KALAQAMA 49
49
YAIQOOBI OOSOSI MAASSI'RI
1Yaiqoobi oososi woshshe, «Albillittete iillanno'ne coye kuleemmo'nena gamba yiiyye.
2«Ki'ne ane Yaiqoobi ooso,
mitteenni gamba yitine macciishshe;
ani anni'ne Israeeli kuleemmo'nere wodanche.
3«Roobeeli, ati bayira beetto'yaati;
wolqanna jawaante nooe yannara iloommoheho.
Ooso'ya baalanta ayirrinyunninna wolqatenni roorattoho.
4Ikkollana wayi gede daaqattoha ikkoottohura,
irkote galte'ya ledo goxxe,
ane annikki ma'na batteessoottona,
atera gashshootu di"ikkanno.
5«Ki'ne Simiooninna Leewi roduuwaho;
gibbo kalaqate ola kayissinanni.
6Ki'ne hanqi'nenni lowo manna shitinoonnihura,
kaajjilli'nenni goo'ro fultinara,
boottate dagaada murtine dinsiissinoonnihura,
ki'ne malira die"eemmo;
xaadi'nerano beeqqaancho di"ikkeemmo.
7Lowo geeshsha waajjishannohu hanqi'ne,
kaajjillu giddo wo'minohu aari'ne rumaminoha ikko.
Sirchi'ya mereero billaalliseemmo'ne;
Israeelete baatto baala tuqiseemmo'ne.
8«Yihuda, ate roduuwikki guwissannohe;
angakki diinnakki haxo aana ubbanno;
roduuwikki atera umo heeshshi yite galtanno.
9Yihuda, ati aju doobbiichi gedeeho;
ati beetti'ya, itattore ugaaxxe godakki higatto.
Doobbiichu gede diriiffatte goxatto;
seyate goxanotenni kayisannohehu dihee'ranno.
10Yihuda, mootimmate siqqicho angakkinni difultanno;
mootimmate bakali lekkakki qarrira no.
Kuni ikkannohuno, gashshate malinohu daa geeshshaatinna,
mannu baalu hajajamasi geeshshaati.
11Ati harrichokki woyinete damattera,
ilmichokkino woyinete sinira usudhatto.
Uddanokki woyinete xajjenni,
seemmakkino duume mundee labbanno huuncamenni hayishshi'ratto.
12Illekki woyinete xajjenni roore duu'mitanno;
hinkokkino adotenni roore waajjidhanno.
13«Zaabilooni, ati baaru mule hee'ratto;
lawokkirano howolla uurritanno;
gobbakki danni Sidoona iillanno.
14«Yisaakoori, ati miqicho kaajjadu harrichi gedeeho;
hogowu mereero ga'ratto.
15Fooliishshi'ratto dargi dancha ikkinota affanni,
baattono hagiirsiissannota ikkitinota la'anni,
badhekki bayi'rate injeessatto.
Baxittokkinni soqqamatto.
16«Daani, ati Israeelete ga're giddo mittete gede ikkite,
mannikkira yoo yaatto.
17Daani, ati doogote gami hamashshi gedeeho;
sa'nanni doogora noo buute gedeeho.
Farashshunnita kotte qasatto;
farashshaannino badhera hige uwanno.
18«Kaaliiqa'ya!
Gatisaanchimmakki agadheemmo.
19«Gaadi, atera gaadaano gaaddannohe;
ati kayinni faana gante rabbisi'ratto.
20«Aseeri, ateti sagalekki biiffinote;
mooteteno hagiirsiissanno sagale shiqishatto.
21«Nifitaalemi, ati fafisi're hee'rannohunna,
biifino wilii'le qalanno bullichi gedeeho.
22«Yooseefi, ati woyinete haqqicho hunduruurrooti;
buichote mule kaansoonni woyineeti;
sinnakki huxxu aana daaddanno.
23Digaana amaddinori mararro nookkiha gawajjitannohe;
giwisidhe qassannohe.
