FULO 30
30
HIXAANA GIIRRANNI UDUUNNICHO
(Ful 37:25-28)
1«Hixaana giirranni uduunnicho waaccote haqqinni seekki. 2Hojjano godowano mitte mitte cigile ikkona; 4 baqo worreenna uurrinsha 2 cigile ikkona; shoolente madderano mitto mitto buuda worrona. 3Iimiidira, shoolenta madderanna shoolunku buudira fila culka xalli; qaccuwateno culku xiyyo wori. 4Xiyyote woroonni lamunku midaadira dawaayye wore duhate injaanno gede, 2 culku kasa seekki. 5Dawaayyeno waaccote haqqinni seekkite aanaho culka xalli. 6Konne uduunnicho, atenni xaadeemmowa Maarote Barcima worroonni Taabooti mule holgi dukkora gobbaanni wori. 7Aarooni soodo tuqa caabbiyye worranni uduunnicho feyara maranno woyite, tanni yee su'naanno hixaana wiliishshona. 8Hawarro tuqa Aarooni caabbiyye qasanno woyite anera hixaana giirona. 9Kunni uduunnichi aana hoolloonni hixaana, shilqote kakkalo, gidu fushshaate shiqishshinoonte; agattote fushshaateno isi aana duntinoonte. 10Aarooni dirunni mitte hige cubbo diwate seera wonshona; dirunni mitte hige cubbu kakkalo mundee buuddate aana buure ilamate ilama geeshsha keereensona. Kuni ane Kaaliiqira co'onta qoromboonniho» yii.
KAALIIQI DUKKANA EESSINANNI FUSHSHAATE
11Kaaliiqi Musera, 12«Ati Israeelete manna kiiratto yannara, mittu mittunku manchi lubbosi woxxannore anera aa hasiisannosi; konne assituro kiirattonsa woyite qoomamu diganannonsa. 13Kiirote giddora einohu baalu Qullaawu Mini'ya keenaasinchi garinni, hendoonnire anera fushshaate asse oona. 14Kiiramannohu 20 diro ikkinosihunna hakkuyi alihu baalu, anera konne fushshaate oona. 15Lubbo'nera yitine fushshaate uyitinanni woyite, dureessu yinoonniwiinni roorsoonke; buxichuno hakkiinni xeisoonke. 16Cubbo agursiisate woxe Israeeletewiinni haadhe, Xaadu Dukkani hajara fushshi. Kuni cubbo'ne agureemmo'ne gede, ki'ne anera qaagiissannoha ikkanno» yiisi.
CAMOTENNI SEEKKINOONNI SAANE
17Hakkunni gedensaanni Kaaliiqi Musera, 18«Hayishshi'nanni saane camotenni seekkite aanaho waa worte, kakkallanni darginna Qullaawu Dukkani mereero lekkaame camotenni seekkinoonni shae aana ofoshshiishi. 19Aarooninna oososi kunni wayinni angansanna lekkansa hayishshidhona. 20Xaadu Dukkana e'anno yannara, kakkallanni dargira martanno yannaranna anera shilqote kakkalo uyitara dagganno yanna baalantera reyitannokki gede wayinni hayishshidhona. 21Reyitannokki gede angansanna lekkansa hayishshidhona; kunino insaranna ilamansara hegere seera ikkonsana» yii.
