MACAAFA FAARFANNAA 67
67
Waaqayyoon Barakata Isaatiif Jajuu
(Geggeessituu warra faarfatootaaf; faarfannaa mi'a ribuu qabuun faarfatame; weedduu)
1Waaqayyo araara nutti haa argisiisu,
nu haa eebbisus!
Fuula ifaadhaanis nu haa ilaalu*!#1 Lak 6:24-25; Far 31:16
2Kanaanis yaa Waaqayyo,
karaan ati hojjettu, lafa irratti,
fayyisuun kees saba lafa irraa keessatti haa beekamu!
3Namoonni galata siif haa galchan, yaa Waaqayyo!
Namoonni walitti qabaan isaanii
galata siif haa galchan!
4Ati qajeeltootti namoota waan bulchituuf,
saba hundumaas lafa irratti waan geggeessituuf,
sabni lafa irraa haa gammadu,
gammaduu irraa kan ka'es haa faarfatu!
5Namoonni galata siif haa galchan, yaa Waaqayyo!
Namoonni walitti qabaan isaanii
galata siif haa galchan!
6Lafti midhaan baaseera,
Waaqayyo gooftaan keenya nu eebbiseera*;
7Waaqayyo nu eebbiseera,
andaara lafaa keessa kan jiran hundinuu
isa haa sodaatan!#6 65:9
Currently Selected:
MACAAFA FAARFANNAA 67: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
