ዘዳ. 5
5
አስር ትዛዝኽኖ
(ዘፃት 20፥1-17)
1ሙሴም የእስራኤል ገነ ሰብም እንም እማቴ ጠናኖምታነ ዝካ ባረኖም፥ «የእስራኤል ገነ ሰቦ! ኧኳ ኤብኹ ጫ እንም አጠሞም ስሞ፤ ገክሮም ስሞምታነ ዝኽ ትዛዝኽኖ ቀረቦዮ። 2ታ እግዘረንዳ በሲና ቈቶ ር ርዳ ገፓም፤ 3ርዳ የገፓ እማት ተድረ አባንዳ ቴኸርም ኧዃ ታነነ ቲናም ጋው። 4በኽም በቈቶታ ር ቢረድድ እሳት ደን ኸረምታነ ይፍት ይፍት አዝራናኹም፤ 5እያም በኽ ግዝየ ት ይብርኹ ቃር እንም ኡድኹዌ በአኹም ብእግዘርም ግብት ቈምም፤ አኹ እሳትታ በስረፎት የቈቶቴ ትወጦዌ አንሽኹ ባነ።
«እግዘርም ዝካ ባረም፥ 6‹ባርያ ኸርኸም ተገሳኸም ትትረብርወ ተግብፅ ገነ ያወጣከ እያ ታኸ እግዘርን፤
7« ‹ይያ ባንኸሬ ይእንጐድ ቅሪነ እንሰገድኸ፤
8« ‹በአፈርም ኸረም በሰሜ ዌም በአፈር ር ባነ እኻ ደንቲረብሮ በሟኒም ኤነት ምስል ቅሪነ አሚትኸ አትስግድሎ፤ 9እያ ታኸ እግዘር ንቃር ያተነ የኸርዄ ኧርም የቾቺሟኒም ኤነት ቅሪነ አትመርቦ፤ አትስግድሎ፤ እያ ይጠሮን እንም ኧቀጣ፤ ዘርመና ሶስትም አርበትም ግንድ ስን ኧትወጣ። 10ይረምዶንም ትዛዝመና ይቅረቦ ኽኖ ጭን በቅር ግንድ ስን የዘላለም ንማጅነተና አትየሽኖ።
11« ‹ይያ የታኸ ሽም እክም እንጠናኸ፤ እያሽመና እክም ይጠራታ እንም ኧቈጣን።
12« ‹እያ ታ እግዘራኸ ባዘዝከ ኤነት ሰምበት አክብር፤ ቅዱስ አን፤ 13ሜናኸ እንም ትቾትቦዌ ስድስት ከረ ነረቦንከ፤ 14ሰባተነ ከረ ጭን ይያ የታኸ ቅዱስ የኸረ የያት ከረው፤ በኽ ከረ ሟኒም ኤነት ሜና አትቾት፤ አኸም ኸርኸም ዴንማኸም፥ ሜነነማኸ ኸረም ዋጋማኸ በገናኸያነቦ የሰብ ገነ ሰብም ቢኸሮም ሟኒም ኤነት ሜና አቶቶ፤ ሜነነማኸ ያኸምኸማ ያሮ። 15በግብፅ ገነ በባሪነት ንበሮትማኹም እያ ታኹ እግዘር ባትየሸን ንቅ ደረግም ጦናም ያተነፍኩ ወኽራኹ ዝግዶ፤ ሰንበት ታከብሮዌ አዝኹ የኹ።
16« ‹እያ ታኸ እግዘር ባዘዝከ ኤነት አባማኸም አዶትማኸም አኽብድ፤ ዝካ ብታሜ እንም ወኼነት ይኽንኸሸ፤ እያ ብኒብኸ ገነ ጌፍ እድሜ ይምበርኸሸ።
17« ‹እንቀጠርኸ
18« ‹ተሟኒም ሰብ ጋጅር አትድምድ
19« ‹እንሰነቅኸ፤
20« ‹በሟኒም ሰብ በፍጥር አትመስክር፤
