FULO 25
25
QULLAAWU DUKKANIRA YINE UYINANNI AFANSHA
(Ful 35:4-9)
1Kaaliiqi Musera, 2«Afansha abbannoe gede Israeelete mannira kuli; baxe aannohu baalu anganni afansha haa'ri. 3Haa'ratto afanshino: Culka, birra, camo, 4bule, xiillittenna duume shalo, seesallitte uddano, meu ordanni gannoonni imaana, 5duumo ge'rechu goga, cuukkinoonni goga, waaccote haqqa, 6caabbichu zayite, buudhinanni zayiteranna hixaanaho worrannita su'niitanno qimame, 7dilqa kincho, gagasu uddanonna gagasu kiise aana worranni shuraati. 8Ledonsa hee'reemmo gede qullaawa dukkana qassoena. 9Dukkananna giddo uduunne ani kuleemmohe garinni seekkisiisi.
GONDOORU TAABOOTA
(Ful 37:1-9)
10«Taaboota waaccote haqqinni seekkinona; seendille 2 cigilenna darate, baqo 1 cigilenna darate, hojjano 1 cigilenna darate ikkona. 11Giddoonninna gobbaanni fila culka xallite aanaannino culku xiyyo seekki. 12Shoole culku kasa seekkite, shoolente lekkara wori; lamenka widoonni lame lame kasa wori. 13Taaboota dunkanni dawaayye waaccote haqqinni seekkite aanaho culka xalli. 14Taaboota dunkanni dawaayye midaadoho noo kassa giddoonni qolte sayisi. 15Dawaayyu taabootu kassa giddo hee'rona; giddonni horonta fultoonke. 16Eemmoheta tonnenta hajajo borreessinoonnita lamenta bocame kinna Taabootu giddo woratto. 17Seendille 2 cigilenna darate, baqo 1 cigilenna darate ikkino tuana filu culkinni seekki; konne maarote barcimaati#25:17 maarote barcimaati yaa Ibiraawootu afiinni diwate woy keya ikko yaate; kuni qole Taabootu tuanira uyinoonni su'maati. yinanni. 18Daashshinoonni culkinni 2 kirubeeli misilla seekkite, maarote barcimira lamenka widoonni wori. 19Maarote barcimi ledo mitteenni, 1 misile mitto widoonni, layinki misile wole widoonni worte seekki. 20Tini misilla qoollansa ale qolte diriirsite, maarote barcima goltanno gede assi; albano mimmitu widira higgona; misillano alba maarote barcimi widira higgona. 21Maarote barcima taabootu aana wori; ani eemmoheta 2 bocame kinna aana borreessinoonnita tonnenta hajajono taabootu giddo wori. 22Hakkiicho ani atera leelleemmohe; Gondooru Taabooti aana noo misilla mereero hee're Israeelete mannira kulatto hajajo baala eemmohe.»
KAALIIQIRA SHIQINSHANNIHA TIMU FUSHSHAATE WORRANNI XARAPHEEZZA
(Ful 37:10-16)
23«Seendille 2 cigile, baqo 1 cigile, hojja 1 cigilenna darate ikkanno xarapheezza waaccote haqqenni seekki. 24Aanaho fila culka xallite, qaccuwate culku xiyyo wori; 25xiyyote qaccera seendille 1 qubbicho ikkitannota culku gooro wori; goorote qaccerano xiyyo wori. 26Shoole culku kasa wori; kassano shoolente maddera noo lekkuwara wori. 27Xarapheezza dunkanni dawaayye worranni gede, kassa goorote mule heedhona. 28Xarapheezza dunkanni dawaayye waaccotenni seekkite, aanaho culka xalli. 29Maaqquwanna tuanna, agattote fushshaate worranni xiltuwanna finiinna filu culkinni seekkite wori. 30Anera shiqinshanni timi wo'manka woyite xarapheezzu aana hoogoonke.
CAABBICHO WORRANNI UDUUNNICHO
31«Caabbicho worranni uduunnicho filu culkinni seekki; caabbicho worranni uduunnichira lekkasinna daabbasi daashshinoonni culkinni seekki. Seesu daraarcho, guntuwasinna qoolasi ledo mitteenni seekkinona. 32Caabbichu daabbi aana lamenka widoonni sase sase caabbiyye worranni sinna heedhona. 33Leente sinnara mitte mittentera guntuwunna qoolisi ledo sase sase kookete daraaro lawannori hee'ronsana. 34Daabbu aana, seesunniha 4 kookete daraaro lawannore guntubbatenna qoollate ledo wori. 35Sinna daabbu ledo xaaddinowa, mittu mittu guntuwi hee'rona. 36Guntuwanna sinna daabbunku ledo mitteenni filu daashshinoonni culkinni seekkinona. 37Lamalanta caabbiyye qixxeessite albiido xawissanno gede wori. 38Qarawanna baccicho filu culkinni seekki. 39Caabbicho worrannihanna ledosi uduunne baala, 35 kiilo culkinni seekkinona. 40Ilaalu aana leellishummohe garinni xiinxallite seekki.
