MACAAFA FAARFANNAA 5
5
Geggeeffamuu Fi Eegamuu Warra Waaqayyoon Amanatanii
(Geggeessituu warra faarfatootaaf, kun ululleedhaan faarfatame; faarfannaa Daawit)
1Yaa Waaqayyo, gurra kee gara dubbii kootti qabi,
isa ani hasaasee sitti himadhus
yaadatti anaaf fudhadhu!
2Ani sin kadhadha yaa mootii ko,
yaa Waaqayyoo ko, sagalee iyya kootii dhaggeeffadhu!
3Yaa Waaqayyo ganama sagaleen koo
si biratti in dhaga'ama,
ganama ofii koo siif nan qopheessa,
gara kees nan ilaala.
4Ati yaa Waaqayyo, isa jal'inni itti tolu miti'o,
hamaanis si bira hin buufatu.
5Warri of jajanis ija kee dura hin dhaabatan,
warra wanta waa'ee hin baafne hojjetan
hundumaas in jibbita.
6Warra soba dubbatan lafa irraa in balleessita,
Waaqayyo warra dhiiga namaa dhangalaasanii fi
warra nama wallaalchisan in ciigga'a.
7Ani garuu gaarummaa kee isa baay'eedhaan
gara mana keetti ol galuun anaaf kennameera;
ulfinaan si sodaachuudhaanis,
gara mana qulqullummaa keetti gara galee
kufee siif nan sagada*.
8Yaa Waaqayyo,
sababii warri adeemsa koo caqasan jiraniif,
ati qajeelummaa keetiin na geggeessi!
Karaa kees fuula koo duratti anaaf qajeelchi!#7 134:2; 138:2
9Afaan warra akkasii keessaa dubbiin dhaabataan hin ba'u,
keessa mar'umaan isaanii badiisatu jira,
afaan isaaniitiin gara awwaala banamaatti nama geessu,
arraba dhadhaa dibatanii in dubbatu*.
10Egaa isaan si irratti ka'aniiru,
yaa Waaqayyo, yakkitoota ta'uu isaanii beeksisi!
Isaan haa kufan, mareen isaaniis lafatti haa hafu!
Baay'ina irra-daddarbaa isaaniitiif
bakkeetti isaan gati!#9 Rom 3:13
11Warri kooluu sitti galan hundinuu garuu haa gammadan,
bara baraanis haa ililchan!
Ati warra maqaa kee jaallatan waan eegduuf;
isaan sitti haa gammadan!
12Yaa Waaqayyo, ati nama qajeelaa in eebbifta,
tolli kees karaa hundumaa gaachana in ta'aaf.
Currently Selected:
MACAAFA FAARFANNAA 5: MacQul
Highlight
Copy
Compare
Share
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
