LEEWAAWOOTA 11
11
INTANNI SAADANNA INTANNIKKI SAADA
(Mar 14:3-21)
1Kaaliiqi Museranna Aaroonira, 2«Israeelete mannira, ‹Uullate aana noo saada baalate giddonni, 3culunqa dadhantinotanna haancidhanno saada baala ita dandiitinanni.
4-6«‹Kayinnilla gaala, weceecenna hilleessa ittinoonte; haancidhannore ikkituro nafa, culunqansa dadhantinokki daafira, ki'nera battete. 7Manchaameno culunqa dadhantinota ikkituro nafa, haancidhannokki daafira ita dihasiissanno'ne. 8Tenne saada maala ittinoonte; ki'nera batte ikkino daafira, tenne saadaha reeshshansa nafa kissinoonte.
9«‹Qoolanna aaniidi goga afidhinore wayi giddo heedhanno saada baala ita dandiitinanni; 10ikkollana, wayi giddo heedhannori qoolanna aaniidi goga afidhinokki saada battetena ittinoonte. 11Hatti saada ki'nera batte ikkitino daafira, maalansa ittinoonte; reeshshansa nafa angatenni kissinoonte. 12Wayi giddo heedhannoti qoolunna aaniidi gogi noonsakki saada baala ki'nera battete.
13-19«‹Ceate giddonni kunni woroonni noori battetena ittinoonte. Tini ceano: Allamurcho, awulcho, risa, billawe risa, doowiro, allaatte, haraqeessa, balguda, waa-lixe, abbaa-kodda, bajja, baate, qulxu'me itanno doowircho, guuti-wobbootinna rarraattete.
20«‹Qoolanna lekka afi'rino duuxi baalu ki'nera battete. 21Ikkollana kayinni, qoolanna lekka afi'rinore uulla kubbanni ha'rannore ita dandiitinanni. 22Kurino: Magani-farashshoho, koro'miisahonna kanchafaru fiixa baalaho. 23Ikkollana, qoolanna lekka afi'rino duuxi baalu ki'nera battete.
24-28«‹Kunni woroonni noori reeshsha kisannohu baalu, hawarra geeshsha lagaawanno. Shoole lekka afi're hee'renni, hoowunni ha'rannori culunqa dadhaminokkirinna haanci'rannokkiri baalu, ki'nera battete. Reyiteenna kore duhannohu baalu, imaanasi hayishshi'rona; ikkirono hawarra geeshsha lagaawinoha ikkanno.
29-30«‹Baattote gamba yee ha'rannori: Futahu, yemahu, ajo, danda'le, qarco, hamasaama, ki'nera battetena ittinoonte. 31Kuri reeshsha kisannohu baalu, hawarra geeshsha lagaawinoho. 32Hakkuri reeshshi aye uduunnichi aanano uwiro, hakko uduunni haqqunniha ikko, imaana, goga, woy dooniyyano ikkiro wayinni hayishshine fushshineenna, hawarra geeshsha lagaawinoha ikko. 33Reeshshinsa bushshu uduunni aana uwiro, giddosi noorichi lagaawanno daafira, uduunnicho hiiqqitine hunne. 34Hakkunni uduunnichi giddo noo wayi sagalete aana du'namiro, hatti sagale lagaabbinote; hakko uduunnichi giddo noori anganniri baalu lagaawinoho. 35Kuri reeshshi aanaho uwino baccichi lagaawanno daafira, hiiqqitine hunne. 36Ikkollana, kuri giddo reyino buicho woy kofo dilagaabbanno; reeshshansa kisannori baalu kayinni lagaawanno. 37Reeshshinsa winxanni gumi aana uwiro, wixu gumi dilagaawanno. 38Ikkollana kayinni, reeshshansa wayi giddo worroonni gumi ledo anfiro, hakku gumi lagaawinoho.
39«‹Intanni saada reeshsha kisinohu nafa, hawarra geeshsha lagaawinoho. 40Aye manchino reyitino saada maala itironna duhiro, imaanasi hayishshi'rona; ikkirono hawarra geeshsha lagaawinoho.
41-42«‹Baattote gamba yee ha'rannohu lekka afi'rinohunna lekka afi'rinokkihu shiimmaaddu kalaqami baalu ki'nera battetena ittinoonte. 43Kore ittine umo'ne lageessitinoonte. 44Ani Kaaliiqi Magani'ne qullaawahona, ki'neno qullaawoota ikke; baattote gamba yee ha'rannore itatenni umo'ne lageessitinoonte. 45Magano'ne ikkammora Gibitsetenni fushshe abboommo'nehu ani Kaaliiqaati. Kunnira, ani qullaawa ikkoommonte gede, ki'neno qullaawoota ikke.
46-47«‹Kuni seeri jajjabba saada, cea, baattote gamba yee ha'rannorinna wayi giddo hee'ranno kalaqami baalu daafira uyinoonniho. Kunni daafira, intannihunna intannikkihu batte ikkinohunna batte ikkinokkihu maatiro baddine affe› yiino yitine kullensa» yii.