BUURRANNI ZAYITE
22Kaaliiqi Musera, 23«Fila qimame 6 kiilo, fila du'nantanno kaarbe, 3 kiilo tanni yee su'naannoha haqqu omolcho, 3 kiilo hixichonna, 24lee kiilo su'niitanno haphaayyo qixxeessi; konne baalanka Qullaawu Dukkani giddo noo keenaasinchi garinni keente, aanaho 4 litire ejersu zayite ledi; 25kore baalanka shittote gede karsiisse qorombannita buurranni zayite seekki. 26Ane magansi'nannihura Xaadu Dukkanira, Gondooru Taabootira, 27xarapheezzahonna aanasi noo uduunnira, caabbicho worranni darganna ledo uduunnira, hixaana giirranni uduunnichira, 28shilqote kakkalo darganna aanasi worranni uduunnira, hayishshi'nanni saaneranna shaesera tenne zayite buuri. 29Kunni garinni kore baalanka badde qullaawoota assi; konne uduunne kisannohu mannano ikko woluri baalu kuni uduunni qullaawa ikkino daafira gawajjamanno. 30Hakkunni gedensaanni, Aarooninna oososi buurte qeesimmatenni soqqantannoe gede assi. 31Israeelete mannirano, ‹Tini qullaawa buurranni zayite ilamate ilamara ane mine soqqantanno qeesera ikkitona. 32Leellihura baalaho buurroonke; wole tenne labbanno zayiteno seekkidhinoonte; qullaawa ikkitino daafira qorobbe. 33Tenne gedee zayite seekkannohu woy tenne zayite haa're qeesicha ikkinokki manchira buurannohu, manni'ya ledo dikiiramanno› yiino» yiisi.
HIXAANA QIXXEESSINANNI GARA
34Kaaliiqi Musera, «Mimmito roortannokki gede assite su'niitanno qimamma, su'niitannota cocco'anno haphaayyo, eleellete giddonni fultanno shitto, su'niitanno haphaayyonna tanni yee su'naanno hixaana haadhe, 35shittote gede karsiinsoonni hixaana seekkite, filanna qullaawa ikkanno gede maxine wori. 36Shiima haadhe liiqeessite udulte Xaadu Dukkanira albaanni ate ledo xaadeemmowa giggishshi; konne hixaanano qorombanniha assi. 37Umi'nera kayinni kunni gari hixaanano seekkidhinoonte. Anera qullaawa ikkinota habbinoonte. 38Kunni su'niillira yee hattoo hixaana seekki'rannohu baalu manni'ya ledo dikiiramanno» yii.
Currently Selected:
FULO 30: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
FULO 30
30
HIXAANA GIIRRANNI UDUUNNICHO
(Ful 37:25-28)
1«Hixaana giirranni uduunnicho waaccote haqqinni seekki. 2Hojjano godowano mitte mitte cigile ikkona; 4 baqo worreenna uurrinsha 2 cigile ikkona; shoolente madderano mitto mitto buuda worrona. 3Iimiidira, shoolenta madderanna shoolunku buudira fila culka xalli; qaccuwateno culku xiyyo wori. 4Xiyyote woroonni lamunku midaadira dawaayye wore duhate injaanno gede, 2 culku kasa seekki. 5Dawaayyeno waaccote haqqinni seekkite aanaho culka xalli. 6Konne uduunnicho, atenni xaadeemmowa Maarote Barcima worroonni Taabooti mule holgi dukkora gobbaanni wori. 7Aarooni soodo tuqa caabbiyye worranni uduunnicho feyara maranno woyite, tanni yee su'naanno hixaana wiliishshona. 8Hawarro tuqa Aarooni caabbiyye qasanno woyite anera hixaana giirona. 9Kunni uduunnichi aana hoolloonni hixaana, shilqote kakkalo, gidu fushshaate shiqishshinoonte; agattote fushshaateno isi aana duntinoonte. 10Aarooni dirunni mitte hige cubbo diwate seera wonshona; dirunni mitte hige cubbu kakkalo mundee buuddate aana buure ilamate ilama geeshsha keereensona. Kuni ane Kaaliiqira co'onta qoromboonniho» yii.
