GARA WARRA ROOMAA 11

Araara Waaqayyoo Saba Israa'el Iratti

1Egaa ani nan gaafadha, Waaqayyo saba isaa gateeraa ree? Matumaa kun ta'uu hin danda'u! Ani ofii kootii nama Israa'el, sanyii Abrahaam gosa Benyaamiin keessaa tokko*. 2Waaqayyo saba isaa warra duraan dursee beekumsa isaatiin fo'ate hin ganne; waa'ee isa Eliyaas, Waaqayyoon Israa'elitti kadhatee, caaffanni qulqullaa'aan waan jedhu in beektu mitii*? 3Innoo, ?Gooftaa! Isaan raajota kee ajjeesaniiru; iddoowwan aarsaa kees diiganiiru; ana duwwaatu hafe, isaan jireenya koos balleessuu in barbaadu? jedhe*. 4Deebiin Waaqayyo isaaf kenne immoo maal ture? ?Ani namoota Ba'aaliif jilbeenfatanii hin sagadin kuma torba ofii kootiif hambifadheera? kan jedhu ture*. 5Bara si'anaas immoo akkasuma hambaan warra Waaqayyo ayyaana isaatiin fo'atee jiru*. 6Fo'amuun isaanii ayyaanaan erga ta'ee immoo, hojii isaaniitiin ta'uu hin danda'u; kanaa achi ayyaanni ayyaana ta'ee jiraachuu hin danda'u*!#1 Er 31:37; Filp 3:5; HoE 22:3 2 Far 94:14 3 1Mot 19:10,14 4 1Mot 19:18 5 9:27 6 4:4; Gal 3:18

7Egaa maal ta'inna laata ree? Warri Israa'el waan barbaadan argachuu in dadhaban; warri fo'aman argataniiru; warri kaan garuu in hadoodchifaman*. 8Akkuma caafamee jiru,

?Waaqayyo hafuura hadoodchu isaanitti fide,

hamma har'aattis ija hin arginee fi

gurra hin dhageenye isaaniif kenne*?.

9Daawitis akkasuma,

?Maaddiin isaanii furgaasaadhaa fi kiyyoo,

boolla itti qabamanii fi adaba isaanitti haa ta'u;

10akka isaan hin arginetti

iji isaanii haa dukkanaa'u,

dugdi isaaniis bara isaanii guutuu haa goopha'u? jedha*.

11Egaa ani nan gaafadha, gufachuun isaanii akka kufanii hafaniifi moo ree? Matumaa kun ta'uu hin danda'u; garuu irra-daddarbuu isaaniitiin, hinaaffaa garaa warra Israa'el keessaa dammaqsuudhaaf, warra Yihudoota hin ta'iniif fayyinni argame*. 12Egaa irra-daddarbuun isaanii biyya lafaatiif eebba erga badhaasee, hir'inni isaanii saba Yihudoota hin ta'iniif eebba erga badhaasee, warri Israa'el deebi'anii guutummaatti argamuun immoo hammam caalaa eebba haa ta'u laata*!#7 9:16,18,31; 2Qor 3:14 8 Kes 29:4; Isa 29:10; HoE 28:26-27 10 Far 69:22-23 11 10:19; HoE 13:46; Kes 32:21 12 Er 4:1-2

Fayyina Warra Saba Waaqayyoo Hin Ta'inii

13Ammas isin warra saba Waaqayyoo hin ta'inittan dubbadha; ani saba Waaqayyoo warra hin ta'iniif ergamaa akkuman ta'e, ergaa koo kanas ol ol nan qaba*. 14Kanaan Yihudoota qomoo koo hinaafsisee, isaan keessaa muraasa illee oolcha yoon ta'e nan dhama'a*. 15Gatamuun isaanii araaramuu biyya lafaa erga ta'ee, fudhatamuun isaanii immoo maal ta'inna laataa? Inni warra du'a keessaa ba'aniif jireenya ta'uuf jira*.#13 1:5 14 1Qor 9:20-22; 1Xim 4:16 15 His 37:1-28

