirihanna gashshootesi ragi'nohu beettisi Akiaabi miniha busha rosonna busha looso ha'runsitinoonnihuraati. Isi amaale adhitinoonni daafira huneemmo'ne. Mannu wo'munku albaanni oso'linannire asseemmo'ne. Manni'ya mereero mishantinoonnire ikkitinanni» yaanno.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014