KAALIIQI DUKKANA EESSINANNI FUSHSHAATE
11Kaaliiqi Musera, 12«Ati Israeelete manna kiiratto yannara, mittu mittunku manchi lubbosi woxxannore anera aa hasiisannosi; konne assituro kiirattonsa woyite qoomamu diganannonsa. 13Kiirote giddora einohu baalu Qullaawu Mini'ya keenaasinchi garinni, hendoonnire anera fushshaate asse oona. 14Kiiramannohu 20 diro ikkinosihunna hakkuyi alihu baalu, anera konne fushshaate oona. 15Lubbo'nera yitine fushshaate uyitinanni woyite, dureessu yinoonniwiinni roorsoonke; buxichuno hakkiinni xeisoonke. 16Cubbo agursiisate woxe Israeeletewiinni haadhe, Xaadu Dukkani hajara fushshi. Kuni cubbo'ne agureemmo'ne gede, ki'ne anera qaagiissannoha ikkanno» yiisi.
CAMOTENNI SEEKKINOONNI SAANE
17Hakkunni gedensaanni Kaaliiqi Musera, 18«Hayishshi'nanni saane camotenni seekkite aanaho waa worte, kakkallanni darginna Qullaawu Dukkani mereero lekkaame camotenni seekkinoonni shae aana ofoshshiishi. 19Aarooninna oososi kunni wayinni angansanna lekkansa hayishshidhona. 20Xaadu Dukkana e'anno yannara, kakkallanni dargira martanno yannaranna anera shilqote kakkalo uyitara dagganno yanna baalantera reyitannokki gede wayinni hayishshidhona. 21Reyitannokki gede angansanna lekkansa hayishshidhona; kunino insaranna ilamansara hegere seera ikkonsana» yii.
BUURRANNI ZAYITE
22Kaaliiqi Musera, 23«Fila qimame 6 kiilo, fila du'nantanno kaarbe, 3 kiilo tanni yee su'naannoha haqqu omolcho, 3 kiilo hixichonna, 24lee kiilo su'niitanno haphaayyo qixxeessi; konne baalanka Qullaawu Dukkani giddo noo keenaasinchi garinni keente, aanaho 4 litire ejersu zayite ledi; 25kore baalanka shittote gede karsiisse qorombannita buurranni zayite seekki. 26Ane magansi'nannihura Xaadu Dukkanira, Gondooru Taabootira, 27xarapheezzahonna aanasi noo uduunnira, caabbicho worranni darganna ledo uduunnira, hixaana giirranni uduunnichira, 28shilqote kakkalo darganna aanasi worranni uduunnira, hayishshi'nanni saaneranna shaesera tenne zayite buuri. 29Kunni garinni kore baalanka badde qullaawoota assi; konne uduunne kisannohu mannano ikko woluri baalu kuni uduunni qullaawa ikkino daafira gawajjamanno. 30Hakkunni gedensaanni, Aarooninna oososi buurte qeesimmatenni soqqantannoe gede assi. 31Israeelete mannirano, ‹Tini qullaawa buurranni zayite ilamate ilamara ane mine soqqantanno qeesera ikkitona. 32Leellihura baalaho buurroonke; wole tenne labbanno zayiteno seekkidhinoonte; qullaawa ikkitino daafira qorobbe. 33Tenne gedee zayite seekkannohu woy tenne zayite haa're qeesicha ikkinokki manchira buurannohu, manni'ya ledo dikiiramanno› yiino» yiisi.
HIXAANA QIXXEESSINANNI GARA
34Kaaliiqi Musera, «Mimmito roortannokki gede assite su'niitanno qimamma, su'niitannota cocco'anno haphaayyo, eleellete giddonni fultanno shitto, su'niitanno haphaayyonna tanni yee su'naanno hixaana haadhe, 35shittote gede karsiinsoonni hixaana seekkite, filanna qullaawa ikkanno gede maxine wori. 36Shiima haadhe liiqeessite udulte Xaadu Dukkanira albaanni ate ledo xaadeemmowa giggishshi; konne hixaanano qorombanniha assi. 37Umi'nera kayinni kunni gari hixaanano seekkidhinoonte. Anera qullaawa ikkinota habbinoonte. 38Kunni su'niillira yee hattoo hixaana seekki'rannohu baalu manni'ya ledo dikiiramanno» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014