24Kayinnilla, jawaatu Yaiqoobi Magani wolqanni,
allaalaanchu Israeelete agaraanchinni,
digaanikki kaajjado ikkanno;
wolqakkino jawaattanno.
25Annikki Magani kaa'lannohe;
Wo'manka Dandaanno Magani iima gordunni xeena,
baattote giddonnino waa aatenni maassi'rannohe;
lowo saadanna lowo oosono aannohe.
26Albinni kayisse kaajjite heedhanno ilaallanninna,
hegerera heedhanno gaarranni afi'nanni maasso baalantenni,
ane annikki maasso roortanno.
Tini baalanti maasso ate Yooseefi umi aanaanni daaddo.
Roduuwikki mereero roorricha ikkoottohu albi aana lolakko.
27«Biiniyaami, ati hawulukkanno hiyyeeyye gedeeho;
gutte ugaaxoottoha callikki itatto.
Ittanna gatinoha kayinni hashsha beehatto» yii.
28Kuri baalunku 12 Israeelete ga'reeti; anninsa maassi'rinsa yannara, mittu mittunkura maltino maasso maassi'rino.
YAIQOOBI REYONNA MADAARAMASI
29Hakkunni gedensaanni Yaiqoobi, «Ani mannu aalo ikkeemmo yanna iillitinoe; reyummoro, Hitichu Efirooni baattora noo godira annuwa'yawa madaarre"e. 30Hakku godino Kana"aani gobbara Makiphela yinanniwa Memirera soojjaatoonni nooho; isino Abirihaami waammate yee Hitichu Efirooniwiinni hidhino godaati. 31Abirihaaminna galtesi Saara hakkiicho madaarroonni; Yisihaaqinna galtesi Ribiqano hakkiicho madaarroonni; anino Liya hakkiicho madaadhoommo. 32Hatti baattonna aanase noo godi Hitootuwiinni hirroonnireeti» yiisi.
33 #
Soq 7:15 lai. Yaiqoobi oososira dhaansa dhaame kaihu gedensaanni, lekkasi daallasu aana xaphi assi're reyi.
Currently Selected:
KALAQAMA 49: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
KALAQAMA 49
49
YAIQOOBI OOSOSI MAASSI'RI
1Yaiqoobi oososi woshshe, «Albillittete iillanno'ne coye kuleemmo'nena gamba yiiyye.
2«Ki'ne ane Yaiqoobi ooso,
mitteenni gamba yitine macciishshe;
ani anni'ne Israeeli kuleemmo'nere wodanche.
3«Roobeeli, ati bayira beetto'yaati;
wolqanna jawaante nooe yannara iloommoheho.
Ooso'ya baalanta ayirrinyunninna wolqatenni roorattoho.
4Ikkollana wayi gede daaqattoha ikkoottohura,
irkote galte'ya ledo goxxe,
ane annikki ma'na batteessoottona,
atera gashshootu di"ikkanno.
5«Ki'ne Simiooninna Leewi roduuwaho;
gibbo kalaqate ola kayissinanni.
6Ki'ne hanqi'nenni lowo manna shitinoonnihura,
kaajjilli'nenni goo'ro fultinara,
boottate dagaada murtine dinsiissinoonnihura,
ki'ne malira die"eemmo;
xaadi'nerano beeqqaancho di"ikkeemmo.
7Lowo geeshsha waajjishannohu hanqi'ne,
kaajjillu giddo wo'minohu aari'ne rumaminoha ikko.
Sirchi'ya mereero billaalliseemmo'ne;
Israeelete baatto baala tuqiseemmo'ne.
8«Yihuda, ate roduuwikki guwissannohe;
angakki diinnakki haxo aana ubbanno;
roduuwikki atera umo heeshshi yite galtanno.
9Yihuda, ati aju doobbiichi gedeeho;
ati beetti'ya, itattore ugaaxxe godakki higatto.
Doobbiichu gede diriiffatte goxatto;
seyate goxanotenni kayisannohehu dihee'ranno.
10Yihuda, mootimmate siqqicho angakkinni difultanno;
mootimmate bakali lekkakki qarrira no.
