LEEWAAWOOTA 21
21
QEESOOTAHO UYINOONNI BIDDISHSHA
1Kaaliiqi Musera, «Qeesootaho Aarooni oosora, ‹Aye qeesichino reyino fiixisira yee umosi lageessoonke; 2kayinnilla, gamba yiino fiixira amasira, annisira, labbaa beettisira woy meya beettosira woy rodiisira, 3hattono mine assidhukkinni minesi nootera meya rodoosira umosi lageessa dandaanno. 4Balloomunni xaadino fiixira yee umosi lageessoonke.
5« ‹Fiixa shii'rinota egensiisate, aye qeesichino umosi meexxoonke; ereedasino mudhoonke; bisosino bici'roonke. 6Anera qullaawa ikkona; su'ma'yano shollishoonke; sagalete fushshaate shiqishannoe daafira qullaawa ikkona. 7Ane Maganisira qullaawa ikkino daafira qeesichu macca hunnoonnita, foortannotanna gursumeette adhoonke. 8Magani'neta fushshaatu sagale shiqishannohona, qullaawa assitine kiirresi; qullaawoota asseemmo'nehu ani Kaaliiqi qullaawahona qullaawa assitine kiirresi. 9Qeesichu beetto foorretenni galte hossannota ikkituro, annase shollishshanno daafira giirrona.
10« ‹Roduuwisiwiinni bande zayite dunnoonnisihunna qeesimmate uddano uddi'ranno gede buurroonnihu qeesootu roorrichi shii'rinota leellishate dananchosi meexxoonke; woy uddanosi dadhoonke. 11Reeshshunniwa shiqoonke; annisi daafiranna amasi daafira umosi lageessoonke. 12Qullaawa Maganisi zayite aanasi noo daafira, Maganisiha Qullaawa Mine agure wi'la ha'roonke; hatto assiro, Qullaawa Mine'ya lageessanno. Ani Kaaliiqaati. 13Isino seemo beetto adhona. 14Ayiddaanna shiidhinota, gursumeette woy foorretenni galte hossannota adhoonkena ga'resi giddonni seemo beetto adhona. 15Hoolloonnita adhe ga'resi giddo oososi lageessoonke. Iso qullaawa asseemmohu ani Kaaliiqaati› yite kulinsa» yii.
16Kaaliiqi Musera qole, 17«Aaroonira, ‹Dagganno ilamara sirchikki giddo muso afi'rino manchi, Maganisiha sagalete fushshaate shiqishoonke. 18Illiweelu woy naafichu alba woy manninatu suude seyinokkihu woy manninatu giddo xe'ne afi'rinohu shiqishoonke. 19Hattono anga woy lekka naafinohu, 20ukkichu woy magani-shiimu, illete woy bisoho ayi dhibba gogunniha afi'rinohu woy mureessu shiqishoonke. 21Qeesichu Aarooni sirchinni, muso afi'rinohu mittu manchino Kaaliiqira shilqote kakkalo shiqishoonke; muso afi'rino daafira, Maganisiha sagalete fushshaate shiqishara dayonke. 22Kayinnilla, qullaawanna lowo geeshsha qullaawa Maganisi sagale ita dandaanno. 23Muso afi'rino daafira, Qullaawa Mine'ya lageessannokki gede Qullaawu Holgi mule noo dukkowa shiqqi yoonke; woy kakkallanni dargira shiqqi yoonke. Qeesoota qullaawoota asseemmonsahu ani Kaaliiqaati› yite kulisi» yii.
24Museno konne seera Aaroonira, oososiranna Israeele baalate kulinsa.
Currently Selected:
LEEWAAWOOTA 21: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
LEEWAAWOOTA 21
21
QEESOOTAHO UYINOONNI BIDDISHSHA
1Kaaliiqi Musera, «Qeesootaho Aarooni oosora, ‹Aye qeesichino reyino fiixisira yee umosi lageessoonke; 2kayinnilla, gamba yiino fiixira amasira, annisira, labbaa beettisira woy meya beettosira woy rodiisira, 3hattono mine assidhukkinni minesi nootera meya rodoosira umosi lageessa dandaanno. 4Balloomunni xaadino fiixira yee umosi lageessoonke.
5« ‹Fiixa shii'rinota egensiisate, aye qeesichino umosi meexxoonke; ereedasino mudhoonke; bisosino bici'roonke. 6Anera qullaawa ikkona; su'ma'yano shollishoonke; sagalete fushshaate shiqishannoe daafira qullaawa ikkona. 7Ane Maganisira qullaawa ikkino daafira qeesichu macca hunnoonnita, foortannotanna gursumeette adhoonke. 8Magani'neta fushshaatu sagale shiqishannohona, qullaawa assitine kiirresi; qullaawoota asseemmo'nehu ani Kaaliiqi qullaawahona qullaawa assitine kiirresi. 9Qeesichu beetto foorretenni galte hossannota ikkituro, annase shollishshanno daafira giirrona.
10« ‹Roduuwisiwiinni bande zayite dunnoonnisihunna qeesimmate uddano uddi'ranno gede buurroonnihu qeesootu roorrichi shii'rinota leellishate dananchosi meexxoonke; woy uddanosi dadhoonke. 11Reeshshunniwa shiqoonke; annisi daafiranna amasi daafira umosi lageessoonke. 12Qullaawa Maganisi zayite aanasi noo daafira, Maganisiha Qullaawa Mine agure wi'la ha'roonke; hatto assiro, Qullaawa Mine'ya lageessanno. Ani Kaaliiqaati. 13Isino seemo beetto adhona. 14Ayiddaanna shiidhinota, gursumeette woy foorretenni galte hossannota adhoonkena ga'resi giddonni seemo beetto adhona. 15Hoolloonnita adhe ga'resi giddo oososi lageessoonke. Iso qullaawa asseemmohu ani Kaaliiqaati› yite kulinsa» yii.
16Kaaliiqi Musera qole, 17«Aaroonira, ‹Dagganno ilamara sirchikki giddo muso afi'rino manchi, Maganisiha sagalete fushshaate shiqishoonke. 18Illiweelu woy naafichu alba woy manninatu suude seyinokkihu woy manninatu giddo xe'ne afi'rinohu shiqishoonke. 19Hattono anga woy lekka naafinohu, 20ukkichu woy magani-shiimu, illete woy bisoho ayi dhibba gogunniha afi'rinohu woy mureessu shiqishoonke. 21Qeesichu Aarooni sirchinni, muso afi'rinohu mittu manchino Kaaliiqira shilqote kakkalo shiqishoonke; muso afi'rino daafira, Maganisiha sagalete fushshaate shiqishara dayonke. 22Kayinnilla, qullaawanna lowo geeshsha qullaawa Maganisi sagale ita dandaanno. 23Muso afi'rino daafira, Qullaawa Mine'ya lageessannokki gede Qullaawu Holgi mule noo dukkowa shiqqi yoonke; woy kakkallanni dargira shiqqi yoonke. Qeesoota qullaawoota asseemmonsahu ani Kaaliiqaati› yite kulisi» yii.
24Museno konne seera Aaroonira, oososiranna Israeele baalate kulinsa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014