EFESOONI SOKKA 5
5
XAWAABBU GIDDO HEE'RA
1Maganu baxanno ooso ikkitinoonnihura, iso labbe. 2Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.#Ful 29:18; Far 40:6 lai. 3Qullaawu mannira hasiisannokkiha ikkinohura foorre woy saalimale ikkito woy busha yortoha ikka agurina, mereero'ne togoohu duduwu nafa horonta hee'roonke. 4Maganoho galata aa agurranna, saalu coyi woy balallete hasaawi woy afimala haariimo heedhoonke. Hattoo coyi ki'nera xaado diafi'rinoho. 5Foorannohu, woy saalsiisanno coye assannohu, woy hafuuraamu (hattoo manchi kaphu magano magansi'ranno), Kiristoosinna Maganu Gashshootira dargu hee'rannosikkita affe. 6Kunninni kainohunni hajajamannokki manni aana Maganu hanqi daanno daafira, ayino kaphu coyinni dogoonke'ne. 7Kunni daafira, hattoo manni ledo xaadu hee'roonke'ne. 8Ki'ne alba tunsichoho heedhinoonni; xa kayinni Mootichunni heedhinoonni. Kunnira, xawaabbu giddo hee'ranno manni gede ikkitine heedhe. 9Xawaabbu addi addi danchumma, keeraanchimmanna halaale baala laalanno. 10Mooticha hagiirsiisanno coyi maatiro buuxxine affe. 11Guma afi'rinokkihu tunsichu loosi ledo namoontinoonte; hatteentenni xawo fushshe. 12Hattoo manni maaxe assanno coye xawoho hasaawa nafa saalfachishshanno. 13Baalunku coyi xawaabbunniwa fulanno woyite, halaalaanchu danisi xawe leellanno. 14Xawaabbu baalanka coye xawise leellishanno. Kunnira:
«Ati goxxe noottohu baqqi yii!
Reyotennino kai!
Kiristoosi xawisannohena» yinoonni.
15Kunnira, hiitto ikkitine hee'ra hasiissanno'nero seekkitine affe. Egennaammu gede ikkinnina gowwootu gede ikkitine heedhinoonte. 16Kuni diri bushahona, afidhinoonni yanna baalate giddo dancha looso loosse.#Qol 4:5 lai. 17Mootichu hedo maatiro wodanche ikkinnina, gowwoota ikkitinoonte. 18Huntanno'nena woyinete xajje aggine dimbitinoonte. Hatteentenni Qullaawu Ayyaani wo'mo'ne. 19Faarsotenni, guwishshunninna ayyaanaame geewonni ki'ne ki'neneewa hasaabbe. Mooticha wodani'nenni guwissinanni faarse. 20Wo'manka woyite baalunku coyira Mootichinke Yesuusi Kiristoosi su'minni Magano Annanke galattesi.#Qol 3:16-17 lai.
MINAANNANNA MINAAMA
21Kiristoosi ayirrinyira yitine mimmiti'nera hajajantinannire ikke. 22Minu amuuwa! Mootichu Yesuusira hajajantinanni gede, minaanni'nerano hajajantinannire ikke. 23Kiristoosi bisosi ikkitinotera beetekiristaanete umoho. Qoleno Gatisaanchoseeti. Hattonni minaanni minaamara umoho. 24Beetekiristaane Kiristoosira hajajantannonte gede, mini amuuwino baalunku coyinni minaanninsara hajajamannore ikko. 25Minaannuwa! Kiristoosi beetekiristaane baxinonna isera umosi sayise uyinonte gede, ki'neno mini amuuwa'ne hakko garinni baxxe.#Qol 3:19; 1Phe 3:7 lai. 26Kiristoosi hatto assinohu beetekiristaane qullaawa assara hasi'reeti. Keereensannohuno qaalisi widoonni qole wayinni hayishsheeti. 27Xuru woy alba kolishshi'ra, woy hattoohu wolu bushu coyi aanase hee'rikkinni, qullaawanna arrasso nookki gaamaara asse umisiwa shiqishara yeeti. 28Minaannuwano uminsa manninate baxxanno garinni, mininsa amuuwano baxa hasiissannonsa. Minaamasi baxannohu umosi baxannoho. 29Kiristoosi beetekiristaanete assannonte gede, mannimmasi itisannotanna towatannota ikkinnina, mannimmasi giwannohu horonta dino. 30Ninkeno Kiristoosi bisooti. 31«Kunnira, mannu annasinna amasi agure, galtesi ledo mitto ikkanno; lamunku mitto biso ikkitanno» yine borreessinoonni.#Kal 2:24 lai. 32Kuni lowo geeshsha go'le noo halaaleeti. Hatto yeemmo woyite, Kiristoosirenna beetekiristaanennire coyi'reemmo. 33Kuni coyi ki'nerano hasiisannoho: Mittu mittunku galtesi umisi gede asse baxo. Galteno minaannase ayirrisso.
