ዘዳ. 8
8
ወኼየ ገነ ይወርሼዬ ያዊትዛዝ
1«በኧያም ትረብሮኸማ ዝርማኹ ይበዛኸማ፥ እግዘር የድረ አባኹ ይብኖዌ የዝረኖ ገነ ትወርሶኸማ ኧኳ እያ ያብኩ ጫ እንም በርቴነት ቀረቦ። 2ታኸ እግዘር ያበናኸ ትዛዝ ትቅየ አትቅየኸማ በናኸ ያነ ዘንጋ ይሬ አኸ ይፈትንኼ በዝኽ በረኻ አርባ ዘበር እንም በመከራ ደን መምር ዮሰደናኸኸማ የትዘግድኸ። 3በጋጀ ትትስቄኸማ አመነናኸም፤ በኽም አን አኸምኸርኸም የድረ አባኸ ያንኻርኹዊ መና ይውሪ ተሰሜ ይወርድ ሸረት አበናናኹም፤ ዝካ ያመነ ሰብ ነብስወተታ ቅራዊምታነ ንበሮት ይዀለ እግዘር ቢዝረን ቃር እንም ባንኸሬ እማት በእንጄራ አንኸረኸማ ያትመርኼው። 4በዝም አርባ ዘበር ጅራኸ አናነቀ፤ ኤማተወሮት የቸነ ጄፋኸ አነፏን። 5አብየዴንታ ቀጣም ያትረቅኸማ ታኸ እግዘር የአኸ በቅጦት ያትረቀናኸኸማ ዝግድ። 6የት ባክብሮትም በትኸተሮትም የታኸ ይእግዘር ትዛዝ እንም ቀየ። 7ታኸ እግዘር ወኼ ስር ገነ ያገባኼ አቸነናኸም፤ ኽም ገነ ቶንደበንደኔም ተከፍተነ መደርም ይገዶ ሚንጭ የበር እኻም ነረቦ፤ 8ስኔም ኧኽርም የወይን ኧጨም ሸብራም ሮማ ይውሪ ኧጨም የዌራ ኧጨም ውየም የሜናወ መደሩ፤ 9በኽ ገነ ትትረብር ስርም ኤገድኸ፤ ሟኒም ኤነት ጅጓረ ኤሰራብኸ፤ ትምረታ ብረት ተከፍተነ መደርመታ መዳብ ይረኽዊቴ። 10ብየትኸ ትጥሼ፤ ዝኽ ስር ገነ ያበናኸ የታ እግዘራኸ ሽርት ታትቀንብሸ።
እግዘር ይትረሳኖ ሰብ ያትጬዮ ቃር
11«ታ እግዘራኸ ኤትረሳኸማ ተጤፕ፤ እያ ኧኳ ኤብኸ ጫም ቀየ። 12ብየትኸ ብትጠወም ወኼ ቤትም አርሽትኸ ብትረብርወ ግዝየ፥ 13የዋጋማኸ የጤማኸ ብዝነት ብርም ወርቅማኸ እንጐድም ዱንያማኸ እንም በበሳንኸ ግዝየ፥ 14ትቢተነ ኺትኸ በባሪነት ተረፐርኸወ ተግብፅ ገነ ያወጣናኸ ታ እግዘራኸ እንትረሳናኸ ተጤፕ። 15መርዝ ያነወ የሰርችረም ስት ጥፍርም በሜናወ ቢያትሸንፍ በኽ በረኻ ወሰደናኸም፤ ስርም እኻ ቤነወ በጠረቅ በረኻ ተትወ እምር እኻ ገደደንኸም፤ 16የድረ አባኸ ብየተበዊ ኤሪ ‹መና› ይውሪ ሸረት በኽ በረኻ አበናኸም፤ ይፈትርኸሜ ንቅ ምካት አቸነብኸም ባነ፤ ዝም ያመነወ በቀጥወ ይባርክኼ ሸምታነው፤ 17የኽየኸሬ ‹ደንገነ የኸር በገገና ጦናም ደረግሙ› ቤትኸ ስርም እምባኸ። 18ደንገነ ትኸሬ ጦናም ደረግም ያበናኸ ታ እግዘራኸ የኸረኸማ ኻር፤ ት ዝካ ያመነወታ ተድረ አባኸ ጋ የገፗን ርዳ ይቅዬ ኧዃ ስን በርቴነተታ የቈሜው። 19ታ እግዘራኸ ስርም እንትረሳናኸ፤ ትሰግድሎሜም ታኖሜም የቅሪኔ ይፍታኸ እንዠፐርኸ፤ ዝካ ብታሜ ጭን በውረም ትጠፋኸማ ኧኳ አትጬፕኸ። 20የታኸ ይእግዘር አንታዘዝኸ የኸሬ ይፍቴንየ ቦርኸ ዝር ቲፍታኼ ያነቦ አረማዊ ሰብ እንም ያጠፋኖኸማ አኸም ነቀረም ያጠፋኸቴ።
Currently Selected:
ዘዳ. 8: መቅጉ
Highlight
Share
Copy
Want to have your highlights saved across all your devices? Sign up or sign in
