MACAAFA FAARFANNAA 80
80
Kadhata Deebitee Dhaabamuu Israa'el
(Geggeessituu warra faarfatootaaf; kun dhugaa ba'uudhaaf akka qooqa faarfannaa isa <<Daraaraa>> jedhameetti faarfatame; faarfannaa Asaaf)
1Yaa tiksee Israa'el,
ati inni Yoseefin akka hoolotaa geggeessite, dhaggeeffadhu!
Ati inni teessoo kee isa Kiruubel baatan irra jirtu,
ifa kee keessaan mul'adhu*!
2Efreem, Benyaamiinii fi Minaasee duratti,
jabina keetiin ka'i, nu gargaaruudhaafis kottu!
3Deebisii nu dhaabi, yaa Waaqayyo!
Nuyi akka fayyinuttis fuulli kee nuuf haa ibsu*!#1 18:10; 2Sam 6:2; Far 74:1 3 31:16
4Yaa Waaqayyo gooftaa maccaa,
hamma yoomiitti kadhata saba keetti aartaa*>>
5Ati buddeena imimmaanii isaan nyaachifte,
imimmaanis qodaa guddaatti akka dhugan in goote.
6Sabni ollaa keenyaa nu irratti akka wal qoccolan goote,
diinonni keenyas nutti in gai'su*.
7Yaa Waaqayyo isa kan maccaa, deebisii nu dhaabi!
Nuyi akka fayyinuttis fuulli kee nuuf haa ibsu!#4 13:1-2 6 44:13-14
8Ati muka waynii biyya Gibxiitii buqqiftee fiddee,
saba warra kaan isa duraa ooftee baafte,
isa immoo in dhaabde*.
9Ati lafa isaa cirtee qulleessiteef,
innis hidda gad fageeffatee biyyicha in guute.
10Gaadidduun isaa tulloota golge,
damoonni isaas mukeetii gaatiraa gurguddaa gaaddiseessaniiru.
11Damoota isaa hamma galaanaatti,
lataa isaas hamma laga Efraaxiisitti in diriirfate*.
12Yoos immoo maaliif dallaa naannoo isaa ture diigdee,
namni amma karaa sana darbu hundinuu
mukicha irraa akka ciratu goote ree>>
13Bortoleen caakkaa keessaa ba'ee isa in balleessa,
bineensi bakkee sana keessa adeemu hundinuus
isa in nyaata.#8 Kes 26:8-9; Isa 5:1-7; Er 2:21 11 Hos 10:1
14Yaa Waaqayyo isa kan maccaa, amma as gara gali,
waaqa irraa gad ilaali, ijaanis qabi!
Muka waynii kanaaf dhimmi!
15Muka harki kee mirgaan dhaabe kana,
biqiltuu isa ofii keetiif guddifatte kanas eegi!
16Ibiddaan isa gubaniiru, isa muraniiru;
isaan immoo ifata fuula keetiin haa badan*!
17Namicha isa harki kee mirgaa jiraachise,
ilma namaa isa ofii keetii guddifatte,
harka irra qabi!
18Yommus nuyi matumaa si irraa gara hin gallu;
nuyis maqaa kee in waammanna,
ati jireenya nuuf kenni!
19Yaa Waaqayyo gooftaa maccaa, deebisii nu dhaabi,
nuyi akka fayyinuttis fuulli kee nuuf haa ibsu!#16 His 15:2-4
Currently Selected:
MACAAFA FAARFANNAA 80: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
