EFESOONI SOKKA 1
1
1Maganu hedo garinni Kiristoosi Yesuusi soqqamaasincho ikkoommohu ani Phaawuloosi, Efesooni Katamira hee'rannohura qullaawaho, Kiristoosa Yesuusa ammanino mannira: 2Maganu Anninketi, Mootichinke Yesuusi Kiristoosi eltonna keeru ki'ne ledo hee'ro!
KIRISTOOSITA AYYAANAAME MAASSO
3Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo! 4Albasiinni qullaawootanna arrasso nookkire ikkine hee'neemmo gede, kalqe kalaqantukkinni Kiristoosinni doorinonke. Baxillisinni kainohunni, 5Yesuusi Kiristoosinni oososi ikkineemmo gede Maganu alba asse hirqino. 6Baxannoha Beettosi calla uyinonketera ayirrado eltosi daafira Magano galanto! 7Maganu elto wo'ma ikkitinohura, Beettisi Yesuusi mundeenni wodamme, cubbinkera maaro afi'noommo.#Qol 1:14 lai. 8Eltosino ninkera lede lede uyinonke. Hayyosinna egennosi baalatenni Maganu hedino hedo wonshino. 9Kiristoosi widoonni qole wonshara balaxe hedinoha dahaawe noo coye anfeemmo gede assino. 10Tini hedosi wo'mitannohu Maganu yiino yanna dagganno warooti. Hedosino gordohonna baattote noo coyi baalu mitteenni gamba yee, mittu Kiristoosi anga galanno yannaraati. 11Baalankare hedosi gede loosannohu Maganu, balaxe hedino garinni Kiristoosi widoonni qole mannasi ikkinammora doorinonke. 12Kuni ikkinohu, balanxe Kiristoosa hexxinoommori ninke, Maganu ayirrinye galatunni leellinsheemmo gedeeti. 13Ki'neno halaalunniha gatote qaale macciishshitine Maganu manna ikkitinoonni. Kiristoosa amma'nitineenna aa'nera hexxo uyino'nehunni Qullaawu Ayyaaninni sumudantinoonni. 14Maganu isire ikkitinore baala gudise wode wolassa geeshsha, Qullaawu Ayyaani iqqinkera uyinoonninke tajeeti. Kunnira Maganu ayirrinye galatunni leellinsho.
GALATANNA HUUCCATTO
15Kunnira, ani qole Mooticha Yesuusa amma'na'nenna qullaawa Maganu manna baala baxxinannita macciishshe, 16huuccatto'yanni qaaganni'ne ki'ne daafira Maganoho galata aa diaguroommo. 17Ayirradu Anni Mootichinke Yesuusi Kiristoosi Magani, leddine buuxxinannisi gede, egennonna go'lino coye leellishanno Ayyaana aanno'ne gede huucci'reemmo. 18Woshshino'ne hexxo hiittootero qullaawu manni ragi'rannohu ayirradu iqqi mageeshshi geeshsha lowohoro affinara wodani'ne ille xabbanno gede huucci'reemmo. 19Ninke ammannoommori giddo noo wolqa dannu nookkita bati'ra ikkitinota affinanni gede huucci'reemmo. Tini ninke giddo loossanno wolqa, 20Maganu Kiristoosi reyotenni kayise, gordu gobbara qiniitesiinni ofollanno gede assinote.#Far 110:1 lai. 21Kiristoosi gordoho qiniitesiinni ofollinohu, iimi gashshaano, roorrootu, wolqaataammunna mootoolla baalate aleenni gashshateeti. Isi tenne xa nooterano daggara noo alamera aliidiha ikkinoha ayirrado su'ma afi'rino. 22Wo'manka isi anga galanno gede asse, baalanka gashshanno gedenna beetekiristaaneteno umo ikkanno gede assinosi.#Far 8:6 lai. 23Beetekiristaane Yesuusi bisooti; iseno baalanka coye wo'mante doogonni wonshannohunni wo'ma ikkitino.#Qol 1:18 lai.
