FULO 23
23
HALAALAANCHO YOO
1«Kaphu odoo dudubbooti; afoottokkire coyidhe bunshe loosannoha keereensitooti. 2Bunshe loosannoha woy halaale dawisanno manni batinye la'e hoodensa hadhooti. 3Buximasi daafira yite buxichoho golante coyidhooti.
4«Baarigaarikki booto woy harricho bainoha afittoro massite uyisi. 5Giwannohe manchira harrichu hogowunku uwe nooha affe agurte sa'ootina kaa'lite kayisisi.
6«Yoote darga buxichu coye dawissooti. 7Beebba coyidhooti; ani busha loosannoha dikeereenseemmona, keeraancho mancho beebbatenni shitooti. 8Yoo yaanno manchira ille ballisse, keeraanchu qarramanno gede assitannona gubbo ittooti. 9Ki'neno Gibitsete gobbara manni gobba manna ikkitine heedhinoonni daafira, qarrammanni gara affinoonnina, manni gobba manna gadadissinoonte.
LAMALKI DIRONNA LAMALKI BARRA
10«Lee diro baatto'ne loosidhine gide gamba assidhe. 11Lamalki diro kayinni baatto fooliishshidhona gashshe. Hakko diro baattote aana fulinore buxane ittona gamba assidhinoonte; insawiinni gatinohano dubbu moyichi itona agurre. Ejedhe'nenna woyinete laalo'neno hattonni assitine agurre. 12Lee barra looso'ne loosidhe; handi'nenna harrichi'ne fooliishshi'ranno gede, borojji'neranna giddo'ne hee'rannohura manni gobba mannirano fooliishsho ikkanno gede lamalki barra fooliishshidhe. 13Yoommo'nere baala seekkitine agadhe; wole maganna huuccidhinoonte; su'mansano ga'nitinoonte.
SASE JAJJABBA AYYAANNA
(Ful 34:18-26; Mar 16:1-17)
14«Ane ayirrissinanniti dirunni 3 ayyaanna heedho'ne. 15Ani hajajoommo'ne garinni, Gibitsetenni fultinihura Abiibi yinanni aganira yinoonni barrinni Timu Ayyaana ayirrisse. Kunni ayyaaninni 7 barra shiishinokki tima ittinanni. Ane magansi'rate shiqqinanni yannara mulla anganni dagginoonte. 16Gide gamba assidhinanni yannara, umiha aatenni Gide Gamba Assi'rate Ayyaana ayirrisse.
«Diru goofimarchira laalo gamba assidhinanni yannara, Daasu Ayyaana ayirrisse.
17«Dirunni 3 hige labballu baalunku Mootichu Kaaliiqi albira shiqona.
18«Anera kakkaltinanni saada mundee ledo shiishino tima shiqishshinoonte. Tenne ayyaannara shiqinshanni coomino hashsha galoonke. 19Diru dirunkunni jajji'neha umiha qara laalcho ane Kaaliiqi Magani'ne minira haadhine abbe.
«Wilii'lichu maala amate adonni gaffinoonte.
UYINOONNI HEXXONNA BIDDISHSHA
20«Hadhinanna doogo towatanno'ne gedenna qixxeessoommo'ne dargirano haa're massanno'ne gede, sokkaasincho alba asse soyemmo'ne. 21Ane su'minni daannoha ikkino daafira, yaanno'neta seekkitine macciishshe; isira gara gibbinoonte. Gara gibbiniro dimararanno'ne. 22Isi yaanno gede ikkitinironna ane hajajo wonshitiniro, diini'nera diina ikkeemmo; gibbanno'nereno giweemmo. 23Sokkaasinchi'ya alba'neenni ha'ranni, Amooraawootu, Hitootu, Ferizootu, Kana"aanootu, Hiwootunna Iyaabuusootu gobba haa're massanno'ne; anino insa huneemmo. 24Magannansa magansidhinoonte; qoltineno soqqantinoontensa; loosinsarano karsantinoonte. Magannansa co'o assitine hunne. Magansidhannota sooddiyyensano hiiqqaqqe. 25Ane Magano'ne Kaaliiqa magansidhiniro, anino sagale'nenna waa'ne maassi'reemmo; dhibbano ki'newiinni hooleemmo. 26Gobba'ne meenti ilaweelo di"ikkanno; godowano dikisi'ranno; dirono seediseemmo'ne.
27«Qarrissanno'ne gosa balaxe waajjishiisheemmo; ki'ne ledo olantannore baala masiseemmo; diinna'ne baala badheegge xooqqanno gede asseemmo. 28Ki'nera balaxe alba qole harridiida#23:28 harridiida woy mogga yaate. soye, Hiwoota, Kana"aanootanna Hitoota albi'nenni shorreemmo. 29Ikkollana, baatto mulla ikkitanno daafiranna moyichu bati'ranno daafira, mittu dirinni hune digudeemmo. 30Ilantine batidhine baatto ragidhina geeshsha shiimu shiimunni fushshe gudeemmo. 31Danna'neno Duumu Baarinni Mediteraaniyu Baari geeshsha, halallitte gobbanni kayise Efiraaxisi Wayi geeshsha iillisheemmo. Baattote aana noore baala anga'nera sayise eenna albi'nenni shorritine huntinanni. 32Insanna magannansa ledo namoontinoonte. 33Magannansa magansidhineenna woshshaado ikkite ane aana sao assitinanni gede assitanno'nena, konne manna baatto'ne aananni hoo'le» yii.