21« ‹ይእንጐድ ሰብ ምሽተታ፥ ቤተታ፥ ርስተታ፥ ሜነነታ፥ ዋጋታ፥ እማርመታም ኸረም ሟኒም ንብረተታ እንትሜነኸ።›
22«በቈቶ መደር በደመድኹ ግዝየ እግዘር ያኹ ይንማኹ ያበናኹ ትዛዝ ዝኸናሎ፤ ብሳትም ዱየ ጠነማ ቢመስር ዳበራም ኸረምታነ በርቅ ቃር በዝረ ግዝየ ያበናኹ ትዛዝ እማት ዝኸናሎ። ኽኖም በዄት በቈም በሽኳኰችዮ ይእምር ፅላት ጣፈም ይያ አቤም።
የሰብ ኽኖ ስኔፈ
(ዘፃት 20፥18-21)
23«ቈቶታ በእሳት በረደደ ግዝየ በጠነማ ደኔ ቃር በሰማኹ ግዝየ ዳነማኹም የጥብ ዳነማኹም ይዬንየ ቸነቦምታነ፥ 24ዝካ ባሮም ‹ብእሳት ደንኸረም ቲዝረ በሰማኔ ግዝየ ታ እግዘረንዳ ንቅነትመታም ክብርመታ የየም አትየሽንደም፤ እግዘር ባዝራን አን ሰብም ስን ኧያም ኸረም ይረብርኸማ በኧኳ ከረ አሽነም። 25የኽርምታነ ዛኽ ንቅ እሳት ይመርንዴ ይዀለ፤ ኧጋ የምር ንሞትኔ ንሽነ? ታ እግዘረንዳ ኻበም ቢዝረንደ ንሞትነኸማ ኻሮት ነረብንደ። 26ውረም የኸረ እግዘር ብእሳት ደኔ ኸረም በዝረንደ አን በኧያም የረፐረ ተሰብ ዘር ግብት አት ሰብ ስን ይንኸዊሸዌ? 27የኽየኸሬ ሙሴ! አኸ ተዘፐርም ውጣም ታ እግዘረንዳ ይብርኸ ቃር እንም ስማ፤ ተዘፐርም ት የባረናኸቃር እንም ኦድንደ፤ ይናም ንስማነም ንታዘዝነሽ።›
28«እግዘርም ዝካ ትትብሮን በሰሞ ግዝየ ዝካ ባሬም። ‹ዝኽ ሰብ የአኸ የዝረከቦከ ቃር እንም ሰማም፤ በሮትመና ውረምቃሩ፤ 29እንም ግዝየ ዝካ ቢያስቦ መምር ወኼቃር ባነ! እንም ግዝየ ቢያከብሮንም ትዛዝመና እንም ቢያመሮ እንም ዘንጋ የኽኖም የዘርመና የዘላላም ቦኼነት ይቴፕሎ ባነ። 30ኧዃም ወርም የዱከም ዱከመኔ ይገቦኸማ ኦድኖ። 31አኸ ጭን በመየኔ ም፤ እያም ጫመናም ትዛዝመና እንም ኤብኸቴ፤ እያ ብኒብኖ ገነ ዝኽ ጫም ትዛዝም ቅራቦም ይረብሮኸማ የሰብኽኖ አትመኖ።›
32«የእስራኤል ገነ ሰቦ! ታ እግዘራኹ ያዘዘናኹ እንም ታመሮዌ ተሽካከቶ፤ ተጫመታ አተታ ስን አታቅብሮ፤ 33እንም ቃር ቦኼነት ይቴፕንኹኸማ ብትወርሰዊም ገነ ጌፍ ኧድሜ ትረኽቦኸማ እግዘር ያዘዘናኹ እንም አምሮ።
Currently Selected:
ዘዳ. 5: መቅጉ
Highlight
Share
Copy
Want to have your highlights saved across all your devices? Sign up or sign in