Currently Selected:
FULO 25: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
FULO 25
25
QULLAAWU DUKKANIRA YINE UYINANNI AFANSHA
(Ful 35:4-9)
1Kaaliiqi Musera, 2«Afansha abbannoe gede Israeelete mannira kuli; baxe aannohu baalu anganni afansha haa'ri. 3Haa'ratto afanshino: Culka, birra, camo, 4bule, xiillittenna duume shalo, seesallitte uddano, meu ordanni gannoonni imaana, 5duumo ge'rechu goga, cuukkinoonni goga, waaccote haqqa, 6caabbichu zayite, buudhinanni zayiteranna hixaanaho worrannita su'niitanno qimame, 7dilqa kincho, gagasu uddanonna gagasu kiise aana worranni shuraati. 8Ledonsa hee'reemmo gede qullaawa dukkana qassoena. 9Dukkananna giddo uduunne ani kuleemmohe garinni seekkisiisi.
GONDOORU TAABOOTA
(Ful 37:1-9)
10«Taaboota waaccote haqqinni seekkinona; seendille 2 cigilenna darate, baqo 1 cigilenna darate, hojjano 1 cigilenna darate ikkona. 11Giddoonninna gobbaanni fila culka xallite aanaannino culku xiyyo seekki. 12Shoole culku kasa seekkite, shoolente lekkara wori; lamenka widoonni lame lame kasa wori. 13Taaboota dunkanni dawaayye waaccote haqqinni seekkite aanaho culka xalli. 14Taaboota dunkanni dawaayye midaadoho noo kassa giddoonni qolte sayisi. 15Dawaayyu taabootu kassa giddo hee'rona; giddonni horonta fultoonke. 16Eemmoheta tonnenta hajajo borreessinoonnita lamenta bocame kinna Taabootu giddo woratto. 17Seendille 2 cigilenna darate, baqo 1 cigilenna darate ikkino tuana filu culkinni seekki; konne maarote barcimaati#25:17 maarote barcimaati yaa Ibiraawootu afiinni diwate woy keya ikko yaate; kuni qole Taabootu tuanira uyinoonni su'maati. yinanni. 18Daashshinoonni culkinni 2 kirubeeli misilla seekkite, maarote barcimira lamenka widoonni wori. 19Maarote barcimi ledo mitteenni, 1 misile mitto widoonni, layinki misile wole widoonni worte seekki. 20Tini misilla qoollansa ale qolte diriirsite, maarote barcima goltanno gede assi; albano mimmitu widira higgona; misillano alba maarote barcimi widira higgona. 21Maarote barcima taabootu aana wori; ani eemmoheta 2 bocame kinna aana borreessinoonnita tonnenta hajajono taabootu giddo wori. 22Hakkiicho ani atera leelleemmohe; Gondooru Taabooti aana noo misilla mereero hee're Israeelete mannira kulatto hajajo baala eemmohe.»
KAALIIQIRA SHIQINSHANNIHA TIMU FUSHSHAATE WORRANNI XARAPHEEZZA
(Ful 37:10-16)
23«Seendille 2 cigile, baqo 1 cigile, hojja 1 cigilenna darate ikkanno xarapheezza waaccote haqqenni seekki. 24Aanaho fila culka xallite, qaccuwate culku xiyyo wori; 25xiyyote qaccera seendille 1 qubbicho ikkitannota culku gooro wori; goorote qaccerano xiyyo wori. 26Shoole culku kasa wori; kassano shoolente maddera noo lekkuwara wori. 27Xarapheezza dunkanni dawaayye worranni gede, kassa goorote mule heedhona. 28Xarapheezza dunkanni dawaayye waaccotenni seekkite, aanaho culka xalli. 29Maaqquwanna tuanna, agattote fushshaate worranni xiltuwanna finiinna filu culkinni seekkite wori. 30Anera shiqinshanni timi wo'manka woyite xarapheezzu aana hoogoonke.
CAABBICHO WORRANNI UDUUNNICHO
31«Caabbicho worranni uduunnicho filu culkinni seekki; caabbicho worranni uduunnichira lekkasinna daabbasi daashshinoonni culkinni seekki. Seesu daraarcho, guntuwasinna qoolasi ledo mitteenni seekkinona. 32Caabbichu daabbi aana lamenka widoonni sase sase caabbiyye worranni sinna heedhona. 33Leente sinnara mitte mittentera guntuwunna qoolisi ledo sase sase kookete daraaro lawannori hee'ronsana. 34Daabbu aana, seesunniha 4 kookete daraaro lawannore guntubbatenna qoollate ledo wori. 35Sinna daabbu ledo xaaddinowa, mittu mittu guntuwi hee'rona. 36Guntuwanna sinna daabbunku ledo mitteenni filu daashshinoonni culkinni seekkinona. 37Lamalanta caabbiyye qixxeessite albiido xawissanno gede wori. 38Qarawanna baccicho filu culkinni seekki. 39Caabbicho worrannihanna ledosi uduunne baala, 35 kiilo culkinni seekkinona. 40Ilaalu aana leellishummohe garinni xiinxallite seekki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014