Currently Selected:
EFESOONI SOKKA 1: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
EFESOONI SOKKA 1
1
1Maganu hedo garinni Kiristoosi Yesuusi soqqamaasincho ikkoommohu ani Phaawuloosi, Efesooni Katamira hee'rannohura qullaawaho, Kiristoosa Yesuusa ammanino mannira: 2Maganu Anninketi, Mootichinke Yesuusi Kiristoosi eltonna keeru ki'ne ledo hee'ro!
KIRISTOOSITA AYYAANAAME MAASSO
3Gordu gobbara Kiristoosinni ayyaanaame maasso baala ee maassi'rinonkehu Mootichinke Yesuusi Kiristoosi Maganinna Anni galatamo! 4Albasiinni qullaawootanna arrasso nookkire ikkine hee'neemmo gede, kalqe kalaqantukkinni Kiristoosinni doorinonke. Baxillisinni kainohunni, 5Yesuusi Kiristoosinni oososi ikkineemmo gede Maganu alba asse hirqino. 6Baxannoha Beettosi calla uyinonketera ayirrado eltosi daafira Magano galanto! 7Maganu elto wo'ma ikkitinohura, Beettisi Yesuusi mundeenni wodamme, cubbinkera maaro afi'noommo.#Qol 1:14 lai. 8Eltosino ninkera lede lede uyinonke. Hayyosinna egennosi baalatenni Maganu hedino hedo wonshino. 9Kiristoosi widoonni qole wonshara balaxe hedinoha dahaawe noo coye anfeemmo gede assino. 10Tini hedosi wo'mitannohu Maganu yiino yanna dagganno warooti. Hedosino gordohonna baattote noo coyi baalu mitteenni gamba yee, mittu Kiristoosi anga galanno yannaraati. 11Baalankare hedosi gede loosannohu Maganu, balaxe hedino garinni Kiristoosi widoonni qole mannasi ikkinammora doorinonke. 12Kuni ikkinohu, balanxe Kiristoosa hexxinoommori ninke, Maganu ayirrinye galatunni leellinsheemmo gedeeti. 13Ki'neno halaalunniha gatote qaale macciishshitine Maganu manna ikkitinoonni. Kiristoosa amma'nitineenna aa'nera hexxo uyino'nehunni Qullaawu Ayyaaninni sumudantinoonni. 14Maganu isire ikkitinore baala gudise wode wolassa geeshsha, Qullaawu Ayyaani iqqinkera uyinoonninke tajeeti. Kunnira Maganu ayirrinye galatunni leellinsho.
GALATANNA HUUCCATTO
15Kunnira, ani qole Mooticha Yesuusa amma'na'nenna qullaawa Maganu manna baala baxxinannita macciishshe, 16huuccatto'yanni qaaganni'ne ki'ne daafira Maganoho galata aa diaguroommo. 17Ayirradu Anni Mootichinke Yesuusi Kiristoosi Magani, leddine buuxxinannisi gede, egennonna go'lino coye leellishanno Ayyaana aanno'ne gede huucci'reemmo. 18Woshshino'ne hexxo hiittootero qullaawu manni ragi'rannohu ayirradu iqqi mageeshshi geeshsha lowohoro affinara wodani'ne ille xabbanno gede huucci'reemmo. 19Ninke ammannoommori giddo noo wolqa dannu nookkita bati'ra ikkitinota affinanni gede huucci'reemmo. Tini ninke giddo loossanno wolqa, 20Maganu Kiristoosi reyotenni kayise, gordu gobbara qiniitesiinni ofollanno gede assinote.#Far 110:1 lai. 21Kiristoosi gordoho qiniitesiinni ofollinohu, iimi gashshaano, roorrootu, wolqaataammunna mootoolla baalate aleenni gashshateeti. Isi tenne xa nooterano daggara noo alamera aliidiha ikkinoha ayirrado su'ma afi'rino. 22Wo'manka isi anga galanno gede asse, baalanka gashshanno gedenna beetekiristaaneteno umo ikkanno gede assinosi.#Far 8:6 lai. 23Beetekiristaane Yesuusi bisooti; iseno baalanka coye wo'mante doogonni wonshannohunni wo'ma ikkitino.#Qol 1:18 lai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014