FULO 15
15
MUSE FAARSO
1Hakkunni gedensaanni, Musenna Israeelete manni kunninni aante noo faarso Kaaliiqira faarsitu:
Faradonna faradaasine baaru giddo hune,
lowo qeelle uyinonkena,
Kaaliiqira faarseemmo.
2Kaaliiqa faarseemmohu wolqa'ya ikkinohuraati;
diini'ya anganni gatisinoehuno isooti.
Isi Magano'yaatina galaxxeemmosi;
anni'ya Maganootina, ayirrisi'reemmosi.
3Kaaliiqi gaaramannoho;
su'misino Kaaliiqaati.
4Ferioonita faradi gaarenna olantosi baaru giddo huni;
doorantinori gaadu hajajaano Duumu Baari giddo egemmante gattu.
5Diimete wayi aanansa kamballi yii;
kinchu gede hunda dirritu.
6Kaaliiqa, qiniiticho angakki,
ayirradotenna wolqaataamete;
diina gante butu assitanno.
7Aanakki ka'inore baala xirchikkinni hunitto;
hanqikki dirre giira galawa ittannohu gede assinsa.
8Foolikkinni waa mittowa duunitto;
lolahanni noohu gammalu gede hossi yee uurri;
diimete giddo noo baarino gei.
9Diinu, «Shorre amadeemmonsa;
jironsa beeqqeemmo;
halchoommoreno adheemmo;
bise'ya kou giddonni fushshe shakki asseemmonsa» yiino.
10Mitte higge foolootto fooli baaru giddo huninsa;
lowo wayi giddo kinchu gede ikkite egemmantu.
11Kaaliiqa, magannate giddo ate gedeehu ayi no?
Maala'linanni qullaambehu,
waajjishanno xirchihu,
dhagge loosannohu ate gedeehu ayi no?
12Qiniiticho angakki kayisittota,
baatto egemmitunsa.
13Bagamannokki baxillikkinni gatisoottoha mannakki haadhe fushshootto;
wolqakkinni, hee'rattowa qullaawu dargira haadhe ha'rootto.
14Daga tenne macciishshite, waajjite huxidhu;
Filisxeemootano waajjillu amadinsa.
15Edoomi roorrooti massu;
Moaabi wolqaataammi huxidhu;
Kana"aanootu daaqqu.
16Kaaliiqa, borojjimmatenni fushshoottohu mannikki,
sae ha'ra geeshsha, waajjillunna masillu amadinsa;
wolqakki waajjitino daafira, kinchu gede sammi yitu.
17Kunnira, ati mannakki haadhe ha'ratto;
ate ilaali aana massite worattonsa;
hakkuno hee'rattora doodhootto dargaati;
Qullaawu Mini angakki mintinoho.
18Kaaliiqa, ati hegere geeshsha moohatto.
MAARIYAAMI FAARSO
19Israeelete manni baaru giddoonni hige moola baatto kaxxanni fuli; Kaaliiqi kayinni Feriooni, faradi gaare, faradunna faradaasine baaru giddora e'uta, waa aanansa kamballi assi.
20Aarooni rodoo himanaancho Maariyaami dibbe haadhe fultuta, wolu meentino dibbe gananninna hechemmo kadanni hoodese fuli. 21Maariyaamino faarsitanni,
«Faradonna faradaasine baaru giddo hune,
qeelle haraqi'rinona Kaaliiqira faarse» yitu.
QARAARINO WAA
22Muse Israeele Duumu Baari giddoonni qole, Shuuri yinannita halallitte gobba haa're massi; 3 barra wo'ma halallitte gobbara hadhanni waa diafidhino. 23Maara yinanniwa iillitanno woyite, hakkiicho noo wayi qaraarannoha ikkino daafira aga didandiitino; konne darga Maara yinannihu iseraati. 24Mannuno, «Maa ango?» yaanni Musera gungumi. 25Museno Kaaliiqiwa hige raareenna, Kaaliiqi mitto haqqicho leellishisi; haqqicho haa're wayi aana tugita wayi coommi.
Hakkiicho Kaaliiqi heedhanno seera uyinsa; insano jife lainsa. 26Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.
27Hakkunni gedensaanni, ka'e Eliimi yinanniwa daggu; hakkiicho 12 wayi bu'anna 70 saattu haqqe no. Insano hakko wayi gama baxxisidhu.
