ዘዳ. 13
13
1«ነቢ ዌም በርዛዝ ኧር ይብር ሟኒም ሰብ ‹ወግ የኸረ ዘንጋ አሜቴ› ይብር ይኽርሸ፤ 2ዝመታ ያሜያነ ተዝ ይፍቴ አትሮዮ ቅሪኔ ይወስድኹዌ አሸምታነ ይኽርሸ፤ ት የዝረን ዘንጋ ውረም ኺተ ቢትረከብም፥ 3ስርም አትስመዊ፤ በውረም ናኹ ትረምደዊ በኸረ በፍትሮት ይሬ ታ እግዘራኹ ሸምታነ ይኽርሸ። 4ይእግዘር ተኸተረበዊ፤ የትም በስረፎት አክብረዊ፤ የት በታዘዞት ጫታ ቀረቦ፤ እማት የት ስግዶ፤ የትም ርቴ በኽሮት ንበሮ። 5በባሪነት ተረፐርኹ ተግብፅ ገነ በትዌጦት ነጣ ባወጣናኹ ቢእግዘር ር ትትረሶኸማ ያሜኹ በርዛዝ ይርታ ዌም ነቢይን ይብሮ እንም ቅጥሮዮ፤ የዝካ ሰብ እግዘር ያኹ ተቋመርኹምታነ ትረብሮኸማ ታዘዘናኹ ኤማ ይቤትርኹዌ ያሸቃሩ፤ አኹ ተዝኽ ጥጥ ቃር ተቅየም ትረብሮዌ ኽኽ ምስታ የጥሪ።
6«እንጐድ ቃር የደፋምታነ የአዶታኸ ኧርች የኸረ ጐፔያኸ ዴን ዌም ግሬዳኸ፥ ትረምድና ምሽታኸ ዌም ቤሻኸ ስን የድረ አባማኸ ኸረቦም አኸ ገግማኸ የዝ ይፍቴ ሰገድኸሎም አትኖ ቅሪነ ትሰግድሎኸማ በሽቸር ያትባቅር ይኽርሸ፤ 7ተኽኖ አተና ተርቤ ዌም በኧረቌ ይረብሮ አረማዊ ሰብ ይሰግዶሎ ቅሪነ ትሰግድሎኸማ ያጭኸ ይኽርሸ፤ 8የኽርምታነ ኧጠመም በጀታ ያገባኼ ኧጊ አትወን፤ ይዝረን ዘንጋ ስን አትስሟን፤ ምረትም ኸረም ወኼነት ባምሮት ነብሰታ ታተርፌ አትዥ። 9ወብለጥ ታትብር ይሞትኸማ አሚ፤ አቸም በት እምር በደንግሮት አኸ አብድር፤ እንመታ እማቴ በኽሮት ብእምር የጋም የጥን። 10ይሞት ስን ብምር ውገበዊ፤ ዝምየኸረወታ በባሪነት ተረፐርኹ ተግብፅ ገነ ነጣ ታወጣናኹ ተታኹ ቲእግዘር ይቤተርኹዌ ሸም፤ 11ተኽም አ የእስራኤል ገነ ሰብ እንም የኸረ ቃር ሰሞምታነ ይስረፎሸ፤ በኽ አን የኽ ኤነት ጥጥ ቃር ያሜ ሰብ በግብታኹ ኤረብር።
12«ታ እግዘራኸ ቢብኸ ከተማ ብትረብርወ ግዝየ፥ 13ተሰባኸ ግብት አታት ኤጠቅሞ ሰብ በከተማና ይረብሮ ሰብ አሳሰተቦምታነ ተዝ ይፍቴ ስግጅትኸሎ አትር ቅሪኔ ውስዶተና ትስማሸ ይኽርሸ። 14የዝኽ ኤነት ኦጀ ትትሰማ ግዝየ በጭነት አጪግ፤ ኽም ጥጥ የትቾተኸማ ውረም በኸረ፥ 15በኽ ከተማ ይረብሮ ሰብ ተዋጋና ጋ እንም ቅጥኖ፤ ኽም ከተማ ስርም አጥፏን። 16በኽ ከተማ ይረብሮ ሰብ ዱንያ እንም ደመድኸም ባተኖት በከተማታ አድባቤ ጥ ያሪኸማ አሚ፤ በኽም አን ከተማታም በትም ደን ያነቦ ሟኒም ዘንጋእንም ይእግዘር ኽትም አሚምታነ በእሳት መን፤ ዄተነ ኤያረሺኸማ የዘላለም አመድ የኽርም የቂ። 17ይጠፌ ተትፈንደወ ንብረት እንም ሟኒም ቃር የገጋኸ እናወናኸ። ዝካ ብታሜ ተርቅ ማተታ ይትዘፐርም ምረት ያሚንኸሸ፤ ት ያኸ ምረት ያሜ አ ይብር ታ ይኽርኸሸ፤ የድረ አባኸ ባበኖተስፋ ኤነት ዝረታ የበሳ ንቅ ሰብ ያሚኸሸ። 18ኧኳ እያ ያብከ ትዛዝ ብትቅየም ቢእግዘር ይፍቴ ጥየ የኸረ ዘንጋ ብታሜ ዝኽ ተስፋ በውረም ያሚንኸሸ።
Currently Selected:
ዘዳ. 13: መቅጉ
Highlight
Share
Copy
Want to have your highlights saved across all your devices? Sign up or sign in