Kuni ikkannohuno, gashshate malinohu daa geeshshaatinna,
mannu baalu hajajamasi geeshshaati.
11Ati harrichokki woyinete damattera,
ilmichokkino woyinete sinira usudhatto.
Uddanokki woyinete xajjenni,
seemmakkino duume mundee labbanno huuncamenni hayishshi'ratto.
12Illekki woyinete xajjenni roore duu'mitanno;
hinkokkino adotenni roore waajjidhanno.
13«Zaabilooni, ati baaru mule hee'ratto;
lawokkirano howolla uurritanno;
gobbakki danni Sidoona iillanno.
14«Yisaakoori, ati miqicho kaajjadu harrichi gedeeho;
hogowu mereero ga'ratto.
15Fooliishshi'ratto dargi dancha ikkinota affanni,
baattono hagiirsiissannota ikkitinota la'anni,
badhekki bayi'rate injeessatto.
Baxittokkinni soqqamatto.
16«Daani, ati Israeelete ga're giddo mittete gede ikkite,
mannikkira yoo yaatto.
17Daani, ati doogote gami hamashshi gedeeho;
sa'nanni doogora noo buute gedeeho.
Farashshunnita kotte qasatto;
farashshaannino badhera hige uwanno.
18«Kaaliiqa'ya!
Gatisaanchimmakki agadheemmo.
19«Gaadi, atera gaadaano gaaddannohe;
ati kayinni faana gante rabbisi'ratto.
20«Aseeri, ateti sagalekki biiffinote;
mooteteno hagiirsiissanno sagale shiqishatto.
21«Nifitaalemi, ati fafisi're hee'rannohunna,
biifino wilii'le qalanno bullichi gedeeho.
22«Yooseefi, ati woyinete haqqicho hunduruurrooti;
buichote mule kaansoonni woyineeti;
sinnakki huxxu aana daaddanno.
23Digaana amaddinori mararro nookkiha gawajjitannohe;
giwisidhe qassannohe.
24Kayinnilla, jawaatu Yaiqoobi Magani wolqanni,
allaalaanchu Israeelete agaraanchinni,
digaanikki kaajjado ikkanno;
wolqakkino jawaattanno.
25Annikki Magani kaa'lannohe;
Wo'manka Dandaanno Magani iima gordunni xeena,
baattote giddonnino waa aatenni maassi'rannohe;
lowo saadanna lowo oosono aannohe.
26Albinni kayisse kaajjite heedhanno ilaallanninna,
hegerera heedhanno gaarranni afi'nanni maasso baalantenni,
ane annikki maasso roortanno.
Tini baalanti maasso ate Yooseefi umi aanaanni daaddo.
Roduuwikki mereero roorricha ikkoottohu albi aana lolakko.
27«Biiniyaami, ati hawulukkanno hiyyeeyye gedeeho;
gutte ugaaxoottoha callikki itatto.
Ittanna gatinoha kayinni hashsha beehatto» yii.
28Kuri baalunku 12 Israeelete ga'reeti; anninsa maassi'rinsa yannara, mittu mittunkura maltino maasso maassi'rino.
YAIQOOBI REYONNA MADAARAMASI
29Hakkunni gedensaanni Yaiqoobi, «Ani mannu aalo ikkeemmo yanna iillitinoe; reyummoro, Hitichu Efirooni baattora noo godira annuwa'yawa madaarre"e. 30Hakku godino Kana"aani gobbara Makiphela yinanniwa Memirera soojjaatoonni nooho; isino Abirihaami waammate yee Hitichu Efirooniwiinni hidhino godaati. 31Abirihaaminna galtesi Saara hakkiicho madaarroonni; Yisihaaqinna galtesi Ribiqano hakkiicho madaarroonni; anino Liya hakkiicho madaadhoommo. 32Hatti baattonna aanase noo godi Hitootuwiinni hirroonnireeti» yiisi.
33 #
Soq 7:15 lai. Yaiqoobi oososira dhaansa dhaame kaihu gedensaanni, lekkasi daallasu aana xaphi assi're reyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014