QOLASIYAASI SOKKA 3
3
KIRISTOOSINNI HAARO HEESHSHO AFI'NANNI
1Xa Kiristoosi ledo reyotenni ka'inoonniha ikki geeshsha, Kiristoosi Maganu qiniiteenni ofolle noowa iima gordoho nooriwa wodana'ne hakko gashshe.#Far 110:1 lai. 2Wo'manka woyite iima gordoho noo coye hedde ikkinnina, tenne gobbare heddinoonte. 3Ki'ne reyitinoonni; heeshsho'neno Kiristoosi ledo Maganunniwa dahaabbe no. 4Heeshsho'ne ikkinohu Kiristoosi leellanno yannara, ki'neno isi ledo ayirrinyunni leeltinanni.
AKKALANNA HAARO HEESHSHO
5Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti. 6Kunninni kainohunni Maganu hanqi hajajantannokki ooso aana daanno. 7Ki'neno kunni albaanni hajajantannokkiri ledo heedhine hattoo coye assitinanni keeshshitinoonni. 8Xa kayinni hanqo, aara, bunshe, xono, afimala hasaawa baala suume'nenni hunne. 9Mimmiti'ne ledo kapho coyidhinoonte. Akkala mannimma loosise ledo mulqitine tugginoonnina. 10Kalaqinohu daninni egennotenni haaroo'mitannota haaro mannimma uddidhe. 11Hakkiicho Giriikichunna Ayihudichu, barciminohunna barciminokkihu, allaggichunna fiixu borojjichu woy biilu dino. Kiristoosi kayinni wo'manko; wo'munku giddo no.
12Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe. 13Ki'ne ki'neneewa koffi yitinoonni coye baala cincatenni agurre. Kiristoosi agurino'nente gede, ki'neno mimmiti'nera agurre. 14Kuri duuchunku aleenni duuchanka xaadise, wo'ma mittimma aannoha baxille uddidhe. 15Mitte mannimma biso ikkitine woshshantinoonnihu keerehootina, Kiristoosi keeri wodani'nera mooho. Galatu mannano ikke. 16Maganu qaali wo'me hee'ro'ne; egenno baalatenni mimmito'ne rosiissenna seejje. Faarsotenni, guwishshunninna, geewotenni, Magano wodani'nenni galattinanni faarse. 17Magano Anna isinni galattinanni coyi'ratenni woy loosunni assitinannire baala Mootichu Yesuusi su'minni asse.
AMMA'NINO MINI MANNI HEESHSHO
18Ki'ne meento! Mootichu albaanni hasiisanno coye ikkino daafira minaanni'nera hajajamme. 19Ki'ne labballo! Minaama'ne baxxe; kakkachoota ikkitinoontensa. 20Ki'ne ooso! Mooticha hagiirsiisanno coye ikkino daafira, baalunku coyinni iltino'nerira hajajammensa. 21Ki'ne iltinoonniri! Dadillaamma ikkitannokki gede, ooso'ne caacceessitinoontensa. 22Ki'ne faantootu! Biilla'nera baalunku coyira hajajamme; insa hagiirsiissinara yitine leellamate ikkikkinni, taalu wodaninni Mooticha waajjitinanni ikkona. 23Assitinannire baala mannaho ikkikkinni Mootichu Yesuusira assitinannihu gede taalu wodaninni asse. 24Mootichuwiinni iqqa ba'raarshu gede assitine adhitinannita affinoonni. Soqqantinannihu Mootichu Kiristoosiraati. 25Maganu yoo dassannokki daafira, busha assannohuno loososi mixxanno.#Mar 10:17 lai.
Currently Selected:
QOLASIYAASI SOKKA 3: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
QOLASIYAASI SOKKA 3
3
KIRISTOOSINNI HAARO HEESHSHO AFI'NANNI
1Xa Kiristoosi ledo reyotenni ka'inoonniha ikki geeshsha, Kiristoosi Maganu qiniiteenni ofolle noowa iima gordoho nooriwa wodana'ne hakko gashshe.#Far 110:1 lai. 2Wo'manka woyite iima gordoho noo coye hedde ikkinnina, tenne gobbare heddinoonte. 3Ki'ne reyitinoonni; heeshsho'neno Kiristoosi ledo Maganunniwa dahaabbe no. 4Heeshsho'ne ikkinohu Kiristoosi leellanno yannara, ki'neno isi ledo ayirrinyunni leeltinanni.
AKKALANNA HAARO HEESHSHO
5Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti. 6Kunninni kainohunni Maganu hanqi hajajantannokki ooso aana daanno. 7Ki'neno kunni albaanni hajajantannokkiri ledo heedhine hattoo coye assitinanni keeshshitinoonni. 8Xa kayinni hanqo, aara, bunshe, xono, afimala hasaawa baala suume'nenni hunne. 9Mimmiti'ne ledo kapho coyidhinoonte. Akkala mannimma loosise ledo mulqitine tugginoonnina. 10Kalaqinohu daninni egennotenni haaroo'mitannota haaro mannimma uddidhe. 11Hakkiicho Giriikichunna Ayihudichu, barciminohunna barciminokkihu, allaggichunna fiixu borojjichu woy biilu dino. Kiristoosi kayinni wo'manko; wo'munku giddo no.
12Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe. 13Ki'ne ki'neneewa koffi yitinoonni coye baala cincatenni agurre. Kiristoosi agurino'nente gede, ki'neno mimmiti'nera agurre. 14Kuri duuchunku aleenni duuchanka xaadise, wo'ma mittimma aannoha baxille uddidhe. 15Mitte mannimma biso ikkitine woshshantinoonnihu keerehootina, Kiristoosi keeri wodani'nera mooho. Galatu mannano ikke. 16Maganu qaali wo'me hee'ro'ne; egenno baalatenni mimmito'ne rosiissenna seejje. Faarsotenni, guwishshunninna, geewotenni, Magano wodani'nenni galattinanni faarse. 17Magano Anna isinni galattinanni coyi'ratenni woy loosunni assitinannire baala Mootichu Yesuusi su'minni asse.
AMMA'NINO MINI MANNI HEESHSHO
18Ki'ne meento! Mootichu albaanni hasiisanno coye ikkino daafira minaanni'nera hajajamme. 19Ki'ne labballo! Minaama'ne baxxe; kakkachoota ikkitinoontensa. 20Ki'ne ooso! Mooticha hagiirsiisanno coye ikkino daafira, baalunku coyinni iltino'nerira hajajammensa. 21Ki'ne iltinoonniri! Dadillaamma ikkitannokki gede, ooso'ne caacceessitinoontensa. 22Ki'ne faantootu! Biilla'nera baalunku coyira hajajamme; insa hagiirsiissinara yitine leellamate ikkikkinni, taalu wodaninni Mooticha waajjitinanni ikkona. 23Assitinannire baala mannaho ikkikkinni Mootichu Yesuusira assitinannihu gede taalu wodaninni asse. 24Mootichuwiinni iqqa ba'raarshu gede assitine adhitinannita affinoonni. Soqqantinannihu Mootichu Kiristoosiraati. 25Maganu yoo dassannokki daafira, busha assannohuno loososi mixxanno.#Mar 10:17 lai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014