MACAAFA FAARFANNAA 86
86
Rakkinaan Qoramanii Keessaa Ba'uuf Karaa Kadhachuu
(Kadhata Daawit)
1Yaa Waaqayyo, ani gadadamaa dha dhabaa dhas,
gurra kee gara kootti qabi, na jalaa owwaadhus!
2Ani siif of kenneera ati lubbuu koo baraari,
garbicha kee isa si amanatu ati gargaari!
Ati Waaqayyo koo ti!
3Ani guyyaa guutuu gara keetti nan iyya,
ati araara anatti argisiisi, yaa gooftaa!
4Ani hawwa lubbuu koo gara keetti
ol nan kaafadha, yaa gooftaa,
ati lubbuu garbicha kee gammachiisi!
5Yaa gooftaa, ati gaarii dha,
jaalala keetiinis namaaf
cubbuu isaa in dhiifta,
warra si waammatan hundumaafis
gaarummaan kee in baay'ata*.
6Yaa Waaqayyo, kadhata koo gurratti fudhadhu,
isa ani sitti himachuuf iyyus
yaadaan anaaf qabi!
7Ati waan anaaf owwaattuuf,
ani guyyaa rakkina kootti sin waammadha*.#5 103:3 7 50:15
8Waaqayyolii keessa kan akka kee
tokko illee hin jiru, yaa gooftaa!
Waan hojjetame keessaas
kan akka hojii kee hin jiru*.
9Sabni ati uumte hundinuu in dhufu,
fuula kee durattis in gombifamu, yaa gooftaa!
Maqaa keetiifis ulfina in kennu*.
10Ati guddaa dha, hojiin kees dinqisiisaa dha,
si'uma duwwaatu Waaqayyo!#8 135:5; Bau 15:11 9 96:7-10; Mul 15:4
11Ani siif amanamee akkan deddeebi'utti,
yaa Waaqayyo, karaa kee na barsiisi,
maqaa kee safeeffachuufis nama garaa tokkichaa na godhi*!
12Yaa Waaqayyo gooftaa ko,
ani garaa koo guutuudhaan sin galateeffadha,
bara baraanis maqaa keetiif ulfina nan kenna.
13Gaarummaan ati ana argisiifte guddaa dha,
ati lubbuu koo boolla lafa jalaa
isa gad fagoo keessaa baafteetta*.#11 25:4; Yoh 14:6 13 30:3
14Yaa Waaqayyo,
warri gad-dhiisatti jiraatan ana irratti ka'an,
gareen warra nama sodaachisaniis
jireenya koo balleessuu in barbaadu;
isaan kun of dura si hin buufanne.
15Ati garuu yaa gooftaa,
Waaqayyo oo'a-qabeessaa fi araara-qabeessa;
aariitti suuta jetta,
gaarummaan kee fi amanamummaan kee immoo guddaa dha*.
16Gara kootti gara gali, araara anatti argisiisi,
humna kee garbicha keetiif kenni,
ilma garbittii keetiis oolchi!
17Milikkinni gaarummaa kee
ana irratti akka argamu godhi,
yaa Waaqayyo, akka ati na gargaarte,
akka ati na jajjabeessites,
warri ana jibban arganii haa yeella'an.#15 103:8; Bau 34:6
Currently Selected:
MACAAFA FAARFANNAA 86: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