Currently Selected:
FULO 15: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
FULO 15
15
MUSE FAARSO
1Hakkunni gedensaanni, Musenna Israeelete manni kunninni aante noo faarso Kaaliiqira faarsitu:
Faradonna faradaasine baaru giddo hune,
lowo qeelle uyinonkena,
Kaaliiqira faarseemmo.
2Kaaliiqa faarseemmohu wolqa'ya ikkinohuraati;
diini'ya anganni gatisinoehuno isooti.
Isi Magano'yaatina galaxxeemmosi;
anni'ya Maganootina, ayirrisi'reemmosi.
3Kaaliiqi gaaramannoho;
su'misino Kaaliiqaati.
4Ferioonita faradi gaarenna olantosi baaru giddo huni;
doorantinori gaadu hajajaano Duumu Baari giddo egemmante gattu.
5Diimete wayi aanansa kamballi yii;
kinchu gede hunda dirritu.
6Kaaliiqa, qiniiticho angakki,
ayirradotenna wolqaataamete;
diina gante butu assitanno.
7Aanakki ka'inore baala xirchikkinni hunitto;
hanqikki dirre giira galawa ittannohu gede assinsa.
8Foolikkinni waa mittowa duunitto;
lolahanni noohu gammalu gede hossi yee uurri;
diimete giddo noo baarino gei.
9Diinu, «Shorre amadeemmonsa;
jironsa beeqqeemmo;
halchoommoreno adheemmo;
bise'ya kou giddonni fushshe shakki asseemmonsa» yiino.
10Mitte higge foolootto fooli baaru giddo huninsa;
lowo wayi giddo kinchu gede ikkite egemmantu.
11Kaaliiqa, magannate giddo ate gedeehu ayi no?
Maala'linanni qullaambehu,
waajjishanno xirchihu,
dhagge loosannohu ate gedeehu ayi no?
12Qiniiticho angakki kayisittota,
baatto egemmitunsa.
13Bagamannokki baxillikkinni gatisoottoha mannakki haadhe fushshootto;
wolqakkinni, hee'rattowa qullaawu dargira haadhe ha'rootto.
14Daga tenne macciishshite, waajjite huxidhu;
Filisxeemootano waajjillu amadinsa.
15Edoomi roorrooti massu;
Moaabi wolqaataammi huxidhu;
Kana"aanootu daaqqu.
16Kaaliiqa, borojjimmatenni fushshoottohu mannikki,
sae ha'ra geeshsha, waajjillunna masillu amadinsa;
wolqakki waajjitino daafira, kinchu gede sammi yitu.
17Kunnira, ati mannakki haadhe ha'ratto;
ate ilaali aana massite worattonsa;
hakkuno hee'rattora doodhootto dargaati;
Qullaawu Mini angakki mintinoho.
18Kaaliiqa, ati hegere geeshsha moohatto.
MAARIYAAMI FAARSO
19Israeelete manni baaru giddoonni hige moola baatto kaxxanni fuli; Kaaliiqi kayinni Feriooni, faradi gaare, faradunna faradaasine baaru giddora e'uta, waa aanansa kamballi assi.
20Aarooni rodoo himanaancho Maariyaami dibbe haadhe fultuta, wolu meentino dibbe gananninna hechemmo kadanni hoodese fuli. 21Maariyaamino faarsitanni,
«Faradonna faradaasine baaru giddo hune,
qeelle haraqi'rinona Kaaliiqira faarse» yitu.
QARAARINO WAA
22Muse Israeele Duumu Baari giddoonni qole, Shuuri yinannita halallitte gobba haa're massi; 3 barra wo'ma halallitte gobbara hadhanni waa diafidhino. 23Maara yinanniwa iillitanno woyite, hakkiicho noo wayi qaraarannoha ikkino daafira aga didandiitino; konne darga Maara yinannihu iseraati. 24Mannuno, «Maa ango?» yaanni Musera gungumi. 25Museno Kaaliiqiwa hige raareenna, Kaaliiqi mitto haqqicho leellishisi; haqqicho haa're wayi aana tugita wayi coommi.
Hakkiicho Kaaliiqi heedhanno seera uyinsa; insano jife lainsa. 26Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.
27Hakkunni gedensaanni, ka'e Eliimi yinanniwa daggu; hakkiicho 12 wayi bu'anna 70 saattu haqqe no. Insano hakko wayi gama baxxisidhu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014