LEEWAAWOOTA 9
9
QEESOOTU SOQQANSHONSA HANAFFU
1Buurate seera wonshinoonni lamala wo'mituhu gedensaanni layinki barra Muse Aarooninna oososi, hattono Israeelete geerra woshshe, 2Aaroonira, «Muso afi'rinokki middichanna ge'rechu goco haadhe, middicha cubbu kakkalora, goco kayinni shilqote kakkalora Kaaliiqira shiqishi. 3Israeelete mannirano, cubbu kakkalora mitto meichu goco, shilqote kakkalora muso afi'rinokkiha mittu diri bootonna mittu diriha ge'rechu goco, 4mittimmate kakkalora mitto woraamo, mitto ge'rechu goco, zayite worroonni fushshaati gidunnihu ledo, kakkalote ikkanno gede Kaaliiqi albira shiqishanno gede mannaho kuli. Konne assitinannihu techo Kaaliiqi leellanno'ne barra ikkinohuraati» yiisi.
5Insano Muse hajajinonsaha baala Xaadu Dukkani nafarira haadhe abbitu; mannu baalunku Kaaliiqa magansi'rara hakkiicho gamba yii. 6Museno, «Kaaliiqi ayirrinyisi baalunkunni leellanno'ne gede, konne assitinara hajajino'ne» yiinsa. 7Hakkunni gedensaanni Muse Aaroonira, «Kakkallanniwa marte umikkihanna mannu cubbo agursiisate cubbu kakkalonna shilqote kakkalo shiqishi. Tenne baalanta kakkalo mannu cubbo tirate Kaaliiqi hajajino garinni shiqishi» yiisi.
8Aaroonino kakkallanniwa mare, balaxe umisi cubbo tidhate middicha gorri. 9Oososino mundee haadhe uyiteennasi, qubbichunni kisanni kakkallanni darga shoolente maddera noo buuddara gani; gattino mundeeno kakkallanni dargira woroonni duni. 10Hakkunni gedensaanni cooma, mulenna qaccete afale cooma haa're, Kaaliiqi Muse hajajinonte gede, kakkallanni darga masse shilqishi; 11maalanna goga kayinni, qachaho goobbaanni fushshe giiri.
12Hakkunni gedensaanni, Aarooni balaxe ge'rechu goco shilqote kakkalora gorri; oososi mundee haadhe uyiteennasi, kakkallanni darga shoolunku midaadira wixi. 13Oosono qolte, gocunniha addi addi maalanna umo haadhe uyitusi; isino hakkonne baala kakkallanni darga masse shilqishi. 14Hakkunni gedensaanni, godowirenna badhiidi dadubba hayishshe, kakkallanni darga masse wole shilqote kakkalo ledo shilqishi.
15Qoleno Aarooni umisi cubbira middicha gorrinte gede, mannu cubbi daafirano meichu goco gorri. 16Shilqote kakkalora shiqino goco, uyinoonni seeri garinni kakkali. 17Gidu fushshaateno abbe, barru barrunkunni shiqinshanni fushshaati aana lede, bullee mitto hoowo wo'ma haa're, kakkallanni darga masse shilqishi. 18Aaroonino, mannu mittimmate kakkalora shiqishino bootonna ge'rechu goco gorri; oososino mundee haadhe uyiteenna, kakkallanni darga shoolunku midaadira wixi. 19Bootu coomanna ge'rechu goci farro coomunkunni, godowiru cooma, hattono mulenna qaccete afale haa're, 20rachuwate aana wori; Aaroonino cooma haa're, kakkallanni darga masse shilqishi. 21Rachuwanna qiniiticho bootunna ge'rechu haye haa're, Muse hajajinonte gede Kaaliiqira addi fushshaate asse shiqishi.
22Aarooni tenne kakkalo baala shiqishe, angasi mannu aana diriirse maassi'rihu gedensaanni, kakkallanni darginni dirri. 23Musenna Aarooni Xaadu Dukkana e'e fulte, manna maassidhu. Kaaliiqi ayirrinyino manna baalaho leelli. 24Kaaliiqi hedeweelcho giira soyenna, kakkallanni darga nooha shilqote kakkalonna cooma baala ittu. Mannuno konne lae ilillisanni, umunni baatto kisanni Kaaliiqa ayirrisi.
