MACAAFA FAARFANNAA 65
65
Waaqayyoon Kennaa Isaa Hundumaaf Jajachuu
(Geggeessituu warra faarfatootaaf; faarfannaa Daawit; weedduu)
1Yaa Waaqayyo,
Xiyoon irratti faarfannaadhaan si jajachuun in ta'a,
wareegnis siif in baafama.
2Yaa isa kadhata namaa dhageessuu!
Namni foon uffate hundinuu,
cubbuu isaa wajjin gara kee in dhufa.
3Irra-daddarbaan keenya humna nu caaleera,
ati garuu yakka keenya nuuf in dhiifta.
4Namni ati fo'atte
oobdii mana kee keessa akka buufatuufis
inni ati ofitti buttu haa gammadu!
Wanta gaarii isa mana kee
mana qulqullummaa keessatti argamuun in quufna*.
5Yaa Waaqayyo ati nu oolchita,
hojii isa guddaa sodaachisaadhaan
qajeelummaadhaan deebii nuuf kennita;
andaara lafaa hundumaaf
galaanota fagoo jiraniifis ati amanannaa isaanii ti.
6Ati mi'a jabinaa hidhattee,
humna keetiin tulloota dhaabde;
7huursaa galaanaa fi huursaa dha'aa isaa,
waca namoota lafa irraas gab jechisiifta.
8Warri andaara lafaa jiraatan,
milikkita argisiisuu kee irraa kan ka'e in sodaatu,
lafa ganama biiftuun baatee
galgala biiftuun lixutti,
sagaleen gammachuu akka dhaga'amu in goota.#4 23:6; 63:2-3; 84:2-5; Kes 4:7
9Ati laficha in ilaalta,
waan hundumaa irraa hafaa in laattaaf,
guddiftes isa in badhaafta;
lagni ati kenniteef bishaan guutuu qaba,
namootas midhaan in argachiifta;
akkas gootee qopheessiteetta.
10Bo'oo lafichaa bishaan baay'ee in obaafta,
bungulluu isaas in bulleessita;
tiifuudhaan isa in laafifta,
biqila isaas in barakachiifta.
11Waggicha wanta gaarii si biraa dhufeen in gonfita,
gara ati adeemtuttis faanni kee cooma in rooba;
12lafti qoddiin coomee margi isaa in labbeessa'a,
gaaronnis akka waan mudhii isaaniitti hidhatanii ti,
sagaleen gammachuu naannoo isaaniitti in dhaga'ama.
13Hoolonni bakkee isaa uffisaniiru,
dachaa keessattis midhaan lafa dhokseera,
hundumti isaaniis
sagalee gammachuu dhageessisanii in faarfatu*.#9-13 67:6; 104:10-15
Currently Selected:
MACAAFA FAARFANNAA 65: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