Currently Selected:
FULO 23: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
FULO 23
23
HALAALAANCHO YOO
1«Kaphu odoo dudubbooti; afoottokkire coyidhe bunshe loosannoha keereensitooti. 2Bunshe loosannoha woy halaale dawisanno manni batinye la'e hoodensa hadhooti. 3Buximasi daafira yite buxichoho golante coyidhooti.
4«Baarigaarikki booto woy harricho bainoha afittoro massite uyisi. 5Giwannohe manchira harrichu hogowunku uwe nooha affe agurte sa'ootina kaa'lite kayisisi.
6«Yoote darga buxichu coye dawissooti. 7Beebba coyidhooti; ani busha loosannoha dikeereenseemmona, keeraancho mancho beebbatenni shitooti. 8Yoo yaanno manchira ille ballisse, keeraanchu qarramanno gede assitannona gubbo ittooti. 9Ki'neno Gibitsete gobbara manni gobba manna ikkitine heedhinoonni daafira, qarrammanni gara affinoonnina, manni gobba manna gadadissinoonte.
LAMALKI DIRONNA LAMALKI BARRA
10«Lee diro baatto'ne loosidhine gide gamba assidhe. 11Lamalki diro kayinni baatto fooliishshidhona gashshe. Hakko diro baattote aana fulinore buxane ittona gamba assidhinoonte; insawiinni gatinohano dubbu moyichi itona agurre. Ejedhe'nenna woyinete laalo'neno hattonni assitine agurre. 12Lee barra looso'ne loosidhe; handi'nenna harrichi'ne fooliishshi'ranno gede, borojji'neranna giddo'ne hee'rannohura manni gobba mannirano fooliishsho ikkanno gede lamalki barra fooliishshidhe. 13Yoommo'nere baala seekkitine agadhe; wole maganna huuccidhinoonte; su'mansano ga'nitinoonte.
SASE JAJJABBA AYYAANNA
(Ful 34:18-26; Mar 16:1-17)
14«Ane ayirrissinanniti dirunni 3 ayyaanna heedho'ne. 15Ani hajajoommo'ne garinni, Gibitsetenni fultinihura Abiibi yinanni aganira yinoonni barrinni Timu Ayyaana ayirrisse. Kunni ayyaaninni 7 barra shiishinokki tima ittinanni. Ane magansi'rate shiqqinanni yannara mulla anganni dagginoonte. 16Gide gamba assidhinanni yannara, umiha aatenni Gide Gamba Assi'rate Ayyaana ayirrisse.
«Diru goofimarchira laalo gamba assidhinanni yannara, Daasu Ayyaana ayirrisse.
17«Dirunni 3 hige labballu baalunku Mootichu Kaaliiqi albira shiqona.
18«Anera kakkaltinanni saada mundee ledo shiishino tima shiqishshinoonte. Tenne ayyaannara shiqinshanni coomino hashsha galoonke. 19Diru dirunkunni jajji'neha umiha qara laalcho ane Kaaliiqi Magani'ne minira haadhine abbe.
«Wilii'lichu maala amate adonni gaffinoonte.
UYINOONNI HEXXONNA BIDDISHSHA
20«Hadhinanna doogo towatanno'ne gedenna qixxeessoommo'ne dargirano haa're massanno'ne gede, sokkaasincho alba asse soyemmo'ne. 21Ane su'minni daannoha ikkino daafira, yaanno'neta seekkitine macciishshe; isira gara gibbinoonte. Gara gibbiniro dimararanno'ne. 22Isi yaanno gede ikkitinironna ane hajajo wonshitiniro, diini'nera diina ikkeemmo; gibbanno'nereno giweemmo. 23Sokkaasinchi'ya alba'neenni ha'ranni, Amooraawootu, Hitootu, Ferizootu, Kana"aanootu, Hiwootunna Iyaabuusootu gobba haa're massanno'ne; anino insa huneemmo. 24Magannansa magansidhinoonte; qoltineno soqqantinoontensa; loosinsarano karsantinoonte. Magannansa co'o assitine hunne. Magansidhannota sooddiyyensano hiiqqaqqe. 25Ane Magano'ne Kaaliiqa magansidhiniro, anino sagale'nenna waa'ne maassi'reemmo; dhibbano ki'newiinni hooleemmo. 26Gobba'ne meenti ilaweelo di"ikkanno; godowano dikisi'ranno; dirono seediseemmo'ne.
27«Qarrissanno'ne gosa balaxe waajjishiisheemmo; ki'ne ledo olantannore baala masiseemmo; diinna'ne baala badheegge xooqqanno gede asseemmo. 28Ki'nera balaxe alba qole harridiida#23:28 harridiida woy mogga yaate. soye, Hiwoota, Kana"aanootanna Hitoota albi'nenni shorreemmo. 29Ikkollana, baatto mulla ikkitanno daafiranna moyichu bati'ranno daafira, mittu dirinni hune digudeemmo. 30Ilantine batidhine baatto ragidhina geeshsha shiimu shiimunni fushshe gudeemmo. 31Danna'neno Duumu Baarinni Mediteraaniyu Baari geeshsha, halallitte gobbanni kayise Efiraaxisi Wayi geeshsha iillisheemmo. Baattote aana noore baala anga'nera sayise eenna albi'nenni shorritine huntinanni. 32Insanna magannansa ledo namoontinoonte. 33Magannansa magansidhineenna woshshaado ikkite ane aana sao assitinanni gede assitanno'nena, konne manna baatto'ne aananni hoo'le» yii.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014