Currently Selected:
EFESOONI SOKKA 5: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
EFESOONI SOKKA 5
5
XAWAABBU GIDDO HEE'RA
1Maganu baxanno ooso ikkitinoonnihura, iso labbe. 2Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.#Ful 29:18; Far 40:6 lai. 3Qullaawu mannira hasiisannokkiha ikkinohura foorre woy saalimale ikkito woy busha yortoha ikka agurina, mereero'ne togoohu duduwu nafa horonta hee'roonke. 4Maganoho galata aa agurranna, saalu coyi woy balallete hasaawi woy afimala haariimo heedhoonke. Hattoo coyi ki'nera xaado diafi'rinoho. 5Foorannohu, woy saalsiisanno coye assannohu, woy hafuuraamu (hattoo manchi kaphu magano magansi'ranno), Kiristoosinna Maganu Gashshootira dargu hee'rannosikkita affe. 6Kunninni kainohunni hajajamannokki manni aana Maganu hanqi daanno daafira, ayino kaphu coyinni dogoonke'ne. 7Kunni daafira, hattoo manni ledo xaadu hee'roonke'ne. 8Ki'ne alba tunsichoho heedhinoonni; xa kayinni Mootichunni heedhinoonni. Kunnira, xawaabbu giddo hee'ranno manni gede ikkitine heedhe. 9Xawaabbu addi addi danchumma, keeraanchimmanna halaale baala laalanno. 10Mooticha hagiirsiisanno coyi maatiro buuxxine affe. 11Guma afi'rinokkihu tunsichu loosi ledo namoontinoonte; hatteentenni xawo fushshe. 12Hattoo manni maaxe assanno coye xawoho hasaawa nafa saalfachishshanno. 13Baalunku coyi xawaabbunniwa fulanno woyite, halaalaanchu danisi xawe leellanno. 14Xawaabbu baalanka coye xawise leellishanno. Kunnira:
«Ati goxxe noottohu baqqi yii!
Reyotennino kai!
Kiristoosi xawisannohena» yinoonni.
15Kunnira, hiitto ikkitine hee'ra hasiissanno'nero seekkitine affe. Egennaammu gede ikkinnina gowwootu gede ikkitine heedhinoonte. 16Kuni diri bushahona, afidhinoonni yanna baalate giddo dancha looso loosse.#Qol 4:5 lai. 17Mootichu hedo maatiro wodanche ikkinnina, gowwoota ikkitinoonte. 18Huntanno'nena woyinete xajje aggine dimbitinoonte. Hatteentenni Qullaawu Ayyaani wo'mo'ne. 19Faarsotenni, guwishshunninna ayyaanaame geewonni ki'ne ki'neneewa hasaabbe. Mooticha wodani'nenni guwissinanni faarse. 20Wo'manka woyite baalunku coyira Mootichinke Yesuusi Kiristoosi su'minni Magano Annanke galattesi.#Qol 3:16-17 lai.
MINAANNANNA MINAAMA
21Kiristoosi ayirrinyira yitine mimmiti'nera hajajantinannire ikke. 22Minu amuuwa! Mootichu Yesuusira hajajantinanni gede, minaanni'nerano hajajantinannire ikke. 23Kiristoosi bisosi ikkitinotera beetekiristaanete umoho. Qoleno Gatisaanchoseeti. Hattonni minaanni minaamara umoho. 24Beetekiristaane Kiristoosira hajajantannonte gede, mini amuuwino baalunku coyinni minaanninsara hajajamannore ikko. 25Minaannuwa! Kiristoosi beetekiristaane baxinonna isera umosi sayise uyinonte gede, ki'neno mini amuuwa'ne hakko garinni baxxe.#Qol 3:19; 1Phe 3:7 lai. 26Kiristoosi hatto assinohu beetekiristaane qullaawa assara hasi'reeti. Keereensannohuno qaalisi widoonni qole wayinni hayishsheeti. 27Xuru woy alba kolishshi'ra, woy hattoohu wolu bushu coyi aanase hee'rikkinni, qullaawanna arrasso nookki gaamaara asse umisiwa shiqishara yeeti. 28Minaannuwano uminsa manninate baxxanno garinni, mininsa amuuwano baxa hasiissannonsa. Minaamasi baxannohu umosi baxannoho. 29Kiristoosi beetekiristaanete assannonte gede, mannimmasi itisannotanna towatannota ikkinnina, mannimmasi giwannohu horonta dino. 30Ninkeno Kiristoosi bisooti. 31«Kunnira, mannu annasinna amasi agure, galtesi ledo mitto ikkanno; lamunku mitto biso ikkitanno» yine borreessinoonni.#Kal 2:24 lai. 32Kuni lowo geeshsha go'le noo halaaleeti. Hatto yeemmo woyite, Kiristoosirenna beetekiristaanennire coyi'reemmo. 33Kuni coyi ki'nerano hasiisannoho: Mittu mittunku galtesi umisi gede asse baxo. Galteno minaannase ayirrisso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014