Currently Selected:
LEEWAAWOOTA 11: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
LEEWAAWOOTA 11
11
INTANNI SAADANNA INTANNIKKI SAADA
(Mar 14:3-21)
1Kaaliiqi Museranna Aaroonira, 2«Israeelete mannira, ‹Uullate aana noo saada baalate giddonni, 3culunqa dadhantinotanna haancidhanno saada baala ita dandiitinanni.
4-6«‹Kayinnilla gaala, weceecenna hilleessa ittinoonte; haancidhannore ikkituro nafa, culunqansa dadhantinokki daafira, ki'nera battete. 7Manchaameno culunqa dadhantinota ikkituro nafa, haancidhannokki daafira ita dihasiissanno'ne. 8Tenne saada maala ittinoonte; ki'nera batte ikkino daafira, tenne saadaha reeshshansa nafa kissinoonte.
9«‹Qoolanna aaniidi goga afidhinore wayi giddo heedhanno saada baala ita dandiitinanni; 10ikkollana, wayi giddo heedhannori qoolanna aaniidi goga afidhinokki saada battetena ittinoonte. 11Hatti saada ki'nera batte ikkitino daafira, maalansa ittinoonte; reeshshansa nafa angatenni kissinoonte. 12Wayi giddo heedhannoti qoolunna aaniidi gogi noonsakki saada baala ki'nera battete.
13-19«‹Ceate giddonni kunni woroonni noori battetena ittinoonte. Tini ceano: Allamurcho, awulcho, risa, billawe risa, doowiro, allaatte, haraqeessa, balguda, waa-lixe, abbaa-kodda, bajja, baate, qulxu'me itanno doowircho, guuti-wobbootinna rarraattete.
20«‹Qoolanna lekka afi'rino duuxi baalu ki'nera battete. 21Ikkollana kayinni, qoolanna lekka afi'rinore uulla kubbanni ha'rannore ita dandiitinanni. 22Kurino: Magani-farashshoho, koro'miisahonna kanchafaru fiixa baalaho. 23Ikkollana, qoolanna lekka afi'rino duuxi baalu ki'nera battete.
24-28«‹Kunni woroonni noori reeshsha kisannohu baalu, hawarra geeshsha lagaawanno. Shoole lekka afi're hee'renni, hoowunni ha'rannori culunqa dadhaminokkirinna haanci'rannokkiri baalu, ki'nera battete. Reyiteenna kore duhannohu baalu, imaanasi hayishshi'rona; ikkirono hawarra geeshsha lagaawinoha ikkanno.
29-30«‹Baattote gamba yee ha'rannori: Futahu, yemahu, ajo, danda'le, qarco, hamasaama, ki'nera battetena ittinoonte. 31Kuri reeshsha kisannohu baalu, hawarra geeshsha lagaawinoho. 32Hakkuri reeshshi aye uduunnichi aanano uwiro, hakko uduunni haqqunniha ikko, imaana, goga, woy dooniyyano ikkiro wayinni hayishshine fushshineenna, hawarra geeshsha lagaawinoha ikko. 33Reeshshinsa bushshu uduunni aana uwiro, giddosi noorichi lagaawanno daafira, uduunnicho hiiqqitine hunne. 34Hakkunni uduunnichi giddo noo wayi sagalete aana du'namiro, hatti sagale lagaabbinote; hakko uduunnichi giddo noori anganniri baalu lagaawinoho. 35Kuri reeshshi aanaho uwino baccichi lagaawanno daafira, hiiqqitine hunne. 36Ikkollana, kuri giddo reyino buicho woy kofo dilagaabbanno; reeshshansa kisannori baalu kayinni lagaawanno. 37Reeshshinsa winxanni gumi aana uwiro, wixu gumi dilagaawanno. 38Ikkollana kayinni, reeshshansa wayi giddo worroonni gumi ledo anfiro, hakku gumi lagaawinoho.
39«‹Intanni saada reeshsha kisinohu nafa, hawarra geeshsha lagaawinoho. 40Aye manchino reyitino saada maala itironna duhiro, imaanasi hayishshi'rona; ikkirono hawarra geeshsha lagaawinoho.
41-42«‹Baattote gamba yee ha'rannohu lekka afi'rinohunna lekka afi'rinokkihu shiimmaaddu kalaqami baalu ki'nera battetena ittinoonte. 43Kore ittine umo'ne lageessitinoonte. 44Ani Kaaliiqi Magani'ne qullaawahona, ki'neno qullaawoota ikke; baattote gamba yee ha'rannore itatenni umo'ne lageessitinoonte. 45Magano'ne ikkammora Gibitsetenni fushshe abboommo'nehu ani Kaaliiqaati. Kunnira, ani qullaawa ikkoommonte gede, ki'neno qullaawoota ikke.
46-47«‹Kuni seeri jajjabba saada, cea, baattote gamba yee ha'rannorinna wayi giddo hee'ranno kalaqami baalu daafira uyinoonniho. Kunni daafira, intannihunna intannikkihu batte ikkinohunna batte ikkinokkihu maatiro baddine affe› yiino yitine kullensa» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014