MACAAFA FAARFANNAA 92
92
Waaqayyoon Qajeelummaa Hojii Isaatiif Jajanii Beeksisuu
(Faarfannaa; weedduu; guyyaa Sanbataaf)
1Waaqayyoof galata galchuun,
yaa isa hundumaa gara irraa jirtuu,
maqaa kee jajatanii faarfachuun maal maal gaarii dha*!
2Ganama gaarummaa kee,
halkanis amanamummaa kee himuun,
3sagalee mi'a ribuu kudhan qabuu fi kan kiraaraatiin,
sagalee maseenqootiinis dhageessisuun gaarii dha.
4Ati yaa gooftaa, gocha keetiin na gammachiifteetta,
hojii harka keetti gammadee nan faarfadha!
5Hojiin kee attam guddaa dha, yaa Waaqayyo,
yaadni kees maal maal gad fagoo dha*!#1 147:1 5 104:24; Isa 55:9
6Wallaalaan kana hin beeku,
gowwaanis kana hin hubatu.
7Warri jal'oonni akka margaa biqila yoo tolan iyyuu,
warri hamaa godhan hundinuus yoo daraaran iyyuu,
isaan raawwatanii balleeffamuuf jiru*.
8Ati garuu, yaa gooftaa!
Bara baraan hundumaa gara irraa dha.
9Ilaa kaa, diinota kee yaa gooftaa!
Ilaa diinonni kee lafa irraa in badu,
warri hamaa godhan hundinuus in bittimfamu!#7 Fak 24:19-20
10Ati garuu gaanfa mataa kootii,
akka gaanfa gafarsaatti ol anaaf kaafte,
dibata ho'aas na dibde*.
11Iji koo gad deebii diinota koo in arga,
gurri koos waca warra hamoota
ana irratti ka'anii in dhaga'a.#10 23:5
12Namni qajeelaan akka muka meexxii biqila in tola,
akka gaatiraa Libaanosis ol in guddata.
13Isaan akka biqiltuu mana Waaqayyoo keessa dhaabamanii,
oobdii gooftaa keenyaa keessatti in lalisu.
14Dulluma keessa iyyuu ija in godhatu,
isaan yeroo hundumaa jiidha qabu, in lalisus*.
15Kun qajeelina Waaqayyoo in hima;
inni kattaa koo ti, isa bira immoo jal'inni hin jiru*.#12-14 1:3; 52:8 15 Kes 32:4
Currently Selected:
MACAAFA FAARFANNAA 92: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
