IMBAAQOOMI 3
3
IMBAAQOOMI HUUCCATTO
1Faarsote daninni shiqishinoti himanaanchu Imbaaqoomi huuccatto aante noote.
2Kaaliiqa! Assoottoha dhaggete coye baala macciishshe lowo geeshsha waajjoommo;
xaano yannankera alba loositto gedee looso ledde loosi;
yanna yannantenni egennamanno gede assi;
hanqatto yannarano marara agurtooti.
3Maganu Teemaaninni daanno;
Qullaawu Maganino Faaraani Ilaalinni daanno;
ayirrinyisi gordo guggushshino;
galatisi baatto wo'mino.
4Gaacheenisi arrishshote gede xawanno;
wolqasi maaxante noo angasi giddonni fulte,
caabbichu faashshi yaanno.
5Dhibba alba qole soyanno;
qoomamu badhesiinni hige daanno.
6Isi uurranno woyite baatto hembeelantanno;
isi lairo gosa qece yitanno;
bi're hundi ilaalla diigantanno;
isi aanaanni hige ha'rannoti bi're albi gaarra xenfe'e yitanno.
7Itiyophiyu#3:7 Itiyophiyu yaannohu lamalawu fullahooti borreessitinohuraati ikkinnina Ibiraawootu afiinni borreessinoonnihu Kuushaani yaanno. Kuushinna Kuushaani babbaxxitino qaallaati. Itiyophiya woshshinanni qaalino Kuushiiti ikkinnina Kuushaani di"ikkino. qarramanna, Midiyaami gosano huxidhanna afoommo.
8Kaaliiqa, faradokkinna qeellennita faradi gaarekki gulufitto yannara,
wayibba hanqissinoheni?
Woy baaru aarsinoheni?
9Digaanakki bedeedootto;
worbichuwakki qixxeessootto;
baattono darte waa fushshootto.
10Ilaalla ate affe waajjite huxidhu;
xeenu lolahino baatto hayishshe sai;
lowo baari luuli;
dambaluno iimira hige kai.
11Worbichu gede kaattannotenna
urdete gede bilicci yitanno banqonni kainohunni,
arrishshonna aganu darga dargansa uurritu.
12Hanqite baattote aana ha'ramootto;
daga baalano kakkadootto.
13Mannakki gatisattoranna
doorootto moote wodattora fulootto.
Cubbaataammu sooreessa cancanootto;
umunni lekkate geeshsha mulqootto.
14Olanto hombobalattete gede billaallissankera,
wolqa hooginoha runkutte amadde hagiidhitara daggu yannara,
olantote hajajaanchi umo urdesinni qasootto.
15Faradikkinni baara kakkaddanni saittota,
wayi hambii.
16Konne coye macciishshummota,
mannimma'ya shiiltu;
suume'ya huxidhu;
miqqa'ya daaqqu;
lekka'yano qece yitu.
Maganu qarrissannonkere qorichisha geeshsha,
cince agadheemmo.
17Haqqicho laala gibburono,
woyinete haqqichora gumu hoogirono,
zayitete ejersi gumu nookkiha ikkirono,
baatto gide laashsha gibburono,
ge'reewu goo'raanunni goofirono,
hoowete giddo saada hooggurono,
18tenne baalate giddoonni,
anera Kaaliiqinni tashshi yaannoe;
gatisaanchi'ya Maganunni hagiidheemmo.
19Mootichu Kaaliiqi wolqa aannoe;
lekka'yano geedimunnite gede asse kaajjishannoe;
ilaallate aana fafisi're qaafeemmo gede assannoe.
Currently Selected:
IMBAAQOOMI 3: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
