GALATIYU SOKKA BITIMA
BITIMA
Kiristoosi gatisaanchimma kulannoha Dancha Duduwo base baalate dudumbanna, Ayihude ikkitinokki gosa adhitu bikkinni, «Ammanaasine ikkate Muse seera agadha hasiissannonso dihasiissanno» yitanno xa'mo ka'ino. Hatte yannara Phaawuloosi, ammanaasine ikkate Muse Seera agadha hasiissannokkita kule, Kiristoosinni haaro heeshsho afi'rate kaimu amma'na ikkitinota xawise egensiisino. Mannu Maganu albaanni keeraa'ma dandaannohu amma'na callatenni ikkinota buuxisino.
Ikkollana, Shiimiidi Issiyiranna Roomu gashshooti giddo Galatiyaho heedhanno ammanaasine giddo, mannu Maganu albaanni keeraa'mate Yesuusa Kiristoosa amma'na calla ikkikkinni Muse Seerano agadha hasiissannota kultanni Phaawuloosi qoxxissannori ka'ino. Phaawuloosi tenne Galaatiyu sokka borreessinohu, kunni kaphu rosinni gara hawino manna halaalaancho amma'nate heeshsho widira qolate yeeti.
Phaawuloosi sokkasi, isi Yesuusi Kiristoosi soqqamaasincho ikkinota egensiise kae hanafanno. Soqqamate woshshinosihu Magano ikkinotanna mannu woshshinosiha ikkinokkita, qoleno Ayihudete ikkikkinni Ayihude ikkitinokki gosara soqqamaasincho ikkinota xawise kulanno. Mannu keeraa'ma dandaannohu ammana callatenni ikkinota huwachishino. Sokkasi goofimarchira, amma'nate heeshsho Yesuusa amma'natenni daanno baxilli giddonni fultannota ikkitinota egensiissanno.
Maxaafu Amado:
Eote hedo 1:1-10
Phaawuloosita soqqamaasinchimmasi roorre 1:11—2:21
Maganu eltoha Dancha Duduwo 3:1—4:31
Ammanaasinete wolaphonna doyichonsa 5:1—6:10
Gumulsha 6:11-18
Currently Selected:
GALATIYU SOKKA BITIMA: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014