16Bukicha irraa gar tokko buduqfamee Waaqayyoof kan qulqulleeffame yoo ta'e, guutummaan bukichaas kan qulqulleeffame in ta'a; hiddi muka tokkoos Waaqayyoof kan qulqulleeffame yoo ta'e, damoonni mukichaas kan qulqulleeffaman in ta'u*. 17Garuu damoota sana keessaa kaan irraa cabnaan, ati immoo inni akka damee ejersa diidaa, soora mukichi ejersaa sun qabu irraa hirmaachuudhaaf iddoo damoota cabaniitti itti fayyifamteetta*, 18damoota sanatti of hin jajin! Yoo of jajje garuu hiddichatu si qabee jira malee, ati hiddicha akka hin qabin yaadadhu*! 19Ati immoo, ?Akka ani iddoo isaaniitti fayyifamuuf damoonni sun irraa caccaban? in jetta ta'a. 20Ba'eessa jette; isaan amanti-dhabina isaaniitiif irraa caccaban. Ati garuu amanti-qabeenya keetiin jabaattee in dhaabatta; kanaafis sodaadhaan eeggadhu malee, waan guddaa of hin se'in*. 21Waaqayyo, damoota warra mukichattii dhalatan hin qusanne erga ta'ee, sis hin qusatu. 22Egaa gaarummaa fi humna Waaqayyoo yaadadhu! Warra irraa kufanitti hamaa dha, siif garuu gaarii dha; kunis yoo ati gaarummaa isaatti jabaatte duwwaa dha; kanaa achi atis immoo mukicha irraa in muramta*. 23Isaan immoo amanti-dhabina isaanii irraa yoo deebi'an, iddoo sanatti in fayyifamu; Waaqayyo deebisee itti isaan fayyisuudhaaf humna qaba*. 24Ati inni muka ejersa diidaattii dhalattee, isa irraa muramtee, muka ejersa qe'ee isa akka uumamaatti sittii gargar ba'etti, kan fayyifamte erga taatee, hammam caalaatti warri ittii dhalatan kun deebi'anii muka isaaniitti haa fayyifamani ree!#16 Lak 15:17-21 17 Efe 2:11-14 18 Yoh 4:22 20 Ibr 4:2; 1Qor 10:12 22 Yoh 15:2,4,6; Ibr 3:14 23 14:4; 2Qor 3:16

Araarri Waaqayyoo Hundumaaf Ta'uu Isaa

25Nutu gargar baasee hubate akka isin hin jenneef, dhoksaa dhugaa kana akka beektan nan barbaada, yaa obboloota ko! Innis immoo, mata-jabinni Israa'el keessaa gar tokkotti dhufe, hamma warri saba Waaqayyoo hin ta'in guutummaatti saba isaatti dabalamanitti malee, isaan irratti hin hafu*. 26Israa'elis guutummaatti in fayyifama; caaffanni qulqullaa'aan waa'ee isaatiif,

?Inni furu Xiyoonii in dhufa,

Waaqayyo malee jiraachuus

sanyii Yaaqoob keessaa in baasa*?;

27akkasumas,

?Yeroon cubbuu isaanii isaan irraa fuudhu,

kakuu koo kana isaaniif nan dhaaba? in jedha*.#25 Luq 21:24; Yoh 10:16 26 Isa 59:20-21; Far 14:7 27 Er 31:33-34

28Wangeela tuffachuu isaaniitiin Yihudoonni sababii keessaniif jedhanii akka diina Waaqayyootti in ilaalamu; fo'amuu isaaniitiin garuu sababii abbootaaf jedhanii Waaqayyo duratti in jaallatamu*. 29Kennaan Waaqayyoo, waamichi isaas hin geddaramu*. 30Isin kanaan dura Waaqayyoof abboomamuu diddanii turtan; amma garuu warri Yihudootaa abboomamuu waan didaniif araara Waaqayyoo argattaniittu*. 31Akkasuma immoo araara isa isin argattaniin, isaanis araara argachuudhaaf amma Waaqayyoof abboomamuu didan. 32Waaqayyo sanyii namaa hundumaaf araara kennuuf jedhee, namoota hundumaa abboomamuu diduu jalatti boojisiise*.#28 15:8; 1Tas 2:15-16 29 Lak 23:19; 1Sam 15:29 30 Tit 3:5 32 Gal 3:22; 1Xim 2:4

Galata Waaqayyoo

33Badhaadhummaan araara Waaqayyoo hammam guddata!

Ogummaan isaa fi beekumni isaa hammam gad fagaata!

Akka inni itti murtoo godhu,

namni qoree bira hin ga'u!

Karaa isaas namni faana dha'ee hin hubatu*!

34Caaffata keessatti iyyuu,

?Eenyutu takkaa yaada garaa Waaqayyoo beeka ree?

Yookiis eenyutu gorsa kennuufii danda'e ree*?

35Eenyutu waa isaaf kennee beeka ree?

Eenyutus waa isa dubbifata ree??

kan jedhu caafameera*.

36Wanta hundumaa Waaqayyotu uume;

wanti hundumtuu isaan in jiraata;

wanti hundumtuu isaaf in jiraata;

bara baraan isaaf galanni haa ta'u! Ameen*!#33 Isa 45:15; 55:8; Iyo 11:7-8 34 Isa 40:13; Er 23:18; Iyo 15:8; 1Qor 2:16 35 Iyo 41:11 36 16:27; 1Qor 8:6; 2Phe 3:18

Currently Selected:

GARA WARRA ROOMAA 11: MacQul

Highlight

Copy

Compare