MACAAFA FAARFANNAA 90
90
Macaafni inni Afuraffaan
(Kadhata Musee nama Waaqayyo)
(Faarfannaa 90?106)
Waaqayyo Danda'aa Bara Baraa Ta'uu Isaa
1Yaa gooftaa, ati dhalootaa hamma dhalootaatti,
iddoo kooluu itti gallu nuuf taateetta.
2Tulloonni utuu iddoo isaaniitti hin dhalatin
lafti, guutummaan biyya lafaas
utuu hin argamin,
bara baraa jalqabee hamma bara baraatti
ati Waaqayyoo dha.
3Ati,<<Yaa ijoollee namootaa,
achitti deebi'aa>> in jetta,
namas deebiftee biyyoo isa in goota*.
4Waggaan kumni tokko,
siif akkuma guyyaa kaleessa darbee ti,
akkuma darabee dammaqa halkanii tis*.
5Ati namoota hartee in dabarsita,
isaan akka hirriba ganama nama irraa darbuu ti;
isaan akka marga iddoo isaatii baduu ti;
6Margi ganama lalisee in daraara,
galgala mataa buusee in coollaga*.#3 Uma 3:19; Far 146:4 4 2Phe 3:8 5-6 103:15-16; Isa 40:6-7; Iyo 14:2; 1Phe 1:24-25
7Nuyi dheekkamsa keetiin naasifamnee,
aarii keetiinis dhumneerra.
8Ati irra-daddarbaa keenya of dura,
cubbuu keenya isa dhoksaatti hojjennes
ifa fuula kee dura keesseetta*.
9Guyyoonni keenya hundinuu
nuyi dheekkamsa kee jala utuu jirruu darban,
akkuma isa yeroo hafuura dheeraa baafannuttis,
waggoota keenya in fixna.
10Barri jireenya keenyaa waggaa torbaatama,
yoo baay'ates waggaa saddeetama;
wanti isaan keessaa guddaatti lakkaa'amus
dadhabbii fi rakkina,
isaan dafanii in darbu
nuyis baallee baafnee in sokkina.#8 19:12
11Humni aarii keetii eenyutti dhaga'ama>>
Akka ulfina guddaa isa siif ta'utti,
dheekkamsa kee isa guddaa eenyutu hubata ree>>
12Nuyi ogummaa garaatti akka galfannutti,
ati guyyoota jireenya keenyaa lakkaa'uu nu barsiisi*!#12 39:4-6
13Hamma yoomiitti dheekkamta>> Deebi'i, yaa gooftaa!
Garboota keetiif oo'i*!
14Bara keenya guutuu gammannee akka ililchinutti,
ati ganama gaarummaa keetiin nu quufsi!
15Akkuma guyyoota baay'ee nu gaddisiifte,
akkuma waggoota baay'ee itti hamaa argines,
amma immoo nu gammachiisi!
16Hojiin kee garboota keetti,
guddinni kees ijoollee isaaniitti akka mul'atu godhi!
17Waaqayyo keenya gooftichi faara nutti haa tolu,
inni hojii harka keenyaas cimsee nuuf haa dhaabu!
Eyyee hojii harka keenyaa cimsii dhaabi!#13 13:1-2
Currently Selected:
MACAAFA FAARFANNAA 90: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