Currently Selected:
LEEWAAWOOTA 9: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
LEEWAAWOOTA 9
9
QEESOOTU SOQQANSHONSA HANAFFU
1Buurate seera wonshinoonni lamala wo'mituhu gedensaanni layinki barra Muse Aarooninna oososi, hattono Israeelete geerra woshshe, 2Aaroonira, «Muso afi'rinokki middichanna ge'rechu goco haadhe, middicha cubbu kakkalora, goco kayinni shilqote kakkalora Kaaliiqira shiqishi. 3Israeelete mannirano, cubbu kakkalora mitto meichu goco, shilqote kakkalora muso afi'rinokkiha mittu diri bootonna mittu diriha ge'rechu goco, 4mittimmate kakkalora mitto woraamo, mitto ge'rechu goco, zayite worroonni fushshaati gidunnihu ledo, kakkalote ikkanno gede Kaaliiqi albira shiqishanno gede mannaho kuli. Konne assitinannihu techo Kaaliiqi leellanno'ne barra ikkinohuraati» yiisi.
5Insano Muse hajajinonsaha baala Xaadu Dukkani nafarira haadhe abbitu; mannu baalunku Kaaliiqa magansi'rara hakkiicho gamba yii. 6Museno, «Kaaliiqi ayirrinyisi baalunkunni leellanno'ne gede, konne assitinara hajajino'ne» yiinsa. 7Hakkunni gedensaanni Muse Aaroonira, «Kakkallanniwa marte umikkihanna mannu cubbo agursiisate cubbu kakkalonna shilqote kakkalo shiqishi. Tenne baalanta kakkalo mannu cubbo tirate Kaaliiqi hajajino garinni shiqishi» yiisi.
8Aaroonino kakkallanniwa mare, balaxe umisi cubbo tidhate middicha gorri. 9Oososino mundee haadhe uyiteennasi, qubbichunni kisanni kakkallanni darga shoolente maddera noo buuddara gani; gattino mundeeno kakkallanni dargira woroonni duni. 10Hakkunni gedensaanni cooma, mulenna qaccete afale cooma haa're, Kaaliiqi Muse hajajinonte gede, kakkallanni darga masse shilqishi; 11maalanna goga kayinni, qachaho goobbaanni fushshe giiri.
12Hakkunni gedensaanni, Aarooni balaxe ge'rechu goco shilqote kakkalora gorri; oososi mundee haadhe uyiteennasi, kakkallanni darga shoolunku midaadira wixi. 13Oosono qolte, gocunniha addi addi maalanna umo haadhe uyitusi; isino hakkonne baala kakkallanni darga masse shilqishi. 14Hakkunni gedensaanni, godowirenna badhiidi dadubba hayishshe, kakkallanni darga masse wole shilqote kakkalo ledo shilqishi.
15Qoleno Aarooni umisi cubbira middicha gorrinte gede, mannu cubbi daafirano meichu goco gorri. 16Shilqote kakkalora shiqino goco, uyinoonni seeri garinni kakkali. 17Gidu fushshaateno abbe, barru barrunkunni shiqinshanni fushshaati aana lede, bullee mitto hoowo wo'ma haa're, kakkallanni darga masse shilqishi. 18Aaroonino, mannu mittimmate kakkalora shiqishino bootonna ge'rechu goco gorri; oososino mundee haadhe uyiteenna, kakkallanni darga shoolunku midaadira wixi. 19Bootu coomanna ge'rechu goci farro coomunkunni, godowiru cooma, hattono mulenna qaccete afale haa're, 20rachuwate aana wori; Aaroonino cooma haa're, kakkallanni darga masse shilqishi. 21Rachuwanna qiniiticho bootunna ge'rechu haye haa're, Muse hajajinonte gede Kaaliiqira addi fushshaate asse shiqishi.
22Aarooni tenne kakkalo baala shiqishe, angasi mannu aana diriirse maassi'rihu gedensaanni, kakkallanni darginni dirri. 23Musenna Aarooni Xaadu Dukkana e'e fulte, manna maassidhu. Kaaliiqi ayirrinyino manna baalaho leelli. 24Kaaliiqi hedeweelcho giira soyenna, kakkallanni darga nooha shilqote kakkalonna cooma baala ittu. Mannuno konne lae ilillisanni, umunni baatto kisanni Kaaliiqa ayirrisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014