MILKIYAASI 4
4
YOOTE BARRA
1Olantote Mootichi Kaaliiqi, «Boonaleeyyenna bushare assitannori kuru gede ikkite giirantannohu yoote barri daanni no. Hatte yannara insa mittuno gattukkinni giirante ba'anno. 2Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni. 3Ani looseemmo barra bushuulle baattote aana kakkaddinanni; insano lekka'nera woroonni buluulu gede ikkite gattanno.
4«Siina Ilaali aana soqqamaanchi'ya Muse widoonni qole Israeelete manni baalaho oommo seera, woganna wodho qaagge.
5«Kune jawunna waajjishannohu yoo'ya barri daara albaanni himanaancho Eeliyaasi ki'newa soyemmo'ne. 6Isi ani daye baatto'ne huneemmokki gede annuwate wodana oosote widira, oosote wodana annuwate widira qolanno» yii.
Currently Selected:
MILKIYAASI 4: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
