MACAAFA FAARFANNAA 84
84
Gara Mana Waaqayyoo Yaaduu
(Geggeessituu warra faarfatootaaf; kun kiraara guddaadhaan yookiis akka qooqa faarfannaa kanaan dura beekame tokkootti faarfatame; faarfannaa ilmaan Qoraahi)
1Yaa Waaqayyo gooftaa maccaa,
iddoon buufata kee maal maal namatti tolaa!
2Lubbuun koo oobdii mana Waaqayyoo yaaddee in gaggabdi!
Lubbuun koo fi foon koo Waaqayyo isa jiraataatti
gammadanii in ililchu*.#2 42:1-2
3Yaa Waaqayyo gooftaa maccaa, mootii koo Waaqayyo koos,
iddoo aarsaa keetti dinbiitiin illee mana,
girrifnis mann'ee
cuucota ishee keessa kaa'attu argatte;
4warri mana kee keessa jiraatanii,
yeroo hundumaas jajuu kee faarfatan haa gammadan*!#4 84:10; 23:6; 65:4
5Namoonni gara mana keetti adeemuu
garaa keessaa qabaatanii
si biraa humna argatan, haa gammadan*!
6Isaan yeroo dachaa gogee nama boosisu keessa adeeman,
iddoo sana lafa bishaan burqu in godhatu;
bokkaan inni dura roobus
eebba isa irra in diriirsa*.
7Isaan caalaa humna godhachaa in adeemu,
tulluu Xiyoon gubbaatti
fuula Waaqayyoo duratti in argamu.#5 122:1 6 Isa 41:17-20
8Yaa Waaqayyo gooftaa maccaa, kadhata koo anaaf dhaga'i,
yaa Waaqayyo isa kan Yaaqoob, gurra kee as qabi!
9Yaa Waaqayyo, gara gaachana keenyaa ilaali,
fuula isa dibdee moosiftees ilaali*!#9 2:6
10Iddoo biraa guyyaa kuma tokko ooluu irra,
oobdii kee keessa guyyaa tokko ooluu wayya;
godoota jal'inaa keessa taa'uu koo irra,
balbala mana Waaqayyo koo dura ijaajjuu nan fo'adha*.
11Waaqayyo gooftaan biiftuu dha, gaachanas;
inni ayyaana, ulfinas in kenna;
gooftichi wanta gaarii ta'e
warra balleessaa malee deddeebi'an duraa hin hambisu*.
12Yaa Waaqayyo gooftaa maccaa,
namni si amanatu gammachuu attamii qaba!#10 27:4 11 97:11; Isa 60:19
Currently Selected:
MACAAFA FAARFANNAA 84: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
